تصريح السفر وتصريح العمل

[WELL-DONE]

االسلام عليكم ورحمة الله وبركاته

استفسار من اهل الخبرة

الحمد لله استلمت تأشيرة عمل للسعودية يوم 8/5/2014 الموافق الخميس كنت عايز اعمل تصريح العمل

وحاجة تانية انا مكتوب ليا فى الحواز فى سن التجنيد بس والحمدلله استلمت شهادة الاعفاء النهائى ومش محتاج تصريح سفر من التجنيد تانى بس عايز اعرف هل الجهاز المميكنة له ختم بيضاوى ولا اعمل ايه ؟

وشكرا

[متبهدل مع كفيلي]

بالنسبة لتصريح العمل ، متعملوش ملوش لازمة

على أسوأ الظروف لو حب يرخم عليك هيقولك اعمله فى المطار ، فى ربع ساعه تستلمه ولا وجع راس

[حسين امبابي]

بالنسبة لتصريح العمل ، متعملوش ملوش لازمة

على أسوأ الظروف لو حب يرخم عليك هيقولك اعمله فى المطار ، فى ربع ساعه تستلمه ولا وجع راس

كلام صحيح 1000000%

[مهندس تحكم]

جواز السفر الحديث بيكتبلك غير مطلوب للتجنيد...في اول صفحة ايلي فيها كل بياناتك و صورتك الشخصية..من غير اختام

ربنا يوفقك

[waaaf]

كلام المتبهدل وحسين والمهندس صحيح