وظيفة مدير مراجعة و الرد غداً

[سيد عبده]

السلام عليكم و رحمة الله .. اهل المنتدى الكرام

تم الأتصال بى من أحدى الشركات بجدة بخصوص وظيفة (مدير حسابات أو مدير مراجعة و تدقيق ) . تمت المقابلة فى مصر بأحد مكاتب

السفريات منذ 10 أيام .. و نجحت فى الاختبارات و مؤهل لأى من الوظيفتين .. مع العلم اننى لم اسافر من قبل خارج مصر .. و بسؤالى عن الحد الأدنى للراتب اللى

ممكن اطلع عليه قولتلهم لا يقل عن 7000 ريال اساسى غير شامل بدل السكن و السيارة

و اليوم اتصلوا بى و كان عرضهم 6000 ريال شامل كل حاجة .. طبعاً اعترضت .. الغريبة انهم جددوا العرض فى نفس المكالمة و اصبح 7000 ريال شامل كل

حاجة و منتظرين منى الرد غداً

العرض هو اساسى 5200 ريال ،، 1300 ريال بدل سكن (25%) ،، 520 ريال بدل انتقال (10%) بدون ذكر السيارة ... ليصبح الشامل 7000 تقريباً

و قال لى ده متوسط العروض الموجودة فى السعودية طبقاً لسوق العمل ..

مش عارف حاسس ان عندى دوار بحر ... افيدونى افادكم الله

* هل المبلغ اللى انا طلبته يعتبر جيد لمدير المراجعة .. انا قيمته من الناحية الشخصية (يعنى حسب احتياجاتى و التزاماتى) ؟؟

* سفر الزوجة و الاولاد فى اجازة المدارس السنوية فقط على الاقل اول سنتين ثم الاستقرار بعد ذلك ..

* هل المبلغ اللى عارضينه فعلاً هو من يستحقه مدير المراجعة ؟؟؟

مع العلم انى اطلعت على الكثير من مواضيع المنتدى مثل متوسط النفقات و المصروفات و متوسط الرواتب للمحاسبين و الوظائف الأخرى و هكذا و لكنى لم اتوصل لمرتب ( مدير مراجعة) ..

[Monzer Ismael]

مبدئيا العرض كويس ---- لو صدقوا ,,, طبعا انت مذكرتش مهنة التاشيرة ولا مؤهلك وسنوات الخبرة..

انت تقدر تقييم الراتب الى يصلح ليك من خلال خبراتك وفنفس الوقت عقد العمل مش كله راتب ,,, لازم يبقى فى مميزات زى تامين ليك وللزوجة ولطفلين وشهر اجازة مدفوع الراتب مع التذاكر ..

والعقد يكون جاى مختوم وممضى بختم الشركة ومتصدق غرفة تجارية بصحة توقيع الشركة وتمضى انت عليه بنفسك وتخليه معاك لان ده الى هيضمن حقك هناك ..

[MZohairy]

لو خبرتك في حدود خمس سنين ماشي

اكبر من كده يبقى راتب ضعيف

[MZohairy]

مدير مراجعه مرتبه حسب الشركه

ممكن 4000 اساسي

و ممكن 60 الف اساسي

بس عموما لو خبرتك 10 سنين يبقى اقل حاجه 10 الاف اساسي غير السكن و الانتقال

[سيد عبده]

مبدئيا العرض كويس ---- لو صدقوا ,,, طبعا انت مذكرتش مهنة التاشيرة ولا مؤهلك وسنوات الخبرة..

انت تقدر تقييم الراتب الى يصلح ليك من خلال خبراتك وفنفس الوقت عقد العمل مش كله راتب ,,, لازم يبقى فى مميزات زى تامين ليك وللزوجة ولطفلين وشهر اجازة مدفوع الراتب مع التذاكر ..

والعقد يكون جاى مختوم وممضى بختم الشركة ومتصدق غرفة تجارية بصحة توقيع الشركة وتمضى انت عليه بنفسك وتخليه معاك لان ده الى هيضمن حقك هناك ..

أستاذ Monzer فعلاً ماكلمونيش على مهنة التأشيرة بس اكيد مش هاقبل بغير مسمى الوظيفة الحقيقى . متشكر للتنبيه .. لكن هل فى تأشيرة ممكن تطلع مدير مراجعة ولا بتطلع محاسب فقط ؟

بالنسبة للمميزات الاخرى شهر اجازة مدفوع الاجر، تذكرة ، استقدام للزوجة ، تأمين (بس محددش انا فقط ولا الاسرة كمان) هاتكد من الموضوع ده ..

سؤال : ما المقصود بكلمة لو صدقوا ؟؟؟

تم تعديل 12 مايو 2014 بواسطة سيد عبده

[سيد عبده]

مدير مراجعه مرتبه حسب الشركه

ممكن 4000 اساسي

و ممكن 60 الف اساسي

بس عموما لو خبرتك 10 سنين يبقى اقل حاجه 10 الاف اساسي غير السكن و الانتقال

استاذ mzohairy شكراً لأهتمامك بالرد ... انا خبرتتى 9 سنوات (رئيس حسابات والقائم باعمال مدير المراجعة ) فى احدى شركات الاستيراد و التصدير ثم 6 سنوات (مدير مراجعة) بأحدى الشركات المساهمة الكبرى فى مصر يعنى 15 سنة فى مجال المراجعة ... صحيح انا لاقيت مرونة مع مكالمة اليوم من جدة .. بس مش عارف مكالمة غداً ماذا سيكون المصير .. و انا أجد فى عرض ال7000 ريال شامل كل شىء انه فعلاً عرض ضعيف

[MZohairy]

استاذ mzohairy شكراً لأهتمامك بالرد ... انا خبرتتى 9 سنوات (رئيس حسابات والقائم باعمال مدير المراجعة ) فى احدى شركات الاستيراد و التصدير ثم 6 سنوات (مدير مراجعة) بأحدى الشركات المساهمة الكبرى فى مصر يعنى 15 سنة فى مجال المراجعة ... صحيح انا لاقيت مرونة مع مكالمة اليوم من جدة .. بس مش عارف مكالمة غداً ماذا سيكون المصير .. و انا أجد فى عرض ال7000 ريال شامل كل شىء انه فعلاً عرض ضعيف

يعني حضرتك 15 سنه خبره اجماليه

اذا العرض اقل ما يوصف به انه.....زفت

الا اذا

كانت ظروفك في مصر اسوأ و مضطر لقبول العرض

انت مستواك (لو الانجليزي بتاعك كويس و الإكسيل) يخليك تاخد 15 الف اساسي غير السكن و الانتقال و التأمين الصحي للعائله و تذاكر سنويه للعائله

[AbuZeyad]

يعني حضرتك 15 سنه خبره اجماليه

اذا العرض اقل ما يوصف به انه.....زفت

الا اذا

كانت ظروفك في مصر اسوأ و مضطر لقبول العرض

انت مستواك (لو الانجليزي بتاعك كويس و الإكسيل) يخليك تاخد 15 الف اساسي غير السكن و الانتقال و التأمين الصحي للعائله و تذاكر سنويه للعائله

موافق على هذ الكلام

عرض لا يتناسب مع ارتفاع الاسعار في السعودية

لمعلوماتك السكن حالياً لاسرة في جدة في حدود 25000 ريال سنويا علشان تلاقي حاجة نضيفة تعيش فيها وتستاهل غربتك

[Monzer Ismael]

الا اذا كانت ظروفك في مصر اسوأ و مضطر لقبول العرض..

اتفق مع الجملة دى جدا..

تعليقا على كلمة --- لو صدقوا --- يعنى العقد جالك متوثق غرفة تجارية ومختوم يبقى التعامل كده قانونى وكمان ميبقاش اى بنود غلسه فالعقد زى تلت شهور تجربة ويحق للطرف الاول فسخ العقد بدون اخطار للطرف التانى او تعويض فخلال فترة التجربة ,,,, وتراجع كل بنود وترتيبات فسخ العقد وتحديد مكافئة نهاية الخدمة وفى حالة استقالة الطرف التانى وما يترتب عليه من الطرفين ,,,, الحجات دى كلها ممكن تقرفك بعدين لو مخدتش بالك منها من دلوقتى..

عموما بقولها لحضرتك تانى انت الى تقدر تحدد اذا كانت الفرصة تناسبك ولا لا ,, قيم اوضاعك هنا واحسبها هناك..

ولو قررت تروح عالعرض ده انصحك تطلب عقد سنة واحده بس ولو طلبوا تجديد اشترط المبلغ الى يناسب خبراتك ساعتها لانك هتبقى دخلت فالمؤسسة وعرفت المرتبات والمراكز الوظيفية واهتميتها وفهمت سوق العمل هناك..

وتقبل مرورى اخى الحبيب ,,