كفتة الفراخ ( لذيذة مووووووت )

[aynad]

[align=center]

بسم الله الرحمن الرحيم

السلام عليكم ورحمة الله وبركاته،،

الطريقة دي انا علي طووول بعملها وممكن تتعمل ساندوتشات

جربوها و ادعولي ..

المقادير:

فرخة مسلوقة

3 بطاطس متوسطة مسلوقة

3 بيض

بقسماط

الطريقة :

اخلي الفراخ بعد سلقها وحطيها في الكبة و بعدين تحطي عليها البطاطس برضه في الكبة

يعني تفرمي الاتنين مع بعض , بعد ما يتفرموا حتلقيها عملة زي العجينة.

خدي قطعة من العجينة و اعمليها زي الفلفلاية بططيها و بعدين حطها في البيض و بعدين في البقسماط و بعدين اقليها .. ممكن تتعمل بجانب الاكلة الرئيسية ..

و بالهنا و الشفا :blink: :D[/align]

تم تعديل 4 يونيو 2005 بواسطة aynad

[Osha]

شكلها احلى من اللي عملتها قبل كده

اللي عملتها قبل كده فرمت الفراخ نية بعدين عملتها زي العصاج وبعدين خلطتها بالبطاطس - نجرب دي ونشوف

شكرا يا نوده وسلمي على دودي وبودي وبوسيهم كمان

[bodda]

وصفه حلوه يا ايناد

بس ممكن برضه بطريقة أوشا

بس لازم الفراخ تتفرم نيه ومعاها فلفل وملح وعصير ليمون وتتساب ساعه

بعد كده تتخلط بالبطاطس المسلوقة ونكمل

تسلم ايدك

ومساء الفل

:blink:

[aynad]

شكلها احلى من اللي عملتها قبل كده

اللي عملتها قبل كده فرمت الفراخ نية بعدين عملتها زي العصاج وبعدين خلطتها بالبطاطس - نجرب دي ونشوف

شكرا يا نوده وسلمي على دودي وبودي وبوسيهم كمان

ميرسي يا اوشا يا حبيبتي

وحبقي اجرب طريقتك و اشوف حيكون طعمها ايه

ودودي و بودي بيبوسوكي كتييييير

و بوسيلي نهال و محمد 3 بوسات

[aynad]

وصفه حلوه يا ايناد

بس ممكن برضه بطريقة أوشا

بس لازم الفراخ تتفرم نيه ومعاها فلفل وملح وعصير ليمون وتتساب ساعه

بعد كده تتخلط بالبطاطس المسلوقة ونكمل

تسلم ايدك

ومساء الفل

يا مساء الورد و الياسميين

مش ممكن بودا موجود هنا معقولة بيتعلم مني الاكل هههههههههههه

والله نورت يا بودا يلا اتعلم روح هات ورقة وقلم و تعالي اكتب الوصفات هههههه

[Salwa]

مش بقول لكم ؟؟؟

طريقة شرح الأكلات بالطريقة دى بتعجبنى وبتشجعنى انى انا ايضا اقول لكم بعمل كفتة الفراخ ازاى ؟؟؟

- نفرم صدور الدجاج ....( نية )....( تلاتة اربعة مثلا ) ..

-نفرم بقدونس ..

- نفرم بصلة فرم ناعم .

- نخلط الجميع ...

- نضيف له بقسماط مدقوق ...وملح وفلفل .

- نضيف له عدد 2 بيض .

يعمل كور صغيرة ويقلى فى الزيت ...

اذا اردنا عمل صلصة خاصة ...فهى كالآتى :

- 2 فص ثوم مفرى ..

- كوب صلصة .

- ملعقتين خل تفاح.

نحمر الثوم ونضيف له عصير الطماطم وملعقتين الخل ثم نضع به الكفتة المتحمرة وتغلى لمدة دقيقتين فقط ....

وبالهنا والشفا

على فكرة برضه ...

طريقة عمل كفتة اللحم بنفس الطريقة يعنى بدل فراخ مفروم يبقى لحم مفروم ..........

فيه طريقة تانية خالص لعمل كفتة الفراخ ...جميلة جدا ..

دى بتكون كما قلتوا ...فراخ مسلوقة ..مفرومة .

نعمل باشميل ..عادى ..يعنى ملعقة دقيق نحمره شوية ونضيف الحليب مع التقليب المستمر ثم نضع ملح وفلفل ..

نخلط الفراخ مع الباشميل ونضيف عدد 2 بيض ..

نعمل كور (( بملعقتين )) .........؟؟ يعنى تضعوا شوية فى ملعقة ثم تقلبوها فى الملعقة الاخرى وهكذا ..

ضعها فى البقسماط المدقوق ...

ويقلى فى الزيت ...................تحفةةةةةةةةة..

وبرضه ...بالنسبة للاطفال بيحبوها جدا جدا ...

ممكن نعملها مع السمك برضه ..

ومع اللحم المفروم ..

كفاية كدة ....تصبحوا على خير ..

[شاعرالرومانسية]

تسلم الايادى يا شباب .. :blink: تصدقوا كدة انتوا عملتوة حاجة لذيذة قوى ..ان كل واحد قال طريقته لاعداد كفتة الفراخ ودة خلانى افكر فى فكرة حلوة ....

اننا نختار كل مرة اكلة وكل واحد يقول طريقته فى اعدادها .. وبكدة يبقى عندنا ارشيف لطرق عديدة لكل اكلة مما يفيدنا كما انه حيفيد الزباين جدااااااا :D

اية رأيكوا بقىىىىىىىىىى :D

[aynad]

[ALIGN=center]

مش بقول لكم ؟؟؟

طريقة شرح الأكلات بالطريقة دى بتعجبنى وبتشجعنى انى انا ايضا اقول لكم بعمل كفتة الفراخ ازاى ؟؟؟

- نفرم صدور الدجاج ....( نية )....( تلاتة اربعة مثلا ) ..

-نفرم بقدونس ..

- نفرم بصلة فرم ناعم .

- نخلط الجميع ...

- نضيف له بقسماط مدقوق ...وملح وفلفل .

- نضيف له عدد 2 بيض .

يعمل كور صغيرة ويقلى فى الزيت ...

اذا اردنا عمل صلصة خاصة ...فهى كالآتى :

- 2 فص ثوم مفرى ..

- كوب صلصة .

- ملعقتين خل تفاح.

نحمر الثوم ونضيف له عصير الطماطم وملعقتين الخل ثم نضع به الكفتة المتحمرة وتغلى لمدة دقيقتين فقط ....

وبالهنا والشفا

على فكرة برضه ...

طريقة عمل كفتة اللحم بنفس الطريقة يعنى بدل فراخ مفروم يبقى لحم مفروم ..........

فيه طريقة تانية خالص لعمل كفتة الفراخ ...جميلة جدا ..

دى بتكون كما قلتوا ...فراخ مسلوقة ..مفرومة .

نعمل باشميل ..عادى ..يعنى ملعقة دقيق نحمره شوية ونضيف الحليب مع التقليب المستمر ثم نضع ملح وفلفل ..

نخلط الفراخ مع الباشميل ونضيف عدد 2 بيض ..

نعمل كور (( بملعقتين )) .........؟؟ يعنى تضعوا شوية فى ملعقة ثم تقلبوها فى الملعقة الاخرى وهكذا ..

ضعها فى البقسماط المدقوق ...

ويقلى فى الزيت ...................تحفةةةةةةةةة..

وبرضه ...بالنسبة للاطفال بيحبوها جدا جدا ...

ممكن نعملها مع السمك برضه ..

ومع اللحم المفروم ..

كفاية كدة ....تصبحوا على خير ..

تسلم ايدك يا رب يا سلوي علي الطرق الهايلة دي

خلينا نجرب الوصفات الجديدة دي

تسلميلي يا رب

[aynad]

[ALIGN=center]

تسلم الايادى يا شباب ..  تصدقوا كدة انتوا عملتوة حاجة لذيذة قوى ..ان كل واحد قال طريقته لاعداد كفتة الفراخ ودة خلانى افكر فى فكرة حلوة ....

اننا نختار كل مرة اكلة وكل واحد يقول طريقته فى اعدادها .. وبكدة يبقى عندنا ارشيف لطرق عديدة لكل اكلة مما يفيدنا كما انه حيفيد الزباين جدااااااا 

ميرسي يا شاعر الرومانسية علي مرورك الكريم

وعلي فكرة فكرتك هايلة انا معاك ممكن فعلا ان حد يحط اكلة واللي وراه يحط طريقته في الاكلة دي

ايه رأيكم يا جماعة ؟؟؟

[bodda]

طبعا فكره جميله

وياريت الكل يشارك بطريقته

صباح الفل

:blink:

[محمد شلبى]

انتوا هايلين يا جماعة :blink:

انا متشكر جدا لكم لان بصراحة اتعلمت منكوا حاجات كتير قوى

انا لسه ما جربتش كفتة الفراخ , بس مش عارف ليه انا ماحبتش خالص كفتة الفراخ الجاهزة؟

[aynad]

[ALIGN=center]

انتوا هايلين يا جماعة :)

انا متشكر جدا لكم لان بصراحة اتعلمت منكوا حاجات كتير قوى

انا لسه ما جربتش كفتة الفراخ , بس مش عارف ليه انا ماحبتش خالص كفتة الفراخ الجاهزة؟

<{POST_SNAPBACK}>

اهلا بيك يا محمد شلبي نورت الكفتة اصدي نورت الموضوع

حاول جربها واؤكدلك انك مش حتدعي علية هههههههههههه

انا بعملها لولادي علي شكل كور صغيرة علشان يعرفوا يكلوها بس انا بكولها منهم و الله هههههههه