التنازل عن الجنسية المصرية

[mamino]

سلام عليكم اعضاء المنتدي الكرام

عندي سؤال مهم جداااا يا ريت تقدروا تساعدوني فيه

انا من حقي احصل علي الجنسية الالمانية بشرط اتنازل عن المصرية عشان ده قانون الجنسية في المانيا

هل حد فيكم قوانين البلد اللي هو متغرب فيها بتشترط نفس الشرط؟

و لو مكاني هتعملوا ايه؟

كمان الوضع بيكون في مصر ازاي لو اتنازلت عن الجنسية؟ بتعامل معاملة الاجانب؟ محتاجة فيزا عشان انزل مصر؟ هفقد وظيفتي في مصر؟ مقدرش اجدد بطاقة رقم قومي و لا اطلع لولادي بطايق و لا ايه؟

و الميراث بتاعي؟

و الجيش لاولادي؟

يا ريت لو حد مر بنفس التجربة يقول لي التظام بيكون ازاي عشان انا مش فاهمة ابعاد الموضوع نهائي و خايفة اكون بضيع فرصة لاني من حقي اقدم علي الجنسية من زمان و خايفة عشان الاسئلة دي.

شكرااااا لاهتمامكم

[حسين امبابي]

مصـــــر

بــــلادي بـــلادي لك حبـي وفــؤادي

تم تعديل 5 يونيو 2014 بواسطة حسين امبابي

[Scorpion]

السؤال الأساسي .. حضرتك مستعد نفسيآ للتنازل عن الجنسية المصرية نهائيآ ؟ لأن في المانيا علي حسب علمي مافيش ازدواج جنسية زي ما ممكن يحصل في دول اوربية تانية ( ايطاليا او فرنسا مثال )..

في المانيا الموضوع ده مافيهوش فهلوة ..

حتتنازل عن الجنسية المصرية ما ينفعش انك بعد ما تاخد الجنسية الالمانية ترجع تطلب الجنسية المصرية تاني .. اللي عادي ممكن ترجعلك .. لكن ساعتها حتفقد الجنسية الألمانية ..

طبعآ حتتعامل معاملة اي اجنبي و لو رجعت لمصر لازم تشتري فيزا.. و الرقم القومي مش حيبقي ليه اي قيمة .. و لو اتعاملت بيه فده شيء غير قانوني ..

نفس الوضع بالنسبة للولاد ..

و طبعآ مش حيبقي ليهم جيش ..

بالنسبة للميراث فده مش ممكن افتي فيه ..

[mamino]

شكرا جزيلا للرج و الاهتمام

الموضوع فعلا هنا مفيهوش حل وسط

يا جنسية مصرية يا المانية

الموضوع بالنسبة لي نفسيا مش تاعبني قوي

عشان هويتنا و طريقة حياتنا و كلللل حاجة فينا مصرية فمش

قالقني الورق مكتوب فيه ايه

المشكلة اللي قلقانا فعلا الوضع ده تطبيقه هيكون ازاي؟؟

بس ازاي الرقم القومي مش هيكون له قيمة ؟؟

مش كل المعاملات بتتم بيه و ليه المعاملات دي مش هتكون قانوتية

[Scorpion]

حضرتك شفت اي حد اجنبي معاه رقم قومي مصري ؟

كل حقوقك ( و واجباتك) كمصري حتتلغي مع الغاء جنسيتك المصرية ...

اعتقد انه كله بيحصل بصورة اوتوماتيكية ما بين السلطات الألمانية المعنية .. السفارة المصرية و وزارة الداخلية ..

بس حيجيلك قلب تعملها ؟ يعني انك لما ترجع مصر ترجعها كاجنبي .. بل و تدفع فيزا علشان تدخلها ؟؟

[herohero]

حضرتك شفت اي حد اجنبي معاه رقم قومي مصري ؟

كل حقوقك ( و واجباتك) كمصري حتتلغي مع الغاء جنسيتك المصرية ...

اعتقد انه كله بيحصل بصورة اوتوماتيكية ما بين السلطات الألمانية المعنية .. السفارة المصرية و وزارة الداخلية ..

بس حيجيلك قلب تعملها ؟ يعني انك لما ترجع مصر ترجعها كاجنبي .. بل و تدفع فيزا علشان تدخلها ؟؟

بس هيجيلوا قلب يلاقي نفسه يعامل باحترام ويمكن خوف منه اكثر من لو كان مازل محتفظ بالجسية المصرية ؟؟؟

الكلام ده من واقع تجربة شخصية لقريب ف الاسرة للاسف الشديد الجنسية الاجنبية مريحاه ف التعامل ف مصر جدااااااااااااا واموره اخر حلاوة

[Scorpion]

يعني افهم من كده ان حضرتك مثلآ لو جاتلك الفرصة في الحصول علي جنسية بلد تانية بشرط التنازل عن جنسيتك المصرية حتوافق علي طول ؟

[عبير يونس]

شكرا جزيلا للرج و الاهتمام

الموضوع فعلا هنا مفيهوش حل وسط

يا جنسية مصرية يا المانية

الموضوع بالنسبة لي نفسيا مش تاعبني قوي

عشان هويتنا و طريقة حياتنا و كلللل حاجة فينا مصرية فمش

قالقني الورق مكتوب فيه ايه

المشكلة اللي قلقانا فعلا الوضع ده تطبيقه هيكون ازاي؟؟

بس ازاي الرقم القومي مش هيكون له قيمة ؟؟

مش كل المعاملات بتتم بيه و ليه المعاملات دي مش هتكون قانوتية

كنت من شهرين تقريبا أسعى لنيل فيزا للولايات المتحدة لزيارة أخي المتجنس بالجنسية الأمريكية " مزدوج الجنسية "

و تم رفض منحي الفيزا

عندما ذهبت بعدها للقنصلية المصرية بجدة حيث أقيم بالسعودية .. و شاهدت مكان أخذ التأشيرات لمصر

شعرت بشعور مستحيل أن أنساه ..أنني لا أحتاج تأشيرة دخول لمصر

كمن ارتمى في حضن أبويه بعد غياب

هناك برمجة خاطئة و مجحفة و مضللة ... أن المواطن المصري ليس له حقوق كما في الدول المتقدمة !!

المواطن له حقوق ..

هو فقط لا يعرفها ..أو لا يهتم أن يعرفها .. أو لو يعرفها لن يطالب بها ..ربما خوفا أو يأسا

يستغل ذلك ضعاف النفوس ممن نتعامل معهم يوميا سواءا في الاماكن الرسمية أو الغير رسمية

المسألة ليست بهذه السطحية و لا يمكن التعامل بها بمنطق 1+1 = 2

التعامل مع البشر يحمل كل الاحتمالات

هناك من تحركهم فقط ابتسامة و ذوق في التعامل

و هناك من تحركهم معرفتك بحقوقك و حقيقة أنك لن تتنازل عنها

و هناك من سيحاول بأقصى جهده تخويفك أو تثبيطك لتشعر انك لن تنال حقوقك

الألمان مثلا .. من تقيمين حضرتك معهم ... ليسوا بشر " سوبر " أو ملائكة !

بهم كل ما في البشر من مزايا و مثالب

و ستجدين بهم نفس النماذج مع اختلاف أنه ربما يكون مستوى الوعي عند المواطن الألماني أعلى بحقوقه كمواطن مما أغلب المواطنين بمصر عليه

ربما تقتضي مصالحك التجنس بالجنسية الألمانية و حضرتك أدرى بظروفك

و هنا القرار مختلف و يرجع لمدى نفع ذلك الأمر لحضرتك و للأسرة

لكن لا أنصح بالقرار إن كان خوفا أو هروبا أو احساسا بالدونية بسبب ظروفنا التي نمر بها بمصر

أو للاعتقاد ان الغرب بشر أفضل من المصريين

الغرب بشر مثلنا

فقط القوانين لديهم " مفعلة " ليس فقط بأمر من الحكومة و لكن لأن وعي المواطن هناك لا يسمح أن تُسلب حقوقه

و كلمة أخيرة

لو حصلت على الجنسية الألمانية ستكونين مصرية " الأصل " ..

فلتستعدي أن يكون كل ما يتعلق بمصر لديك تاريخ و تراث ليس إلا

لأنك ستقسمين على الولاء لألمانيا و لاقدر الله لو قامت حرب سيؤدي ابناءك الخدمة العسكرية لصالح ألمانيا

هذا الولاء هو أقل واجب ستقدمينه لمجتمع سيعتبرك و أسرتك من أبنائه

و عليه فجواز السفر الألماني ليس بطاقة صراف آلي ستنفقين منها ..

بل هوية جديدة بكل ما تعنيه الكلمة ..فهل أنتِ مستعدة لذلك؟؟؟

[herohero]

كلامي هيكون زي الوف المصريين في الخارج .

مستحيل اتنازل عن الجنسية المصرية لكن هفضل عايش ف يالخارج 40 سنة !!!!

ولما احول فلوزس احولها بالدولار وارجع احولها مصري حتى استفيد من فرق السعر واتهرب من دفع الجمارك واشتري السلع من الخارج

.... ملحوظة بحب مصري اوووووووووووووووي ...مش ده كلام غالبية المصريين

---

استا>ة عبير ياريت تحكي لنا اخو حضرتك لما بينزل مصر بيدخل بالجواز المصري ولا الامريكي

شكلك ما شوفتيش فيلم عسل أسود !!! ع فكرة الفيلم ده حقيق مليون %

وعن مواقف اعرفها لاشخاص مزودوجي الجنسية

ملحوظة : جاهز لسيل التهم بعدم الولاء وان مش بحب بلدي بس انا واقعي وصريح كل اللي بيتغنوا بحب الوطن مش بيدفعوا حاجه للوطن وكلام واغاني وخلاص

وتحياتي للي غنت ماشربتش من نيلها وراحت تخلف ف أمريكا ، وتحياتي لابنة الرئيس جمال مبارك اللي رغم ده حرض اهلها ع انجابها ف الخارج

[herohero]

كنت من شهرين تقريبا أسعى لنيل فيزا للولايات المتحدة لزيارة أخي المتجنس بالجنسية الأمريكية " مزدوج الجنسية "

و تم رفض منحي الفيزا

عندما ذهبت بعدها للقنصلية المصرية بجدة حيث أقيم بالسعودية .. و شاهدت مكان أخذ التأشيرات لمصر

شعرت بشعور مستحيل أن أنساه ..أنني لا أحتاج تأشيرة دخول لمصر

كمن ارتمى في حضن أبويه بعد غياب

هناك برمجة خاطئة و مجحفة و مضللة ... أن المواطن المصري ليس له حقوق كما في الدول المتقدمة !!

المواطن له حقوق ..

هو فقط لا يعرفها ..أو لا يهتم أن يعرفها .. أو لو يعرفها لن يطالب بها ..ربما خوفا أو يأسا

يستغل ذلك ضعاف النفوس ممن نتعامل معهم يوميا سواءا في الاماكن الرسمية أو الغير رسمية

المسألة ليست بهذه السطحية و لا يمكن التعامل بها بمنطق 1+1 = 2

التعامل مع البشر يحمل كل الاحتمالات

هناك من تحركهم فقط ابتسامة و ذوق في التعامل

و هناك من تحركهم معرفتك بحقوقك و حقيقة أنك لن تتنازل عنها

و هناك من سيحاول بأقصى جهده تخويفك أو تثبيطك لتشعر انك لن تنال حقوقك

الألمان مثلا .. من تقيمين حضرتك معهم ... ليسوا بشر " سوبر " أو ملائكة !

بهم كل ما في البشر من مزايا و مثالب

و ستجدين بهم نفس النماذج مع اختلاف أنه ربما يكون مستوى الوعي عند المواطن الألماني أعلى بحقوقه كمواطن مما أغلب المواطنين بمصر عليه

ربما تقتضي مصالحك التجنس بالجنسية الألمانية و حضرتك أدرى بظروفك

و هنا القرار مختلف و يرجع لمدى نفع ذلك الأمر لحضرتك و للأسرة

لكن لا أنصح بالقرار إن كان خوفا أو هروبا أو احساسا بالدونية بسبب ظروفنا التي نمر بها بمصر

أو للاعتقاد ان الغرب بشر أفضل من المصريين

الغرب بشر مثلنا

فقط القوانين لديهم " مفعلة " ليس فقط بأمر من الحكومة و لكن لأن وعي المواطن هناك لا يسمح أن تُسلب حقوقه

و كلمة أخيرة

لو حصلت على الجنسية الألمانية ستكونين مصرية " الأصل " ..

فلتستعدي أن يكون كل ما يتعلق بمصر لديك تاريخ و تراث ليس إلا

لأنك ستقسمين على الولاء لألمانيا و لاقدر الله لو قامت حرب سيؤدي ابناءك الخدمة العسكرية لصالح ألمانيا

هذا الولاء هو أقل واجب ستقدمينه لمجتمع سيعتبرك و أسرتك من أبنائه

و عليه فجواز السفر الألماني ليس بطاقة صراف آلي ستنفقين منها ..

بل هوية جديدة بكل ما تعنيه الكلمة ..فهل أنتِ مستعدة لذلك؟؟؟

استا>ه عير ياريت تقارني موقف حصولك ع تأشيرة لاي دولة واخو حضرتك ف حال رغبته ف زيارة اي دولة !!!!! ع فكرة انا عارف الاجابة لان شوفتها وعيشتها

ساعتها هتعرفي فائدة الجواز الاجنبي

[عبير يونس]

استا>ه عير ياريت تقارني موقف حصولك ع تأشيرة لاي دولة واخو حضرتك ف حال رغبته ف زيارة اي دولة !!!!! ع فكرة انا عارف الاجابة لان شوفتها وعيشتها

ساعتها هتعرفي فائدة الجواز الاجنبي

لم احصل على التأشيرة لأنني غير مؤهلة للحصول عليها بظروفي الشخصية و ليس لأنني مصرية يا أستاذ هيرو

أخي نفسه حصل عليها و هو مصري و من مصر و أيام أحداث سبتمبر كمان ..

لأن ظروفه وقتها أهلته لذلك

مصريين كتير بيتقبلوا عادي بجوازهم المصري و كتير بيترفضوا عادي برضه

و لا دخل لجنسيتك في الامر .. تحصل عليها فقط عندما يقتنع الموظف في السفارة أنك تستحق أن يتم منحها لك

[herohero]

لم احصل على التأشيرة لأنني غير مؤهلة للحصول عليها بظروفي الشخصية و ليس لأنني مصرية يا أستاذ هيرو

أخي نفسه حصل عليها و هو مصري و من مصر و أيام أحداث سبتمبر كمان ..

لأن ظروفه وقتها أهلته لذلك

مصريين كتير بيتقبلوا عادي بجوازهم المصري و كتير بيترفضوا عادي برضه

و لا دخل لجنسيتك في الامر .. تحصل عليها فقط عندما يقتنع الموظف في السفارة أنك تستحق أن يتم منحها لك

يبدو ان كلامي لم يكن واضح

سؤالي بسيط جداااااااااااا ، وبقول من اقع تجارب لاصدقاء جربي حضرتك تاخدي فيزا شينجن بالجواز المصري اخر بجواز ياحبذا لو جنشية من الجنسيات اياها وقولي ليا ع الفرق

هقولك زميلي مصري مرشد سياحي وزوجته من هونج كونج فرق كبييييييييييير في الحصول ع التاشيرة لجواز زوجته وفي حالته للحصول ع التاشير

استاذه عبير انا لا اتحدث عن عالم خيالي ا افتراضي الكلام ده معرووووووووووووووف جدا

[أبو محمد]

ما ينطبق على المصرى فى الحصول على فيزا للاتحاد الأوروبى أو أمريكا

ينطبق على أى عربى وبالذات لو كان مسلم

ليه بقى ؟

i*:
أعتقد ده سؤال من خارج المقرر وحياخد شوية مجهود للإجابة عليه

[herohero]

ما ينطبق على المصرى فى الحصول على فيزا للاتحاد الأوروبى أو أمريكا

ينطبق على أى عربى وبالذات لو كان مسلم

ليه بقى ؟

i*:

أعتقد ده سؤال من خارج المقرر وحياخد شوية مجهود للإجابة عليه

لا يابشمهندس انا اقصد جنسيات الدول اياها اللي الجواز بتاعها للاسف له قيمة ويعمل له حساب

كل الدول العربية زي بعض لكن ماينفعش اقارن الجواز الالماني او السنغافوري بنظيره العربي ف اجراءات الحصول ع اي تاشيرة ده اصلا الدول اياها ده جوازها بيدخلك من غير تاشيرة مسبقة

[Alshiekh]

شكرا جزيلا للرج و الاهتمام

الموضوع فعلا هنا مفيهوش حل وسط

يا جنسية مصرية يا المانية

الموضوع بالنسبة لي نفسيا مش تاعبني قوي

عشان هويتنا و طريقة حياتنا و كلللل حاجة فينا مصرية فمش

قالقني الورق مكتوب فيه ايه

المشكلة اللي قلقانا فعلا الوضع ده تطبيقه هيكون ازاي؟؟

بس ازاي الرقم القومي مش هيكون له قيمة ؟؟

مش كل المعاملات بتتم بيه و ليه المعاملات دي مش هتكون قانوتية

سؤال،

ماهي قيمة الاحتفاظ بالرقم القومي المصري في حالة الحصول على الجنسية الألمانية أو أي جنسية أخرى تتطلب التنازل عن الجنسية المصرية؟

معروف أن من أهم مميزات الرقم القومي هو التمتع بمزايا أن تكون مصريا وعلى رأس تلك المزايا "التعليم الجامعي المجاني والعلاج المجاني طوال سنوات الدراسة" أي كان مستواه مقارنا بتكاليفه في الخارج.

فهل موضوع التعليم الجامعي هو احد الاسباب في الرغبة على الابقاء على الرقم القومي المصري؟

[التونسى]

الجنسيه لا تعبر عن الهويه .. حتفضلى مصريه مهما حصلتى على جنسيه بلاد تانيه .. وحتى لو لاغيتى جنسيتك المصريه ((لظروف اضطراريه)) حتفضلى مصريه ((حتى فى نظر الألمان أنفسهم)) .. وعلى فكره لو عملتى كده الهيئات المختصه فى مصر حتتفهم ده كويس جدا ومحدش حيتعرض لك بالتوبيخ او اللوم .. وحيساعدوكى فى استرجاع الجنسيه المصريه بعد كده .. وده حصل مع ناس كتير .. يعنى انتى لا اول ولا اخر حد عمل او بيعمل او حيعمل كده

انا معايا باسبور بريطانى .. لكن مكتوب فى الباسبور مكان ميلادى اللى هيا portsaid .. ولما بنزل مصر بستخدم الباسبور البريطانى أى نعم .. لكن عند خروجى من الجوازات بستخدم بطاقة الرقم القومى بجانب الباسبور البريطانى .. وبدخل مصر كمصرى .. لكن لما بروح اى بلد اوربيه لفسحه قصيره او خلافه .. او حتى بعض البلاد العربيه .. بستخدم الباسبور البريطانى ((الباسبور البريطانى أكثر قوه من الباسبور المصرى فى الامارات مثلا)) .. يعنى بحاول اسهل الامور على نفسى عبر إستخدام المستندات المتاحه سواء الباسبور البريطانى او بطاقة الرقم القومى المصرى .. يعنى متصعبيش الامور على نفسك وإعملى اللى فى ((((((صالحك)))))) بغض النظر عن الكلام العاطفى الاجوف اللى مالوش اى اساس على ارض الواقع .. والواقع بيقول أن حصولك على الجنسيه الالمانيه كله فوايد .. وجنسيتك المصريه تقدرى ترجعيها زى كتير ما عملوا ((دكاكينى )) ..ولكن عليك الحذر التام .. لان لو تم اكتشاف وجود باسبور مصرى معاكى حتفقدى الجنسيه الالمانيه ويمكن تتحاكمى على كده من قبل السلطات الالمانيه .. انا لو منك حاخد الجنسيه الالمانيه وبعد كده ارجع الجنسيه المصريه .. لكن مش حعمل باسبور مصرى وحكتفى ببطاقة الرقم القومى وسفرياتى كلها حتبقى بالباسبور الالمانى .. ولو فى يوم لاقيتى الجنسيه الالمانيه حتضرك ضرر بالغ ابقى اتنازلى عنها .. مش معضله يعنى .. وفى النهايه أنتى واسرتك (((أدرى بشئون حياتكم)) من اى حد أخر

عامة انا فيه صديق ليا أخته متزوجه من المانى من اصل مصرى .. حبقى أستفسر منه أكتر عن أفضل شئ ممكن تعمليه بخصوص موضوع الجنسيه الالمانيه .. وبالتوفيق ان شاء الله

[herohero]

تحياتي واحترامي لواقعيتك

بغض النظر عن الكلام العاطفى الاجوف اللى مالوش اى اساس على ارض الواقع

[أبو محمد]

الجنسيه لا تعبر عن الهويه

قصدك بالنسبة للى بيتنازل عن جنسية ويكتسب أخرى ؟

أيوه صح

فى الأول بس

[التونسى]

قصدك بالنسبة للى بيتنازل عن جنسية ويكتسب أخرى ؟

أيوه صح

فى الأول بس

بدون مزايده اخى الفاضل .. كل إنسان حر فى إختياراته .. مادامت تلك الاختيارات لا تؤذى أحد ..وأعتقد مصر لن يضرها أن يتنازل عن جنسيتها شخص واحد أو حتى مليون ..بل على العكس تماما .. الثروه البشريه عندنا كتير وتكفى .. يعنى لا ضرر ولا ضرار يا مان .. فيه ناس بتتنازل عن الجنسيه ((إضطرارا)) زى حالتنا هنا .. وفيه ناس بتتنازل عنها ((إقتناعا)) .. زى كده اللى بيترك دينه ويعتنق دين أخر .. هو حر ما لم يضر .. انا عن نفسى بحترم المضطرين أوالمقتنعين مدام لن يضروا الدوله التى تنازلوا عن جنسيتها ... وزى ما قلت قبل كده مفهوم ((الجنسيه)) مفهوم مستحدث فرضه تطور النظم الاجتماعيه والسياسيه والجغرافيه الخ الخ .. يعنى TAKE IT EASY .. يسروا ولا تعسروا .. وفى النهايه صعب جدا جدا ان الانسان يغير من هويته .. وحتى لو استطاع أن يغيرها فى نفسه فمن الصعب ايضا ان يغيرها فى عيون الاخرين .. دا عن تجارب ومعايشات مش طق حنك وخلاص .. توب علينا يارب من أوربا وبلاويها .. واللى بيجري فيها

تم تعديل 8 يونيو 2014 بواسطة التونسى

[أبو محمد]

بدون مزايده اخى الفاضل

الكلام ده تقوله لواحد "كحول" أخى الفاضل

:)

ألا "كحول" يعنى إيه بالانجليزى ؟