يا ترى انت فين يا مرزوق .. ييييه قصدى يا سكوووووب؟

[عصام]

ياولاد الحلال ..

بنتى تايهة طول كدا ..

رجلها الشمال :lol:

كان عندنا واحد هنا يا رجالة اسمه "سكوربيون" .. وسكوربيون طبعا زى ما كلنا عارفين يعنى ثعبان بالإيطالى ;)

هوا كان قاللى إنه يعنى .. يعنى .. :lol:

يعنى كدا كان عنده شوية مشاكل مع الجماعة .. :D ودا كان من فترة ..

والحقيقة إنه من ساعتها مش باين :wub:

يا اخوانا .. لو حد شافه .. :blink: ضرورى يبلغه .............

يفضل مختفى اليومين دول عشان حماته بتدور عليه :wub: :wub: :D

[عادل أبوزيد]

الفاضل سكوربيون كان موجود فى محاورات المصريين أمس و قد تبادلنا الرسائل و كان يوم أمس أول مرة هدوء منذ فترة طويلة.

و كنت حاولت الإتصال به تليفونيا عدة مرات.

يبدو أنك لا تعرف إن والد زوجته كان - ربما مازال - فى المستشفى فى حالة حرجة

[عصام]

هوا الحقيقة أنا اللى مختفى اليومين دول بسبب الشغل ..

بس هوا يمكن وحشنى فحسيت إنه هوا اللى غايب :blink:

ربنا يشفى كل مريض .. أشكرك يا أستاذ عادل

[bentmasria]

سبحان الله يا استاذ عصام طول الليل عماله اقول لازم اكتب لهم واسال عن سكوب مختفى لقيتك سبقتنى وكتبت الموضوع

عمرك اطول من عمرى

المهم صديقنا الجميل سكوب مختفى يارب يكون بكل خير هو والاسرة الكريمة ويطلع الاستاذ عصام مروج اشاعات مغرضه بس

محدش ياجماعه خالته ف روما تطمننا

اتمنى ان نسمع اخبار طيبة ان شاء الله

[Scorpion]

أنت وشك راح فين يا عصااااااااام ..... لا حول و لا قوة الا بالله .. ده انت خسيت خالص يا جدع اليومين اللي فاتت دول ... و الله لولا اسمك ما كنتش عرفتك ...

بس الف شكر ليك علي فتح الموضوع ده .. و زي ما كتب الأستاذ عادل كان فيه مشاكل صحية شديدة بيعاني منها حمايا العزيز .. اللي هو عكس خااااااااالص حماتي العزيزة .. و المدام كانت مقيمة بصفة مستديمة هناك .. و سايبالي جونيور بالبيت... و بجد .. بجد .. و بصراحة أنا مش واخد عالكلام ده كله .. يعني التنضيف و الغسيل و تحضير الأكل و بالذات المذاكرة للأرهابي الصغير اللي عندي في بيت ده ( بجد احنا كرجالة مفتريين ...و الست من دول بتبقي شايلة جبال يا جدع ) ... و تزامن الكلام ده مع شغل جامد قوي كان بيخليني افتح المحاورات عالطاير كل يومين تلاتة ...

بس انا جييييييييييييييييييييييييييييت .... و ريحة الطبيخ ابتدت تملا البيت .. و زعيق المدام ( ربنا يخليهالي يا رب ) ابتدي يرجع تاني .. و انا مش الشغالة اللي اشترهالك ابوك ( ده الحوار اللي بينها و بين جونيور ) ... لعبك تحطها مكانها ... و الأكل لازم تخلصه ... و كوباية اللبن لازم تشربها كلها ... و كده يعني .. لحد ما جونيور قاللها ما تروحي تشوفي جدو عامل ايه ؟؟؟ :D

الف شكر للجميع علي السؤال ... لأبن مصر و سي السيد ... للعزيزة الغالية بنت مصرية .. و لكبيرنا الأستاذ عادل ابو زيد ....

نرجع بقي لشغلنا ... فين العدة ؟ انا كنت سايبها فوق الترابيزة ....

:wub: :wub: :wub:

[عصام]

بالبيت... و بجد .. بجد .. و بصراحة أنا  مش واخد عالكلام ده كله .. يعني التنضيف و الغسيل و تحضير الأكل و بالذات المذاكرة للأرهابي الصغير اللي عندي في بيت ده ( بجد احنا كرجالة مفتريين ...و الست من دول بتبقي شايلة جبال يا جدع ) ...

<{POST_SNAPBACK}>

أنا بقى يا حلو دائما أقول لها الكلمتين دول .. دا احنا من غيرك ولا حاجة يا حبيبتى .. الله يكون فى عونك .. دا الستات دول شايلين هموم الدنيا .. الواحد فينا ما يقدرش على يوم شغل من ايامك .. وكدا يعنى :wub:

والحقيقة يا بنى الكلام دا زى السحر .. عامل شغل ما اقولكش :D

بعد ما تسمعها كلمتين من دول .. هوووووب تلاقيها ممكن تقوم تنفض وتغسل مش لينا بس .. لأ دا للجيران كمان :wub:

هى دى بقى "السياسة" يا واد يا مزيكا .. واخدلى بالك؟

حمد لله على سلامتك .. وسلامته .. وسلامتها .. وسالمة يا سلامة روحنا وجينا بالسلامة ..

ناولنى بقى مفتاح 14 ناحية وناحية :wub:

[الأفوكاتو]

مرور سريع, فى زحمة السفر.

حمد الله بسلامة حما سكورب, و ليت أحد يطمئنى على حبيب الكل إخناتون, الذى أرسلت له إيميل منذ مدة بعد قراءة خبر توعكه. و ما زلت منتظر رد يطمئنى.

أدعوا إلى الله أن يشفى كل مريض, و ما زلت أدعوا للعزيزة شعنونة و لوالدها,

أراكم فى منتصف يوليو بإذن الله. و تحياتى للجميع.

الأفوكاتو

[وليد صفوت]

اللـــــــــــــــــــــــــــــــــــه !

و كمااااااااااااان استاذنا الكبير الأفوكاتو

الله عليك يا عصام ,... بدل ما ترجعلنا عضو واحد ,... رجعتلنا اتنيــــــــــــــــــــــــــــــــــن :D

و الله ليك وحشو كبييييييييييييييرة يا سكووووووووب ,..و عايزين نشوف اسمك ملعلع كده فى المحاورات على طول

الأفوكاتووووووووووو ,.... ليك وحشة كبييييييييييرة و يارب نرجع نقرأ موضوعاتك الجميلة , و أخبار اسفارك الكتيييييييييرة

الف حمد الله عالسلامة ,.... :wub: :wub: :wub: