كأس العالم لكرة القدم البرازيل 2014

[التونسى]

حدث ينتظره عشاق كرة القدم كل اربع سنوات .. إنه المونديال .. شهر ويزيد من المتعه الكرويه يقدمها نخبه من افضل المنتخبات واللاعبين .. أسوء ما فيه أن مصر كالعاده ليست مشاركه فيه .. يشفع لنا ان الدوله التى تاهلت بدلا منا وهى غانا .. تعد من أفضل المنتخبات العالميه حاليا ومرشحه بقوه لان تكون الحصان الاسود للبطوله ((يعنى المنتخب اللى ممكن يحقق مفاجأت ويصل لمستويات كرويه غير مسبوقه للكره الافريقيه كالوصول لنصف النهائى مثلا))

اللى زهق من السياسه وبيحب الكوره يا اهلا وسهلا بيه فى هذا الموضوع .. النهارده الافتتتاح ومباره ما بين البرازيل وكرواتيا .. ومتوقع انها تكون مباره نديه وقويه جدا .. لان فريق كرواتيا من الفرق الاوربيه العنيده والقويه والتى تضم لاعبين على أعلى مستوى كروى . أما عن فريق البرازيل فهو غنى عن التعريف .. المباره الساعه 11 مساء بتوقيت القاهره .. مشاهده ممتعه ان شاء الله

[التونسى]

أول مداخلاتى فى الموضوع موجهه الى نساء مصر وهى (قواعد كاس العالم الأربعون)حتى نحيا مع بعضنا البعض فى سلام

1- كل الماتشات مهمه

2- أيوة الماتشات كل يوم.

3- مش من حقك لمس الريموت من الساعة الثامنة مساء حتى إنتهاء موعد المبارايات.

4- إعادة الأهداف مهمه، زي لحظة دخول الهدف أول مرة بالضبط.
5- كل الطلبات والحكايات تؤجل لما بين الشوطين.
6- إنسي المسلسل اللي أنتي كنتي بتتابعيه..شوفيه على يوتيوب، أو إتصرفي.
7- عارف إن مصر مابتلعبش...برضة هاتفرج.
8- ماتحاوليش تعملي نفسك مهتمة بالماتش
9- ماتسأليش يعني إيه أوفسايد
10- ماتسأليش أنهي فريق بيشوط في أنهي جول.
11- الستوديو التحليلي جزء لا يتجزأ من الماتش
12- صوت المذيع والملعب بيطربني ومهم، وهاسمعه بصوت عالي..مافيش حاجه إسمها وطي.
13- جميع المكالمات التليفونية مع صديقاتك يتم إجراءها في أي غرفة غير التي يتواجد بها التلفزيون.
14- مافيش خروج أثناء الماتشات، إلا للضرورة القصوى (مرض خطير - ولاده - نزيف) على النحو الذي ينظمه القانون.
15- في حالة المتصاحبين، ممنوع المكالمات الهاتفية أثناء المباريات.
16- الخروج سيكون إما في الصباح أو في أماكن تذيع المباريات مع منع الكلام أثناء المباراه نهائياً.
17- مافيش حاجه إسمها (اللعيب ده كيوت قوي) و(اللعيب ده أمور قوي)..ماتكرهوناش في أم نفسنا.
18- ممنوع منعاً نهائياً مشاهدة مباريات أسبانيا أو إيطاليا..ماعندناش حريم تتكشف على الكلام ده.
19- المسافه بيني وبين التلفزيون، تعتبر مجال جوي عسكري، غير مسموح الوقوف فيه أو العبور منه، وأي تجاوز سيتم التعامل معه بحسم شديد، وفوراً.
20- كريستيانو رونالدو وميسي مش بيتنيلوا يلعبوا في منتخب أسبانيا.
21- ماتسأليش إذا كنتي أنتي أهم ولا الماتش، عشان ماتسمعيش رد بايخ.
22- التحديق في المزز الجالسات في المدرجات جزء من المباراه..ولا يقع علينا أي لوم بسببه..أنا مش المخرج بتاع الماتش.
23- توفير الساندويتشات والمشروبات المثلجة أثناء المباراه واجب مقدس
24- مشاهدة المباريات حق مكتسب، وليس نفضلاً أو تنازل منحضرتك، ولا يمكن مقايضته بأشياء أخرى أو أعمال منزلية..زي ما تتفرجي على مسلسلات تركي طول السنة..وزي برامج الطبيخ والموضة والحاجات اللي بيتم إجبارنا على مشاهدتها.
25- قدوم الأصدقاء لمشاهدة المباريات وارد في أي لحظة، دون إذن أو إنذار مسبق..الماتشات متشفرة، والناس عايزة تتفرج.
26- أي لفظ خارج يصدر مني أو من أحد الأصدقاء أثناء سير المباراه، يتم التجاوز عنه، وعدم التعليق عليه، وإعتبارة شيء من سنن الحياة، من العبث محاولة تغييره.
27- أيوه دول مايكملوش حتى 30 نقطه، بس برضه هايفضل إسمهم قواعد كأس العالم الأربعون...فيه حاجه؟

ملطوش طبعا .. قصدى منقول

تم تعديل 12 يونيو 2014 بواسطة التونسى

[أشرف حسين]

الله يحظك يا تونسي تحفة القواعد دي و لازم تتطلق ع الرقاب هههههههه

عموماً..انا هكون اول متابع يا مان و مش ببالغ لو قلت اني كائن كروي بيعشق الجيم بتفاصيلة من برة لجوة بشكل شبة مرضي..ارسنال فان عتيق من ايام ما كنت شغال جنب الهايبري مش الإماراتس لو تفتكر :)

على فكرة على قد ما طبعا زعلان عشان منتخبنا

لكن خلينا واقعين .. كويس اننا مش هناك

مش وقتة خالص..يمكن المونديال الجاي تكون المنظومة عندنا استقامة شوية و عرفوا يعني اية استعداد و مسؤلية

متابع..و مشارك معاك في الاستديو التحليلي يا كابتن

بس بلاش شوبير و شلابوكة الله يرضى عليك ههههههههههههههههه

اول سؤال..اية الفرق بين معلق الجزيرة و معلق اسكاي سبورت من حيث المضمون مش طبقة الصوت :)

[التونسى]

الله يحظك يا تونسي تحفة القواعد دي و لازم تتطلق ع الرقاب هههههههه

عموماً..انا هكون اول متابع يا مان و مش ببالغ لو قلت اني كائن كروي بيعشق الجيم بتفاصيلة من برة لجوة بشكل شبة مرضي..ارسنال فان عتيق من ايام ما كنت شغال جنب الهايبري مش الإماراتس لو تفتكر :)

على فكرة على قد ما طبعا زعلان عشان منتخبنا

لكن خلينا واقعين .. كويس اننا مش هناك

مش وقتة خالص..يمكن المونديال الجاي تكون المنظومة عندنا استقامة شوية و عرفوا يعني اية استعداد و مسؤلية

متابع..و مشارك معاك في الاستديو التحليلي يا كابتن

بس بلاش شوبير و شلابوكة الله يرضى عليك ههههههههههههههههه

اول سؤال..اية الفرق بين معلق الجزيرة و معلق اسكاي سبورت من حيث المضمون مش طبقة الصوت :)

مرحبا بيك شاعرنا المبدع :Laie: .. أحسنت صنعا أن إنضممت إليا فى صفوف الجماهير العطشى والجوعى للوجبات الكرويه الدسمه بعيدا عن السياسه التى سببت لى شخصيا ((تَلبُكاٌ)) فكريا حاداٌ

شوبير وشلبوكا دول محليين يا مان ملهمش فى الانترناشيونال .. انا الصراحه معنديش السكاى سبورت او مشترك حتى فى الجزيره .. انا يا إما بتفرج على ال itv sport أو bbc أون لاين .. او بروح الكافيه البرتغالى اللى جنبي وبستمتع جدا بالاستديو التحليلى ل match of the day بقيادة جارى لينيكر ومعاه الان شيرار

لحد الان هولندا هى الفرقه المبهره .. والبرازيل مفيهاش غير نيمار .. وكرواتيا كانت احسن لولا الحكم وضربة الجزاء المشكوك فيها .. والتحكيم عامة حتى الان دون المستوى خاصة فى ماتش الكاميرون والمكسيك .. جونين اتلغوا للمكسيك رغم صحتهم

مستنى ماتش انجلترا وايطاليا غدا على نار بما ان انجلترا وطنى التانى وبتمحك فيها بقى بما ان مصر مش هنا

[Salwa]

فضيحة بمعنى الكلمة.

اسبانيا تخسر ...واحد خمسة أمام هولندا.
شئ لايصدقه عقل.

مفروض تغيير كل الفريق ده.

سلام.

[أشرف حسين]

مع اني كنت من معجبين المنتخب الاسباني إلا ان من ذاد عن حدة اتقلب لضدة..دول ذلووو انفاس العالم لحوالي 8 سنين بالتيكي تكا بتعتهم لما حولوا الملاعب لدورات رمضانية...تلاتين اربعين باص في كل أتاك لحد ما تحس انك في خلااااط..ياااااساتر..لا بس الدرس طفى غليلي :D

عموما دايماً عندي سوفت اسبوت مع الدوتش..منتخب بيمتلك لعيبة و امكانيات عاليا لكن حظهم ضدهم !

بصراحة انا بموووت في هولند من زماااان..كلها لعيبتها ستاتها ابقارها اجبانها كلووو ههههههههههههه

في انتظار ماتش انجلترا برضة :)

[أشرف حسين]

فضيحة بمعنى الكلمة.

اسبانيا تخسر ...واحد خمسة أمام هولندا.

شئ لايصدقه عقل.

مفروض تغيير كل الفريق ده.

سلام.

يا سـيدي :D

[التونسى]

فضيحة بمعنى الكلمة.

اسبانيا تخسر ...واحد خمسة أمام هولندا.

شئ لايصدقه عقل.

مفروض تغيير كل الفريق ده.

سلام.

قلبى معاكى والله .. انا عارف ان حضرتك مقيمه فى اسبانيا وأكيد كان نفسك اسبانيا تكسب عشان الشعب يفرح وتفرحى معاهم .. انا عن نفسى بحب البهجه اللى بتيجى من وراء الفوز فى كرة القدم .. امبارح كان ماتش غريب .. دول كام ممكن يبقوا ست اهداف لولا تالق ((المتاخر)) فى هجمه خطيره بنهاية المباره .. عامه ساعات البدايات السيئه بتكون دافع لانطلاقه قويه بعد ذلك who know ,,maybe

[Scorpion]

ايطاليا

انجلترا

[Scorpion]

احب فيك الروح الرياضية يا مان ... الكورة حلوة آه .. لكن

المشجعات أحلي !!

22- التحديق في المزز الجالسات في المدرجات جزء من المباراه..ولا يقع علينا أي لوم بسببه..أنا مش المخرج بتاع الماتش

[أبو محمد]

احب فيك الروح الرياضية يا مان ... الكورة حلوة آه .. لكن

المشجعات أحلي !!

22- التحديق في المزز الجالسات في المدرجات جزء من المباراه..ولا يقع علينا أي لوم بسببه..أنا مش المخرج بتاع الماتش

[التونسى]

احب فيك الروح الرياضية يا مان ... الكورة حلوة آه .. لكن

المشجعات أحلي !!

أولا مبروك أستاذ كامل على الفوز ليلة امس .. بما ان إيطاليا هى وطنك الثاتى إن جاز التعبير ..

بغض النظر عن المزز سواء فى التلفيزيون او حيث كنت اشاهد المباره .. اللى تمنعنى رقابتى الذاتيه من الاستفاضه فى الحديث عنهن .. فنقدر نقول ان إمبارح انجلترا لعبت ماتش حلو ومقبول مقارنة بمستوى فرقتها .. ومكنش فيهم غير العيال السود المتمثلين فى جونسون الجناح اليمين ومعاهم الصاعد الواعد ابو 19 سنه رحيم ستريلنج والمهاجم الموهوب ستورديج .. الى جانب المهاجم الاخر ويلبيك .. أما رونى .. فلم يظهر حقيقة الا فى صنع الهدف فقط .. ارزاق والله ان لاعب زى ده يكون بالشهره والثراء ده و فى نفس الوقت لايقدم مستوى مبهر او مؤثر .. وكانه لاعب اقل من العادى

انا امبارح اتفرجت على الماتش فى pub وتفاعلت جدا مع انجلترا وكنت بشجعها بقلب جامد ... ولاحظت ان لاعيبة ايطاليا بدقونهم الطليقه اشبه لأعضاء تنظيم مافيا خاصة المخضرم بيرلو :dirol:

البطوله حتى الان ناجحه جدا ((تهديفيا)) و((هجوميا)) لدرجة ان الثمانية ماتشات اللى اتلعبوا كلهم انتهوا بالفوز وبعدد وافر من الاهداف يتعدى معدل ال 3 اهداف لكل مباراه

كولومبيا وكوستاريكا قدموا مستويات جيده .. ممكن يكون لهم شأن فى البطوله

فى انتظار باقى المبارايات .. واتمنى ان يرتفع مستوى البطوله فنيا يوم بعد يوم

تم تعديل 15 يونيو 2014 بواسطة التونسى

[أشرف حسين]

عندك حق يا محمود انجلترا حطت شِفت كويسة لو اخدنا في الاعتبار جودة فريقها..مع شوية حظ ..

كان ممكن نعتبر التعادل نتيجة أقرب لسيرة المبارة الحقيقي .. كدة الانجليز ماتشهم الجاي هيبقى -مطحانة- مع الاورجواي اللي خسرت برضة.. بالنسبة لفرنسا بقى..فـ رغم انها فازت بثلاثة سهلة من خلال كريم بنزيمة لكن بصراحة الاداء كان باهت و بدون ريبري المصاب او سمير نصري اللي مش فاهم لية اتساب خارج التشكيلة خااالص تحس ان الفريق ناقص عقل

.الله يرحم ايامك يا زيدان

و برضة زي المنتخب الانجليزي مفيش غير اللعيبة على رائيك -السود- :) ..هما اللي كانو شايلين فرنسا

[أشرف حسين]

حاجة تانية ع السريع (وين روني)راجل اسيادة راضين علية مش اكتر

و بعدين مان انت عارف الانجليز لازم كل كام سنة يعملوا لنفسهم لعيب إلة و يعبدوه !..و صاحبك حاليا هو المختار صاحب الحظوة .. خصوصاً من ساعة ما الجولدن بوي القديم -بيكهام-ما سلم نمّر و علّق البوت..و الميديا هناك قاعدة بكل نطاعة تجلي و تسنفر و حتي تزرع له شعر :)

مع ان الكل عارف مستواه و اخلاقة

تم تعديل 16 يونيو 2014 بواسطة أشرف حسين

[أبو محمد]

عندك حق يا محمود انجلترا حطت شِفت كويسة لو اخدنا في الاعتبار جودة فريقها..مع شوية حظ ..

كان ممكن نعتبر التعادل نتيجة أقرب لسيرة المبارة الحقيقي .. كدة الانجليز ماتشهم الجاي هيبقى -مطحانة- مع الاورجواي اللي خسرت برضة.. بالنسبة لفرنسا بقى..فـ رغم انها فازت بثلاثة سهلة من خلال كريم بنزيمة لكن بصراحة الاداء كان باهت و بدون ريبري المصاب او سمير نصري اللي مش فاهم لية اتساب خارج التشكيلة خااالص تحس ان الفريق ناقص عقل

.الله يرحم ايامك يا زيدان

و برضة زي المنتخب الانجليزي مفيش غير اللعيبة على رائيك -السود- :) ..هما اللي كانو شايلين فرنسا

فى أوروبا وأمريكا والدول المتقدمة

الكلمة دى تودى فى داهية

:)

أو كما قال ابو سمرة السكرة فى الإرهاب والكباب

[التونسى]

فى أوروبا وأمريكا والدول المتقدمة

الكلمة دى تودى فى داهية

:)

أو كما قال ابو سمرة السكرة فى الإرهاب والكباب

لا يا مان الكلمه دى black متوديش فى داهيه ولا حاجه .. اللى تودى فى داهيه كلمة nigger أو زنجى .. إنما بلاك مفيهاش حاجه ومتداوله فى اوقات كثيره لوصف شخص ما زيها زى كلمة blonde أو اشقر. واساسا اصحاب البشره السوداء بيفخروا جدا بلونهم على فكره .. تتذكر معايا واحد من اشهر و أفضل لاعبي التاريخ بيليه .. كان اسم الشهره بتاعه black diamond أى الجوهره السوداء .. وعندنا كان فيه الغزال الاسمر الله يرحمه ابراهيم يوسف

يعنى الكلمه لا تحمل فى طياتها تمييز عنصرى يهدف للإساءه

بالمناسبه بقى ومعلومه على الماشى .. من الالقاب التى تحمل رائحة العنصريه فى إنجلترا ألقاب زى paki وهى بتطلق على اللى من أصل باكستانى .. و chinky وهى بتطلق على اللى من اصل صينى

[أشرف حسين]

و الله يا ابو محمد-مش بتفرج-عادل امام كتير

اصلة(مدعي و رخيص)..

سيبك من-الدول المتقدمة-..هنا مش مهم انها تتقال.

الاهم هو بتتقال فين او بتتفهم ازي..فـ إلا فيها-خزوقة-شديدة و خصوصا مع اللي يعمل عبيط..امال هي متقدمة لية :)

خلينا فـ الكورة يا مولانا :)

تم تعديل 16 يونيو 2014 بواسطة أشرف حسين

[التونسى]

عندك حق يا محمود انجلترا حطت شِفت كويسة لو اخدنا في الاعتبار جودة فريقها..مع شوية حظ ..

كان ممكن نعتبر التعادل نتيجة أقرب لسيرة المبارة الحقيقي .. كدة الانجليز ماتشهم الجاي هيبقى -مطحانة- مع الاورجواي اللي خسرت برضة.. بالنسبة لفرنسا بقى..فـ رغم انها فازت بثلاثة سهلة من خلال كريم بنزيمة لكن بصراحة الاداء كان باهت و بدون ريبري المصاب او سمير نصري اللي مش فاهم لية اتساب خارج التشكيلة خااالص تحس ان الفريق ناقص عقل

.الله يرحم ايامك يا زيدان

و برضة زي المنتخب الانجليزي مفيش غير اللعيبة على رائيك -السود- :) ..هما اللي كانو شايلين فرنسا

تحس كده اللاعبين ذوى البشره السوداء او الملونه فى فرقة أنجلترا عندهم ثقه بالنفس وحماسه ورغبه فى اثبات النفس والسعى الحثيث والدؤوب نحو التألق والفوز .. على عكس اللاعبين ذوى البشره البيضاء اللى تحس انهم لديهم هزه بعض الشئ .. يمكن لانهم معندهمش خبره كافيه او مش بيلعبوا فى فرق كبيره .. حتى رونى ابن المحظوظه مش بيلعب بصفه دايما مع مانشستر ومستواه قل كتير .. اما بالنسبه لفرنسا .. فزى ما شفت اللاعبين فى الملعب أغلبهم من اصول افريقيه .. حتى بن زيمه اصله على ما اعتقد جزائرى .. والله كنت بتفرج على المباره وكنت بترحم على ايام زيدان وأونرى وتورام وجيانولا .. هيييييه سى لا فى .. عامة انا متفائل بالماتش الجاى لانجلترا .. وانا لو من مدربهم أركن رونى الشوط الاول عشان أسخنه وأحرق دمه يقوم ينزل الشوط التانى ياكل الملعب

[التونسى]

البطوله حتى الان وبعد 12 مباره .. بلا أى نتيجة تعادل .. كل المبارايات فوز .. ومعدل التهديف فوق ال3 اهداف .. ده يدل على انها بطوله هجوميه فى المقام الاول .. وياريت تستمر على كده .. اللى لاحظته ايضا كثرة ال own goals او الاهداف اللى بتحرزها الفرق فى نفسها على طريقة النيران الصديقه .. وامبارح البوسنه والهرسك فى اول مشاركه لها فى المونديال قدمت مباره جيده جدا أما الارجنتين المدججه بكبار اللاعبين على راسهم ميسى ودى ماريا وأجويرو وزباليتا .. ورغم ذلك كان أدائها باهت ومحبط للغايه الا من الجول العالمى لميسى الذى لم يقدم المستوى المنتظر منه .. النهارده المانيا وجهت إنذار للجميع وهرست فى اول مشوارها فرقة البرتغال ((التائهه)) .. ولم يقدم كرستيانو رونالدو اى شئ يذكر فى المباره .. يبدو انه لم يتعافى من اصابته بعد

فى انتظار غانا منتصف الليل .. ساشجعها .. وقريبا مبارة ايران ونيجيريا .. وهى تستحق المشاهده .. وأأمل فى مزيد من المتعه الكرويه والاهداف الغزيره

[أبو محمد]

البطوله حتى الان وبعد 12 مباره .. بلا أى نتيجة تعادل .. كل المبارايات فوز .. ومعدل التهديف فوق ال3 اهداف .. ده يدل على انها بطوله هجوميه فى المقام الاول .. وياريت تستمر على كده

:Laie:

شريف اكرامى احسن حارس مرمى فى مونديال 2014

حيث لم يدخل مرماه أى هدف حتى الآن