كأس العالم لكرة القدم البرازيل 2014

[أشرف حسين]

اوك..أسبانيا خارج المنافسة..و بكدة تعتبر تقريباً اول حامل للقب يقصى من الدور الاول في تاريخ كاس العالم !

طبعاً الصورة مش بتعكس الشكل المشرف للكرة الاسبانية في العقد الاخير

لكن واضح لغير المتحيز ان منتخبهم كان ضحية إدارة اختارت تلعب(في المضمون)و تضم عدد كبير من نجوم الحرس القديم-الشبعان-على حساب مواهب كتير شابة(بدون ذكر اسماء)بتلعب كويس جداً داخل و خارج اسبانيا و كانت احق بكتير بالمشاركة .. و غلطة الشاطر بألف :)

..عموماً كـ العادة..كل وقت و لُة أدااان

الاسبوع دة..الماكينة الألمانية كـ العادة برضة حضرت بقوة تستحق الإشادة

[التونسى]

بطوله غريبه جدا ولكنها مثيره و ممتعه للغايه .. وهذا هو حال البطولات التى تلعب بعيدا عن القاره العجوز اوربا .. نتذكر بطولة المكسيك 86 والتى شهدت تالق ماردونا .. وبطولة اميركا 1994 والتى شهدت تألق البرازيل بقيادة روماريو وبيبيتو .. وبطولة كوريا واليابان 2002 والتى شهدت الظاهر الكرويه رونالدو البرازيلى وكذا وصول كوريا الجنوبيه الى نصف النهائى

نعود لبطولتنا الحاليه .. شهد يوم أمس بزوغ أول نجم فى البطوله وهو الحارس المكسيكى الاسطورى الاخطبوطى ((مش عارفه اسمه)) .. والذى زاد عن مرماه ببساله اما هجمات البرازيل الخطيره .. جدير بالذكر ان ابو تريكه كان قد أحرز فى مرمى هذا الحارس هدفين فى بطولة كاس الانديه للقارات ((مش فاكره برده سنة كام))

اول فرقتين وصلوا لدور ال 16 هم هولندا وتشيلى .. واول مفاجأت البطوله هو الخروج المذل والمهين لحاملة اللقب اسبانيا بعد خسارتها بهدفين امام تشيلى .. بل ودخل في مرماهم 7 اهداف فى مبارتين فقط .. هييييييييييييييه ووووووووووورلد .. بعد تالق عشر سنوات انتهت التيكى تاكا نهايه محزنه ماذا اقول اكثر مما كتب أحد المشجعين adios espana

[التونسى]

https://www.youtube.com/watch?v=xUBaYD9o1m0

يابن المحظوظه ..أهو ده فعلا اللى يتقاله أسيادنا راضيين عليك

[التونسى]

اوك..أسبانيا خارج المنافسة..و بكدة تعتبر تقريباً اول حامل للقب يقصى من الدور الاول في تاريخ كاس العالم !

طبعاً الصورة مش بتعكس الشكل المشرف للكرة الاسبانية في العقد الاخير

لكن واضح لغير المتحيز ان منتخبهم كان ضحية إدارة اختارت تلعب(في المضمون)و تضم عدد كبير من نجوم الحرس القديم-الشبعان-على حساب مواهب كتير شابة(بدون ذكر اسماء)بتلعب كويس جداً داخل و خارج اسبانيا و كانت احق بكتير بالمشاركة .. و غلطة الشاطر بألف :)

..عموماً كـ العادة..كل وقت و لُة أدااان

الاسبوع دة..الماكينة الألمانية كـ العادة برضة حضرت بقوة تستحق الإشادة

ابن حلال والله يا مان انت كتبت فى نفس الوقت اللى كنت بكتب فيه :ok:

اسبانيا مش اول فرقه حامله للقب وتخرج من الدور الاول .. لو تفتكر فرنسا سنة 2002 برده خرجت من الدور الاول وهى حاملة اللقب

معاك حق .. المدرب الاسبانى اعتمد على الاسماء والخبرات .. واسوء أختياراته للاسف كان الحارس المهزوز جدا جدا كاسياس واللى شال 7 أجوال ((ويزيد))

الالمان حتى الان هم اقوى فرقه .. وحتى الهولنديين النهارده عانوا اما استراليا اللى احرز نجمها كاهيل جول من احلى الاهداف على الطريقه ((الفان باستنيه)) نسبه الى هدف فان باستن الهولندى الاسطورى الاعجازى فى الحارس العملاق دساييف فى بطولة اوربا 1988

اسيبك يا مان :yahoo: .. فيه ماتش شغال حاليا .. الكمرون وكرواتيا .

تم تعديل 18 يونيو 2014 بواسطة التونسى

[Salwa]

اوك..أسبانيا خارج المنافسة..و بكدة تعتبر تقريباً اول حامل للقب يقصى من الدور الاول في تاريخ كاس العالم !

طبعاً الصورة مش بتعكس الشكل المشرف للكرة الاسبانية في العقد الاخير

لكن واضح لغير المتحيز ان منتخبهم كان ضحية إدارة اختارت تلعب(في المضمون)و تضم عدد كبير من نجوم الحرس القديم-الشبعان-على حساب مواهب كتير شابة(بدون ذكر اسماء)بتلعب كويس جداً داخل و خارج اسبانيا و كانت احق بكتير بالمشاركة .. و غلطة الشاطر بألف :)

..عموماً كـ العادة..كل وقت و لُة أدااان

الاسبوع دة..الماكينة الألمانية كـ العادة برضة حضرت بقوة تستحق الإشادة

الاستاذ الفاضل اشرف.

تحية طيبة .

حضرتك قلت ما كنت اريد قوله وازيد عليه انهم فعلا (( افتروا واصابهم الغرور ))...

يعنى بالأمس فوجئت أن ( اليكسس) لاعب تشيلى ...( اللى لحم كتافه من خير اسبانيا )...

كان له الفضل لجول فى مرمى اسبانيا .

لكن ..ده شئ طبيعى طبعا وهو يلعب ب اسم بلده.

الشئ الغريب ( بالنسبة لى أنا )...أنى فوجئت بكل اللاعبين البرازيليين والأرجنتيين والتشيليين اللى بيلعبوا فى اسبانيا لعب يعنى ( من غير نفس ) خصوصا فى الشهور الأخيرة ..

لعبوا ف المونديال وجابوا اجوال ...!!

لدرجة أن نيمار ( بقدرة قادر ) اصبحوا يطلقون عليه...ف البرازيل يعنى .،نجم المونديال .حتى بعد فضيحة ابوه ( والاربعين مليون يورو اللى اخدهم ) ..وروسل رئيس البرسا السابق اللى استقال بسبب فضيحة ( تعاقد نيمار وعقده الغريب المشبوه )...يعنى على ايه كل ده؟

نفس الشئ بالنسبة لميسى ..ف الأرجنتين...( بس ممكن نقول أن ميسى يستحق ذلك يعنى أربع كرات ذهبية ده شئ ليس بالهين ).

عموما....برضه حانقول لو سألونى ...ف رأيي اللى لسا زى ما هو متغيرش نهائيا ..هو انييستا ...وبس.

وكما هو واضح حاولوا يكسروه كتير ف المباريتين اللى اتلعبوا .

خلاص.

سدوا نفس الشعب كله .

والناس من غيظها بدأت تعترض على حاجات كتييييييير.

ابسط شئ ( لغوا معونة مساعدة الاطفال المحتاجين ...وكانت لهم وجبة يومية ) ...وسوف يعطوا لكل لاعب .

سواء كسبوا أو خسروا (( وآهو خسروا ))....700 ألف يورو ....هدية .

يعنى ده شئ مش منطقى وسبب ثورة علنية ومكتومة .

اليوم ..التتويج .

نقول اليوم الناس حاتسكت ( مجبرة )..

لكن غداا بالتحديد ...سوف يسمح بالمظاهرات .

واتفرج ياسلام على لعبة الأزمان.....فهمت سبب ثورة الشعوب ؟

مفيش عدالة ف التوزيع.

ربنا يستر .

و...اليوم يوم غريب جدااااا.........اجتمعت كل الأذواق .

المؤيد والمعارض .........فى كل شئ.

ورغم كل شئ.

فيفا اسبانيا .....فيفا فيليب السادس .(( ف الحقيقة هو شاب مجهز لذلك ...أن يكون ملكا ))

سلام.

[Scorpion]

اسبانيا مش اول فرقه حامله للقب وتخرج من الدور الاول .. لو تفتكر فرنسا سنة 2002 برده خرجت من الدور الاول وهى حاملة اللقب

و إيطاليا برضه المونديال اللي فات ( 2010 )

[Scorpion]

فيفا اسبانيا .....فيفا فيليب السادس .(( ف الحقيقة هو شاب مجهز لذلك ...أن يكون ملكا ))

سلام.

بس الظاهر ان ليتيسيا هي اللي الأسبانيول قارشين ملحتها ...

اساسآ إزاي واحدة antimonàrquica تبقي ملكة ...

يعني ايام ما كانت صحفية كانت ناحلة وبر حماها ... دلوقتي حتقعد علي كرسي حماتها ...

عجبتو لكا يا زامانو

عالعموم علي رأيك يا مدام سلوي

اليوم يوم غريب جدااااا.........اجتمعت كل الأذواق .

المؤيد والمعارض .........فى كل شئ.

ايه ده .. ايه اللي دخل السياسة في الكورة ؟؟ مشرفين ايه دول يا اخويا اللي بيخالفوا القواعد و بيغيروا مجري الموضوع ..

بقولك ايه يا مستر تونسي .. افقع المداخلة دي تقرير و اطلب من الأدارة تطبيق القواعد عليها ..

[Scorpion]

لقيت الحوار اللي حصل بعد القواعد اللي لازم الزوجة تتبعها بالنسبة للماتشات ...

هى : انت رايح فين ؟؟
هو : نازل اتفرج ع الماتش ..
هى : طب ماتقعد ونتفرج مع بعض ..
هو : ربى لا أسالك رد القضاء ولكن اسألك اللطف فيه ..
هى : هما اللعيبه بيتفوا كتير ليه...ايه القرف ده ؟؟...
هو : بيتفوا ع الحكم ..
هى : طب عصام "الشويحى" بيحفظ اسماء كل اللعيبه دول ازاى..؟؟
هو : أكل عيشه ..
هى : طب ازاى فيه لعيب اسود فى الارجنتين ؟؟...هيا الارجنتين فيها سود ..؟؟
هو : فيها ..
هى : لامفيهاش ..
هو : خلاص مفيهاش ..
هى : انت بتريح دماغك ..
هو : اه ..
هى : بس على فكره الكوتشى الاحمر مش لايق ع الطقم الازرق ..
هو : فعلا ..
هى : هوه المعلق بياخد كام ف الماتش ؟؟
هو : عشره الاف دولار ..
هى : طب والمذيع المصرى ..؟؟
هو : يادوبك يعشوه وياخد علبه سجاير وهوه مروح ...
هى : جووووووووووون ..
هو : لا ده اوفسايد ..
هى : أوفسايد ..
هو : لا ده جووووووووووووون ..
هى : هوه فيه تغيير حكم ؟؟
هو : ازاى يعنى ؟؟
هى : اصل فيه حكم بيجرى ع الخط وشايل علم..
هو : ده حكم الرايه بتاع الأوفسايد يعنى
هى : أعملك تتعشى ..؟؟
هو : يافرج الله ...ياريت ..
هى : عشا خفيف وللا ايه؟؟
هو : لأخفيف ايه ..ده انا عايز محشى ورق عنب ويكون الورق مترقم عشان متلخبطش..انا بحب النظام فى كل حاجه ..
هى : طب اخر سؤال قبل م اقوم احضر العشا .. مين فيهم مارادونا ..
هو : ولا واحد ..
هى : امال هوه فين ..؟؟
هو : إنتحر ..
هى : ياساتر يارب ..ليه ؟؟
هو : كان قاعد بيتفرج مع مراته ع الماتش ..

[أشرف حسين]

هههههههههههههه واضح ان الوباء سارح و متفشي :)

و بالمناسبة

و ربنا المعبود الديالوج دة حصل من يومين و منقول بحزافيرة من غرفة الجلوس عندي

-افففف

*طناااش معهود و مقصود

-اففففففف طويلة (تاني) !

*في اية ؟

-هو في كورة النهاردة كمان

*ايوة

-هو كل يوم

*يعني اية كل يوم..لحد ما البطولة تخلص

-طيب و اناس اللي مش بتحب الكورة تعمل اية..؟

دة مش عدل

*معلش دي حاجة كل اربع سنين

-اوك..إنچويت انا هقعد برة و اكمل الكتاب

خصوصاً اني شغالة طول اليوم و انت معملتش حاجة(في محاولة لإحياء ضمير مات من بدايت المونديال)

*(بعد تمحير وداني)ايوة فعلا الجو جميل..روحي

-ما تيجي تقعد معايا و اعملك درنك بارد

لا ثانكس انا قاعد بتفرج عـ الماتش

-طيب بعد الماتش يعني ؟

*حااااضر

-اوك اممممم..محتاج حاجة اكتبها في الشوبنج لست بتاع بكرة

*(انفجاااار)وات دا ف###..الفك###ج تييييت قرب يخلص

-لية انت عصبي..ما انت دايماً بتتكلم و انا بتفرج على المسلسل

*(تبريقة اعلان حرب من بتوع ابويا الحج حسين)

اقفلي الباب وراكي

الباب طرااااااخ..مع تمتمات غير مفهومه-تقريباً لعنات-تصدر من بعيد :D

تم تعديل 19 يونيو 2014 بواسطة أشرف حسين

[التونسى]

و إيطاليا برضه المونديال اللي فات ( 2010 )

بص يا سيدى .. بعد بحث على النت طلعوا خمس فرق بما فيهم اسبانيا ..وهم ايطاليا بطلة 34 و2006 .. والبرازيل بطلة 62 .. الى جانب فرنسا 98

[egyptawy]

ممكن ياجماعىة الا كان واعى وفاهم سنة 90 يحكيلنا عن الذكريات ده

لاننا عمرنا ما حسينا الاحساس ده

[أبو محمد]

أيهما أفضل ؟ .. الانتاج أم الاستيراد ؟

=====================
كأس العالم بالبرازيل ، تثبت ما بحت فيه أصوات "وطنية"

لم تفهم بطريقة خاطئة كما يفهم المتنطعون "تسعة أعشار الرزق فى التجارة"

وكأن ديننا الحنيف يحثنا على التجارة فقط وينهانا عن الانتاج

مع ان الانتاج الجيد هو أولى خطوات التجارة

وافضل الف مره من الإستيراد على الجاهز

هاهي أسبانيا وانجلترا ، أكبر الدول الكروية

من حيث سخونه الدوري فيهما " الليجا " و " البريميرشب "

تودعان البطولة من الدور الأول للمسابقه

وهما دولتان تعتمد مسابقتهما علي استيراد افضل اللاعبين الجاهزين من كل انحاء العالم

وكان من نتيجة هذا الاستيراد على الجاهز عدم صمود منتخبيهما فى البطولة

في حين يتفوق عليهما ، الآن وفي المسابقات السابقه ، تلك الدول التي تقوم " بانتاج " وتصدير المهارات الكرويه

(البرازيل أكبر مثال .. عقبال أفريقيا)

وهى دول قد لاتتمتع مسابقاتها المحليه بالسخونة وارتفاع المستوي

كما هو الحال مع الدوري الانجليزي او الأسباني

ولكن تضم منتخباتها الوطنيه نجوما لامعه "متجانسه" ، تؤكد ان الانتاج هو الأبقى وبدونه لا تجارة

[Scorpion]

كوستاريكا

ايطاليا

[أبو محمد]

:Laie: :Laie:

غانا الهوى غانا

[Salwa]

ياعينى عليك يامرزوق ...بعد كل ده تاج الجزيرة كان السلطانية ..!!

انجلترا وايطاليا؟

وقبلهم اسبانيا؟

ولسااا .

وآدى احنا بنتفرج .

يعنى لازلت عند رأيى أن ده مونديال المفاجآت فعلا.

سلام.

[Scorpion]

[Scorpion]

مدد مدد مدد ... شدي حيلك يالخضرة

[Scorpion]

انتهي الشوط الأول صفر/صفر لصالح الجزائر ..

في اول 25 دقيقة كانت الجزائر ممكن تعملها لولا انانية لاعب و سؤ حظ التاني .. بس كل شوية بيكسبوا ثقة في نفسهم أكتر ...

والله ممكن يعملوها ..

و مدد مدد مدد .....

[التونسى]

الخضر أضاغوا فرص ليست بالقليله برعونه ولكنهم خرجوا بشرف .. ورغم سوء اداء المانيا اليوم الا انها تستحق الفوز من وجهة نظرى

[عبير يونس]

اهداف ألمانيا السبعة في مرمى البرازيل

http://www.youtube.com/watch?v=6_f-s19B9m0