نتيجتي طلعت غير لائق يا ترى ايه الحل

[Eslam Nasr]

السلام عليكم ورحمة الله وبركاته

انا جالي شغل في السعودية وعملت كل الاوراق المطلوبة وطلعت رقم النت ورحت عملت تحليل الدوم بالمعامل المركزية ولما رحت جامكا حولوني لمستشفى الجزيرة في فيصل عملت التحاليل والاشعة وروحت وتاني يوم لقيتهم بيتصلو عليه وقالولي اجي تاني اعمل اشعة مقطعية على الصدر رحت تاني يوم للمستشفى وحولوني لمركز اشعة اسمة الشروق في نفس شارع فيصل قريب من المستشفي وطبعا محدش قالي او فهمني اي حاجة وبعد كام يوم لقيت رسالة جالتي من المستشفي على تليفوني بأني غير لائق طبياً لما اتصلت على المستشفى قالولي التشخيص طلع التهابات قديمة وتمدد بالشعب الهوائية سألتهم ممكن اعيد الاشعة تاني لو اتعالجت قولولي ممكن رحت اخدت الاشعة ورحت لدكتور استشاري شاف الاشعة والتقرير قالي ان التقرير مزود الموضوع كتير وان الاشعة فيها شويه التهابات وممكن تتعالج وبالنسبة لتمدد الشعب الهوائية قالي انه حجمة صغير جدااااا وغير مؤثر على صحتي او قدرتي على العمل نهائياً وانهم مزودينها قوي في التقرير والحمد لله اخدت علاج والاتهابات راحت بس طبعا تمدد الشعب الهوائية مش بيروح وقالي انه احتمال كبير انه يظهر تاني في الاشعة اللي هعملها تاني .

ودلوقتي انا خايف اروح اعمل اشعة تاني وللاسف هناك سواء في المستشفى او مركز الاشعة محدش بيتكلم معاك او بيتناقش معاك في اي حاجة وذا طلعت غير لائق تاني مش عارف اعمل ايه مع اني سافرت السعودية قبل كده وعملت التحاليل والاشعة وكل كان تمام

ياريت لو في اي حل او اي اقتراح من اعضاء الموقع مع العلم ان الدكتور اللي عالجني قالي ان في ناس بتخلص الحاجات دي بفلوس بس طبعا انا مش عارف الكلام ده صحيح ولا لأه

ياريت حد يفيدني وشكرا

[خالد شحاته]

الاخ الفاضل

انت عايز تسافر لو العرض كويس اقولك سافر انما لو الراتب ضعيف احسن مش تبهدل نفسك علشان انت هتكلف