موقف غريب لن انساه ماعشت.......

[Reham]

موضوع كنت بتذاكر ازاي فعلا قلب الكثير من المواجع والمواقف الدراسيه في حياة الانسان.....

ومن منا لم يمر بمواقف غريبه في حياته اثرت فيه سلبا او ايجابا او حتى لم تؤثر نهائيا و

مرت بسلام........................

انا شخصيا اذكر في حياتي موقف غريب(مر بسلام).... فعلا اشك ان فيه شخص غيري حصل له كده:

كنت في سنه اولي ثانوي وكانت امتحانات اخر السنه شغاله ويومها كان الخميس وكان عندي امتحان جغرافيا وكنت بكرهها عمي..........

وذاكرت كويس فعلا وذهبت للامتحان وابليت بلاء حسنا.....

لغاية دلوقتي عادي ما فيش غريب ولا عجيب!!!!!!!!! mfb:

وعشت حياتي يومها عادي جدا بذاكر الماده اللي كانت علي يوم السبت وكانت الفيزياء وكنت بحبها عشان استاذها كان حلو ومسمسم :)

ومضي يوم الخميس والجمعه بسلام وخلصت مذاكره وقولت ارتب حاجتي في الاكلاسير وبفتحه وبمد عيني جواه الاقي ايه..!!؟؟؟؟؟؟؟؟

الاقي ورقة اجابتي بتاعة الجغرافيا :lol:

يانهار اسود.........بقولها وانا بصوت كإني شفت عفريت قدامي

هسقط الحقوووووووووووووووووووني بعلو صوتي

وفضلت اصوت بهستيريا شديده وامي واخواتي يبكون لما حدث

وإذا بابي يتصل باحد اصدقائه المقربين جدا ويحكي لهم ما حدث وينصحه الصديق بان يكفي علي الخبر ماجور زي ما بيقولوا

وكفينا ولم انم طول الليل من البكاء

وذهبت للامتحان تاني يوم عادي خالص زي ما قالولي ودخلت اللجنه عادي خالص وبدا الامتحان وانا مش شايفه اصلا اللي مكتوب قدامي

وجت اللي كانت بتراقب علي الجغرافيا وسالتني انتي ليه ماجيتيش امتحان الجغرافيا؟؟؟؟؟؟؟؟

رديت(في ثقه رهيبه) وقولتلها ازاي انا جيت طبعا والبنات يشهدوا بكده وسالتها ليه ؟فيه ايه؟

قالت لي اننا مش لاقيين ورقة اجابتك!!!!!

وطبعا قومت صرخت في وشها....ضيعتولي الورقه يعني هسقط (بجاحه ..صح؟)

ودخلت في بكاء هستيري وهدؤني بماء وعصير وطمئنوني انها ماضاعتش ولا حاجه بس يمكن تكون دخلت مع لجنه تانيه

دخلت فين!!!!! دي في بيتنا(همس داخلي طبعا)

وطبعا المراقب وكان استاذ كيمياء غشش اللجنه كلها علي حسي (وكان برده حلو ومسمسم)بس انا في ايه ولا ايه

وروحت وحكيت لاهلي ماحدث.....وسيبناها علي الله

وانتهي الموضوع كده في المدرسه وفي البيت وانتظرنا النتيجه بفارغ الصبر طبعا وقضيت الاجازه حاطه ايدي علي فلبي لأجيب ملحق...................... وجيبت عارفين كام؟؟؟؟؟؟؟؟؟؟؟؟؟؟؟؟؟؟؟؟؟؟

جيبت 17من 20 (حاجه ببلاش كده)

ها .....انتم بقي احكولي علي مواقف غريبه جدا في حياتكم,,,,,,,,,,,,,,,,,, :blush:

[محمد شلبى]

وانا فى الثانوية كنت عامل اجازة مرضى شهر قبل الامتحان وحابس نفسى فى البيت ولما الجدول نزل اتصل بي اقرب اصدقائى وملانى الجدول فى التيلفون وكان فيه يوم الامتحان فيه رياضة 2 ورسم ,فانا كتبت فى الجدول رياضة 2 ورسم وما خدتش بالى ايه الفترة الاولى وايه التانية لان من الطبيعى الرياضة تكون الاول,وبما انى مش واخد رياضة2 فطبعا قعدت فى البيت على اساس انى انزل على معاد الفترة التانية ولقيت نفسى عايز انام رحت مديها نوم mfb: وفجاة رن التليفون الساعة 9 الا خمسة قمت ارد وانا منعوس؟ وفوجئت بصاحبى بيصرخ انت لسه ما نزلتش من البيت mfb: ؟ قلتله :ليه؟

قالى فى ايه يا حمار ,انت مش عندك امتحان رسم :blink: ؟

طبعا انا قلبى وقع فى رجليا وما اعرفش انا لبست ازاى وجريت على اللجنة ,وصلت الساعة 9 و10 دقايق ,فى الاول رخموا عليا وبعدين دخلونى وانا منهار تماما ,المهم دخلت اللجنة وانا رايح الديسك بتاعى عديت على الديسك بتاع صاحبى فلقيته ميت على روحه من الضحك, رحت مديله بوكس فى وشه :blink: خليته وقع على الديسك ورحت رايح على مكانى.

لغاية الوقتى كل ما نفتكر الموضوع ده نغرق فى الضحك.

تم تعديل 9 يونيو 2005 بواسطة محمد شلبى