صلاة التراويح بدعه !!

[التونسى]

إيه رأيكم يا جماعه .. انا بصراحه بعتبر أداء صلاة التراويح ((جماعه)) فى المساجد عاده محموده ارتبطت بشهر رمضان .. ولكنها ليست ملزمه او واجبه .. ومن تركها لا يأثم .. على أساس انها فى النهايه نافله وليست فرض .. وفى نفس الوقت لا استطيع القول انها بدعه ((الا فى حالة الفتوى بوجوبها كفرض وهو ما لم يحدث على حد علمى)) طب نشوف الشيخ طارق المصرى إمام أحد المساجد باميركا رأيه إيه

https://www.youtube.com/watch?v=qpp77QyiXjw

تم تعديل 28 يونيو 2014 بواسطة التونسى

[باهى الطائر الحزين]

صلاة التراويح بذاتها ليست بدعه

البدعه هى صلاتها فى جماعه

فقدر رأى عمر الناس يصلونها فى

جماعه فإستحسنها ولم ينكرها عليهم

وقال نعم البدعه ..،

وإذا عرفنا ان اجر الصلاة المكتوبه فى

رمضان بسبعين صلاة وان صلاة السنه

بفرض فى الأجر طبعا فعليه اقول مثل

ما قال عمر هى نعم البدعه ...

اللهم تقبل منا ومنكم صالح الأعمال

:old:

[التونسى]

الاشكاليه طبعا مش فى الصلاه نفسها اخى الفاضل باهى .. الاشكاليه عندى هل من الافضل من ناحية الثواب صلاتها بالمنزل ام الجامع ((سواء فرد ام جماعه)) .. اللى فهمته من كلام الشيخ ان صلاتها فى البيت أفضل ..

[باهى الطائر الحزين]

الاشكاليه طبعا مش فى الصلاه نفسها اخى الفاضل باهى .. الاشكاليه عندى هل من الافضل من ناحية الثواب صلاتها بالمنزل ام الجامع ((سواء فرد ام جماعه)) .. اللى فهمته من كلام الشيخ ان صلاتها فى البيت أفضل ..

ان شاء الله مافيش مشاكل

سواء صليتها فى المنزل للتبرك

ولكى يراك اهله وصغاره فتكون

لهم قدوه قتدون بها

او صليتها فى المسجد فتثاب بصلاة

الجماعه وتفرح لفرحتها وتجتمع مع

من افتقدته من الأهل والأحبه والأصدقاء

المهم ان نخلص النيه فنحسن العمل ...

كل رمضان وانت محمود اخى الفاضل

[حسين امبابي]

نعم صلاتها في البيت افضل لانها

اقرب للخشوع وابعد عن الرياء

وصلاتها في المسجد لمن يتكاسلون

في البيت عن صلاتها ستكون لهم افضل

ما اجمل ان تجاهد نفسك فتقوم في بيتك للصلاة

في محرابك بما يتيسر لك

و افضل الصلاة بعد المكتوبة هي النافلة

فالله علم نبيه ومصطفاه صلى الله عليه وسلم

ان يتهجد بالقران ليلا

لانه مدعاة للتفكر والتدبر والخشوع ....

تم تعديل 28 يونيو 2014 بواسطة حسين امبابي

[آل مصريم]

أما كون صلاه التراويح فى ذاتها بدعه .... فيستحيل القول بذلك.

أما ما يحث حاليا فهو ما يستحق الكلام,

أيام سيدنا محمد عليه الصلاه و السلام... صلى بالناس جماعه يوم أو أثنين و إنتظروه فى اليوم التالى ليؤمهم و لم يخرج عليهم.... فسألوه ... فأجاب خشيت أو تفرض عليكم ..أو كما قال.... و ظل الناس باقى زمن البعثه المحمديه و طوال خلافه سيدنا أبو بكر و جزء من خلافه سيدنا عمر يصلونها فرادى.... إلى أن وجدهم سيدنا عمر يصلونها بعد العشاء جماعات صغيره متفرقه.... فطلب منهم توحيد الجماعه داخل المسجد فلا تقام جماعتان أو أكثر فى ذات المسجد فى ذات الوقت.

طيب إنتبهوا أيها الساده .... هذا فعل سيدنا محمد عليه الصلاه و السلام... و هذا فعل سيدنا الفاروق عمر ... المُبشـَر بالجنه.... و لا مجال للضرب بينهما حاشا لله و حاشاهما.... و لكن لو سألتنى سنه من تتبع... منهما... فى شىء واحد فعلاه... أختار سنه نبييى عليه الصلاه و السلام.

و قد سألوا السيده عائشه عن صفه صلاته عليه الصلاه و السلام فى التطوع بعد العشاء.... فقالت " ما كان يزيد عن ثمان ركعات فى رمضان أو غير رمضان"... و يليهم بالتبعيه وترا... او شفع و وتر.

عندنا شيئان.... صفه إقامه التراويح جماعه.... و صفه إقامه التراوح جماعه و إمتداها عشرين... و أحيانا أربعين ركعه.... و صففه ما أسموه بعد العشاء تراويح جماعه... و فى النصف الأخير من الليل تهجد جماعه.

تانى إنتبهوا أيها الساده ... فى صلاه التراويح ليلاتى تـُسد الشوارع بالمصليين.... طيب سؤال..... مش حقول فى الخمس فروض فين الناس ديه من الجماعه.... لأن الصلاه فى جماعه لها أفضليه على صلات الفرد... فتجوز باقى الصلاوات مفرده.... لكننننننننننننن

فين الناس اللى ساده الشوارع طول 29 ولا 30 ليله... فينهم ساعه صلاه الجمعه المفروضه جماعه فى القرآن... و لا تجوز إلا كذلك,,,,, فين عُشرهم حتى؟؟؟؟؟؟؟

صلاه التراويح... بقت عند بعض السُذج.... أعلى من صلاه الفرض.... يا ترى من عملها كده و مين عايزها كده!!!!!!؟؟؟؟؟

أخيرا... و ثالث مره .... إنتبهو أيها الساده.... الموضوع موضوع حساس أوى.... و مش عارف إن كان يؤدى لفتنه ولا لإصلاح.

" ربنا لا تؤاخذنا إن نسينا أو أخطئنا... ربنا ولا تحمل علينا إصرا كما حملته على الذين من قبلنا"..... " لا إله إلا أنت سبحانك... إنى كنت من الظالمين"