... بالروح .. بالدم .. نفديك .. يا محجــوب ...

[Alshiekh]

ولكني دعني أسألك أيضا ما هو موقفك من مالك العقار الذي سمح لنفسه قبل ان يسمح له موظف الدولة بأن يخالف ضميره قبل أن يخالف رخصة العقار،،، و ما هو موقفك من السكان الذين سكتوا عن ذلك، و عرضوا أنفسهم لمخاطرة، ظهرت نتائجها بعدد من القتلي، و ما هو موقفك من السكان الذين ارتضوا أن يدفعوا اموالا في الأدوار المخالفة .... هل هم من الحكومة ام من المعارضة؟؟؟

شوف يا استاذ محمد جرامون الوطنى

لو كان الكلام عو ناس من بلاد الماوماو او بلاد تركب الافيال نقول ماشى الراجل عنده فكرة اكثر مننا بالبلاد دى،

لكن لما تكون بتتكلم عن مصر ياريت تبقى موضوعى ومتعمق فيما تتحدث عنه.

المالك ، أى مالك همه الاول تحقيق اقصى ربح مما يملك، هذا كلام جميل ولكن يجب ان يكون داخل حدود المسموح وليس الممنوع.

فالقانون يمنع ان يقام اى بناء قبل الحصول على ترخيص بدءا من تقديم رسم هندسى معتمد الى الحفر فى الارض لوضع الاساسات والبدأ فى البناء.

اذا رغب المالك فى عمل اى تعلية او ارتفاعات او حتى عمل ترميمات فيجب عليه الحصول على ترخيص بذلك اولا.

انا مازلت اتحدث عن القواعد المفروضة.

ماذا يحدث على ارض الواقع؟

القسم الاول:

المالك فى الغالب يشرع فى البناء قبل الحصول على اى تراخيص، مجرد مقابلة شخصية ( ويابخت من نفع واسنفع أو رشى وارتشى) مع المهندس المرتشى الذى يرسم له تماما السيناريو الذى سيتبع ردءا من مدة تغميض العين وعدم تحرير اى محاضر وكيفية تشطيب الواجهة فقط لمجرد الانتهاء من بناء الطابق الى احضار بعش العمال لشوية كراكيب لاثبات الن العقار مسكون وياحبذا لو تم نشر الغسيل فى البلكونات.

القسم الثانى:

المالك الراغب فى التعلية، دى قصة ثانية خالص

يتصل المالك بالمهندس المرتشى ( على جنب) ولو ان كل شيئ بيتم داخل مبنى الحى لان كلهم زى بعض ماحدش بيختشى دلوقت.

يوصى المهندس المالك بالاتى: الخميس الصبح تكون كل حاجتك جاهزة، الساعة 10 تبدأ الشغل، ادامك الخميس والجمعة لحد السبت الصبح تخلص شغلك، لو حد قدم شكوى مش حانطلع لها قبل يوم الاثنين او الثلاثاء تكون عملت محارة الواجهة.

ساقوم بالمعاينة واثبت الن الارتفعات التى تمت مأهولة ولا يمكن تشميعها. هــــــــــــــــــــــــــــــــــــــاهاها. سلم لى على المترو.

ستسألنى وماعلاقة هذا بالحكومة،

اقول لك، الموظف ده بيشتغل فى الحكومة ( حكومة مصر مش حكومة واق الواق ).

برضه ايه العلاقة اذا كان الموظف مرتشى؟

رئيسه بيشتغل ايه؟ ياخد المعلوم وبس؟

يمكن رئيسه مرتشى؟

مين اللى معينه؟ مش المحافظ؟

طيب والمحافظ ماله؟

اكيد لازم يكون مسئول هو يعنى شغلته يقعد فى المكتب مستنى يقابل الضيوف ويش الورد اللى فى المكتب والجنينة؟ ليه مايطلعش بره المكتب علشان يشم روائح العفن التى ملات رائحتها مكاتب موظفينه كلهم بلا اسثناء وصدقتى لما اقول لك بلا اسثناء.

يمكن عنده حساسية فى صدره مايقدرش يشم الحاجات دى؟

اقول لك لا هو اللى مش عايز يشم لان الامور ماشية كده حلو ومش عاوز يفحر على نفسه.

طيب دى وعرفناها، ايه علاقة ده برئيس الجمهورية بقى؟!!!!

أقول لك، ماهو ده المعلم الكبير اللى الكل بيشتغل لحسابه واللى قال انا عمرى ماحغير مسئول اشتكيتوا منه. !!!!!!

اصلها الوسية اللى ورثها.

شوف ياسى محمد، متهيئ لى ان سنك لسه صغير ومامريتش باللى الواحد شافه وعايشه او ماحتكيتش بالكلام ده كله علشان كده يمكن يكون عندك حسن نيه، لكن الحقيقة غير اللى انت بتدافع عنه تماما.

ساسوق موقفين كمثالين:

عام 1984 على ما اتذكر كان فيه انتخابات مجلس شعب،

كنت رايح البلد زيارة لاهلى باحد قرى محافظة المنوفية،

القرية كان بها حوالى 4 او 5 خطوط تليفون ، طريق غير مرصوف، لاكهرلاء ولا مياه نقية تعداد القرية كان فوق ال 20000 نسمه.

اجتمع بهم سليمان متولى ووعدهم بالاتى:

سنترال، رصف الطريق (8كم) ادخال الكهرباء والمياه اذا وعدوه بانتخابه وتم لهم ما وعدوا به. ترى لو لم يكن سليمان متولى وزيرا للمواصلات فى ذلك الوقت، هل كان بمقدوره ان يفى بوعده من ماله الخاص؟

حاتسأل ليه؟ أقول لك، كانت اول انتخابات حزبية وكان نازل فيها الوفد والعمل والاخوان على قائمة الوفد ان لم تخوننى الذاكرة وكانت المنافسة معقولة وحصلت احزاب المعارض فى تلك السنة على عدد من المقاعد لا بأس به.

وعلى فكرة اللى سقاهم البوظة كان الحزب الوطنى.

ماقصدته هنا هو ان اشير الى استغلال الحكومة لامكاناتها لانجاح مرشحيها ولو انهم لم يعودوا يستخدمون هذه الطريقة الان لانها تفيد الشعب وماينظرون اليه الان هو خدمة انفسهم والنظام ولا شيئ غير ذلك.

فى مدينة الاسكندرية حيث مسقط رأسى وحياتى

اراد صاحب العقار الذى اسكن فيه ( الحقيقة انه اتحاد ملاك ) ان يبنى طابقا بالمخالفة لعدد الادوار،

طبعا اعترضنا على ذلك ولكن للاسف بتراخى باقى اعضاء الاتحاد.

المهم يوم الخميس بدأت مواد البناء فى الوصول منذ الصباح الباكر، على الفور اتصلت بالبوليس وقمت بعمل محصر وهذا هو كل مايمكن للبوليس ان يفعله حيث لا امر ايقاف قد صدر بعد.

اخذت رقم المحضر وذهبت للحى ظنا منى ان الدنيا ستقوم ولن تقعد قبل ان يبدأ هذا الجشع فى البناء.

داخل الحى طلبوا منى كتابة بلاغ على طلب مش عارف ايه ممكن تنول للكاتب العمومى اللى جنب الباب يعمله لك هو عارف الصيغة ايه.

ياستى انا مش جاهل قولى لى الصيغة ايه وانا اكتبها، اصل انت حاتحتاج دمغات وحاتنزل تشتريها منه فاريح لك انك تخليه يعمل لك كل حاجة.

امرى لله، روحت للعرضحالجى اللى قاعد فى الحوش واللى عنده ماكينة تصوير مستندات كمان ومستلف الكهرباء من مدير الحى !

قصر الكلام خذت الطلب ورحت للموظفة قالت لى خلاص سيبه والمهندس حايبقى يشوفه ويروح المعاينة.

هو ماحدش حايطلع معاينة النهاردة؟ حايكون البناء خلص واتسكن كمان!

هى دى الاجراءات يا استاذ، ماحدش حايطلع معاينة الا اذا كانت حالة طوارئ بيت وقع والا حاجة زى كده.

فين رئيس الحى، انا عايز اقابل رئيس الحى

ماشى روح قول له، هو ده النظام.

فين مكتب رئيس الحى؟

فى الدور الرابع

ماشى ، عامل الاسانسير، الاسانسير للموظفيى بس يا استاذ

استاذ ايه وقرف ايه الله يخرب بيوتكم

مالوش لازمة يافندى الكلام انا بانفذ تعليمات، واحد جنبه:"سيبك منه تلاقيه مخه طاقق ولا قرفان من حاجة"

لو سمحت عاوز اقابل رئيس الحى

مش موجود عنده اجتماع فى المحافظة،

مين مكانه؟

مافيش حد النهاردة الخميس يا افندى.

مافيش فايدة اروح احسن.

المدام فى البيت" عملت ايه؟ ماجوش معاك ليه؟"

بلد وسخة.

الخميس اخر النهار كان قد تم الانتهاء من الطابق المخالف.

السبت

توجهت للحى او للمهندس المسئول عن المنطقة، انا قدمت شكوى يوم الخميس..

أه بتاعة فلان الفلانى اللى بيعلى دور

ايوه

ايه المشكلة

انا مش جاى اطلب تحل المشكلة، الراجل ده بيبنى بدون ترخيص والعمارة ماتستحملش، وبعدين ده اتحاد ملاك.

طيب ماشى خلينى اشوف الجدول بتاعى، خلاص سيب الموضوع ده على وانا حاطلع اعمل معاينة.

وبعدين؟

حانعمل له وقف وبعدين هو حايقدم على استكمال لحد القضية مايتحكم فيها.

قد ايه يعنى؟

اسبوع او اثنين بالكثير.

شكوى للمحافظة مسجل بعلم الوصول وصورة باليد.

عايز اقابل المحافظ،

هو المحافظ فاضى لك، روح للسكرتير

رحنا للسكرتير، هات لى رقم الشكوى وانا حاخلص لك الموضوع.

جبنا رقم الشكوى، اديها للاستاذة فلانه،

الاستاذة فلانة، خلاص سيبها وشيك معانا بعد كم يوم!

روحوا منكم لله

مافيش غير الرقابة الادارية

اسمك ، سنك ، عنوانك، جاى هنا ليه؟

سيب بطاقتك هنا وحاتاخدها وانت خارج.

ايوه يا استاذ محمد احكى لى ايه الموضوع

والهه الموضوع ....................... الحى ماعملش ومش عايز يعمل حاجة والمحافظة نفس الشيئ وفوجئت بان المهندس بيتصل بالمالك ومافيش حاجة تمت لا انا عارف اقابل رئيس الحى ولا المحافظ ولا اى مسئول والظاهر المهندس عارف الكلام علشان كده مش سائل فى حاجة خالص.

ماشى يا استاذ محمد انا عارف الناس دى متعبة والشكاوى منهم عندنا اد كده، لكن اطمئن حانعمل تحرياتنا وحانتصل بك لو احتجنا اي معلومات.

انا مستنى حد يتصل بى منذ اكثر من عشر سنوات.

يمكن يكونوا ماعرفوش تليفونى هنا فى امريكا لانى نسيت ابعت لهم.!

هذا العام اراد نفس الشخص ان يقوم بنفس ماقام به من عشر سنوات،

نفس السيناريو ولكن هذه المرة منع بالقوة من جانب السكان، لان اللى يستنى الحكومة يعنى بيشترى الترماى.

تقول الريس ماله؟ مش المحافظ بيمثل رئيس الجمهورية فى محافظته؟

مش المحافظ مسئول عن الموظفين بتوعه؟

العمارة التى سقطت مؤخرا ، كان السكان قد قاموا بتحرير اكثر من عشرة محاضر ولم يتم اتخاذ اى اجراء، وقبلها عمارة كذا وعمارة كذا وكان مايحدث يحدث فى بلد آخر.

هل تعلم انى علمت بالحادث هنا فى امريكا يمكن بعد ساعتين من حدوثه، اين صحافتكم الرائدة وتليفزيونكم المتميز؟ فى العســـــــــــــــــــــــــــل؟

مش كلكم راع وكل مسئول عن رعيته؟

‏أن رسول الله ‏ ‏صلى الله عليه وسلم ‏ ‏قال ‏‏ كلكم راع فمسئول عن رعيته فالأمير الذي على الناس راع وهو مسئول عنهم والرجل راع على أهل بيته وهو مسئول عنهم والمرأة راعية على بيت ‏ ‏بعلها ‏ ‏وولده وهي مسئولة عنهم والعبد راع على مال سيده وهو مسئول عنه ألا فكلكم راع وكلكم مسئول عن رعيته .

انظر الى الصورة لترى توقيت نشرها

هل علمتم بالحادث من التليفزيون المصرى ام من مصادر أخرى؟

تم تعديل 9 يونيو 2005 بواسطة Mohammad

[Guest Mohd Gramoun]

dvfdvdf

تم تعديل 12 يونيو 2005 بواسطة Mohd Gramoun

[Alshiekh]

زمان قالوا:

" إذا كان رب البيت بالدف ضاربا فشيمة اهل البيت كلهم الرقص "

واذا كان كل هذا يحدث والحكومة لاتحرك ساكنا فعلى القائد ان يتنحى او يحاسب المسئول.

لكن حكاية ليس فى الامكان افضل مما كان ورحوا شوفوا المسئول وحاسبوه طيب انت شغلتك ايه؟

فاكر محافظ القاهرة اللى قال لمفيد فوزى " انت عايزنى استقيل علشان بنت وقعت فى حفرة مجارى؟ "

طبعا فى مصر مايصحش

لكن فى الدول المحترمة بتحصل.

لكن طبعا مانقدرش نعمل مقارنة بين مصر والدول المحترمة!

احلي حاجة عملتها امريكا ستاربكس

لا وانت الصادق

احلي حاجة عملتها امريكا " مافيش واسطة "

احلي حاجة عملتها امريكا " كله امام القانون سواء "

احلي حاجة عملتها امريكا " العدل على ارضها للامريكى والاجنبى "

احلي حاجة عملتها امريكا " كله بيحلم يعيش فى امريكا " وصدقنى انت واحد منهم.

نقول كمان والا كفاية؟

[omtmam]

احلي حاجة عملتها امريكا " مافيش واسطة "

احلي حاجة عملتها امريكا " كله امام القانون سواء "

احلي حاجة عملتها امريكا " العدل على ارضها للامريكى والاجنبى "

ولو ان كلامى ممكن يكون خروج على الموضوع بس كلامك اعلاه يا استاذ محمد ليس صحيح

فامريكا ليست الجنة الخالية من الاخطاء

انا عايشة فيها و شايفة ان الواسطة موجودة و ان كانت مش مستفحلة

كله امام القانون سواء ده كان قبل 11/9 صدقنى ساعات كتير بناخد مخالفات مرور لمجرد انى محجبة و قاعدة جنب زوجى و هو سايق

العدل على ارضها للامريكى والاجنبى ودي كمان مش قوى كده

انا فعلا اعترف ان فيه امريكن كويسيين جدا بس امريكا ليست الجنة التى نحلم به

ا اسفة مرة اخرى للخروج عن الموضوع

[Alshiekh]

يا أختى العزيزة حرام لما نعمل مقارنة،

كل اللى بيحصل من تصرفات ممكن نقول انها فردية لاتمثل تعميم،

عمرك اتعمل لك مخالفة وبحثتى عن واسطة؟

عمرك فكرتى تبنى بيت ودفعتى رشوة او حتى عرفتى مين اللى حايقوم بالمعاينة علشان تتفقى معاه زى مابيحصل فى مصر؟

اما عما حدث بعد 11/9 فالحادث جلل واظنك توافقيننى على ان الحكومة قامت بالاحتراز بحماية المساجد والمراكز الاسلامية.

فى امريكا يمكنك طلب البوليس ان تعرض لك رجل بوليس بالسب او بالقول الغير لائق، هل يمكن ان يحدث ذلك فى مصر؟

نعم سنجد مخالفات داخل امريكا لان ببساطة امريكا ليست الجنة الموعودة،

لكن لما تقارنيها بمصر فممكن تقولى اما ان امريكا بلد العدل والحرية بدون نظر الى عيوبها او ان تقولى مصر بلد الظلم والمحسوبية والواسطة بدون النظر الى شرفائها.

انا عايشة فيها و شايفة ان الواسطة موجودة و ان كانت مش مستفحلة

مش مستفحلة

بس فى مصر استفحلت فى كل القطاعات بلا استثناء بدءا من شراء العيش حتى الخروج والدخول الى مصر.

فكرتينى بحاجات كان الواحد نساها.

[seastar44]

الاخوة الاعزاء .. محمد جرامون ... محمد ...

كلما انهار أحد المبانى ... تهيج الدنيا .. والكل يبحث عن المسئول عما حدث ...

المحافظة تدرأ شبهة الفساد .. بطلب تشكيل لجنة من أساتذة الهندسة لوضع تقرير ..

الدولة ممثلة فى النيابة .. وقانون الطوارىء .. تأمر بالقبض فورا على مالك العقار ..

الكل يبرئ نفسه من الجريمة ... والى أن يتم مواراة الضحايا تحت التراب ..

ينفض المولد .. وندخل رحلة النسيان .. الى أن توقظنا من الغفلة حادثة أخرى ..

الجريمة الاساسية هنا هى جريمة دولة من الدرجة الاولى ... والدولة هذه الايام تغطى بشتى الوسائل على الفضائح التى أصبحت روائحها تزكم الانوف ... والجميع يعلم أنه لا خبر ينشر فى وسائل الاعلام المصرية.. الا بعد تمحيص شديد .. ولو كان بيد الحكومة لما نشرت شيئا عن هذه الحوادث ...

جريمة الدولة هنا هى أنها تحتفظ بقانون إسكان متهالك .. وجائر .. ولا يتمشى مع أى شريعة فى العالم ولا حتى شريعة المجوس .. لان رؤوس ورموز النظام هم من أكبر المنتفعين ببقاء هذا القانون ... الذى تسبب فى التفسخ الاجتماعى وسوء الخلق الذى أصبح سائدا فى هذة الايام الغبراء التى نعيشها .. حيث الابناء يطردون الآباء والامهات فى الشوارع لللإستيلاء على سكن رخيص ... أبناء يرسلون آبائهم وأمهاتهم لدور المسنين لللإستيلاء على سكن رخيص .. ما دام القانون يسمح لهم بذلك ... أشقاء يقتتلون ويتقاتلون من أجل الصراع على سكن رخيص ببلاش ...

الفقير الذى تتشدق الدولة بأنها تراعى بعده الاجتماعى ... يسكن المقابر والعشوائيات وايجار الغرفة فيها من 75 الى 100 جنيه شهريا إن لم يكن أكثر ... وأساطين الحكومة الذين يغترفون المال بلا حسيب أو رقيب يسكنون شققا و فيلات وقصور بأقل من إيجار غرفه فى المقابر ... والحكومة ومجلسها العتيد ..مجلس سيد قراره تصم آذانها عن مناقشة هذا القانون الذى ينظم عملية الاسكان فى البلاد ...

المستأجر مواطن مصرى .. والمالك مواطن مصرى ... والحكومة تناصر وتستعدى فئة على الاخرى وتسلب وتغبن حقوقها .. وهى بذلك تدمر السلام الاجتماعى من أساسه ..

الحكومة تستعدى أبناء شعبها بعضهم على بعض .. وهى تطلق لهم الشعارات الرنانة تحت مقولة السلام الاجتماعى ...!!

كيف يمكن صيانة أبنية متهالكة .. تحتاج الالوف لصيانتها بينما ملاكها يتقاضون الفتات ..

وإذا .. فكر المالك فى صيانة هذا العقار .. فتكاليفه تساوى إيراد المبنى لعشرين سنة قادمة .. هل هذا معقول ...

ناهيك عن الفساد المستشرى فى إدارات الاسكان بالاحياء والمحافظات ... وإذا ما طبقنا القانون وحاسبنا المسئولين ... فجميع إدارات الاسكان .. مآلهم جميعا الى السجون .. ولكن الدولة والحزب لا ترغب فى ذلك أبدا ...

الدولة غير متفرغة هذه الايام لخدمة المواطن المصرى ورعايته ..

الدولة وحزبها ومنتفعيها .. متفرغة فقط هذه الايام لترتيب كيفية ضمان إبقاء الحال على ماهو علية .. وليذهب الوطن والمواطنين الى الجحيم ...

[eskndarany]

الاخ العزيز محمد تصدق بالله انا كنت مسمى المحافظ محافظ الكورنيش تمش على الكورنيش الله على جماله اسفلت زى الحرير شارع نظيف مناظر حلوة لكن لو دخلت فى اى شارع جانبي لوطلعت منه بعربيتك سليم تبقى جدع مطبات وحفر والا لو نزلت الناطق شعبيه باكوس ولا الضاهريه صدقنى ماتفرقشى اى حاجه عن اسكندريه الجوسقى زباله وشوارع بايظه انا لما كنت الصيف الماضى فى الاسكندريه وسعدنى حظى بالمرور يوميا من العجمى علشان اطلع الساحل عجبت لما وصل اليه الحال من مطبات وشوارع مكسره ومياه طافحه فى الشارع كانك فى البندقيه لكن هنا انت بتعوم فى مياه مجارىولا لو سعدك حظك ودخلت طريق ام زغيو فيا عينى عليه كانك فى رحله سافارى مطبات لتحت وجبال لفوق وحاجه زى الفل اما موضوع التصالح مع المحافظه على المخالفات فى المبانى فحدث ولا حرج فمبانى طلعت مخالفه لقوانين البناء فى الارتفاع يعنى بتطلع اكتر من الارتفاع القانونى باكتر من مره ونص اذا ماكانش اكتر بدون مراعاه لحق الجار فى التهويه او وصول اشعه الشمس له المهم نبنى كام محطه ترام شكلهم حلو ونقول المحافظ شغال من بره هلا هلا ومن جوه يعلم الله عموما ده برضه ارحم من حاكم الاقليم اللى كان خاربهاوماشى فى حراسه ادامه ووراه وكانه مستهدف وراى انه كفايه كده على المحجوب لان هناك الكثير يجب اصلاحه فى الاسكندريه علشان ترجع تانى زى زمان جميله بجد ويرجع بحرها لنا تانى بعد اسره خلف الاسوار

[K_FASSI]

الاخ محمد بيحاول ان يلوي عنق الحقيقه كعادته يا اخي كما علق بعض الاخوه المسؤليه تضامنيه يا اخي هذا ما درسناه في القانون. يا اخي من المسؤل عن الموظف الذي اعطي الترخيص اليس رئيسه المباشر و هكذا دوليك لو حدث هذا في دوله مثل التي اعيش بها بااروبا لقدم الوزير المسئول استقالته لانه مسئول عن تطبيق القانون في المؤساسات التابعه له شوفت الديموقراطيه و احترام الناس,

مش تقولي البنا و بتاع الشاى يا اخي فوق و اعطي الحق لاصحابه.

[محمد حافظ]

وأخيرا نطق أساتذة كلية هندسة الإسكندرية .. رافضين أسلوب اللؤاء النزيه .. ومبدأ تقنين الغلط .. والدفع فوق الترابيزة خير من الدفع تحت الترابيزة

أقارء الخبر بجريدة المصريين

عسكري رغب أن يفلح .. جاب للإسكندرية مصيبة ...

على جانب آخر طالب عدد كبير من أساتذة كلية هندسة الإسكندرية محافظ الإسكندرية أن يتوقف عن منح استثناءات الارتفاعات المخالفة لقانون البناء والطيران المدني مؤكدين أن ما يفعله المحافظ عبد السلام المحجوب هو نوع من الترخيص بالمخالفة يهدد حياة المواطنين.

[محمد حافظ]

الرئاسة تطلب تقريراً عن عمارة فلمنج وتوقعات بإقالة المحجوب

الإسكندرية ـ أحمد حسن بكر : بتاريخ 11 - 6 - 2005

علمت المصريون أن رئاسة الجمهورية طلبت من جهاز أمني سيادي تقريراً مفصلاً عن انهيار عمارة فلمنج في الإسكندرية الثلاثاء الماضي والذي راح ضحيته 20 شخصاً من بينهم مسئول أمني رفيع المستوى.

على جانب آخر أكدت مصادر بديوان عام محافظة الإسكندرية بأن اللواء عبد السلام المحجوب منح 5 تصديقات بالتعلية لارتفاع 36 متر لعقارات في مناطق مختلفة بالإسكندرية واستثنائهم من شروط الطيران المدني بالمخالفة للقانون.

كما أصدر المحافظ قرارات بإرجاء إزالة عدد من العقارات المخالفة والتي صدرت لها قرارات إزالة بحجة عدم إثارة الشارع السكندري قبل انتخابات رئاسة الجمهورية.

أثارت قرارات المحافظ عددا كبيرا من أعضاء المجلس المحلي بالإسكندرية وكذا أقارب ضحايا عمارة الموت في فلمنج.

على جانب آخر تم اليوم تنفيذ قرار إزالة للأدوار المخالفة في العقار رقم 10 بشارع سيد درويش.

كما يجرى حالياً في جميع أحياء الإسكندرية إحصاء عدد مخالفات المباني والتي من المنتظر أن تتجاوز 150 ألف مخالفة بناء تستوجب الإزالة.

وعلمت المصريون أن قراراً سيادياً سوف يصدر قريباً بتعيين محافظ جديد للإسكندرية وأن تنفيذه سيكون بعد انتخابات الرئاسة القادمة ومن المنتظر أن يشتمل القرار على محافظ مطروح أيضاً الفريق الشحات وسيكون محافظ الإسماعيلية هو المرشح للإسكندرية.

عن جريدة المصريون

فهل سيأخذ المحجوب إستمارة 6 عن قريب

إنني أشفق على أي محافظ جديد للإسكندرية .. فسيرث ميراث ثقيل من المباني المخالفة والقابلة للإنهيارات .. بينما سيعود المحجوب لقريته في زفتي محملا بالغنائم التي كسبها من خلال برنامجه الإصلاحي الشهير الخاص بتقنين الرشوة .. وجعل مبدأ ( إدفع بالتي هي أحسن )) شعار فترة وجودة بالإسكندرية ..

ليؤكد الحقيقة الأزلية .. بأنه لم تنجب مصر عسكري شريف حتى هذه اللحظة .. بداية من عبد الناصر الذي نكسها .. مرورا بالسادات الذي فتحها .. ومبارك الذي باعها .. والمحجوب الذي ضايعها .

[Alshiekh]

لماذا لا يتم انتخاب المحافظ من شعب المحافظة؟

ام انه يجب ان يتم تعيينه حتى يظل ولائه لسيده؟

[محمد حافظ]

لماذا لا يتم انتخاب المحافظ من شعب المحافظة؟

ام انه يجب ان يتم تعيينه حتى يظل ولائه لسيده؟

سؤال وجيه جدا .

أولا .. إسمح لي أن ألفت نظرك هنا لأمر هام

أنه طيلة حكم السادات ومبارك شاه كانا يختاروا محافظ الإسكندرية من العسكريين . بداية من فوزي معاذ رجل البوليس الفاسد , إلي النحاس إلي الجوسقي والذي كان أسواء من العسكريين إلي المحجوب .

لابد أولا أن نري رؤية ضباط الجيش المصري والذين وصلوا لأعلى سلم في القيادة العسكرية رؤيتهم للإسكندرية وشعب الإسكندرية .. إنني كضابط إحتياطي سابق .. إختلطت خلال فترة خدمتي بالجيش مع ضباط من مختلف محافظات مصر .. كنت دائما أشعر بكراهية الأخرون لي أو لأي ضابط أخر أو حتى لأي عسكري إسكندراني .

لا أعرف جذور هذه الكراهية تماما .. ولكنه كان شعور سائد .. فربما كنت أنا الوحيد الذي ينادوني فيما بينهم بلقب الإسكندراني بدلا من إسمي . ونفس الأمر بين العسكر ..

على الرغم من أن هذا الأمر صار سائد في عقلية كبار الضباط .. أراه إنعكس على ايضا على إختيار الحاكم والذي هو عسكري لمحافظ الإسكندرية والذي غالبا ما يكون أيضا عسكري .. فأساس الإختيار ليس لأن الحاكم يريد من المحافظ أن يتطور وينمي المحافظة . بل إختياره يكون على أساس أن هذا المحافظ ينفع أن يربي هؤلاء الإسكندرانية ولاد كذا وكذا .

فالإختيار نابع من رغبة الإنتقام أكثر من رغبة الإصلاح .

وعليه يمكنك ويمكن لأي إسكندراني أن يتعرف على حكمة مبارك شاه في إصراره على بقاء فوزي معاذ طيلة تلك المدة على الرغم من فساده الظاهر لجميع العيان .

ويمكنك أيضا التعرف على حكمة مبارك في تعيين الجوسقي محافظا للإسكندرية لقرابة 12 عام على الرغم من شكوي طوب الأرض له لإستبداله ولكنه مصر على الرفض .. وسبب الرفض أن مبارك كاره للإسكندرية ويتمني أن يراها خرابة .. وليست الإسكندرية في ذهنه غير فسحة وأكلة سمك .. وربما أكلة لحم أبيض أيضا .

وطالما أن سعادة المحافظ بيوفر الفسحة وأكلة السمك والجمبري واللحم الأبيض ( أقصد باللحم الأبيض لحم الفراخ ما تخليش مخك يأخذك بعيد !!! ))

فليبقي المحافظ الفاسد .. وليأكل أهل الإسكندرية (( نسيم البحر )) .

صدقني إهمال مبارك للإسكندرية منذ تواليه الحكم نابع من عقدة النفسية الكاره للإسكندرية وشعبها .