الحذاء الضيق و 70 سنة معاناة

[عادل أبوزيد]

عمري 72 سنة تقريبا و منذ وعيت على الدنيا و أول شئ أعمله عند العودة للمنزل هو خلع الحذاء ، و هذا يعني أني غير مرتاح في الحذاء

ما سبق كان إستهلالا لابد منه

في السنوات الأخيرة كان حلم حياتي. أجد كونترجي شاطر يفصل لي حذاء مريح ، و كنت أقرأ عن كبار رجال الدولة في العالم و أنهم يعانون من ضيق الحذاء.

من زمان عندي قناعة الحذاء لازم يكون على المقاس بالضبط و مع مرور الوقتً الحذاء يتسع و ترتاح فيه !!

في زيارتي الأخيرة لبريطانيا عن لي أشتري حذاء هناك رغم الأسعار المرتفعة هناك ... و المفاجأة أني إشتريت ثلاث أحذية و السر أني إكتشفت - على كبر - إن الحذاء لازم يكون مريح جدا من أول يوم و ألا فلا

و المفاجأة التي لاحظتها زوجتي أني أصبحت أفضل لبس الحذاء عن لبس الصندل الذي كنت أفضله لأنه مريح!!

سبعون سنة و أنا أعاني

[حسين امبابي]

انا مغرم بشراء الاحذية الجديدة

ودايما كنت موفق بفضل الله

في اختيار الذوق والمقاس المناسب

هــو حضرتك يا استاذ / عادل ...

بتروح بريطانيا بسهولة لشراء حذاء !!!

تم تعديل 29 يونيو 2014 بواسطة حسين امبابي

[Egizio]

أستاذ عادل

ربنا يعطيك الصحة وطول العمر،

تبحث عن الراحة لقدمك عليك بالإيطالى .

[Salwa]

تحية طيبة .

كل عام وانتم بخير .

ممكن أقول لحضرتك حاجة يااستاذ عادل ؟

ربما أكون أنا من النساء القلائل ( فعلا ) التى لاتفضل لبس ( شبشب صيفى )..وأفضل فى الصيف لبس حذاء من القماش .

والشئ الغريب جداااااا.........ان طول عمرى وفى خلال طفولتى كنا جميعا ( كأهل اسكندرية ) نرتدى فى الصيف اسبدرين .

والمفاجأة ...اكتشافى أن كل الناس فى اوروبا ....يفعلون نفس الشئ.

ما اريد قوله أن الطبيب فى يوم قال لى أن اصح شئ فى الصيف لبس حذاء ( مقفول من عند الكعب )

ممكن يكون صندل بس مقفول ...لكن الصنادل المفتوحة والشباشب...مريحة للبعض لكنها متعبة للبعض الآخر .

والخلاصة ..الصحية أكثر هى نوعية ...فى اسبانيا يوجد نوع من الصنادل ترتديه النساء والرجال والاطفال ..نوع تقليدى لا يغطى الكعب لكنه مريح جدااا..سوف اضع لحضرتك صورتها هنا.

عموما...
لايهم الوقت والمهم ان المشكلة تم حلها .

[Salwa]

[التونسى]

فعلا أسعار الاحذيه مرتفعه فى انجلترا .. بس ايضا ينطبق عليها مقولة ((الغالى تمنه فيه)) .. انا عندى حذاء بستعمله من خمس سنين ((كان ساعتها بحوالى ما يعادل 500 جنيه مصرى)) ولسه ماشاء الله بحاله جيده جدا .. وبفضله عن بقية أحذيتى العده ((انا من المغرمين بشراء الاحذيه وعندى مايشبه الاسطول هنا وهناك)) ,, أنا بقى على حظى ان ماركة الاحذيه المفضله اللى بقالى حوالى 20 سنه بلبسها ومن أيام ما كنت فى مصر طبعا .. متوفره هنا فى انجلترا وبأسعار احيانا بتصل لاقل من نصف سعرها فى مصر ((clarks)) وبإستيلات خرافيه .. الى جانب ان فيه أوقات بيكون فيه اوكازيونات للاحذيه المختلفه ((خصوصا الرياضيه)) .. بيصل فيها الخصم لا 60% .. وخصوصا فى وقت ما بعد الكريسماس .. لان الناس بتكون شبه مفلسه .. والخصومات بتكون سلع كثيره كالملابس والاجهزه الكهربائيه والعطور

أنا أومن ومن صغرى إن أهم شئ فى ملابس الانسان اللى مفروض يهتم ويعتنى بها ولا يبخل على نفسه عند شراءها هى الاحذيه .. لازم تكون ماركه محترمه وعلى الموضه ومريحه جدا ومش مهم سعرها حتى لو حتاخد كل الميزانيه الموضوعه للكسوه كما يقال .. على عكس الملابس .. كنت بميل للملابس البسيطه والكاجوال والرياضيه والرخيصه ..أنا بصراحه عكسك يا استاذ عادل .. انا بقالى 38 هى كل عمرى بستمتع باقتناء ولبس الاحذيه المريحه

[آل مصريم]

الحذاء... قيد فظيع ... سوا طليانى ولا سكوتش

عندما أعود... فى وجود الأهل و الأصدقاء.....مضطر أستمر لابسه .. أو إستبداله بسبدرين أو شبشب

عندما أكون وحدى... أستمتع.. أستمتع .....أستمتع جدا بالحفاء... أجول فوق السجاد... و فوق الخشب... و فوق السيرامايك... جمييييييل و ... و فوق العشب و الرمل و ربما الأسفلت عندما يكون متاحا ..... دافىء ... خشن... أملس,,,, بارد ... جميل تغيير الإحساس تحت القدم الحافيه

الحفاء.... أجمل من أى حذاء

الحفاء الإختيارى طبعا