حتفضل معايا..بقلم/شاعرالرومانسية

[شاعرالرومانسية]

ح تفضل معايا

ح تفضل معايا ... ح تفضل في قلبي

ح تفضل عيونك ... صحابي وحبايبي

ومهما اتباعــدنا

وبعدت قلوبنــــا

ح تفضل وعودنا

بتحفظ هوايا

ح تفضل في قلبي

ح تفضــل معايــــا

ح تفضل في بالي .. و يفضــل خيـالي .. بيتـــــمنى قـــربك

و ح أفضـل أغنــي .. و أعيش التمنـي .. ليوم يرجعلى قلبك

ح أعشلك وح أسهر

في بعـــدك أفكــــــر

وقلبــــــك تصـــــــور

ح يسمع غنايا

ح تفضل في قلبي

ح تفضــل معايــــا

ح تفضـــل تجيـــنى ..ف منامى وسنينى.. ح تشتاق اليك

وعمرى ماح أقسى .. ولا ح أقدر أنســى.. يوم نظرة عنيك

ح أحـس بمـلامحـك

بقلبى اللى شايفك

وضحـــكة شفــايفك

ح تبقى دوايا

ح تفضل في قلبي

ح تفضــل معايــــا

[هشام الجنيدى]

عزيزى شاعر الرومانسيه المنسيه هذه الايام

جميله جدا وتنفع تتغنى بس بعد شويه تعديلات بسيطه برضه فى بعض نهايات بعض الجمل زى مثلا............

ليوم يرجعلى قلبك . مش على موسيقى بيتمنى قربك يعنى طويله عنها شويه

وايضا فى (يوم نظره عنيك ) اطول شويه من حتشتاق اليك

بس غير كده النص عاجبنى جدا جدا جدا جدا

ملحوظه ...........

انا عمرى ما كنت ناقد بس بجد المنتدى ده علمنى كتيييييييييييييير .....

وشكرااااا :angry:

[شاعرالرومانسية]

عزيزى شاعر الرومانسيه المنسيه هذه الايام

جميله جدا وتنفع تتغنى بس بعد شويه تعديلات بسيطه برضه فى بعض نهايات بعض الجمل زى مثلا............

ليوم يرجعلى قلبك . مش على موسيقى بيتمنى قربك  يعنى طويله عنها شويه

وايضا فى (يوم نظره عنيك ) اطول شويه من حتشتاق اليك

بس غير كده النص عاجبنى جدا جدا جدا جدا

ملحوظه ...........

انا عمرى ما كنت ناقد بس بجد المنتدى ده علمنى كتيييييييييييييير .....

وشكرااااا :angry:

<{POST_SNAPBACK}>

أخى الفاضل ...

أسعدنى جدا مرورك ..كمااسعدتنى ملاحظاتك والتى فى مكانها ..

ولكن عذرى الوحيد انى قد وضعت لها رتم موسيقى يتماشى مع هاذين البيتين ( ولاحظ انهما فى نفس الموضع من كل مقطع ..)

ولكن كان يجب ان اراعى ان المتلقى هنا لايستمع الى اغنية وانما يتلقى كلمات ..فيجب ان يتلقاها فى شكل سلس

وعلية اسمح لى ان اقوم بتغير الشطر القصير حتى يتناسب مع ما بعدة :

ح تفضل في بالي .. و يفضــل خيـالي .. عايش يتمنى قربك

و ح أفضـل أغنــي .. و أعيش التمنـي .. ليوم يرجعلى قلبك

وكذلك الاخر :

ح تفضـــل تجيـــنى ..ف منامى وسنينى.. دايما تشتاق اليك

وعمرى ماح أقسى .. ولا ح أقدر أنســى.. يوم نظرة عنيك

أكرر شكرى وامتنانى ..واتمنى ان ارى رأيك فى التعديل السابق

فلك منى خالص تحياتى :angry:

[bentmasria]

جميييييييييله جدا شاعرنا ماشاء الله

فعلا الصورة هادئة راقيه ورائعه

الوزن تمام جدا

انت تملك هذه الحرفيه مع السلاسة بدون تعقيد

احييك واتمنى ان تعرض هذه الابيات على من يستطيع تلحينها يوما

فهى شعر غنائى فى المقام الأول :D

ربنا يوفقك

[شاعرالرومانسية]

الاخت الكريمة ،،، بنت مصرية

أشكرك على كلماتك الرقيقة ورأيك الذى أعتز به

وتقبلى منى خالص تحياتى،،،