هذا ما رأيته في مكة , إلى متى سيستمر يا مسلموا مصر ؟

[EsoWay]

لما يكون عندك مشكلة في بيتك وبتحاول تحلها ممكن نلاقيلك أعذار , ولكن لما تسمح للمشكلة دي تطلع أمام العالم تبقى بتتقصد تشويه سمعة البلد
موضوع الحج و العمرة يجب أن يتم تنسيقه , لازم يحصل تغيير ملموس في المنظومة كلها

مع والدي ووالدتي في مكة من بداية رمضان و بنزل معاهم الحرم لإنهم بيصلوا كل الأوقات في الحرم لإن وجودهم لأيام محددة
كل مرة أنزل فيها معاهم أشوف أشكال و ألوان من ( الفضايح ) المتنوعة من المصريين و المصرييات بالأخص
كتير من المصريين في الحرم بيشحتوا وياريت ياكل اللي بيشحته
لاء دا يشحت ويلم في كراتين ( عصاير وتمور و مياة و أي حاجة بتتاكل ) وبيترجوا اللي رايح واللي جاي يشحتهم أي لقمة
وقت السحور والفطار بيتخانقوا على الأكل بشكل مخجل جدًا
وبيناموا في الحرم وأمام أبواب الحمامات وبيغسلوا هدوهم وينشروها أمام الناس كلها بلا خجل
محدش بيعمل كدا إلا المصريين أنا مشوفتش أي جنسية بتعمل العمايل دي كلها مجتمعة

إيه الحل في الوضع المخزي دا , شكلنا بجد من أقبح مايكون

تم تعديل 3 يوليو 2014 بواسطة EsoWay

[herohero]

لما يكون عندك مشكلة في بيتك وبتحاول تحلها ممكن نلاقيلك أعذار , ولكن لما تسمح للمشكلة دي تطلع أمام العالم تبقى بتتقصد تشويه سمعة البلد

موضوع الحج و العمرة يجب أن يتم تنسيقه , لازم يحصل تغيير ملموس في المنظومة كلها

مع والدي ووالدتي في مكة من بداية رمضان و بنزل معاهم الحرم لإنهم بيصلوا كل الأوقات في الحرم لإن وجودهم لأيام محددة

كل مرة أنزل فيها معاهم أشوف أشكال و ألوان من ( الفضايح ) المتنوعة من المصريين و المصرييات بالأخص

كتير من المصريين في الحرم بيشحتوا وياريت ياكل اللي بيشحته

لاء دا يشحت ويلم في كراتين ( عصاير وتمور و مياة و أي حاجة بتتاكل ) وبيترجوا اللي رايح واللي جاي يشحتهم أي لقمة

وقت السحور والفطار بيتخانقوا على الأكل بشكل مخجل جدًا

وبيناموا في الحرم وأمام أبواب الحمامات وبيغسلوا هدوهم وينشروها أمام الناس كلها بلا خجل

محدش بيعمل كدا إلا المصريين أنا مشوفتش أي جنسية بتعمل العمايل دي كلها مجتمعة

إيه الحل في الوضع المخزي دا , شكلنا بجد من أقبح مايكون

حضرتك كده بتشوه سمعه مصر والمصريين وممكن يقاضيك عمرو مصطفى

استاذي الفاضل للاسف نماذج كثير بتعمل كده ومش بتفكر هي اد ايه بتضر مصر والمصريين

[EsoWay]

كثير من الجاليات يقيدون الحملة بحبال في جماعات ويسيرون في صفوف خلف بعضهم حتى لا يضيعون
وكثير منهم يتم إلباسهم لباس واحد أخضر أو أبيض ويكتب عليه اسمه ورقم تليفون الحملة الخاصة به ربما إن ضاع أو مات يتعرفون على ذويهم بسهولة

بدأت أنظر في أعين وملامح معظمهم و إنتابني شعور أن السواد الأعظم منهم ( غلابة جدًا ) وكنت أتسائل
لو حظى هذا الشخص بفرصة أفضل من التعليم هل سيكون من صفوف المقيدين بالحبال اليوم ؟

[EsoWay]

جميعهم يدخلون ليقينهم و إيمانهم بأن هناك من يراهم ولكن الكثير تصرفاتهم تدل على أن هذا لا يعنيهم بشكل فعلي
ستفهم مباشرة أن الشياطين لا فائدة منها حقًا , ما الحكم من وجودها إن كانت وهي مقيدة هذه أفعال البشر ؟

[EsoWay]

أعتبرها رحلة تفكر

كثير من المسلمين يقف أمام الكعبة كل همه يدعوا دعوة لحاجته لأمر ما

و أقف أمامها و أتسائل عن تاريخها كيف ومتى ومن

يدخلون مطمئنين أن هناك ربًا يراهم و أدخل متسائل باحث عن مجيب

يصلون وربما لا يشعرون بما يتلى و لا أضيع أي آية ولا أسهوا أثناء التلاوة

يمكن الشيء اللي بيخفف عن الإنسان لما يحس إنه مختلف جدًا لما بيبص في اللي حوليه ويلاحظ أن معظمهم يؤدون طقوس

ويمكن لا يفهمون الكثير جدًا من الأمور عن دينهم وربما عن مناسك هذا الدين

وربما لم يفكروا فيها من قبل

هل يوجد شيء لم أعرفه بعد عن هذا الدين ؟

[EsoWay]

أرجو أن يصل هذا الأمر للمسؤولين

يجب أن يعلم أن من يبول و يجمع بوله في قوارير ويضعها في زواية مكان مقدس جدًا في دينه هو مصري

وأن من تضع حفاضات أطفالها على جدران هذا المكان المقدس في عقيدتها هي مصرية

أنه يوجد الكثير من المصريين يأكلون بقايا الناس

وأن من يتطاولون على الناس بالشتائم وسب الدين وأقبح الألفاظ النجسة هم من المصريين

وأن هذا ليس فقط بسبب الفقر بل سببه قلة الوعي وقلة التنظيم وقلة إحترامنا لأنفسنا وقلة أدب من يفعل ومن يسمح بهذا

المشكلة بالدرجة الأولى مشكلة المسؤولين في البلد

إن سمحوا بهذا أكثر ولم يحاولوا أن يضعوا حد للمسألة فهم لا يحترمون دينهم ولا يحترمون أنفسهم ولا يحترمون بلدهم

تم تعديل 3 يوليو 2014 بواسطة EsoWay

[pink rose]

هو حضرتك في مكة عشان تراقب الناس و تشوف تصرفاتهم و تنتقدها و لا رايح تتعبد يمكن ربنا يهديك للحق اللي اظن انك قولت قبل كده انك بتدور عليه

الاولى بحضرتك تركز في نفسك احسن من تركيزك في الناس

[الترجمـان]

لا احد يستطيع ان ينكر تفشي نمط الفوضى والعشوائية الذي يعيشه اغلب المصريين..

والذي ينعكس بالضرورة على تصرفاتهم وفي اسلوب حياتهم..

المشكله ثقافية واقتصادية بالدرجة الأولى....

اما محاولتك ربط تلك التصرفات المشينة "بالمصريين المسلمين" اعتبره هجوم من اجل الهجوم وليس بنية تسليط الضوء او حتى بنية الإصلاح ...

ولو انني اتبعت اسلوبك ومقياسك في طرح السلبيات التي تحدث في مواسم الحج..

فأول يد حاولت ان تسرق والدي أطال الله عمره اثناء طوافه في الحرم كان آسيوي إندونيسي ..

فهل سننعت الحجاج الأندونيسيين المسلميين بالسرقة..؟؟

طيب بالنسبة للشتائم الحاده التي ذكرتها فهل تعاملت مع شوام وعرفت كيف يتساببون فيما بينهم وان سب الله والأعراض هو شئ مستساغ فيما بينهم..؟؟

اما التربح عن طريق الشحاته فنحن نعاني هنا من العديد من الجنسيات العربية التي طالت الحروب بلدانهم ...والذين صاروا يزاحمون المصريين في شوارعنا التجارية فهل نستطيع ان نعمم وننعتهم بتلك الصفات التي أطلقتها على المصريين بشكل عام...؟؟

[herohero]

هو حضرتك في مكة عشان تراقب الناس و تشوف تصرفاتهم و تنتقدها و لا رايح تتعبد يمكن ربنا يهديك للحق اللي اظن انك قولت قبل كده انك بتدور عليه

الاولى بحضرتك تركز في نفسك احسن من تركيزك في الناس

يعني هو كده يبقى بيراقب الناس المنظر ده اي حد شافه وبصراحه انا شايفه بيضر بسمعة المصريين جداااااااا وكلنا عارفين ان اكثر تجاوزات للاسف بتحصل من المعتمرين او الحجاج المصريين وماننساش من كم سنة لم المعتمرين عملوا هياج وكسروا ف مطار الملك عبد العزيز مش عيب اننا ننتقد تصرفات بيعملها البعض ولا هنفضل زي النعام

[EsoWay]

بالمناسبة أنا مشوفتش مصريين بيسرقوا , ويمكن لم أرى السرقة أصلًا لإني لم أتعرض لها

وكمان مليش علاقة باليمنيين والأفارقة و الأسيويين اللي بيتسولوا أو بيسرقوا وإن كانوا كلهم مسلمين في النهاية لو متقصد اتكلم عن المسلمين كنت هقول أدي المسلمين في مقدساتهم
لو دي نيتي كان من مصلحتي في الحالة دي أذكر كل الجنسيات اللي بيمثلوا الغالبية العظمى من المسلمين في العالم وأفرد كل مساوئهم
ولو متقصد أسيء للمصريين كلهم - اللي أنا واحد منهم - فكنت في الحالة دي هسيء لوالدي ووالدتي كمان بإعتبارهم مصريين بيؤدوا المناسك
ولكن
لما طرحت الموضوع قلت إن كتير من اللي بيعمل كدا من المصريين ودا حقيقي ودا لا يعني إن كل المصريين بيعملوا كدا , بل لا يعني حتى إن معظمهم بيعمل كدا !
المصريين هم الغالبية العظمى في الحرم , وبالتالي هم الغالبية العظمى في المسيئين

وطبيعي في الحالة دي هيكون الكلام على فئة من المصريين المسلمين بالأخص لإنهم مصريين مسلمين فعلًا ! , هوا فيه مسيحيين ولا يهود بيروحوا ؟ ولا هتكلم عن بنجلاديشيين ؟

تهمني سمعة بلدي

لما تلاقي كتير جدا من اللي أكلين شاربين نايمين في الحرم مصريين يبقى الخلل فين ؟
ليه الناس دي بتعمل كل الفضايح دي ؟ هتقولي فيه برضو جنسيات تانية بتعمل كدا ؟
طب بعيدًا عن إن المصايب دي مجتمع بتظهر بكثرة في معتمرين مصريين ولكن أنا مالي إن فيه جنسيات تانية بتعمل كدا
أنا ليه أبقى زي الأسواء ؟ ليه مفيش حد يسأل الناس دي عن تكاليف إقامتها في فندق و مصاريفها الكافية لفترة إقامته
ليه مفيش أي ضمان يتاخد عليهم يضمن رجوعهم لبلدهم بعد تأديتهم للمناسك في الوقت المحدد

واحد طالع يعتمر ولا يحج مش لازم يبقى معاه حق أكله وشربه ونومه ؟ مش لازم الحكومة تسأل مواطنيها عن دا ؟
ولا المهم يدفع حق العمرة و يعتمر ويحج ويتقاله ياحج ومش مهم الباقي ( يتصرف ) , فهيتصرف إزاي يعني ؟
هيروح يشحت على أكله وشربه وينام بالمنظر دا


التوعية و النظام دي مهام الحكومة و لو فيه أي جهود لحل الظاهرة كانت هتقل محدش قال تختفي بس مش هتبقى بالشكل دا
إيه يعني لما عدد المعتمرين أو الحجاج من المصريين يقل للنص
ولكن يبقى اللي رايح تلقى توعية تؤهله للسفر و عنده مايكفيه طوال فترة وجوده و مع ضمانات على رجوعه في الوقت المحدد
لازم يكون على المتخلفين عن فترة بقائهم عقوبة رادعة عند عودتهم , عشانهم هما بالدرجة الأولى
الآية دي في القرآن اللي هما مؤمنين بيه ولا جبتها من عندي ( ولله على الناس حج البيت من استطاع إليه سبيلا )
أهوه محدش أجبره يخرج بالمنظر دا ولا المفروض يكون مسمحله يطلع كدا بحجة إنه نفسه يعتمر ولا يحج

جايز أكون كتبت الموضوع وإنتقدت فيه أوضاع الناس دي بضراوة أعذروني على هذا بس اللي شوفته ضايقني لإنهم بيسيئوا للبلد أمام العالم كله

[التونسى]

معلش يا مان ..فضولى يكاد يعصف بى.. طمعان وعشمان إنك تجاوبنى على السؤال الشخصى القادم .. إنت إيه الدافع اللى خلاك تزور الاماكن المقدسه الاسلاميه وتسافر المسافه دى كلها وتكلف نفسك مالا يقل عن 10 او 15 الف جنيه ((دا فى حالة انك مش مقيم بالسعوديه)) ؟ اللى اعرفه عنك إنك عندك تشككات فى الدين الاسلامى تصل لحد انكاره وبل انكار اى دين أخر . فهل زيارتك دى معناها انك عدت ثانية الى معية رب الاسلام .. ام كنت تحاول ذلك .. ام انك مجرد مرافق لوالديك ((غصب عنك)) لرعايتهما أو ما شابه ؟ ,, وعذرا اولا واخيرا لو اقتحمت خصوصياتك بسؤالى هذا :flr1:

[شرف الدين]

بصراحة أنا حاسس إن الأخ ESOWAY بيتكلم عن حرم تاني وعن مكة تانية غير اللي أنا رحتها وشفتها أكتر من مرة ..

أولا .. حضرتك عرفت منين جنسيات الناس اللي بتتكلم عليهم ؟؟ هل من لبسهم مثلا .. ولا من لهجتهم ولا من ايه بالتحديد ؟؟

ثانيا .. هل حضرتك كنت محدد في كلامك مثلا ( specific ) .. يعني على سبيل المثال عرفت عدد اللي بتتكلم عليهم دول ولو بشكل تقريبي وقارنته بعدد الحجاج أو المعتمرين المصريين ككل .. وقارنته كمان بعدد الحجاج والمعتمرين من كل الجنسيات ؟؟

[MZohairy]

طبعا مصريين كتير بيعملوا كده فعلا

بس مشكلة المصريين ان عددهم كبير جدا و بالتالي لو 5% منهم وحشين بيبانوا كتير

[أبو محمد]

معلش يا مان ..فضولى يكاد يعصف بى.. طمعان وعشمان إنك تجاوبنى على السؤال الشخصى القادم .. إنت إيه الدافع اللى خلاك تزور الاماكن المقدسه الاسلاميه وتسافر المسافه دى كلها وتكلف نفسك مالا يقل عن 10 او 15 الف جنيه ((دا فى حالة انك مش مقيم بالسعوديه)) ؟ اللى اعرفه عنك إنك عندك تشككات فى الدين الاسلامى تصل لحد انكاره وبل انكار اى دين أخر . فهل زيارتك دى معناها انك عدت ثانية الى معية رب الاسلام .. ام كنت تحاول ذلك .. ام انك مجرد مرافق لوالديك ((غصب عنك)) لرعايتهما أو ما شابه ؟ ,, وعذرا اولا واخيرا لو اقتحمت خصوصياتك بسؤالى هذا :flr1:

آه صحيح .. هى إيه الحكاية بالظبط ؟

i*:

بس أغرب فكرة قرأتها هى أن سوء السلوك وقلة الأدب "مسؤولية المسؤولين"

[آل مصريم]

وعين الرضا عن كل عيب كليلة ...............ولكن عين السخط تبدي المساويا
ولســـــت بهيـــاب لمن لا يهابني ................ولســت ارى للمرء مالا يرى ليـــــا
فإن تــــدن,,,,, تدن منك مودتي ...............وإن تنأ عني.... تلقني عنك نائيا
كلانا غـــــني عـــن اخيه حياته ...................ونحن اذا متنا ........أشد تغانيا

لماذا يا ترى كل هذا السخط؟؟؟ ألا ترى عينك فى الحرم و جواره الجمال و النور... و رئيت فقط السوء؟ ترى هل أرجعت البصر كره... أو كرتين ... أو أكثر... فإنقلب إليك خاسئا و هو حسير؟؟ هل هناك سبب لهذا؟؟

[EsoWay]

معلش يا مان ..فضولى يكاد يعصف بى.. طمعان وعشمان إنك تجاوبنى على السؤال الشخصى القادم .. إنت إيه الدافع اللى خلاك تزور الاماكن المقدسه الاسلاميه وتسافر المسافه دى كلها وتكلف نفسك مالا يقل عن 10 او 15 الف جنيه ((دا فى حالة انك مش مقيم بالسعوديه)) ؟ اللى اعرفه عنك إنك عندك تشككات فى الدين الاسلامى تصل لحد انكاره وبل انكار اى دين أخر . فهل زيارتك دى معناها انك عدت ثانية الى معية رب الاسلام .. ام كنت تحاول ذلك .. ام انك مجرد مرافق لوالديك ((غصب عنك)) لرعايتهما أو ما شابه ؟ ,, وعذرا اولا واخيرا لو اقتحمت خصوصياتك بسؤالى هذا :flr1:

مفيش حاجة غصب عني ياسيدي الكريم

هوا كان باب لازم أخبط عليه ولكن مكنتش لاقي المبرر الكافي لنفسي

ولكن

الأمر وما فيه أن والدتي طلبت مني أشوفلها موضوع العمرة لإنها نفسها تعتمر في رمضان

وعملتلهم الإجراءات وجم للسعودية وأنا الإبن الوحيد لهما في السعودية وهما معندهمش أي فكرة طبعًا عن ما أصبحت فيه

ومستحيل بأي حال أسيبهم لوحدهم و مقدرش يبقوا فنفس البلد وأنا بعيد عنهم

و أنا عايز أتيح لنفسي كل الفرص الممكنة للتفكير , حاسس إني مش مرتاح

تحس إني ماسك بإيديا وسناني في العقيدة الإسلامية وكل ما أحاول أفهم نفسي إني خلاص عرفت اللي فيها

أرجع أحن

وخصوصًا رمضان , مش قادر يعدي الشهر وأفطر ولا مصليش مش قادر

يمكن التربية والنشأة

يمكن ثقافة صعب تتغير

مش عارف بجد

ولكن أديني ببحث وكل يوم بتعرف على زاوية مختلفة و رؤيا جديدة للدين

جايز فيوم يخلص التأرجح والتخبط اللي أنا فيه

و أقدر أوصل لمنهج واضح مريح لنفسي أقدر من خلاله أعمل تقارب بين أفكاري وتصرفاتي

جايز اللي بدور عليه دلوقتي جانب روحاني , جايز يكون فيه جانب بعيد شوية عن العقلانية الشديدة اللي أنا فيها

[EsoWay]

بصراحة أنا حاسس إن الأخ ESOWAY بيتكلم عن حرم تاني وعن مكة تانية غير اللي أنا رحتها وشفتها أكتر من مرة ..

أولا .. حضرتك عرفت منين جنسيات الناس اللي بتتكلم عليهم ؟؟ هل من لبسهم مثلا .. ولا من لهجتهم ولا من ايه بالتحديد ؟؟

ثانيا .. هل حضرتك كنت محدد في كلامك مثلا ( specific ) .. يعني على سبيل المثال عرفت عدد اللي بتتكلم عليهم دول ولو بشكل تقريبي وقارنته بعدد الحجاج أو المعتمرين المصريين ككل .. وقارنته كمان بعدد الحجاج والمعتمرين من كل الجنسيات ؟؟

الواضح إننا بالفعل بنتكلم عن حرمين مختلفين : )

الجنسية بعرفها عادي من شكلهم ولبسهم وكلامهم حضرتك لو شوفت مصريين من بعيد مش هتتعرف عليهم وتميزهم من الماليزيين و الهنود والباكستانيين والعرب ؟

بخصوص الكلام المحدد فمفيش أكتر من إني أقولك إن المصريين بيشكلوا حوالي 40% من الموجودين في الحرم إن مكنش أكتر و باقي النسبة موزعة على العالم الإسلامي كله

لو عندك في شهر رمضان مثلًا 250 ألف مواطن مصري جايين من مصر بيعملوا عمره و فيه منهم بس 5% بيعمل التصرفات دي عارف هيكون العدد شكله إيه ؟

طب لو تخلف من دول 6% بس و اللي بعدهم تخلف منهم 4% بس عارف هيكون شكلنا عامل إزاي ؟

لما يبقى عندك حوالي 30 ألف مواطن مصري يفترشون الحرم و الممرات والكباري وامام الحمامات وبيشحتوا دول ينفع يشوهوا البلد ولا مينفعش ؟

[EsoWay]

آه صحيح .. هى إيه الحكاية بالظبط ؟

i*:

بس أغرب فكرة قرأتها هى أن سوء السلوك وقلة الأدب "مسؤولية المسؤولين"

أيوه بالتأكيد الحكومة المسؤول الأول عن معظم سلوكيات الناس دي

عارف ليه حضرتك ؟ هحاول أجاوب عن الجانب المباشر

لما الحكومة تسيب مواطن دافع 30 ألف جنية فريسة للنصب ومش كدا وبس متعملش أي إجراء عن التأكد من حجزه في فندق

عارف إيه اللي هيحصل ؟

الشخص دا هيروح لمكة وهوا دافع مبلغ يصل لـ 30 ألف جنية محدش يعرف إستلفهم إزاي

ومش معاه يسكن وياكل ويشرب هيعمل إيه ؟ هيروح نايم في الحرم وواكل وشارب من الشحاتة + لإنه عايش في الحرم هتشوف منه أي حاجة ممكن تتشاف من شخص عايش فبيته

يغسل وينشر هدومه أدام الناس يتخانق ويعلي صوته أدام الناس ويرمي الزبالة أو يعمل تصرفات مش مقبولة , لإنه ببساطة عايش في الحرم

لو الشخص دا تخلف عشان يحج وغيره تخلف عشان يحج وكل وفد تخلف منهم شوية عشان الموسم اللي بعده وخلصت فلوسهم هيبقى الحرم عندك مليان مصريين

لو فيه قانون رادع للمتخلفين في مصر لما يرجع يلاقي عقوبة ويتفضح بدل مايتقال عنه حج أفتكر مش هنشوف كتير جدًا من المناظر اللي بنشوفها دي

أنا مطلبتش يتعمله دورة تدريبية ويتعلم فيها ويطلعله موافقة إنه مؤهل أو لا يسمح له بالخروج لو فشل في الدورة على فكرة ماليزيا بتعمل كدا وفيه دول إستنسخت التجربة الماليزية

والماليزيين من أفضل المعتمرين اللي ممكن تشوفهم

عرفت ليه بقول إن الحكومة مسؤولة عن سلوكيات الناس دي ؟

تم تعديل 3 يوليو 2014 بواسطة EsoWay

[eslam elmasre]

الاخ الفاضل esoway

اسمح لي ان احييك على صراحتك وابشرك بان ما انت فيه ما هو الا فترة كلنا مررنا بها او قل كل من سمح لعقله ان يفكر مر بتلك المرحلة ومن منا لم يفكر في خلق الله وما هي الاخرة وماذا بعد الدنيا وما هو الشيطان واشياء كثيرة كانت محل نظر وتفكر

ربنا يهديك لسواء السبيل ويعطيك على قدر ما انت فيه من خير ومحبة وخلاص

تحياتي لك

[الدكتور ياسر]

مفيش حاجة غصب عني ياسيدي الكريم

هوا كان باب لازم أخبط عليه ولكن مكنتش لاقي المبرر الكافي لنفسي

ولكن

الأمر وما فيه أن والدتي طلبت مني أشوفلها موضوع العمرة لإنها نفسها تعتمر في رمضان

وعملتلهم الإجراءات وجم للسعودية وأنا الإبن الوحيد لهما في السعودية وهما معندهمش أي فكرة طبعًا عن ما أصبحت فيه

ومستحيل بأي حال أسيبهم لوحدهم و مقدرش يبقوا فنفس البلد وأنا بعيد عنهم

و أنا عايز أتيح لنفسي كل الفرص الممكنة للتفكير , حاسس إني مش مرتاح

تحس إني ماسك بإيديا وسناني في العقيدة الإسلامية وكل ما أحاول أفهم نفسي إني خلاص عرفت اللي فيها

أرجع أحن

وخصوصًا رمضان , مش قادر يعدي الشهر وأفطر ولا مصليش مش قادر

يمكن التربية والنشأة

يمكن ثقافة صعب تتغير

مش عارف بجد

ولكن أديني ببحث وكل يوم بتعرف على زاوية مختلفة و رؤيا جديدة للدين

جايز فيوم يخلص التأرجح والتخبط اللي أنا فيه

و أقدر أوصل لمنهج واضح مريح لنفسي أقدر من خلاله أعمل تقارب بين أفكاري وتصرفاتي

جايز اللي بدور عليه دلوقتي جانب روحاني , جايز يكون فيه جانب بعيد شوية عن العقلانية الشديدة اللي أنا فيها

أسأل الله سبحانه وتعالى أن يدلك وأن يهديك الى صراطه المستقيم ببركه هذا الشهر الفضيل ..