مشكلة منزلية مطبخية هل من حل

[عادل أبوزيد]

زمان كان في قصة نقرأها و نتندر بها هي قصة الثور الذي إنحشرت رأسه بداخل الزير و هو يشرب

ما سبق كان إستهلالا لابد منه

في القصة أن أحد حكماء القرية نصح بذبح الثور ، و تم ذبح الثور و لكن مازالت رأس الثور محشورة داخل الزير فلم ير الحكيم بدا من النصح ب كسر الزير.

المشكلة التي أعرضها و أطلب لها حلا ، و أتصور أنها أكيد مرت بأحدكم.

المشكلة ببساطة أن كباية مية إنحشرت داخل فنجال شاي راقي bone china و المطلوب على الأقل إنقاذ فنجال الشاي !

[أبو محمد]

أستاذ عادل

إفتح صنبور الماء الساخن

واجعل الماء ينساب على الفنجان دون الكباية

سيتمدد الفنجان بمقدار لا تحسه بعينك المجردة

ولكنه كاف - بإذن الله - لفض الاشتباك

:)

[التونسى]

إنقع الفنجان فى ميه سخنه .. وبستحسن لو فيها بعض من الصابون السائل بين الفنجان والكبايه .. مع بعض التحريك الخفيف والحذر .. واللى شبكهم ان شاء الله يخلصهم مع الاعتذار لحليم

[أبو محمد]

إنقع الفنجان فى ميه سخنه .. وبستحسن لو فيها بعض من الصابون السائل بين الفنجان والكبايه .. مع بعض التحريك الخفيف والحذر .. واللى شبكهم ان شاء الله يخلصهم مع الاعتذار لحليم

ما تسمعش كلامه يا أستاذ عادل .. بيورطك وعايزك تكسر الفنجان السينييه

:)

إوعى تخلى المية السخنة تلمس الكباية

بالعكس حط فيها مية ساقعة وعلى الفنجان مية سخنة

إيه نسيت اللى خدناه فى تانية إعدادى يا شاعر ؟

:)

بلاش علم المدارس .. علم سعيد صالح اللى بيقولك

تتمدد بالحرورة وتتبربر بالبرورة يا راجل

[عادل أبوزيد]

جربت مسألة الماء الساخن و جربت إني أملأ الكوب ب ماء مثلج و أضع الفنجال و الكوب معا في ما تقريبا يغلي دون أجعل الماء الساخن يلمس كوب الماء.

المسألة " كبرت في دماغي"

أكيد يوجد حل. و الحل في تصوري مع ربات البيوت ذوي الخبرة و المتمكنين من دراستهم كويس.

و يمكن المسألة محتاجة مهندس جديد بس اللي اتعلموا هندسة فعلا مش بس جابوا تقدير و إتخرجوا يقوم ببناء موديل للمشكلة و يستخدم كل مخزون الإستاتيكا و يمكن الديناميكا كمان و يشوف يحلها إزاي

لازم يكون فيه حل غير إني أدبح الثور و أكسر الزير

[أبو محمد]

جربت مسألة الماء الساخن و جربت إني أملأ الكوب ب ماء مثلج و أضع الفنجال و الكوب معا في ما تقريبا يغلي دون أجعل الماء الساخن يلمس كوب الماء.

المسألة " كبرت في دماغي"

أكيد يوجد حل. و الحل في تصوري مع ربات البيوت ذوي الخبرة و المتمكنين من دراستهم كويس.

و يمكن المسألة محتاجة مهندس جديد بس اللي اتعلموا هندسة فعلا مش بس جابوا تقدير و إتخرجوا يقوم ببناء موديل للمشكلة و يستخدم كل مخزون الإستاتيكا و يمكن الديناميكا كمان و يشوف يحلها إزاي

لازم يكون فيه حل غير إني أدبح الثور و أكسر الزير

الخطأ مش فى النظرية .. أكيد الخطأ فى التطبيق

:)

اللى بقولك عليه ده يا أستاذ عادل شيئ بيُطبق فى الصناعة

وبالذات فى صناعة المدافع لما بيعملوا تبطين لمواسير المدافع

بيبردو الماسورة الداخلية ويسخنوا الماسورة الخارجية ويدخلوهم فى بعض

بعد شوية تبرد الخارجية وتنكمش وتسخن الداخلية وتتمدد

والجن الازرق ما يفصلهمش

بيقولوا عليه Shrink fit .. بالبلدى بيدخلوهم فى بعض "شحط"

إنت بس تلاقيك نقعت الفنجان زى ما قالك التونسى .. دى عملية قليلة الكفاءة

إسمع كلامى وافتح حنفية المية السخنة على الفنجان اللى جواه الكباية ام تلج

وماتخليش المية السخنة تيجى على الكباية الساقعة ممكن تلفها بفوطة مثلا

واصبر شوية .. وأثناء التسخين حاول تفصلهم بس بحنية

[التونسى]

الخطأ مش فى النظرية .. أكيد الخطأ فى التطبيق

:)

اللى بقولك عليه ده يا أستاذ عادل شيئ بيُطبق فى الصناعة

وبالذات فى صناعة المدافع لما بيعملوا تبطين لمواسير المدافع

بيبردو الماسورة الداخلية ويسخنوا الماسورة الخارجية ويدخلوهم فى بعض

بعد شوية تبرد الخارجية وتنكمش وتسخن الداخلية وتتمدد

والجن الازرق ما يفصلهمش

بيقولوا عليه Shrink fit .. بالبلدى بيدخلوهم فى بعض "شحط"

إنت بس تلاقيك نقعت الفنجان زى ما قالك التونسى .. دى عملية قليلة الكفاءة

إسمع كلامى وافتح حنفية المية السخنة على الفنجان اللى جواه الكباية ام تلج

وماتخليش المية السخنة تيجى على الكباية الساقعة ممكن تلفها بفوطة مثلا

واصبر شوية .. وأثناء التسخين حاول تفصلهم بس بحنية

https://www.youtube.com/watch?v=M_9Wh1TFi1I

[عادل أبوزيد]

جربت أختبر بيجة (94) كأحد ربات البيوت المحنكين لكن للأسف قامت بتجريب الماء الساخن و لكنها بعدها أمسكت بسكين و حاولت إدخاله بين الفنجات و الكوب و كانت النتيجة "كسر الزير"

كنت أفكر في طريقة نكسر بها الكوب و نخرجه من الفنجان ، المهم أنا اللي غلطان تصورت إن حنكة ربات البيوت القدامى تنفع بدون إشراف و متابعة

[أبو محمد]

لازم Continuous supply of hot water

لأن المية بتبرد فى الإناء الخارجى

ما دام الموضوع صعب عند يا أستاذ عادل

يبقى ممكن فتح الحنفية السخنة على الإناء الخارجى

علشان تضمن إنها ما تبردش

وبإذن الله أدخل بالليل ألاقى المشكلة اتحلت

[أبو محمد]

كنا بنكتب فى نفس الوقت يا أستاذ عادل

:)

معلش فداك وفدا بيجة

[عادل أبوزيد]

ترى هل معامل تمدد الزجاج أقل أو أكتر من معامل تمدد الخزف. أظن المعلومة يتوقف عليها إمكانية الحل

و لكني فعلا زعلان على الفنجال ، كنت قبلها أفكر في طريقة لكسر الكوب دون كسر الفنجال لكن اللي حصل حصل

[عادل أبوزيد]

قلت لكم إن المسألة كبرت في دماغي ، أفكر الآن في طريقة لمحاكاة الموقف بدون خسائر و نحاول نطبق العلم و الذي أظنه يتوقف على خصائص الزجاج و خصائص البورسلين