رفع أسعار الوقود ما بين مؤيد ومعارض

[التونسى]

بصراحه أنا بتأرجح ما بين شرف الدين واسلام من جهه .. وما بين باهى وابو محمد من جهه اخرى ((مع حفظ الالقاب للجميع)) .. المعارضين لهم منطق مقنع .. والمؤيدين لهم منطق مقنع أيضا

عن نفسى حاليا .. عقلى يؤيد ببرجماتيه قحه .. وقلبى يعارض بتعاطف جياش .. ولكن ما أستطيع قوله باختصار غير مخل أن هذا القرار هو (((((((شر))))))) لا بُـــد منه .. ومجبر السيسى لا بطل

تم تعديل 6 يوليو 2014 بواسطة التونسى

[باهى الطائر الحزين]

بصراحه أنا بتأرجح ما بين شرف الدين واسلام من جهه .. وما بين باهى وابو محمد من جهه اخرى ((مع حفظ الالقاب للجميع)) .. المعارضين لهم منطق مقنع .. والمؤيدين لهم منطق مقنع أيضا

عن نفسى حاليا .. عقلى يؤيد ببرجماتيه قحه .. وقلبى يعارض بتعاطف جياش .. ولكن ما أستطيع قوله باختصار غير مخل أن هذا القرار هو (((((((شر))))))) لا بُـــد منه .. ومجبر السيسى لا بطل

انا فاكر فى بداية عصر مبارك

رجال الأعمال اظهروا له العين الحمرا

دلوقتى السيسى بيواجه الخوارج والنكسجيه

وشمامى الكله والزييطه وبتوع حلا جلا وغيرهم

احسن وسيله للدفاع هى الهجوم

عموما كلنا هذا الرجل ...

[أبو محمد]

انا فاكر فى بداية عصر مبارك

رجال الأعمال اظهروا له العين الحمرا

دلوقتى السيسى بيواجه الخوارج والنكسجيه

وشمامى الكله والزييطه وبتوع حلا جلا وغيرهم

احسن وسيله للدفاع هى الهجوم

عموما كلنا هذا الرجل ...

واضح إنه مش ساهل وعارف يتخذ القرارات الصعبة امتى

بيتخذ القرارات الصعبة وهو فى قمة شعبيته الكاسحة

قبل أن تتأثر تلك الشعبية بمحاولات نشر الإحباط

وتكسير المجاديف وحرب المزايدات على فقر الفقراء

[باهى الطائر الحزين]

حابب اوضح

ان الميكروباص ياللى مسافته 15 كيلو

بيستهلك بنزين ب 5`1 دلوقتى القيمه

هتضاعف وتبقى 3 جنيه اجرته كانت

1 جنيه = 12 يبقى مفروض يزود الأجره

ربع جنيه الحاصل انه زودها الضعف

وخلاها 2 جنيه يبقى الحقيقه ان الشعب

بياكل الشعب ...

التريلا من الأسكندريه للقاهره يزيد على

سعر استهلاك وقودها 140 جنيه لو قسمناهم

على 50 طن حمولتها يبقى كل طن عليه 280

قرش على 1000 كيلو فى الطن يلقى كل كيلو

عليه 28 مليم / نقول كمان ؟

[باهى الطائر الحزين]

فيه انتخابات برلمانيه على نهاية العام

ودستور البردعاويه قلص صلاحيات

رئيس الجمهوريه لصالح البرلمان

والمفروض ان قرارات صعبه زى الحد

الأقصى للأجور وتحريك اسعار الطاقه

تبقى بعد الإنتخابات لضمان وصول انصار

السيسى اللى مفترض مش هيعارضوه او

يقفوله فى البرلمان ؛ دلوقتى الحاصل ان

الخوارج والنكسجيه وشمامى الكوله بتوع

يسئط يسئط حكم العسكر شغالين على كل

من تضرر من القرارات دى ومن ضمنهم الباعه

الجائلين بيحشدوا من بدرى للبرلمان ومتنساش

ان المظاهرات لم تتوقف لإنهاك الحكومه وتفريغ

جزأ من مواردها وجر رجلها او توريطها

اى حد مكان السيسى كان هيفكر الف مره قبل ما

يقدم على قرارات زى دى ؛ لكن حب الراجل للبلد

مش للكرسى / والشرعيه دونها الرقاب زى مرسى

كل عام وانتم بخير

[شرف الدين]

التقرير الاقتصادي الذي كتبه وصدره اليساري المتطرف / أحمد النجار .. والذي نشر جزء منه سابقا في المصري اليوم .. والذي تحاول من خلاله الكاذبتان سميحة وإيمان .. تصدير المشكلة الاقتصادية لمبارك ..

تحدث السيد النجار عن الدين الخارجي على أساس أنه من صنع مبارك .. ولكنه لم يخبرنا كم كانت قيمة الاحتياطي النقدي وقتما تسلم مبارك الحكم ..

طبعا السيد والسيدة اللذان نقلا المقال الذي نقله الأستاذ أبو محمد .. تعمدا حذف مقتطفات من المقال الأصلي لليساري المتطرف أحمد النجار
http://www.almasryalyoum.com/news/details/124995
ما رأيكم في هذا الجزء الذي تم حذفه ..
[ المفارقة أنه حين قرر السادات التوجه نحو واشنطن وأعلن صراحة أن «99% من أوراق اللعبة فى يد الولايات المتحدة»، ووسط مقاطعة عربية وبعد توقيع معاهدة السلام المصرية الإسرائيلية، تضاعفت ديون مصر الخارجية فى عهد «سلام كامب ديفيد» أكثر من 8 أضعاف، ليصل الرقم الإجمالى للدين الخارجى عام 1980 إلى 21 مليار دولار تقريبا. ] ...
أي أن مبارك تسلم مصر مدينة خارجيا بـ 21 مليار دولار .. بينما كان عدد سكانها وقتها 40 مليون نسمة .. وفي عام 2010 في نهاية عهد مبارك صدر تقرير عن البنك المركزي المصري يوضح أن حجم الدين الخارجي أصبح 34.7 مليار دولار .. في حين أن عدد السكان كان قد تضاعف ليصل إلى 85 مليون نسمة ..
هاكم تقرير البنك المركزي ..
http://www.youm7.com/News.asp?NewsID=340204#.U7ia1EBosms
مبارك عند تسلم مصر كان احتياطيها النقدي = صفر .. وعندما تركها ترك 36 مليار دولار بالاحتياطي .. وفي أقوال أخرى 51 مليار دولار ..

أما بخصوص الدين الداخلي الذي يولول عليه السيد النجار .. فليقرأ الجميع كم يبلغ حجم الدين المحلي أو حتى الدين العام الأميركي .. حتى يعلموا أن الأمر ليس بهذا التهويل ..

ثم هل يعني هذا الحديث أن الأموال المتوفرة من من فارق إلغاء الدعم سوف تتوجه لتسديد الديون .. حسنا .. فلننتظر .. وإنا معكم منتظرون ..

[باهى الطائر الحزين]

مستمرة حتى نهاية الشهر حتى نهاية العام الحالى من عدمه، لافتاً إلى أن ما يتواتر من أنباء فى هذا الصدد مجرد مفاوضات لم يتم حسمها حتى الآن.

وأضاف المسؤول أن حجم المساعدات البترولية عقب 30 يونيو وصل إلى 6 مليارات دولار، أى ما يعادل نحو 42 مليار جنيه، من إجمالى دعم المواد البترولية البالغ 134 مليار جنيه، ما يعنى أن الدولة تحملت فعلياً دعم الوقود فى العام المالى الماضى بنحو 92 مليار جنيه، بينما تم توفير الباقى من المساعدات العربية، لافتاً إلى أن المساعدات العربية فى عهد الإخوان كانت أقل بكثير من المساعدات التى حصلت عليها مصر بعد 30 يونيو.

وحول المساعدات والاستثمارات التى وعدت بها عدة دول عربية عقب فوز الرئيس السيسى، شدد مصدر بوزارة المالية على أن مصر لم تتلق أياً منها حتى الآن، وأن مبادرة السعودية بعقد «مؤتمر المانحين» لدعم مصر لم تتبلور بعد، ويجرى التفاوض مع السعودية والإمارات لتفعيلها بحيث تشمل ضخ استثمارات والحصول على منح جديدة، منوهاً بأن هذه المبادرة لن تكون مقصورة على دول الخليج وإنما ستتم دعوة مؤسسات تمويل دولية للمشاركة فى المؤتمر.

ورصدت الحكومة فى موازنة العام المالى الحالى الحصول على منح ومساعدات بقيمة 23 مليار جنيه، منها مليارا دولار مساعدات بترولية عربية خلال شهرى يوليو وأ

غسطس.

الراجل وعد بضخ تلاته اربعه مليار

استثمارات فى كل محافظه وكان حرى به

ان ينتظر حتى يحقق وعده كما وعدوه العرب

ولكن العرب الظاهر كما عاداتهم بخ هما لا عايزين

مصر تقع ولا تقف عايزينها محلك سر وده خبر من

المصري اليوم

[herohero]

ثانيا .. من وجهة نظر متأملة شوية ..

ده مجرد عقاب بسيط بنشوفه .. لسه اللي جاي أكتر ..

الحكاية إننا كان عندنا نظام فاسد ومستبد وفيه كل العبر .. كان موفر لينا الأمن والسياحة والدعم وكان سايب لنا احتياطي 36 مليار دولار مش جنيه ..

احنا بقى عملنا ثورة .. لماذا قمنا بالثورة - على رأي عادل إمام .. قمنا بالثورة عشان النتائج التالية ..

أمن مفيش .. بقى عندنا إسهال قنابل في الشارع ..

سياحة .. من 15 مليون سائح عام 2010 .. يعني مش عارف العدد السنة دي ممكن يكون كام 2 ولا 3 مليون بالكتير ..

دعم .. خلاص هيتلغي قريب قوي .. وبدون ما نرفع المرتبات ..

والاحتياطي ببركة الله بقى 15 مليون ..

دي النتائج العظيمة لمجيدة ...

عيش - حرية - أسعار ..

صحيح .. بخصوص الحرية ما حدش يقولي ..

تعليقا بقى على القرار .. هل يا ترى الحكومة قبل ما تاخد قرار زي ده فكرت في نتايجه ..

ناس كتير بتقولك إن الدعم ده بيشل الحكومة وبيرهق الاقتصاد .. ماشي أوكي ..

تعالوا نشوف الدول الحرة .. اللي اقتصادها حر .. مرتبات الموظفين كبيرة جدا .. ومفيش دعم ..

احنا بقى في مصر بندي الموظفين مرتبات قليلة .. ومقابل كده بنديهم خدمات مدعومة ..

يبقى اللي جاي من الحكومة على أد اللي الحكومة هتاخده ..

لكن يا ترى يا هل ترى .. لما تيجي ترفع الدعم ده .. المفترض أولا .. إنك تسبقه برفع المرتبات .. عشان توفر للناس فلوس تعوض فرق الميزانية بتاعتها لما الأسعار تغلى نتيجة رفع الدعم ..

لكن دلوقت .. مفيش زيادة في المرتبات .. وفي زيادة في الأسعار .. طب ناتج عن كده ايه .. إن معاناة الناس هتزيد ..

مين هيحس بالمعاناة دي .. هل واحد مثلا زي عادل إمام بياخد 35 مليون جنيه في المسلسل الواحد .. ولا واحد مثلا من المحظوظين اللي بيقبضوا بال 15 وال 20 ألف في الشهر .. ( ودول جوه الحد الأقصى اهه ) .. لا دول مش هتفرق معاهم الزيادة الجديدة في حاجة..

اللي هتفرق معاه موظف غلبان مرتبه بالكتير 1000 أو 1500 جنيه في الشهر .. وعنده أسره بيصرف عليها ..

لازم نلاحظ كلنا إن رفع أسعار الوقود مش معناه رفع أسعار المواصلات بس .. ده معناه رفع أسعار كل حاجة .. كل حاجة الوقود بيستخدم في تسويقها .. سعرها هيزيد .. ودايما الحلقة الأضعف هي الحلقة الأخيرة .. حلقة المواطن .. لأن كل واحد هيحمل الزيادة الناتجة عن تمن النقل على الحلقة اللي بعديه لحد ما توصل الزيادة للمواطن .. اللي هو الحلقة الأضعف ..

خد بقى عندك مواد غذائية .. خد بقى عندك مواد بناء .. وكل ما شابه ..

ده طبعا غير رفع أسعار الكهرباء اللي هي أساسا بتقطع في اليوم حوالي 5 مرات ..

طب الحكومة تجيب منين ... ده سؤال مهم جدا .. أولا عايزين نسأل الحكومة .. هي حكومة أولا اشتراكية ولا رأسمالية ؟؟ أصل بصراحة الرقابة على الأسعار وتحديدها وفرض ضرائب خاصة على رجال الأعمال دي من سياسات الحكومات الاشتراكية ..

أما رفع الدعم فده من سياسات الرأسمالية .. فدلوقت يا ترى احنا تبع ايه بالتحديد ؟؟

هل فرض ضرايب على رجال الأعمال ده هيحل مشكلة .. الحكومات الرأسمالية اللي مش بتدي دعم بتعمل تسهيلات مذهلة لرجال الأعمال عشان استثماراتهم تزيد .. مش بتفرض عليهم ضرايب زيادة عشان هما كمان يطيروا بفلوسهم بره البلد ..

ليه مفيش سياسة الترشيد .. يا ترى مواكب السادة الوزراء هتتأثر بسعر البنزين الجديد .. يعني مثلا عدد عربيات الموكب هيقل .. ولا هيفضل زي ما هو .. ولا يا ترى السادة الوزراء هيستجيبوا لنداء الرئيس بالذهاب إلى العمل بالدراجة ؟؟

يا ترى هل سياسة الترشيد تتفق مع قلادة النيل اللي عمالة تتفرق يمين وشمال عمال على بطال .. ولمن لا يعلم قلادة النيل دي تعني 60 ألف جنيه شهريا مدى الحياة معفاة من الضرائب .. وليس لها علاقة بأي مصدر دخل تاني للشخص ..

يعني مثلا قلادة النيل اللي أخدها الرئيس الصوري عدلي منصور دي .. وقبله الببلاوي .. وقبلهم ناس تانية .. هتدي لكل واحد فيهم 60 ألف شهريا .. ده غير مصدر دخله الأساسي ..

يا ترى هل سياسة الترشيد تتفق مع ده ؟؟

يا ترى هل سياسة الترشيد تتفق مع إسهال المسلسلات اللي عمال يتعرض طوال رمضان بأجور فلكية أكاد أجزم إنه لو تم تجميعها .. فهي هتعوض جزء من عجز ميزانية السنة دي على الأقل ..

وازاي عايز الناس تنام بدري عشان توفر كهربا وتصحى تروح الشغل من بدري بينما المسلسلات والبرامج شغالة 24 ساعة متواصلة .. هل يا ترى الحكومة عاجزة عن ترشيد البند ده .. ولا مش عايزة أصلا ..

وختاما .. هل الناس انتخبت السيسي عشان يزود عليها الأسعار ..

في النهاية .. مفيش فايدة .. دي أصدق جملة اتقالت في التاريخ المصري .. واللي بعدها علطول جملة ( دي مصر يا عبلة ) .. كانت كده وهتفضل كده .. ولازم نتوائم .. لأن لا النواح جايب فايدة ولا النقد والزعيق جايب فايدة .. السهم نفد خلاص ..

تحياتي استاذ شرف بس هو حضرتك مش شايف ان موضوع الدعم كنا هنلجا له لو استمر الرئيس مبارك ياسيدي احنا وصلنا لمرحلة الصكوك مش اللي ف فيلم عاوز حقي لا ده اتكلموا عليها ولا نسيت الوزير محي الدين

ونسيت كلام الدعم لمستحقيه من اول من تحدث عنه مش جمال مبارك

يعني ماتزعلش مني الرئيس السابق مبارك كان هيوصل للحالة ده وماتزعلش مني انا كنت ف قطاع الكهرباء مكنوش بيصرفوا ع المحطات سيادتك الفلوس كانت بتتصرف ع مكافات وارباح ودلع

ايستاذ شرف ماتزعلش مني جزء من المشاكل الحالبيه كان ممكن يتم نتقديم حلول تدريجيه لها خلال فترة الرئيس مبارك

الرئيس السيسي وغيره جابوا من الاخر لان خلاص مفيش وقت انما ايام الرئيس مبارك كان ممكن يعملها تد\ريجيا

انا عارف ان حضرتم=ك مش هتقبل اي نقد يوجه للرئيس مبارك رضي الله عنه ويمكن ف نظر حضرتك من العشرة المبشرين بالجنة لكن ماتزعلش مني لامؤاخذه ده حكم 30 سنة مش معقولة نكسة 25 يناير هي السبب ف كل ده

[herohero]

الراجل وعد بضخ تلاته اربعه مليار

استثمارات فى كل محافظه وكان حرى به

ان ينتظر حتى يحقق وعده كما وعدوه العرب

ولكن العرب الظاهر كما عاداتهم بخ هما لا عايزين

مصر تقع ولا تقف عايزينها محلك سر وده خبر من

المصري اليوم

لا يا استاذي الناس مش بيرموا فلوس ع الفاضي الناس عاوزين يشوفوا رؤيتك الاقتصادية مش فارقين حاجه عن صندوق النقد الدولي هم حاليا بدئوا يحسوا انك ماشي ف الطريق الصحيح فماتقلقش

بس اللي اشتغل ف الخليج عارف ان القرش عندهم عزيز مش بيطلع بسهولة وسيبك من كلام الاخت الكبري والشقيقة والكلام اللي هو طق حنك

[الترجمـان]

مبارك عند تسلم مصر كان احتياطيها النقدي = صفر .. وعندما تركها ترك 36 مليار دولار بالاحتياطي .. وفي أقوال أخرى 51 مليار دولار ..

هل تعلم زميلي الفاضل ان ارباح شركة سامسونج في خلال الربع الأخير من 2010 كان 37 مليار دولار

وكان إجمالي الأرباح لتلك الشركة في تلك السنه كانت بواقع 138 مليار دولار...

وهل تعلم أيضا ان صادرات مصر في 2010

كانت قد قدرت بـ 150 مليار جنيه أي بحوالي 25 مليار دولار بسعره في 2010..وفقا لهذا التقرير من الأهرام

http://digital.ahram.org.eg/articles.aspx?Serial=619750&eid=106

انا طبعا مش بقارن بين مصر وشركة جباره زي سامسونج بس اللي عايزين نعرفه بعد ان صدمتنا بهذا الإحتياطي.. فهل ياترى توفر هذا المبلغ نتيجة إنتاج حقيقي وصناعات تم عن طريقها

توفير مثل هذا المبلغ في احتياطي الدولة...؟؟

فعلى ما اتذكر ان 2010 كانت نهاية حافله لحقبة الخصخصه الكلاسيكية في بيع العديد من شركات واصول القطاع العام المصري والتي تلتها مباشرة مرحلة إشراك الشعب في البيع المباشر الذي كان يعد له مع مشروع صكوك محي الدين...

كما ان المبلغ اللي حضرتك طاير بيه ...ومعتبره إنجاز لحقبة مبارك

واجه العديد من التشكيكات وذلك بفبركة جزء كبير من مبلغ الاحتياطي النقدي الذي كان يتضمن عدد من الودائع وسندات وقروض تم منحها لمصر من دول خارجية..

ولتوضيح اكثر وعلى سبيل المثال انظر في التقرير السابق إلى حجم صادرات مصر من القطن الخام...

ستجد ان صادرات مصر في 2010 من القطن الخام قدر بــ 1,9 مليار جنيه...

بينما كان صافي ربح شركات الغزل والنسيج المصرية في نفس السنه 100 مليون جنيه...

وقس على ذلك باقي فروع الإنتاج والصناعات في عهد مبارك الذهبي

وعلى أي حال انت لك كامل الحرية ان تصور "لنفسك على الأقل" انه لم يكن بالإمكان ابدع مما كان ...

[Scorpion]

[التونسى]

وده علاقته ايه بالموضوع يا مان ؟ ,, أساسا مقترحاتها دى تصطدم بشريعة الدين الاسلامى وحتى المسيحى ايضا ((فى موضوع تحديد النسل)) .. والموضوع ده لا يصطدم بالدين فى الصين لانها دوله شيوعيه ...

سيبك من الاستاذه فاطمه وأفكارها الشمال دى الله لا يسيئك عشان الموضوع ميتفرعش ... حقيقى أحب أعرف وجهة نظرك فى موضوع رفع اسعار الوقود

[التونسى]

مبارك هو الحل!!

سليمان الحكيم

يقول «لينين» لرفاقه فى الثورة البلشفية «علينا ألا نكثر اللعنات على الرأسمالية. فقد كانت الرأسمالية ثورة لما كانت عليه روسيا القيصرية».. وعلينا نحن اليوم أن نعمل بنصيحة «لينين» لرفاقه الشيوعيين فنكف عن توجيه اللعنات لمبارك ونظامه الذى أصبحت أيامه الآن وبعد ثورتين حلما ثورياً صعب المنال. لماذا ثرنا على مبارك إذن وقد كانت أحوالنا فى عهده – على سوئها – أفضل بكثير مما هى عليه الآن؟ لقد ثُرنا على وزير داخلية لم نشهد فى عهده حوادث قتل وخطف أو اغتصاب كما نشهدها الآن. وثُرنا على وزير كهرباء لم نعرف فى عهده قطعاً دائما للكهرباء أو ارتفاعاً جنونياً فى فواتيرها. وثرنا على وزير بترول لم نشعر معه بأى أزمة فى وقود السيارات أو زيادة فى أسعاره. وثُرنا على وزير مالية لم يطالبنا بدفع المزيد من الفواتير أو تحميلنا ما لا طاقة لنا به من أعباء. ربما كان هؤلاء فاسدين ـ كما يقولون ـ ولكنهم حققوا لنا الاستقرار الذى ضن به علينا الشرفاء من أدعياء الثورة.

لقد أصبحنا مطالبين بالدفع من قوت أولادنا ثمناً لكهرباء تنقطع. ومياه لا تصل ووقود نتعذب للحصول عليه، وبدلاً من أن نجنى ثمار الثورة أصبح علينا أن ندفع غرامات باهظة، لأننا قمنا بها. إنها عقوبات تفرضها «حكومة الثورة» على من ثاروا. ولا يجد هذا الشعب من يحنو عليه. وإن وجدناه كان علينا أن ندفع ثمن حنوه علينا، فأصبح علينا أن نعطى بدلاً من أن نأخذ، وأن ندفع بدلاً من أن نحصل. مبارك الفاسد لم يطالبنا بما يطالبنا به الشرفاء باسم الثورة، بل كان يدللنا لنسكت، ويغازلنا لنرضى، وحين أظهرنا السخط عليه جاء من يطالبنا بدفع ثمن سخطنا، وكأنه ينتقم لمبارك منا. إذن كان علينا أن ندفع ثمناً باهظاً لنعود إلى ما كنا عليه أيام مبارك. فلماذا لا نعيد مبارك نفسه ليعيد إلينا أيامه دون غرامات أو تكاليف باهظة؟!

تم تعديل 6 يوليو 2014 بواسطة التونسى

[Scorpion]

غلق بلاعة الأفواه الجائعة التي لا يتحمل الأهل مسئولية تربيتهم و يدفع الوطن كله مصاريفهم المجانية .. هو اول الطريق لنقف علي أرجلنا مرة أخري ..

تزايدنا المرعب الذي يتضاعف اكثر من مليون سنويآ هو القنبلة التي يجب ان ننزع فتيلها في اسرع وقت ...

كل المحاولات في هذا الصدد باءت بالفشل حتي الآن منذ اعلانات حسنين و محمدين ...

اذن الحل هو العثور علي وسيلة فعالة دون الإصطدام بالدين بالطبع ..

[التونسى]

فعلاً.. هذا الشعب لم يجد من يحنو عليه

حمدي رزق

صدقت يا سيسى، الشعب المصرى تعرض للظلم ولم يجد من يحنو عليه، وعلى رأى شويكار: «أنت القلب الكبير»، وجالك قلب تستمع لمستشارى السوء وترفع أسعار البنزين والكهرباء فى آن، طيب مرة كهرباء، ومرة بنزين، اثنين فى واحد، صعب، كتير، الرحمة.

فاكر يا رئيس وصف فؤاد المهندس لأفندينا: «بحكمتك تختال علينا»، والحكمة تقول القرار الصحيح فى التوقيت الخاطئ يساوى قرارًا خاطئًا تماما، الناس روحها فى مناخيرها من انقطاع الكهرباء، تطلعوا روحها برفع الأسعار، عندما يخوض القائد حرباً ضروساً على جبهات، الإخوان، والفاسدين، وجماعة الحد الأقصى، ولوبى البورصة، وبارونات الإعلام، يجب عليه تسكين الجبهة الداخلية أولا، استصحاب الظهير الشعبى، ليس تحييده وإخراجه من المعركة عمداً مع سبق الإصرار وزيادة الأسعار.

ليس هكذا تورد الإبل، ضرائب تصاعدية يجوز، خذ من أموالهم يجوز، تبرعات فضائية يجوز، والله الغلابة سارعوا حباً بالتبرع بحق النشوق، لكن الأسعار نار، خط أحمر، الناس تعبانة، الشعب يحتاج إلى من يحنو عليه، ويعولون عليكم، وكما قال فؤاد المهندس لأفندينا ساخرا: «أنت نعمة وإحسان»، وأقول لكم جادا: لماذا تغامر بحب الناس؟!.. لماذا تبدد رصيدا شعبيا هائلا؟!.. لماذا تشمت فينا اللى يسوى واللى مايسواش، الإخوان الكذابين انتشروا كالجراد الأسود يعيروننا، يقولون لنا- ولا أخفيك- كائدين، اشربوا.. ولسه!!

يرضيك ما نحن فيه، حكومة مقاولى الباطن لا ترى سبيلا لزيادة الدخل القومى سوى حلب الفقراء، ليس فى الضرع حتى شربة ماء، أتسمع ما نسمعه، سخام مثل وسخ الودان، زيادة أسعار البنزين أطلقت علينا ألسنة حدادا، ويجاهرون بالقول، حتى الخُرس منهم نطقوا مهللين فرحين، باتوا مغتبطين، إنهم يكيدون كيدا.

«كان علينا من ده بإيه»، نعلم أن الظرف الاقتصادى دقيق، ولكن البيت يخلو من الدقيق، القدور تغلى بماء قراح، من أشار عليكم بالأسعار لا يريد أن يتعب نفسه، سياسة من دقنه- دقن الفقير- وافتل له، سياسة خرقاء، لا يريد أن يبتكر، لا يريد أن يتحرك طوليا وعرضيا لزيادة الدخل القومى، اختار أسهل الطرق وأخطرها، زيادة الأسعار.

عقلية مقاولى الهدد لا تنعش اقتصادا يتنفس صناعيا، لم يعطوا لأنفسهم حتى فرصة للسيطرة على الأسواق، وقال إيه «كلمة شرف» مع الميكروباص!!.

لا أستطيع هضم الزيادة سياسيا، هناك من يخطط لهدم البيت، ينخر فى أساس الشعبية، فأر أسود يعبث فى الظلام، تحت تهديد العبوات الناسفة، ومشاهد الدماء النازفة، تستنزفون قدرتنا على المقاومة، يا ريس الناس حزانى وداخل عليهم عيد، وأنت عارف وخابر شعب حزين ولد حزينة، لا يجد من يحنو عليه.

تم تعديل 6 يوليو 2014 بواسطة التونسى

[التونسى]

اذن الحل هو العثور علي وسيلة فعالة دون الإصطدام بالدين بالطبع ..

مش حتصطدم بالدين بس .. دانتا حتصطدم بالعادات والتقاليد اللى هى أكثر تأثير ونفاذ وسطوه من الدين فى مجتمعنا المصرى .. الحل يا مستر كامل هو خلق مجتمعات عمرانيه جديده تخرج بنا من علبة السردين التى ((حاشرين)) نفسنا فيها .. أى نخرج من حيز ال 4% المكتظ والمتخم الى حيز ال96% البراح .. فاطمه ناعوت بتصطاد فى الميه العكره وأى كلام فاضى معقول

[Scorpion]

رأيك و ان كنت اختلف معه تمامآ و لكنني احترمه قطعآ ...

انظر حولك ... ( عندما تكون في مصر ) ...و ستري ان تلك الزيادة حتي لو تم توزيعها .. ستكون دائمآ الحجر المربوط في رجل المجتمع يشده الي الأسفل .. مبتلعآ اي محاولة للخروج الي السطح ..

[herohero]

رأيك و ان كنت اختلف معه تمامآ و لكنني احترمه قطعآ ...

انظر حولك ... ( عندما تكون في مصر ) ...و ستري ان تلك الزيادة حتي لو تم توزيعها .. ستكون دائمآ الحجر المربوط في رجل المجتمع يشده الي الأسفل .. مبتلعآ اي محاولة للخروج الي السطح ..

مممممممممم مش عارف ليه مصرين ان الزيادة السكانية هي سبب كل مشاكلنا

ياعزيزي لما يبقى عندك شعب واعي وراقي ومتعلم صح من غير حاجه هو هيبدا يعمل كده يعني الصين نظمت وكل حاجه بس هي اصلا عددها كبير يعني الصين حاليا سمحت بالانجاب اكثر من طفل واحد تفتكر ان تطور الصين الحالي سببه بس تنظيم الاسرة !!!!

عزيزي الشماعه ده مش صح صدقني

[herohero]

عشان تعرفوا اننا وطنيين جداااااااااااا وبنجب بلدنا واخرنا بس شعارات واغاني اتفضلوا :

إضراب في «البنك الأهلي» اعتراضًا على تطبيق «الحد الأقصى»

أغلق موظفون بالبنك الأهلي أبواب الفرع الرئيسي للبنك بشارع شريف في وسط القاهرة، اليوم الأحد.

ومنع الموظفون العملاء من إنهاء أعمالهم داخل فرع البنك، معلنين دخولهم في إضراب عن العمل،لحين اعلان حركة ترقيات ،واعتراضًا على قرار الحكومة بتطبيق الحد الأقصى للأجور. وفي الوقت ذاته احتشد عملاء البنك أمام مقر الفرع في انتظار تدخل مسئولين لفض الإضراب وقضاء مصالحهم.

ما رايكم ياساده ده ارهاب ولا مش ارهاب وده استعباط ولا مش استعباط

والله لو عليا اقول لهم الل يمش عاجبه يغور ف ستين داهية قال كفاءات بامارة ايه ؟؟؟؟ الكل شايف الخدمات البنكية ف مصر متخلفه جدا

واللي عايش ف الخليج او ف اي دولة طبيعية شايف الفرق ولا هنكابر ونقول ان الخدمات ف مصر البنكية ممتازة انا بتكلم عن ما يتربط بتكلوجيا المعلومات البنكية اكيد اللي سافر بره مصر شايف الفرق

نفسي الكفاءات ده تغور ويرويحونا بقى

[التونسى]

عشان تعرفوا اننا وطنيين جداااااااااااا وبنجب بلدنا واخرنا بس شعارات واغاني اتفضلوا :

إضراب في «البنك الأهلي» اعتراضًا على تطبيق «الحد الأقصى»

أغلق موظفون بالبنك الأهلي أبواب الفرع الرئيسي للبنك بشارع شريف في وسط القاهرة، اليوم الأحد.

ومنع الموظفون العملاء من إنهاء أعمالهم داخل فرع البنك، معلنين دخولهم في إضراب عن العمل،لحين اعلان حركة ترقيات ،واعتراضًا على قرار الحكومة بتطبيق الحد الأقصى للأجور. وفي الوقت ذاته احتشد عملاء البنك أمام مقر الفرع في انتظار تدخل مسئولين لفض الإضراب وقضاء مصالحهم.

ما رايكم ياساده ده ارهاب ولا مش ارهاب وده استعباط ولا مش استعباط

والله لو عليا اقول لهم الل يمش عاجبه يغور ف ستين داهية قال كفاءات بامارة ايه ؟؟؟؟ الكل شايف الخدمات البنكية ف مصر متخلفه جدا

واللي عايش ف الخليج او ف اي دولة طبيعية شايف الفرق ولا هنكابر ونقول ان الخدمات ف مصر البنكية ممتازة انا بتكلم عن ما يتربط بتكلوجيا المعلومات البنكية اكيد اللي سافر بره مصر شايف الفرق

نفسي الكفاءات ده تغور ويرويحونا بقى

انت عارف يا مان لو قرار السيسى الاخير الخاص برفع الدعم الجزئي عن الوقود مر بسلام .. حيبقى سهل عليه نسبيا يطبق موضوع الحد الاقصي للاجور .. وحيبقى سهل عليه يطبق موضوع الضرائب التصاعديه .. وحيبقى سهل عليه اجراءات تانيه كتير فى صالح اقتصاد البلد .. هو بدأ بالاصعب .. وحط على الطبقه الكادحه وما فوقها بقليل .. الدور دلوقتى أكيد على القطط السمان .. أتمنى بس تكون هى دى نيته ((بيضرب المربوط عشان يخاف السايب)) .. بس هى صحيح مرتبات العاملين فى البنك الاهلى بتوصل لما فوق الاربغين الف !!!!!؟