رفع أسعار الوقود ما بين مؤيد ومعارض

[herohero]

انت عارف يا مان لو قرار السيسى الاخير الخاص برفع الدعم الجزئي عن الوقود مر بسلام .. حيبقى سهل عليه نسبيا يطبق موضوع الحد الاقصي للاجور .. وحيبقى سهل عليه يطبق موضوع الضرائب التصاعديه .. وحيبقى سهل عليه اجراءات تانيه كتير فى صالح اقتصاد البلد .. هو بدأ بالاصعب .. وحط على الطبقه الكادحه وما فوقها بقليل .. الدور دلوقتى أكيد على القطط السمان .. أتمنى بس تكون هى دى نيته ((بيضرب المربوط عشان يخاف السايب)) .. بس هى صحيح مرتبات العاملين فى البنك الاهلى بتوصل لما فوق الاربغين الف !!!!!؟

استاذي الفاضل الناس اول ما بتقول ياهادي يعني لسه موظق كوتوموتو ب3000 وانا اعرف ناس ف قطاع الاي تي 20الف وبتتكلم ف حدود 35 سنة فمابالك بالناس الكبار

وع فكرة لو تفتكر رئيس البنك الاهلي اللي هو يبقى عمه عبد الحكيم عامر كان مرتبه بيتجاوز المليون جنيه وغيره وغيره

اللي اقصده ان احنا ف مصر او الرئيس السيسي او الحكومة عموما بين نوعين من الناس الاثنين جعانين

جائع للغذاء والملبس والحد الادني من الحياة وجائع نهم لايشبع للمال

ليه ما يبقاش عندنا رجال اعمال وطنيين بجد خلاص مستحيل يبقى فيه زي طلعت حرب ، بحسبة بسيطة لو رجال الاعمال بعد زيادات الغاز والطاقة ع مصانعهم لم يرفعوا الاسعار وقالوا عشان خاطر بلدنا اللي ياما خدنا من خيرها بالحلال ولا بالحرام هنتنازل وهنبيع مش بخسارة طبعا بمكسب بس اقل من اللي قبل ارتفاع الاسعار للطاقة

هل ممكن ده يحصل هل ممكن الجائعين للمال يشبعوا شوية يستحملوا 3 سنين هل ممكن اصحاب المليارات يفتكروا بلدهم

هل ممكن نستغني عن المستشارين اللي ف الحكومة (يوجد 20 ألف مستشار فى مؤسسات الدولة بيقبضوا 18 مليار جنيه فى السنة)

هل ممكن نستغنى عن السيارات الالمانية والفاخرة ف المواكب الوزارية

هل ممكن نقلل من مسلسلات رمضان وما شابه

هل ممكن نلم ايدنا شوية ف عدد القنصليات والممثليات المصرية ف الخارج

هل ممكن البنوك وشركات البترول والإتصالات والقضاء والشرطة والجيش يطبق عليهم الحد الاقصى

هل ممكن وماتزعلش مني استثمارات وانشطة الجيش الاقتصادية نعرف بتاخد الطاقة مدعمة ولا لا

ممكن ؟؟؟؟؟؟؟

[أبو محمد]

حابب اوضح

ان الميكروباص ياللى مسافته 15 كيلو

بيستهلك بنزين ب 5`1 دلوقتى القيمه

هتضاعف وتبقى 3 جنيه اجرته كانت

1 جنيه = 12 يبقى مفروض يزود الأجره

ربع جنيه الحاصل انه زودها الضعف

وخلاها 2 جنيه يبقى الحقيقه ان الشعب

بياكل الشعب ...

التريلا من الأسكندريه للقاهره يزيد على

سعر استهلاك وقودها 140 جنيه لو قسمناهم

على 50 طن حمولتها يبقى كل طن عليه 280

قرش على 1000 كيلو فى الطن يلقى كل كيلو

عليه 28 مليم / نقول كمان ؟

أستاذ باهى .. أحييك على هذه المداخلة

أنا لسه فاتح الجهاز وكان فى نيتى أحكى حكاية الصباح

التى تؤيد كل كلمة مما قلته

حكاية الصباح

=======

لسه باقول يا فتاح عليم يا رزاق كريم لقيت ام محمد متعصبة

وهى بتكلم اختها فى التليفون وبتقول لها ان بتاع الخضار

غلى كل حاجة بأكتر من نص سعرها بتاع أول امبارح

قلت لها بصى يا ام محمد أصل العيب مش عليه .. طلع نزل هو راجل محدود التعليم

وبيصدق الكلام بتاع الناس اللى قاعدة فى التكييف ونازلة مزايدة على فقر الفقراء

وقلبهم يا عينى حيتقطع عليهم وهم كل همهم الميتين جنيه فى الشهر اللى حيدفعوهم

فرق بنزين عربياتهم

بصى يا ام محمد أنا حسبتها بطريقة سليمة غير طريقة المنجدين دول

لقيت إن كيلوا أى حاجة لا يمكن يزيد نتيجة رفع أسعار البنزين والسولار

عن 10 - 15 قرش حسب حمولة العربية اللى بتنقل يعنى مفروض كيلوا أى حاجة

يزيد بالكتير ربع جنيه .. بصت لى كده ومصمصت شفايفها

شوية وجات الست اللى بتساعد ام محمد فى أعمال البيت

دخلت والتليفون المحمول على ودنها وهى بتقول للى بتكلمه

طب ما تروح تشتغل على خط تانى وبلاش مع الصيَّع دول

أهو خللى بالك من نفسك وخلاص

إيه الحكاية يا فلانة ؟

قالت لى أخوها (عبود)بيشتغل على توك توك (بدل اللى ضاع منه فى الثورة المجيدة)

لقى الراجل المسؤول عن الموقف بيسأله انت بتاخد التوصيلة اللى اتفقنا عليها ؟

(الأجرة كانت نص جنيه .. السواقين اتفقوا يرفعوها بمقدار جنيه يعنى تبقى جنيه ونص)

قال له فى ناس غلابة بتبقى متأذية فباخد منها النص جنيه بس

إنما اللى بيدفع الجنيه ونص من غير كلام باخد منه

قال له عشان كده ناس كتير بتيجى تسأل عن عبود بقى

لا ياخويا يا تلتزم ياتروح تشوف لك حتة تانية تشتغل فيها

سألتها : هو عبود دفع كام زيادة فى اليوم فى التموينة بتاعته

قالت لى زادت عليه التموينة 8 جنيه فى اليوم

سألتها تفتكرى بيركـِّب كام زبون فى اليوم ؟ قالت لى ييجى خمسين كده

قلت لها يعنى شايفة انه عدل يدفع 8 جنيه ياخدهم خمسين ؟

الست سهمت كده وقالت طب مفروض هو يزود كام يا باشمهندس ؟

قلت لها اقسمى التمانية جنيه على الخمسين راكب حيطلع 16 قرش

والله العظيم سألتنى : 16 قرش يعنى كام ؟

قلت لها يعنى أقل من ربع جنيه .. يعنى لو زوِّد ربع جنيه يبقى كسبان وما خسرش

راحت ماسكة التليفون طلبت اخوها : زوِّد ربع جنيه بس يا عبود

يا كده يا إما تسيب لهم الموقف وتشوف رزقك فى حتة تانية

تعليقى على حكاية الصباح

==============

هو مش تعليق .. هو تساؤلات

شايفين المنجدين النحانيح اللى بيسموا نفسهم مثقفين بيعملوا إيه ؟

شايفينهم بيفهموا الناس إيه ؟

شايفين الناس الفقرا الطيبين اللى المنجدين نازلين هرى ومزايدة عليهم

لما بيفهموا بيبقى رد فعلهم إيه فى رفض المكسب الحرام ؟

بس خلاص

[أبو محمد]

جمال عبد الناصر لما حاول يطبق العدالة الاجتماعية

حاربوه الحيتان زى ما بيحاربوا السيسى دلوقت

أنا لا أعتقد إن السيسى حيتبع نف سياسة عبد الناصر

أنا شايفه أعقل وأحكم من عبد الناصر

عمل إيه عبد الناصر اتخذ قرار سليم ولكن بغباء

طبق ضرايب تصاعدية وصلت إلى 90% على من يكسب أكثر من 10 آلاف جنيه

وبكده قضى على كل تنمية ممكن يقوم بيها القطاع الخاص أو على الأقل كتفها

لعبوا بديلهم راح مأمم كل الأعمال حتى شركة كايرو فون بتاعة محمد فوزى

وسماها صوت القاهرة

وبدأت الحكومة تعمل كل حاجة .. تبيع خضار وفراخ حتى عجينة الفلافل

لا أعتقد إن السيسى حيعمل كده

فاكرين أيام الدعاية الانتخابية لما اتكلم عن موضوع العربيات الصغيرة

اللى قال ان الشباب ياخدوها يشتغلوا عليها ينقلوا الخضار من الغيط لبتاع الخضار

أيواااااااا .. العربيات اللى الناس المرضى بإسهال "السخرية اللا إرادية"

إشتغلوا عليها شوية ايام على الانترنت

أعتقد إنه كان بيفكر وقتها فى اللى حيحصل كرد فعل لفتح ملف الدعم

خلونا ننتظر ونشوف

الحرب فيها هجوم ودفاع لوقف الهجوم وتثبيته .. وبعدين هجوم مضاد

المهم حضراتكم أيها السادة المثقفون .. حتقفوا فى أى جانب ؟

[آل مصريم]

مبارك هو الحل!!

سليمان الحكيم

يقول «لينين» لرفاقه فى الثورة البلشفية «علينا ألا نكثر اللعنات على الرأسمالية. فقد كانت الرأسمالية ثورة لما كانت عليه روسيا القيصرية».. وعلينا نحن اليوم أن نعمل بنصيحة «لينين» لرفاقه الشيوعيين فنكف عن توجيه اللعنات لمبارك ونظامه الذى أصبحت أيامه الآن وبعد ثورتين حلما ثورياً صعب المنال. لماذا ثرنا على مبارك إذن وقد كانت أحوالنا فى عهده – على سوئها – أفضل بكثير مما هى عليه الآن؟ لقد ثُرنا على وزير داخلية لم نشهد فى عهده حوادث قتل وخطف أو اغتصاب كما نشهدها الآن. وثُرنا على وزير كهرباء لم نعرف فى عهده قطعاً دائما للكهرباء أو ارتفاعاً جنونياً فى فواتيرها. وثرنا على وزير بترول لم نشعر معه بأى أزمة فى وقود السيارات أو زيادة فى أسعاره. وثُرنا على وزير مالية لم يطالبنا بدفع المزيد من الفواتير أو تحميلنا ما لا طاقة لنا به من أعباء. ربما كان هؤلاء فاسدين ـ كما يقولون ـ ولكنهم حققوا لنا الاستقرار الذى ضن به علينا الشرفاء من أدعياء الثورة.

لقد أصبحنا مطالبين بالدفع من قوت أولادنا ثمناً لكهرباء تنقطع. ومياه لا تصل ووقود نتعذب للحصول عليه، وبدلاً من أن نجنى ثمار الثورة أصبح علينا أن ندفع غرامات باهظة، لأننا قمنا بها. إنها عقوبات تفرضها «حكومة الثورة» على من ثاروا. ولا يجد هذا الشعب من يحنو عليه. وإن وجدناه كان علينا أن ندفع ثمن حنوه علينا، فأصبح علينا أن نعطى بدلاً من أن نأخذ، وأن ندفع بدلاً من أن نحصل. مبارك الفاسد لم يطالبنا بما يطالبنا به الشرفاء باسم الثورة، بل كان يدللنا لنسكت، ويغازلنا لنرضى، وحين أظهرنا السخط عليه جاء من يطالبنا بدفع ثمن سخطنا، وكأنه ينتقم لمبارك منا. إذن كان علينا أن ندفع ثمناً باهظاً لنعود إلى ما كنا عليه أيام مبارك. فلماذا لا نعيد مبارك نفسه ليعيد إلينا أيامه دون غرامات أو تكاليف باهظة؟!

مبارك.... غلطته الكبيره عدا العك بتاع آخر 10 سنين كانت... إستمرارالدعم!!

بدأ أيام عبد الناصر.... و كبر فى أيام السادات .... و أستفحل أيام مبارك. كله علشان الطبقات الفقيرة الأشد فقرا... و المواطن البسيط و الغلبان... و كان كله كلام فارغ... ولا المواطنين المدعومن رضوا ولا شكروا ولا إستكفوا و لن يفعلوا... و لا تنميه طبعا ...

فرح الشعب أوى بكلمه مبارك و الوزراء أيامه..... (( لا مساس)) ... يا سلاااام... و عاش الشعب ياكل فى أته محلوله... و يزيد الدين و العجز و النيله الإقتصاديه ؟؟ ما يهمش؟؟ حمل يكسر الظهر.. ما يهمش برضه... يا جماعه... إحنا رجل هنا و رجل هناك.... طيب و مصر يا شعب رايحه على أى منزلق... طيب و عيالنا مش حيلاقوا اللى يسلفهم ولا اللى يأكلهم.... لا حياه لمن تنادى!!! أصيب الناس بالغباء فلا يعقلون... و أصيبوا بالطرش.... فلا يسمعون... و بالعمى فلا ترى الغالبيه الهوه السحيقة اللى داخلين عليها.

خطوه تأخرت كثيرا... و أن تحدث دلوقت أحسن من أن تحدث بعدين أو لا تحدث أبدا... أما التوقيت فبعيد عن أحلام و أوهام اليقظه - بالتأجيل لحين حدوث تحسن ما - لن يكون و لا يوجد وقت أحسن أو مناسب ليخسر الناس مزايا حتى لو مش محتاجين لها.... أأيد مليون فى الميه رفع سعر البنزين.... و أأيد تحديد ما لا يزيد عن 250 لتر شهرى بالسعر الحالى لكل سياره و ما زاد يكون بالسعر التجارى الكامل مع هامش ربح عالى للسيارات أقل من 1800.... أما ما زاد عن تلك السعه فلا دعم له ولا بمليم... و اايد رفع سعر الكهرباء للوحدات السكنيه التى يزيد إستهلاكها عن 600 كيلوا شهرى للبيع بالسعر التجارى مع هامش ربح واسه لصالح صغار المستهلكين.... و الله المستعان.

[التونسى]

أستاذ باهى .. أحييك على هذه المداخلة

أنا لسه فاتح الجهاز وكان فى نيتى أحكى حكاية الصباح

التى تؤيد كل كلمة مما قلته

حكاية الصباح

=======

لسه باقول يا فتاح عليم يا رزاق كريم لقيت ام محمد متعصبة

وهى بتكلم اختها فى التليفون وبتقول لها ان بتاع الخضار

غلى كل حاجة بأكتر من نص سعرها بتاع أول امبارح

قلت لها بصى يا ام محمد أصل العيب مش عليه .. طلع نزل هو راجل محدود التعليم

وبيصدق الكلام بتاع الناس اللى قاعدة فى التكييف ونازلة مزايدة على فقر الفقراء

وقلبهم يا عينى حيتقطع عليهم وهم كل همهم الميتين جنيه فى الشهر اللى حيدفعوهم

فرق بنزين عربياتهم

بصى يا ام محمد أنا حسبتها بطريقة سليمة غير طريقة المنجدين دول

لقيت إن كيلوا أى حاجة لا يمكن يزيد نتيجة رفع أسعار البنزين والسولار

عن 10 - 15 قرش حسب حمولة العربية اللى بتنقل يعنى مفروض كيلوا أى حاجة

يزيد بالكتير ربع جنيه .. بصت لى كده ومصمصت شفايفها

شوية وجات الست اللى بتساعد ام محمد فى أعمال البيت

دخلت والتليفون المحمول على ودنها وهى بتقول للى بتكلمه

طب ما تروح تشتغل على خط تانى وبلاش مع الصيَّع دول

أهو خللى بالك من نفسك وخلاص

إيه الحكاية يا فلانة ؟

قالت لى أخوها (عبود)بيشتغل على توك توك (بدل اللى ضاع منه فى الثورة المجيدة)

لقى الراجل المسؤول عن الموقف بيسأله انت بتاخد التوصيلة اللى اتفقنا عليها ؟

(الأجرة كانت نص جنيه .. السواقين اتفقوا يرفعوها بمقدار جنيه يعنى تبقى جنيه ونص)

قال له فى ناس غلابة بتبقى متأذية فباخد منها النص جنيه بس

إنما اللى بيدفع الجنيه ونص من غير كلام باخد منه

قال له عشان كده ناس كتير بتيجى تسأل عن عبود بقى

لا ياخويا يا تلتزم ياتروح تشوف لك حتة تانية تشتغل فيها

سألتها : هو عبود دفع كام زيادة فى اليوم فى التموينة بتاعته

قالت لى زادت عليه التموينة 8 جنيه فى اليوم

سألتها تفتكرى بيركـِّب كام زبون فى اليوم ؟ قالت لى ييجى خمسين كده

قلت لها يعنى شايفة انه عدل يدفع 8 جنيه ياخدهم خمسين ؟

الست سهمت كده وقالت طب مفروض هو يزود كام يا باشمهندس ؟

قلت لها اقسمى التمانية جنيه على الخمسين راكب حيطلع 16 قرش

والله العظيم سألتنى : 16 قرش يعنى كام ؟

قلت لها يعنى أقل من ربع جنيه .. يعنى لو زوِّد ربع جنيه يبقى كسبان وما خسرش

راحت ماسكة التليفون طلبت اخوها : زوِّد ربع جنيه بس يا عبود

يا كده يا إما تسيب لهم الموقف وتشوف رزقك فى حتة تانية

تعليقى على حكاية الصباح

==============

هو مش تعليق .. هو تساؤلات

شايفين المنجدين النحانيح اللى بيسموا نفسهم مثقفين بيعملوا إيه ؟

شايفينهم بيفهموا الناس إيه ؟

شايفين الناس الفقرا الطيبين اللى المنجدين نازلين هرى ومزايدة عليهم

لما بيفهموا بيبقى رد فعلهم إيه فى رفض المكسب الحرام ؟

بس خلاص

مختلفناش سيدى الفاضل وفاهمين كويس النقطه دى .. المهم هنا بقى .. هل الحكومه لها دور فى الرقابه على الاسعار والاجره الخاصه بالنقل بكافة أشكاله .. والا حتسيب المواطنين منهم للسواقين والبياعين يبيعوا ويشتروا فيهم !!!؟ فين دور الحكومه هنا !!!؟ مينفعش نسيب الناس كده تواجه لوحدها الجشع والاستهبال وقلة الضمير .. لا بد من خطوات تنفيذيه رادعه على الارض .

تم تعديل 6 يوليو 2014 بواسطة التونسى

[شرف الدين]

يا رب كده جماعة المؤيدين كانوا سمعوا الموظف اللي أنا سامعه بوداني من حوالي 3 أسابيع بيقول أن مرتبه الأساسي لحد دلوقت 325 جنيه .. وبالحوافز وخلافه بيوصل 625 جنيه ..

يا ترى موظف زي ده هيعمل ايه مع أسعار السلع اللي هتغلى كلها مرة واحدة مع إلغاء الدعم ..

السادة الكرام اللي بيتكلموا على إن الدعم هو مشكلة المشاكل .. لازم يروحوا الأول لكده لبلاد بره .. وبما إننا عندنا السيد التونسي .. أو محمود سابقا .. كان عايش في انجلترا .. يا ريت يقول لنا المرتبات هناك كام ؟؟

يا سادة يا كرام ... قبل ما ترفع الدعم عن السلع .. وتبيعها بسعرها الحقيقي .. لازم توفر للناس الأول دخل تقدر منه تشتري السلع دي ..

البنزين ده مش سلعة ترفيهية الناس ممكن تستغنى عنها .. الناس ممكن تستغنى عن اللحمة لكن ما ينفعش تستغنى عن البنزين ..

البنزين اللي بيتهدر في زحمة المرور على الفاضي لو شرطة المرور اشتغلت بحق وبطريقة احترافية ممكن يوفر كل الدعم اللي عمالين يتكلموا عنه ده .. ما تجرب كده تنقل المصالح الحكومية من قلب القاهرة وتوزعها على المدن الجديدة عشان تخف الضغط على قلب القاهرة ولما الازدحام المروري هيقل .. استهلاك البنزين هيقل .. ما تفكر كده تنقل ثكنات الجيش اللي مالية القاهرة لخارج العاصمة .. عشان تخف الضغط عن قلب القاهرة ..

هو ليه دايما أول مصدر لزيادة موارد الحكومة بيكون الأسعار ..

في ناس بتتكلم وكأن الدعم ده منحة من الحكومة .. لا ده مش منحة من الحكومة .. لأن الحكومة بتدي مرتبات قليلة مقابل الدعم ..

وطالما هترفع الدعم يبقى لازم ترفع المرتبات لنفس معدل دول الاقتصاد الحر ..

إنما مرتبات دول اشتراكيه .. وعدم وجود دعم زي الدول الرأسمالية = إعدام للفقراء ومتوسطي الدخل ..

[أبو محمد]

مختلفناش سيدى الفاضل وفاهمين كويس النقطه دى .. المهم هنا بقى .. هل الحكومه لها دور فى الرقابه على الاسعار والاجره الخاصه بالنقل بكافة أشكاله .. والا حتسيب المواطنين منهم للسواقين والبياعين يبيعوا ويشتروا فيهم !!!؟ فين دور الحكومه هنا !!!؟ مينفعش نسيب الناس كده تواجه لوحدها الجشع والاستهبال وقلة الضمير .. لا بد من خطوات تنفيذيه رادعه على الارض .

أصبر يا تونسى .. هو انت ابن سبعة يا جدع ؟

محافظ القاهرة: تعديل تعريفة الميكروباص بين القاهرة والمحافظات

نشر فى : السبت 5 يوليو 2014 - 5:04 م | آخر تحديث : السبت 5 يوليو 2014 - 5:04 م

الدكتور جلال مصطفى سعيد محافظ القاهرة

القاهرة - أ ش أ

قرر الدكتور جلال مصطفى سعيد، محافظ القاهرة، إدخال تعديلات على تعريفة سيارات الميكروباص بين القاهرة وباقي المحافظات تتضمن زيادة التعريفة بنسبة تتراوح ما بين 8 إلى 12%، وبمقتضى هذا التغيير تم إصدار جدول يحدد الزيادة منسوبة إلى الأجرة الحالية على النحو التالي.

قيمة الزيادة في الأجرة بين القاهرة وباقي المحافظات (التعريفة الحالية أقل من 8 جنيهات زادت ما بين 50 إلى 75 قرشًا، والتعريفة من 8 جنيهات إلى 12 جنيه زادت 1 جنيه، والتعريفة من 13 جنيهًا إلى 17 جنيهًا زادت 1.50 جنيه، والتعريفة من 18 جنيهًا إلى 22 جنيهًا زادت 2 جنيه، والتعريفة من 23 جنيهًا إلى 27 جنيهًا زادت 2.50 جنيه، والتعريفة من 28 جنيهًا إلى 35 جنيهًا زادت 3 جنيهات، والتعريفة من 36 جنيهًا إلى 40 جنيهًا زادت 4 جنيهات، والتعريفة من 41 جنيهًا فأكثر زادت 5 جنيهات.

ومن أمثلة التعريفة التي زادت بمقدار نصف جنيه الرحلات من القاهرة إلى (شبين الكوم، ومنوف، وقويسنا، وبركة السبع ومنيا القمح، وبلبيس)، والرحلات التي تم زيادتها جنيه واحد كل من (كفر الشيخ، والمحلة، وفاقوس، وأبو كبير، وطنطا، والفيوم).

[أبو محمد]

الحرب القادمة ستكون ضد القطط السمان التى تحولت إلى غيلان

كيلوا البطاطس بيتباع فى الغيط بستين قرش

بيتباع فى الأسواق بستة جنيه

حضرتك - بدون فلسفة - حتكون مع مين فى الحرب دى ؟

يعنى برضه حتتريق على الراجل اللى بيفكر فى عربيات للشباب

ينقلوا بيها الخضار من الغيط للمستهلك ؟

ولا لو لقيت الجيش بينقل بعربياته برضه حتتريق

وتقول ده جيش خـُضرية يا منى ؟

[herohero]

الحرب القادمة ستكون ضد القطط السمان التى تحولت إلى غيلان

كيلوا البطاطس بيتباع فى الغيط بستين قرش

بيتباع فى الأسواق بستة جنيه

حضرتك - بدون فلسفة - حتكون مع مين فى الحرب دى ؟

يعنى برضه حتتريق على الراجل اللى بيفكر فى عربيات للشباب

ينقلوا بيها الخضار من الغيط للمستهلك ؟

ولا لو لقيت الجيش بينقل بعربياته برضه حتتريق

وتقول ده جيش خـُضرية يا منى ؟

بشمهندس ابو محمد انا هرد عليك من واقع تجربة ومن بعدها فقدت الامل ف ان الناس تتكلم وتطالب بحقها يمكن رجع لي الامل ف 25 يناير المهم

سيادتك انا كنت من محبين الاحتكاك والتعامل مع الناس ف مصر بجد بحكم اني اتربيت بره مصر المهم سيادتك كنت بركب ميكروباص كانت الاجرة وقتها 75 قرش كان سنة 2006 المهم فجاة الراجل قالك الاجرة جنيه

وكان نص الحوار كالاتي

السائق : الاجرة جنيه يابهوات بالصلاة ع النبي

انا : ليه يا اسطى

السائق : هو كده يابيه وبلاش كثر كلام

انا : يا اسطى خد حقك عشان ربنا يبارك لك فيه باي حق خليته جنيه

السائق : هو ده حقي تيل الفرامل غلي والزيت غلي اعمل ايه كلم الحكومة

انا : طب ياسطى انا ذنبي ايه

السائق : هو كده استاذ ماتدوشنيش مش عاجبك انزل

الركاب : ف ايه يا استاذ هتعطلنا ليه شكلك مش فقير يعني مستخسر تدفع ربع جنيه

انا : ياجماعه مش فكرة فقر وغنى ليه نستغل بعض ونعض ف بعض

الركاب : عادي يا استاذ عاوزين نروح بقى ماتعطلناش وزي ما قالك مش عاجبك انزل

أنا : خدت نفسي ونزلت زي البطل

ع فكرة الموقف ده تكرر كثيررررررررررررا جدا معايا وكل مرة كنت بطلع انا اللي غلطان واللي مش طبيعي والسائق مش بيتكلم الركاب

يابشمهندس ابو محمد عاوز تقنعني ان اختي ولا بنت حضرتك هتعرف تجادل مع الناس ده وطبعا نفس الموقف كان بيتكرر مع البياعين ف السوق بشمهندس خلينا واقعيين

كلام ابراهيم بيه محلب كلام رومانسي عاوز تعمل هيبة دولة يبقى فيه رقابة بجد افتكر صدام حسين كان بيعاقب الناس اللي بتتلاعب بالاسعار عقوبة صارمة

[التونسى]

يا رب كده جماعة المؤيدين كانوا سمعوا الموظف اللي أنا سامعه بوداني من حوالي 3 أسابيع بيقول أن مرتبه الأساسي لحد دلوقت 325 جنيه .. وبالحوافز وخلافه بيوصل 625 جنيه ..

يا ترى موظف زي ده هيعمل ايه مع أسعار السلع اللي هتغلى كلها مرة واحدة مع إلغاء الدعم ..

السادة الكرام اللي بيتكلموا على إن الدعم هو مشكلة المشاكل .. لازم يروحوا الأول لكده لبلاد بره .. وبما إننا عندنا السيد التونسي .. أو محمود سابقا .. كان عايش في انجلترا .. يا ريت يقول لنا المرتبات هناك كام ؟؟

يا سادة يا كرام ... قبل ما ترفع الدعم عن السلع .. وتبيعها بسعرها الحقيقي .. لازم توفر للناس الأول دخل تقدر منه تشتري السلع دي ..

البنزين ده مش سلعة ترفيهية الناس ممكن تستغنى عنها .. الناس ممكن تستغنى عن اللحمة لكن ما ينفعش تستغنى عن البنزين ..

البنزين اللي بيتهدر في زحمة المرور على الفاضي لو شرطة المرور اشتغلت بحق وبطريقة احترافية ممكن يوفر كل الدعم اللي عمالين يتكلموا عنه ده .. ما تجرب كده تنقل المصالح الحكومية من قلب القاهرة وتوزعها على المدن الجديدة عشان تخف الضغط على قلب القاهرة ولما الازدحام المروري هيقل .. استهلاك البنزين هيقل .. ما تفكر كده تنقل ثكنات الجيش اللي مالية القاهرة لخارج العاصمة .. عشان تخف الضغط عن قلب القاهرة ..

هو ليه دايما أول مصدر لزيادة موارد الحكومة بيكون الأسعار ..

في ناس بتتكلم وكأن الدعم ده منحة من الحكومة .. لا ده مش منحة من الحكومة .. لأن الحكومة بتدي مرتبات قليلة مقابل الدعم ..

وطالما هترفع الدعم يبقى لازم ترفع المرتبات لنفس معدل دول الاقتصاد الحر ..

إنما مرتبات دول اشتراكيه .. وعدم وجود دعم زي الدول الرأسمالية = إعدام للفقراء ومتوسطي الدخل ..

أفحمتنى الصراحه بمداخلتك دى .. خصوصا ان بها أفكار بديله جيده جدا تستحق النظر .. بل والتطبيق الفورى الثورى .. أنت معاك حق يا مان .. وفيه تعسف وظلم واقع على غالبية الشعب بفعل رفع اسعار الوقود .. ولكن بصراحه أكثر .. أنا عندى أكلها بعيش وملح .. او حتى عيش حاف.. ولا إنى أستلف تانى .. أو بمعنى أدق أتسول .. والله أنا فعلا بكلمك عن شخصى الغير متواضع.. وعن منهجى الاقتصادى الشخصى .. انا معاك فى حلولك البديله .. ولكنها تحتاج وقت لتطبيقها .. والوقت لا يسعفنا يا مان حاليا .. لذا أنا مازلت مع هذا القرار ((مع تحفظاتى العده على اليات التطبيق والرقابه على الاسعار)) .. بل ومستعد لقرارات أصعب .. لان فعلا ليس أمامنا حاليا أى حل ((((((((((((سريع))))))))))) غير ذلك .. لا بديل حاليا وفى التو واللحظه غير سد خروم المركب بصوابعنا موقتا .. لحد ما مراكب الانقاذ تيجى تنتشلنا من الحوسه اللى احنا متكحولين فيها من ايام عبد الناصر وحتى الان

بالنسبه لانجلترا .. فأحب أن أعرفك أن حكومتها ...ومنذ تولى ديفيد كاميرون رئاسة الوزراء .. وهى تتبع سياسة تقشف ((رخمه )).. وهناك العديد من الاجراءات الفعليه التى تمت وتتم وستتم لتفعيل هذا التقشف الذى أعلنته الحكومه البريطانيه بعد الكساد الشهير الذى ضرب العالم بشكل عام وانجلترا بشكل خاص عام 2008 .. وحتى الان لم تتعافى انجلترا من أثار هذا الكساد بشكل كامل .. لكن هذا لا يمنع من القول أن الحد الادنى للمرتبات هناك مع نظام الضرائب ذو الشرائح .. مع الاعانات المختلفه .. مع الاستقرار .. مع النظام .. يجعل الجميع تقريبا ((أغنياء ومحدودى بل ومعدومى الدخل)) يعيشون فى سلام إجتماعى من حيث توفر المأكل والمسكن حتى لمن لا يعمل تماما .. الوضع مختلف وبصراحه المقارنه جائره

تم تعديل 6 يوليو 2014 بواسطة التونسى

[التونسى]

الحرب القادمة ستكون ضد القطط السمان التى تحولت إلى غيلان

كيلوا البطاطس بيتباع فى الغيط بستين قرش

بيتباع فى الأسواق بستة جنيه

حضرتك - بدون فلسفة - حتكون مع مين فى الحرب دى ؟

يعنى برضه حتتريق على الراجل اللى بيفكر فى عربيات للشباب

ينقلوا بيها الخضار من الغيط للمستهلك ؟

ولا لو لقيت الجيش بينقل بعربياته برضه حتتريق

وتقول ده جيش خـُضرية يا منى ؟

[herohero]

‫#‏السيسي‬: ليس لدينا آليات لضبط الأسواق حاليًا ولن نتوقف عن إصلاح السوق

ال عبدالفتاح السيسي، رئيس الجمهورية، إن مصر منذ 40 سنة بدأت التحرك الحقيقي والفعلى للأمام، وبدأت مسيرة الإصلاح على كافة المستويات ولن نتوقف حتى تصبح مصر من أفضل الدول.

وفيما يتعلق بزيادة الأسعار قال السيسي: صحيح أننا لسنا لدينا آليات لضبط الأسواق في اللحظة الراهنة، لكن هذا لا يعني أننا سنتوقف عن عملية إصلاح السوق وتطوير المنظومة الاقتصادية بشكل عام.

وأكد السيسي أننا في حالة حرب داخليًا وخارجيًا، وعلينا كمصريين أن نتكاتف من أجل تحقيق مصلحة البلاد العليا، ومواجهة المخاطر التي تهددنا.وأشار إلى أن رئيس وزراء دولة مجاورة قال قبل أشهر إنه يجب أن يعاد تقسيم المنطقة، في إطار سايكس- بيكو جديد، ونحن كنا من الدول المرشحة للتقسيم.

http://www.almasryalyoum.com/news/details/477364

[التونسى]

https://www.youtube.com/watch?v=9-KXSN4JSvA

بصراحه الرجل اللى بيقولك الرئيس مغيب وحابسينو فى القصر ضحكنى جدا .. عامة ألتزم بطرح الرأى .. والرأى الاخر

[MZohairy]

انا اللي مضايقني ان الخمره ارتفعت 200%

الناس هتلاقيها منين ولا منين بس يا ربي؟؟؟؟

[التونسى]

انا اللي مضايقني ان الخمره ارتفعت 200%

الناس هتلاقيها منين ولا منين بس يا ربي؟؟؟؟

أصدر الرئيس عبد الفتاح السيسي، تعديلاً تشريعياً جديداً على قانون الضريبة العامة على المبيعات يشمل زيادة الضريبة على أسعار السجائر والبيرة والنبيذ المستورد والمحلي.

وينص القانون: بالنسبة للسجائر المستوردة تحصيل ضريبة 50% من سعر بيع المستهلك، بالإضافة إلى 175 قرشاً للعبوة التي لا يزيد سعر بيعها النهائي عن 9 جنيهات، و225 قرشاً للعبوة التي يكون سعر بيعها النهائي أكثر من 9 جنيهات وحتى 15 جنيهاً، و275 قرشاً للعبوة التي يزيد سعر بيعها النهائي عن ذلك.

وبالنسبة للسجائر المحلية، سيتم تحصيل ضريبة 175 قرشاً للعبوة التي لا يزيد سعر بيعها النهائي عن 9 جنيهات، و225 قرشاً للعبوة التي يكون سعر بيعها النهائي أكثر من 9 جنيهات وحتى 15 جنيهاً، و275 قرشاً للعبوة التي يزيد سعر بيعها النهائي عن ذلك.

وتعتبر أسعار بيع المستهلك محل التقييم هي النهائية والمعلنة في أول مايو 2014 أو القيم الواردة بقرار وزير المالية رقم 30 لسنة 2014 أيهما أكبر، لقياس الحد الأدنى لوعاء حساب ضريبة المبيعات المستحقة على هذه الأصناف.

وبالنسبة للبيرة الكحولية المستوردة والمحلية يتم تحصيل ضريبة 200% بحد أدنى 400 جنيه عن الهيكتولتر.

وسيتم تحصيل ضريبة 150% بحد أدنى 15 جنيهًا عن اللتر السائل على أصناف نبيذ العب الطازج، والعصائر التي أوقف اختمارها بإضافة الكحول، بما في ذلك المستلا وفرموت، والأنبذة الأخرى، والمشروبات المخمرة، والمشروبات الروحية والكحولية المحلاة المعطرة، وأي مشروبات كحولية أخرى، وأي محضرات كحولية مركبة، وأي مقطرات طبيعية.

وسيبدأ تطبيق القانون الجديد من الاثنين، بعد نشره في الجريدة الرسمية اليوم، رغم صدوره رسميًا يوم 2 يوليو وعدم الإعلان عنه قبل ذلك.

[التونسى]

ولو انها خارج الموضوع لكن بالمره الشئ بالشئ يذكر ((مع التذكير ان التدخين ضار جدا بالصحه)) ..وححاول اشوف اسعار الخمور بعد الضريبه الجديده عشان مستر زوهيرى ((مع التذكير ان الخمور لها تأثير قاتل على الكبد))

[باهى الطائر الحزين]

«السيسي»: رفع الأسعار «ضرورة» لإنقاذ الاقتصاد وحماية محدودي الدخل

نهى عبد الله

قال فهمي عنبة، رئيس تحرير صحيفة «الجمهورية»، إن الرئيس عبد الفتاح السيسي، تطرق خلال اجتماعه مع رؤساء تحرير الصحف، اليوم الأحد، إلى الحديث عن قرارات رفع أسعار الوقود، وفرض ضرائب على السجائر والكحوليات.

وأضاف «فهمي»، في تصريحات لـ«فيتو»: «السيسي أكد أن الإجراءات التي اتخذها حتمية وضرورية لإنقاذ الاقتصاد المصري من الانهيار».

وتابع: «السيسي أكد لنا أن مصر تدفع يوميا 600 مليون جنيه لخدمة الدين العام، ومصر مديونة بـ 2 تريليون جنيه، وهو ما يشكل خطرا حقيقا إذا استمر الدعم بالشكل السابق، لأن المديونية قد تصل لـ3 تريليونات خلال السنوات المقبلة».

وبحسب «عنبة»، فإن الرئيس السيسي يرى أن توقيت قرار رفع الأسعار «غير مناسب، ولكن ليس هناك بديل لحماية المصريين، ومحدوي الدخل الذين تدافع عنهم الدولة».

[أبو محمد]

ممكن بقى النحانيح اللى قلبهم بيتقطع على الفقرا يشوفولهم غنيوة تانية ؟

بعد قرار علاج الطوارئ فى "أى مستشفى" على نفقة الدولة

إلى أن يتم نقل المريض نقلا آمنا

مظلة التأمين الصحى تمتد لتغطى - مبدئيا - مليون ومائتين ألف مواطن

من أصحاب المعاشات

وزير الصحة: ضم مليون و200 ألف من أصحاب المعاشات لمظلة التأمين الصحى

السبت، 5 يوليو 2014 - 13:03

جانب من اجتماع الوزير اليوم

كتبت دانه الحديدى

كشف الدكتور عادل عدوى، وزير الصحة والسكان، عن أن الوزارة ستضم أصحاب المعاشات إلى مظلة التأمين الصحى، وعددهم حوالى 1,2 مليون مواطن، وذلك بالتعاون مع وزارة التضامن الاجتماعى.

وأكد الوزير خلال اجتماعه صباح اليوم السبت، مع قيادات الوزارة لوضع إستراتيجية تطوير القطاع الصحى خلال الفترة المقبلة، ضرورة الإسراع فى بدء تطبيق المرحلة الأولى من مشروع التأمين الصحى الاجتماعى الشامل، والمنتظر تطبيقه فى 9 محافظات، وهى سوهاج وأسيوط وقنا والأقصر وأسوان، والوادى الجديد والمنيا وبنى سويف والبحر الأحمر، وذلك رغم مشكلة التمويل.

وأشار وزير الصحة إلى أنه سيتم حاليا إعداد مشروع لوضع خريطة صحية لمصر، تتضمن الأمراض المعدية وغير المعدية، كذلك الأدوية المتوافرة، موضحا أن تلك الخريطة ستساهم فى معرفة الوضع الصحى بدقة داخل مصر، والاحتياجات الفعلية.

وفيما يتعلق بالتعاون بين وزارة الصحة والجامعات، أشار عدوى إلى أن الهدف من بروتوكول التعاون بين كليات الطب والمستشفيات التابعة لوزارة الصحة، هدفه تشغيل مستشفيات الصحة بكافة طاقته، لإنهاء ظاهرة وجود أسرة رعاية مركزة وحضانات غير مستغلة، كذلك توحيد جودة الرعاية الطبية المقدمة بمستشفيات الجامعة والصحة على حد سواء.

وأوضح أنه تم تشكيل فرق من مختلف الإدارات للمرور على المستشفيات دون مواعيد مسبقة، لتحديد احتياجات تلك المستشفيات ووضع خطط لرفع مستواها، كذلك حصر الأجهزة والإمكانيات غير المستغلة بالمستشفيات، لافتا إلى أنه تم تطبيق هذا النظام داخل ديوان عام الوزارة، وفوجئ بكم من الإمكانيات غير المستغلة داخل المبنى.
وبالنسبة للمستشفيات الخاصة، نوه عدوى بأن تلك المنشآت بها انفلات فى المعاملة والأسعار، ويجب تفعيل الدور الرقابى بشكل أكبر عليها، مع زيادة عدد العاملين بإدارة العلاج الحر.

[باهى الطائر الحزين]

تشرب ب 35 جنيه سجاير عادى

ده على اعتبار انك بتشرب علبه واحده يعنى

تدفع فى كافيه 300 ، 400 جنيه عادى

اشتراك النت ب 150 جنيه علشان تدخل على اللى بالى

بالك وبالمناسبه احنا رابع دوله بتدخل عليه عادى

تدفع 500 ، 600 جنيه فى اكلة سمك عادى

تدفع 2500 جنيه علشان تتفرج على كاس العالم عادى

تدفع جنيه زياده فى المواصلات لأ ده اللى مش عادى

النهارده فطرت بره طلبت ربع مشكل ورز وسلطه خضرا

الحساب 75 جنيه جنبى موائد عامره عليها تيوس وخرفان

ورومى وبط وحمام محشى حسابها لا يقل عن 3 ، 4 تلاف

جنيه وبدون مبتلغه اكتر من نصف الأكل راح الزباله ...

فيها حاجه غلط )

[باهى الطائر الحزين]

https://www.youtube.com/watch?v=9-KXSN4JSvA

بصراحه الرجل اللى بيقولك الرئيس مغيب وحابسينو فى القصر ضحكنى جدا .. عامة ألتزم بطرح الرأى .. والرأى الاخر

ده جهل وعوج وحق اريد به باطل

معظم التاكسى بيشتغل بالغاز

بيستهلك فى الورديه ب ٤ جنيه

بتعمل معاه كام الورديه بقى

من ٣٥٠، ٤٠٠ جنيه

الغاز لما غلى من ٤٠ قرش للوحده

الى ١١٠ بقى بيفول ب ١١ جنيه

وزعلان هههه

احنا شعب يجيب الجنان