رفع أسعار الوقود ما بين مؤيد ومعارض

[آل مصريم]

عزيزي الفاضل

البينة على من ادعى - وانت المدعي ولست أنا

يا عزيزى بينه إيه و مدعى إيه....؟؟؟

وصلك كلام من شخص ما ... صدقته على طول ... حبيت أوضح لك ... رفضت كلامى... قلت لك إسئل... تطالبنى بالبينه؟!... إسئل موظف حكومى و هذا سهل.. إسعى للمعرفه بين حديثين متعارضين... إسعى إن أردت أن تعرف ... أو لا تسعى أنت و ما ترى... و كما كتبت لك...

هذا لا يعنى و لا يؤدى لزعل... صح؟

أنا لن أزيد فى هذا... و حتى لو كنت عايزنى أرفع مداخلتى و ألغي ردى عليك .... جاهز بلا غضاضه... بس شاور.... ماشى؟

تم تعديل 8 يوليو 2014 بواسطة آل مصريم

[باهى الطائر الحزين]

اسعار السلع التموينيه

فى النظام الجديد من اول يوليو

[التونسى]

اسعار السلع التموينيه

فى النظام الجديد من اول يوليو

أفهم بس يا مان .. لانى مش ضليع فى الامور التموينيه .. هل الكلام ده معناه ان مثلا كل اللى حدفعه عشان اشترى كيلو سكر ببطاقة التموين ..هو ربع جنيه .. والا اربعه جنيه وربع ؟ وقس على ذلك باقى السلع

تم تعديل 8 يوليو 2014 بواسطة التونسى

[باهى الطائر الحزين]

أفهم بس يا مان .. لانى مش ضليع فى الامور التموينيه .. هل الكلام ده معناه ان مثلا كل اللى حدفعه عشان اشترى كيلو سكر ببطاقة التموين ..هو ربع جنيه .. والا اربعه جنيه وربع ؟ وقس على ذلك باقى السلع

والله يامان انا كمان مش ضليع

من ساعة ما اتخلقت على وش الدنيا

ماليش تموين وحتى ايام والدى الله يرحمه

ما كش عندنا بطاقه تموينيه !

ممكن يفيدك ويفيدنى حد ممن لهم تاريخ تموينى

واعتقد ان الفرد مقرره التموينى مابيوصلش لكيلو

فممكن ربع جنيه يبقى موزع على فرضين او اكثر

ده تخمين واكيد فاضل من الزملاء هيفيدنا ...

كل سنه وانت طيب

[باهى الطائر الحزين]

أفهم بس يا مان .. لانى مش ضليع فى الامور التموينيه .. هل الكلام ده معناه ان مثلا كل اللى حدفعه عشان اشترى كيلو سكر ببطاقة التموين ..هو ربع جنيه .. والا اربعه جنيه وربع ؟ وقس على ذلك باقى السلع

[أبو محمد]

أفهم بس يا مان .. لانى مش ضليع فى الامور التموينيه .. هل الكلام ده معناه ان مثلا كل اللى حدفعه عشان اشترى كيلو سكر ببطاقة التموين ..هو ربع جنيه .. والا اربعه جنيه وربع ؟ وقس على ذلك باقى السلع

الإجابة على سؤالك يا شاعر موجودة على "المصرى اليوم"

إشى خيال يا ناس .. أفلح إن صدق

بالفيديو.. وزير التموين: «الفرخة» على البطاقة بـ75 قرشًا وكيلو اللحمة بجنيه

منذ 18 ساعة | كتب: بوابة المصري اليوم

تصوير

قال الدكتور خالد حنفي، وزير التموين والتجارة الداخلية، إن أسعار السلع الغذائية على بطاقات التموين ستتراوح بين 15 قرشًا وجنيه، مؤكدًا أن سعر الفراخ المجمدة على البطاقة 75 قرشًا في حين تباع للمواطن خارج البطاقة بـ29 جنيهًا.

وأوضح وزير التموين، في حواره على «أون تي في لايف» في برنامج «السادة المحترمون»، مع الإعلامي يوسف الحسيني أن «الأسرة المكونة من 7 أفراد يمكن أن تختار دجاجتين و5 كيلو أرز وعلبة سمنة، و3 سكر، و2 شاي، و2 صلصة، و3 مكرونة، و1 زيت، و2 فول، و1دقيق، و1مسحوق غسيل بـ7 جنيهات فقط شهريا».

وأشار إلى أن أن «كيلو اللحمة سيكون سعره ضمن البطاقة التموينية بالنظام الجديد بجنيه واحد فقط، وخارج البطاقة 29 جنيهًا».

http://www.youtube.com/watch?v=p1Ujavutgls

[أبو محمد]

عندما يفتح شارع المشير أحمد اسماعيل (أمام المنطقة العسكرية الشمالية)

و طريق ١٥ مايو (أمام مديرية أمن اسكندرية)

وذلك في نفس يوم زيادة اسعار الوقود

اقول لمرسي العياط : "هي دي طريقة فتح الجاكت اللى بصحيح يا غشيم !"

[herohero]

يقول السلطان لنا

شدوا الأحزمة لأجل الوطن

التزموا الصمت لأجل الوطن

أطيعوا الأمر وأهل الأمر لأجل الوطن

وموتوا من أجل الوطن

فقلنا: مهلاً...

نحن الوطن

[أبو محمد]

نظرا لأهمية خطاب السيسى

فى منتدى أخبار اليوم لرجال الأعمال

أنقله كاملا

صحيح أنه يحتوى على رسائل طمأنة لرجال الأعمال

ولكنه فى نفس الوقت كمن يقول : "ألا هل بلغت .. اللهم فاشهد"

لأن تقاعس رجال الأعمال عن رد الجميل للشعب المصرى

وتحمل مسؤولياتهم تجاه الشعب الذى أثراهم وهو مطحون
لن تكون ردود أفعاله مجرد تأميمات ومصادرات

رسائل أمان وطمأنة من السيسي للمستثمرين فى "منتدى الأخبار"

الرئيس السيسي وبجواره الكاتب الصحفي ياسر رزق أثناء المنتدي .. تصوير أحمد نصر

بوابة أخبار اليوم

طباعة

الخميس، 10 يوليو 2014 - 08:48 م

أثرى الرئيس عبدالفتاح السيسى منتدى الأخبار بمشاركة غير متوقعة عكست الاهتمام الذى يوليه للملف الاقتصادى،اضافة الى التوقعات الكبيرة التى يراهن بها على رجال الأعمال الوطنيين فى تحقيق التوازن الاقتصادى واستعادة ما قد فات والعمل فورا على إفاقة الاقتصاد المصرى وتوفير فرص التشغيل لطالبى فرص العمل.

قدم الرئيس السيسى فى كلمته التى استغرقت حوالى خمس وأربعين دقيقة ملخصا وافيا ومريرا عن الحالة الاقتصادية والدور الوطنى المطلوب من الحكومة ورجال الأعمال.. وقد م رسائل أمان.. وتطمين.. واستنهاض همم مجتمع الأعمال .

دعا السيسي الجميع الى استدعاء الضمير الوطنى والتحرك السريع لتنشيط الاقتصاد، اكد أيضا امكانية الاكتفاء بهامش ربح بسيط من كل ميسور ومستور لفترة محددة والعمل فورا ووفق خطط مدروسة على انشاء كيانات ضخمة لتنشيط الاستثمار وتوفير فرص التشغيل

. وقالها الرئيس بعبارة صريحة للجميع: حاسبواعلى مصر.. لو وقعت فلن تقوم مرة أخرى، وإن استمرار الأزمة الاقتصادية.. "يجيب البلد الأرض" ووجه رسالة مباشرة لكل رجل أعمال قال لهم فيها: لكم عندى تحقيق مناخ حقيقى للاستثمار وازالة كل العوائق،كما خطبهم بقوله «أنتم فى أمان.. لن يهددكم أو يبتزكم أحد.. وبابى مفتوح لكم .

و كشف الرئيس فى الحوار خفايا جديدة من أسرار فترة الظلام وقال إن جماعة الاخوان الإرهابية عرضت عليه إبان كان وزيرا للدفاع ان يأخذ مايريد للمؤسسة العسكرية ويعين ما شاء من وزراء فى مقابل ترك البلد لهم للسيطرة عليهاوقال: «حماية ارادة الشعب أيا كانت عقيدة راسخة للجيش المصرى».

وفيما يلى نص الحوار :

بسم الله الرحمن الرحيم

كل سنة وانتم طيبين جميعا وأهلابكم.. هى فرصة عظيمة أن ألتقى بحضراتكم، فالجهد الذى تعملوه فى الندوة ربنا يوفقكم فيه وموضوعها موضوع هايل.. أنا أؤكد مع حضراتكم على أشياء بمنتهى الوضوح..إحنا متابعين خلال الأيام إللى فاتت دى الدنيا ماشية إزاى..المهم أن تعرفوا بنفكر إزاى مع الوضع فى الاعتبار أننا مبنخبيش أبدا حاجة فى الكلام إللى بنقوله للناس عشان تبقى عارفة.

لكن أنا عايز أقول لكم بصراحة وكلكم رجال أعمال شقيتم وبذلتم جهدا مقدر جدا ربنا وفقكم فيه وتعرفون جيدا ماذا تعنى كلمتى اقتصاد ونجاح.. وأكيد تعرفون ماذا يعنى الفشل.. أنا بتكلم فى هذا الاطار بالنسبة لمصر..شايفكوا ناس مخلصين.. بذلتوا جهدا حقيقيا بعرق، لا يستطيع أحد أن يتكلم فيه خالص.. عايز أقول لكم إن مصر مهددة وأرجو أن يكون ذلك ماثلا أمام حضراتكم.

لا أقول ذلك عشان أقلقك.. فأنا على المستوى الشخصى كانسان وعلى مستوى الدولة معك وجنبك لأساعدك فى كل شىء.. لأن نجاحك نجاحى.. والنهاردة لو عندى فى مصر ألف رجل أعمال.. كل واحد عنده ألف مليون.. أنا هبقى سعيد جدا.. لأن ده فى الآخر لمصر، بيشغل ناس وبيأكل الناس عيش.. مفيش كلام فى ده.. لكن فيه نقطة مهمة جدا.. ممكن واحد وهو مهتم بعمله مركز على كل مسارات النجاح.. الفشل يبعده لو مخدناش بالنا من السياق العام اللى بتمر بيه منطقتنا بالكامل.. ربنا سبحانه وتعالى أراد إن البلد دى تنجح كده إزاى أنا معرفشى.. فى الآخر مصر عدت.

أنا إنسان واضح جدا.. وعندى حاجة مهمة تعرفوها حضراتكم.. أنا مبخفشى خالص.. أبدا.. ومقدرشى أعمل حاجة غلط فى حق أحد.. مقدرش أظلم أحد فى حاجته إللى شقى عليها وجابها.. ده خط أحمر ودى مش مجاملة لأحد.. دى حقيقة.. مقدرش آخد حاجة من أحد حتى بالحرج.. بسيف الحياء.. مقدرش أعمل كده.. وده مبدأ.

أرجع تانى وأقول : انتبهوا حضراتكم للمنطقة وما يحدث فيها من عبث بالأديان فى أى صراع.. أخطر حاجة تتعمل فى الوجود كله هى العبث بالأديان واستخدامها كأداة فى أى صراع.. أى صراع.. أخطر حاجة فى الوجود كله ويترتب عليها اشكاليات تاخد عشرات السنين وتعمل خساير بلا حدود.. وده اللى بيتم خلال الخمسين سنة إللى فاتت.

تم استخدام الدين كوسيلة لعمل توازنات سياسية فى الأول ثم فى الصراع فى أفغانستان.. وهو فى كل مرة بيتعمل بيه حاجة.. الفكرة تتنقل تخش هنا فى مصر.. فى ليبيا.. فكرة تدخل البلد وكل واحد من دول متصور إنها صح ويكبر الموضوع تلاقى مايحصل فى نيجيريا.. يلاقى فى مصر اللى بيحصل.. فى تونس.. فى ليبيا.. الدنيا كلها بتولع.

طب أنا بقول الكلام ده كبداية ليه؟.. رئيسة الأرجنتين بعتت لى وصفة لعلاج الأزمة الاقتصادية فى مصر.. فأنا قلت لها كويس جدا.. بس عندنا الاخوان كتيار بفكر دائما مايكون عكس اتجاه الدولة..ميعرفشى يعمل غير كده.. ميعرفش يعيش غير كده.

أنا بس بجيب من برة وبعدين بخش بيكو على بلدنا علشان تبقوا عارفين الحكاية فين.. مشكلة مصر من خمسين سنة أيام السادات الله يرحمه لما حب يعمل الاصلاح سنة 1977.. كانت مشكلة اقتصادية ومحدش عرف يعالج المسألة دى بشكل حاسم.. والظروف مكنتش بتساعد.. ثم كان عندنا نمو سكانى وصل 2,6 مليون فى السنة.. وأى جهد بيتعمل للاصلاح ياكله هذا النمو من غير الناس متحس بايه السبب فى التراجع ده.

أرجع تانى وأقول يتم العبث بالدين ويستخدم كأداة وأحنا جزء من المنطقة مفيهاش كلام .. ولو ماكنتش مصر هتقف خلال السنتين تلاتة الجايين.. تقف صح.. بقول أهو عشان حضراتكم: إن موقفتش مصر خلال السنتين تلاتة الجايين.. هيبقى فيه مشكلة كبيرة جدا مش بس فى المنطقة.. لا .. جوة مصر.

صدقونى.. هقول كلام مقصدشى منه حاجة.. ربنا سبحانه وتعالى.. فيه بعض الناس بيلهمهم القدرة على رؤية المستقبل.. فيقدر يشوف المستقبل والكلام ده أنا قلته.. بفكر نفسى.. فيه ناس أنا قعدت معاهم قبل 25 يناير وقلت فى ابريل 2010: نحن مقدمون على تغيير كبير وفيه ثورة ستحدث كنت محدد لها مايو 2011.. وحصل فى 28 يناير قلت: اللى هيحكم البلد.. الاخوان المسلمين.. القراءة بتقول.. مش احنا هنحكم.. الاخوان.. القراءة بتقول إللى هيحكم الاخوان.. قالوا لى طب وبعدين.. قلت لهم المصريين لا الكنيسة بتتخش بالعافية ولا الجامع بيتخش بالعافية.. مش هينجحوا.. وفى 28 يناير يقول الناس والأمريكان والاوربيين والدنيا كلها إن إللى هيحكم الاخوان.. بيقولولى: طب وبعدين.. قلت ليهم: مش هينفع لأن المصريين مبيخشوش الجامع بالعافية ومابيخشوش الكنيسة بالعافية.. هو عايز يصلى بيصلى.. هو حر بقى وهيبقى فيه مشكلة كبيرة جدا فى مصر.. وكان.. وفيه فرق أن إحنا بنقولها مش خططناها.. لأ مخططنهاش.. إحنا بنقول على الأحداث كلها راحت فى الاتجاه ده.

أنا بحاول أجيب من برة ومن جوة عشان أشكل صورة تبقى واضحة أمام حضراتكم.. وأكون أثريت الندوة بحاجة تكمل ما لديكم.. قلنا إنه هيحصل ده.. المصريين مش هيستحملوا.. هيخرجوا.. اللى عمله الجيش أنه حمى إرادة الناس بس..قال لكل الموجودين: اللعبة زى ما قلناها لمبارك بينك وبين الناس ..اوعى تدخلنا طرف فى الموضوع.. واحنا مش هنحسم الموضوع لصالح حد إلا لصالح الشعب.. والأمر ده قائم متغيرش.. الأمر ده قائم متغيرش..الشعب المصرى يقول عايز إيه.. هتلاقوا الجيش المصرى وراه.. هى ثوابت استراتيجية فى ثقافة العسكرية المصرية.. الشعب عايز ايه.. طب حتى الشعب عايز غلط.. ملناش دعوة.. هو حر.. لأنها ارادة شعب.. عايز أقول إن كل اللى عملناه أننا حمينا هذه الارادة فى 30 يونيو وفى 3 يوليو وبعد كده ولغاية دلوقتى.

ولكن وبصراحة وبمنتهى التجرد إذا لم تعالج المسألة الاقتصادية معالجة حاسمة هوا ده اللى يجيب مصر الأرض.. وأنا قلت الكلام ده فى الإعلام ومش مستخبى.. قلت حضراتكم إحنا خدنا مش أقل من 25 مليار دولار فى العشر شهور اللى فاتوا،25 مليار.. يعنى كام؟.. يعنى 200مليار جنيه.. وفى نفس الوقت عجز الموازنة بتاعنا مازال فوق 200 مليار جنيه.. يعنى المفروض كده العجز بتاعنا يبقى 450 مليار لو ده مجاش ..طيب لغاية دلوقتى ولغاية الشهر الجاى البترول فيه 900 مليون دولار بيدفعوا للبترول يعنى 50 مليار جنيه بقالهم عشر شهور دول مش محسوبين خالص.. يعنى كام 50 مليار كمان.

احنا عايشين بنتحرك فى البلد ومش عارفين إن فيه فصيل شغال على المعركة اللى بينا وبينه. وهو عارف إن العوز هو مشكلة المصريين.. وهو بيلعب عليها.. يقوض الدولة دى بايه؟.. بأن كل النجاحات لاستمرار الدولة المصرية تتوقف بعجز اقتصادى يخليها تقع.. تعمل اصلاحات فوق تصور الناس ومش هتقدر تستحمل.. يا إما العرب يدوك.. وده مش معقول انه يفضل يديك كل سنة 20 الى 30 مليار دولار وفيه رأى عام عندهم.. يعنى لازم نكون منتبهين لده.. وللى بيراهن على مصر وقدراتها الاقتصادية المتواضعة والضعيفة جداواللى تآكلت على مدى 40 سنة أو أكثر.

احنا اللى حصل إن فيه ناس متصورة إن الأزمة بدأت بعد 25 يناير..لأ.. انتو شفتو بداية الكورة وهى نازلة تقع تحت فى الهاوية فى 25 يناير.. ده كان نهاية الحكاية.. قمة التردى للدولة المصرية وقدراتها بمنتهى الوضوح كده.. وأى أرقام تانية تتقال نتكلم فيها.. التردى مش بس معدل نمو بتحققه بشكل جيد..لا.. شوف مؤسسات الدولة عاملة ازاى.. شوف الإعلام.. شوف الاقتصاد.. شوف الزراعة.. شوف التعليم.. شوف الصحة.. شوف أى قطاع من قطاعات الدولة وحجم أدائه عامل ازاى.. ده اللى احنا رحناله ..ومازلنا ريحين ليه بمعدلا أكثر.. فى التلات أربع سنين اللى فاتوا دول كان حجم التسارع أكبر.. كنا بنقول الرئيس عبد الناصر الله يرحمه ساب مصر مدينة بـ 1,2 مليار.. والسادات بـ 21 مليار.. مبارك 1,2 تريليون جنيه.. والنهاردة بنتكلم فى 1,9 تريليون.. يعنى فى تلات.. أربع سنين تقريبا احنا رايحين للضعف.

أنا بس بقول ده وهسيبه للندوة تفكر فيه ..فقد وصل للضعف ..يعنى كل اللى إحنا عملناه والناس كلها فى مصر اتكلمت عليه 51 مليار من الدعم البالغ 251 مليار جنيه.. أقول تانى: كل اللى احنا عملناه والناس بتقول الغلبان اتطحن والفقير بيضيع عبارة عن 51 مليار جنيه من 251 مليار.. مش يعنى فاتورة الدعم خلاص خلصت..لا .. ده جزء بسيط من هذه الفاتورة ..قلنا العجز بدلا من أن يكون 350 مليار يبقى 250 مليار .. العجز ده هيوصلنا لإيه.. كان 1,9 تريليون.. هيبقى كام ؟.. كان هيبقى2,2 تريليون ولما نستمر ثلاث سنين على كده.. هيبقى 3 تريليون..يبقى المزيد من إيه؟

طيب.. هل قطاع السياحة سيجد حلا خلال المنظور القريب ده؟..لا.. احنا داخلين مع ناس زى ما قلت كده متعرفشى ربنا.. تيار مستعد يضحى بالتسعين مليون مصرى فى تصورى أنا عشان يسيطر على البلد..أنا عايز أقول لكم على حاجة.. البلد اللى بتقع مبتقومش تانى..لا الاخوان هيعرفوا يطلعوها ولا غيرهم.. لو وقعت مصر والله والله.. أنا بحلف .. مش هترجع تانى.. ليه بقي؟.. لانك انت حضرتك وبفكر الأستاذ ياسر بالكلمة دى.. بس كنت بقولهم مفصلات الدولة.. أذرع الدولة الرأسية والأفقية اللى بتمسك الدولة عشان يكون ليها كيان متوازن بتتآكل وبتضعف فى الثورات، بغض النظر عن وجاهة الثورة مفيش كلام.. لكن احنا بنتكلم عن عرض من أعراض الثورة، وهو إن الأذرع إللى مسكاها بتتقطع.. أول ذراع هو الراس.. راس الدولة لما تتنزع كده.. نزع ليه آثار فى منتهى الخطورة على الدولة.. مش هقول حاجة تانية.. عشان كده الدولة عشان تنهض بتاخد 10 الى 12 سنة لتستعيد حالها والدليل على كده ايه؟.. انك تتكلم عن 200 ألف إلى 250 ألف فدان اتاخدوا من الاراضى الزراعية.. الدليل على كده إن حجم التعدى على انشاءات المبانى أكثر من 60 ألف منشأ جديد خارج السياق فى المدن.. أنت بتتكلم فى حاجات ضخمة جدا جدا.. آثار هتستمر الى 50 أو 60 أو100 سنة عقبال منقدر نعالجها.. لكن الأصل فى الموضوع.. الخطورة فى الموضوع إن الدولة لو وقعت ماترجعشى تانى.. كمان مش عايزين ننسى إن فيه استهداف من الداخل واستهداف من الخارج.. من الداخل شغال ومن الخارج شغال.

أنا مش بقول كده عشان اقولك فين دور الأغنياء.. لا أتحدث الكلام ده.. بتاع الفلوس والكلام ده.. أنا بكلمك عن ضميرك الوطنى.. الكلام ده بعيد عن الناس اللى بتسمعنى ولا إيه؟..لا .. روح لضميرك.. تسيب بلدك.. تسيب بلدك تضيع وانت قاعد.. إيه ده؟.. أنا الكلام ده بقوله لنفسى والله.

هأقول ليكوا تانى وحطوا فى دماغكم إنى مش بكلم رجال أعمال أو مصالح.. مصالح إيه.. هوا أنا معنديش ضمير وطنى وأخلاقى وإنسانى أكثر من مصلحتى.. اسمعوا..عاوز أقول ليكوا على حاجة.. أنا كنت وزير دفاع أقوى مؤسسة فى منطقة الشرق الأوسط كلها.. فى كل حاجة..ومكنش حد هيقدر يقرب أبدا لو كنت بتكلم فى مصالح.. كل اللى كان مطلوب منى بس «سيبنا وخد اللى أنت عايزه».. وقسما بجلال الله.. أنا أتعرض عليا كده.. خد الفلوس لمؤسستك.. عايز تحط وزرا حط.. اعمل اللى انت عايزه ملناش دعوة بيك سيبنا احنا فى البلد دى.. ولو كان اللى بينادينى المصلحة.. خلاص انا زى الفل.. أنا معايا الجيش.. لو عايزين نتكلم فى العلاقات بين القائد وضباطه.. «عشق» مش حب..عايز إيه تانى.. معنديش مشكلة جوة الجيش فى أعداده وتجهيزه وقدراته..العلاقة طيبة بينى وبين ولادى اللى موجودين جواه.. واللى برة بيقول ليا بس خليك فى حالك وخد كمان.. طيب خير إيه الحكاية ؟.. لا مش مصلحة.. لا مش مصلحة.. الوطن.. الوطن.. الوطن.. خلق.. قيم.. أن تكون ست قاعدة فى البيت تتفزع وخايفة .. أنا والجيش موجود.. قلنا: لا مفيش مصرى واحد يبقى متفزع واحنا موجودين على وش الأرض.. ولا يا بشمهندس نجيب.. لم تكن مصلحة الحفاظ على المؤسسة. المؤسسة دى عشان تبقوا فى الصورة الوحيدة فيكى يامصر اللى أراد ربنا إن محدش يقرب ليها.. فهى محمية بفضل الله سبحانه وتعالى..عشان تبقى الظهير حتى فى وقت الأزمة تقدر تصد عن البلد.. وإلا البلد تنهار تماما.. لكن بقول لو كان الموضوع مصلحتى أنا والجيش.. وخليك قاعد وساكت يا سيدى.. وهما بقى ينزلوا رابعة بالسلاح.. وإللى ينزل من الشعب المصرى.. يتعمل فيه إيه؟.. يتخلص عليه.. من فضلكم..الناس إللى فى الاعلام.. هاتوا الخطب إللى أنا قلتها واقرأوها وحطوها ورا بعض.. هتلاقوا فيه حد بيقول لحد: اوعى تقرب.. اوعى تقربلهم..مش هسمحلك تقربلهم.. ويسأل الرئيس السيسى الحضور: أنا بتكلم عن مين .. ويأتيه الرد من الحاضرين: عن الشعب.. ويواصل كلامه: حطوا الكلام كده وانتو تعرفوا أنه بيقول للناس لأ.. شعب أمام نظام مش شعب أمام ميليشيا مسلحة وعمل يقتل الناس.. لا مش هيحصل كده.

أنا بقول الكلام دلوقتى أمام حضراتكم ليه؟.. أنا أقصد أن الهدف أو السبب اللى دفعنا نعمل كده لم يكن مصلحة.. بل حاجة أكبر من المصلحة إللى هى الوطن.. أنا ممكن يبقى معايا فلوس أطلع أقعد برة وأعيش انا وأولادى ومفيش مشكلة خالص وكم أوطان انهارت وجزء من أهلها سافر ليعيش ..هيعمل إيه يعنى زى السوريين ما خرجوا من سوريا والأكراد مشيوا من العراق وزى حاجات كتير.. وفى الآخر هأعمل كل حاجة فى ايدى أقدر أعملها للوطن ده.

يتساءل الرئيس عبدالفتاح السيسى: احنا معندناش رؤية اقتصادية للموضوع؟ ويجيب: لا عندنا رؤية اقتصادية.. رؤية شاملة.. نعم. استراتيجية متكاملة.. أيوة بس الأدوات بتاعتها صعبة.. فيه كلام مبيتقالش.. يا ترى الناس اللى برة والناس اللى جوة هيسيبوا كل الناس تساعدنا؟.. الدولة جيشها قوى والدولة ضعيفة..الروس كانوا كده فى التسعينيات..اللى حصل انهم لما رجعوا لاقتصادهم قوته.. خلاص رجعت روسيا وبترجع لنفوذها لكن فى عمر الدول بياخد فترة طويلة جدا.

ويطرح الرئيس عبد الفتاح السيسى سؤالا على نخبة رجال الأعمال المشاركة فى المنتدى: أنابقول الكلام ده ليه؟ ويواصل:بأقول لحضراتكم فى الندوة هنا إن كل واحد من رجال الأعمال لو حط ايديه مع زمايله وقالوا نخش نعمل 10 أو 12 مشروعا ضخما ويتوجه للدكتور حسن راتب ويقول:أنا اتكلمت فى الموضوع ده قبل كده.. ده معناه.. ايه.. نحط الفكرة فى الندوة ..الناس فى العالم علمونا الشركات الدولية أو العالمية.. بقى احنا المصريين ميجيش المهندس نجيب مع أبو العينين مع أحمد أبو هشيمة مع الدكتور حسن ويقولوا أحنا عندنا استعداد نعمل مشروع بـ10 او 12 مليار جنيه لو أمكن..طيب المطلوب منى ايه ؟.. هطلع ليك جواب.. خدوا بالكو أنا مبخفشي..هيطلع القرار من عندى أنا فى الرئاسة .. ولو أنا عندى النهاردة 500 رجل أعمال بهذا المستوى ويقدروا يتفاهموا مع بعض، وبالعلاقات والقدرات التى بينهم تنشىء خلال سنتين تلاتة كيانا ضخما جدا ينعكس على الاقتصاد المصرى والمواطن المصرى اللى مش لاقى شغل.. وتقدم له الأمل مع ماسنقوم به.. أنت لك عندى أن أوفر مناخا حقيقىا للاستثمار.. لا يبتزك أحد.. ولا يهددك أحد.. أبدا اللى بقوله مش سياسة.. دى قيم.. قيم..فيه ناس تفتكر إن القيم لا تنجح.. لأ..من يلتزم بالقيم ربنا معاه.. أنا مسار حياتى كله كان كده.. إن القيم لها رب يساعدها ويحميها لو موجودة بجد.. مش عبارة عن سواتر تستخدم علشان تمرير حاجة.

أقول تانى: مطلوب من حضراتكم دور لاشك فيه.. بس الدور ده تستدعيه حاجة كبيرة.. سأقسم يمين عليكم.. أقسم بالله العظيم.. أقسم بالله العظيم أنا لو معايا 100 مليار دولار لأديهملك يا مصرمن غير تفكير.. والله من غير ما أفكر.. ولا فيه حد ابدا يذل بلادى ويهينها ويكسر خاطرها.. أنا غنى لما تكون بلادى غنية..أنا فقير مهماكنت غنى لو بلادى فقيرة.. أنا أمد إيدى وأخويا معاه جنبى.. إيه ده ..إيه ده.. لا أقصد من هذه الكلمة أى شىء والله العظيم.. يمكن حضراتكم تقولوا الكلام ده مينفعشى معانا.. وهقول كلمة أنا قلت إن فيه ناس ربنا خلق عندها قدرة على قراءة المستقبل.. والله لتشوفوا مصر دى عاملة إزاى..أنا قلت مرة كده فى حوار إن الحق سبحانه وتعالى يقسم ويقول: وعزتى وجلالى لأرزقن من لا حيلة له حتى يتعجب أصحاب الحيل» وانتم كرجال أعمال بتشوفوا كتير جدا من خلال حياتكم ناس كنتم تقولوا عليها ده راجل معندوش دماغ بس ربنا بيرزقه.. فمصر مالهاش حيلة.. الغلب أكلها ..الفقر طحنها.. وأرجو أن لا أكون فى الكلمتين اللى قلتهم ضايقتكوا ولا حاجة.

وأرجو أن يعلم الحاضر الغائب ويبلغهم عنى: كل إنسان فى مصر آمن على نفسه وأولاده وعلى بلده.. ومابينى وبين الناس هو القانون.. كل الناس حتى الاخوان.. لاننى مقدرش أظلم.. وهتحاسب عليهم.. واجب على عمل استثمار حقيقى من أجل بلدى وتجاه الغلبان وأوفر فرص الاستثمارالمصرى ثم العربى قبل الأجنبى.. ازالة عوائق الاستثمار.. زى ما أنتم عارفين مبخفشى.. لست باق على سلطة .. والله العظيم والله العظيم.. لا أرغب فى أى سلطة ولا أرغب فى الاستمرار..أنا أقسم بالله بلدى يعيش واعملها.. يا أموت دونها.

بلغوا عنى.. كل واحد آمن .. لا أستطيع أخذ شىء منه بسيف الحياء.. لكن متمنعنيش أروح أقف فى البنك وتقول: ده بيحرجنى.. الله أنت لا ترحم ولا عايز رحمة ربنا تنزل.. أيوة أنا بقول ليكوا أنا هعمل كده .. فأنت تقول له: ده بيحرجنى.. بيحرجك ايه ؟..ومش عايزنى أعمل كده.. يعنى هتتفرج عليها.. وأنا بقول للناس الغلبانة أنا معاكو.. كنت أتمنى.. والله كنت بمشى وأنا مقدم فى الجيش أقول لهم: لو معايا 100 مليار دولار كنت بنيتك يا مصر.. كنت عملت المدرسة.. والمستشفى والبيت والشارع .. لو معايا 100 مليار دولار مكنتش هشوفهم كتير عليها ..لأن من الآخر محدش هياخد حاجة معاه.. وإن شاء الله نقعد تانى مع بعض ونكمل ما بدأناه.. عندى لكم كل شيء طيب يساعدكم على العمل فى أمان وسلام..وأنا تحت أمركم وسأترككم مع الأستاذ ياسر والمجموعة التى معه لاستكمال مناقشاتكم .. وخدوا بالكم أنا قلت إنه بفضل من الله سبحانه وتعالى لن يكفينى فى صندوق مصر إلا 100 مليار جنيه من تريليون جنيه أنا عايزهم لبلدى علشان أقوم بيها.. مش ليا لكن لأهلها.

[التونسى]

رفع الدعم.. ووعى المصريين

بقلم: مجدي صابر الخميس , 10 يوليو 2014 23:39

أكثر ما كنت أخشاه من رفع أسعار الوقود والسجائر هو ثورة جياع لأن الوقود يدخل في تكلفة كل ما ينتج ويباع في مصر، بدءاً من سعر كيلو اللحم الذي زاد عشرة جنيهات مرة واحدة، انتهاء بحزمة الجرجير التي تضاعف سعرها وصارت الحزمة بجنيه كامل!

ولكن المدهش - وهو أمر جدير بالتحية والاحترام لهذا الشعب - أن رفع سعر الوقود والسجائر مر دون مشاكل تذكر، باستثناء بعض المظاهرات القليلة لأصحاب التاكسي الذين تم مراضاتهم سريعاً برفع البنديرة، ويبدو أن المصريين كانوا علي وعي بأن ما حدث كان لابد من حدوثه منذ سنوات، وتأخيره لكل هذه السنين كاد أن يدمر الاقتصاد المصري الذي تعرض لضربات قاتلة خلال سنوات الثورة، وبالرغم من أن وسائل الإعلام لم تمهد لزيادة أسعار المحروقات والسجائر وكذلك الكهرباء، والدوافع التي أدت بالحكومة إلي رفع أسعارها، إلا أن شعبية السيسي ومصارحة الجماهير لا شك كان لها تأثير كبير علي قبول الجماهير للأمر الواقع.
وهي ميزة دون شك، ولكن استخدام شعبية السيسي وحب الجماهير لن يبرر مثل هذه الأمور كل مرة، فالناس قد تحتمل المزيد من الشقاء والغلاء لفترة، ولكنها لن تحتمل ذلك للأبد، خاصة الطبقات الفقيرة المطحونة التي عانت وتعاني منذ سنوات بعيدة.
ولكن كعادة البعض، فقد استغلوا رفع أسعار السلع التي لها علاقة بالنقل واستهلاك الوقود ليرفعوا أسعار خدماتهم التي لا علاقة لها لا بالنقل ولا باستهلاك الوقود، فهم جاهزون لرفع الأسعار بسبب ودون سبب وأسوأ ما في الأمر أن الشرطة والجهات المسئولة غير قادرة علي ضبط الأسواق ومواجهة الاستغلال والمستغلين وهو ما اعترف به السيسي شخصياً.. الذي قال إنه يعتمد علي ضمير التجار في عدم رفع الأسعار.. وهو ما اختلف معه بنسبة مائة في المائة!
ورفع الأسعار بمثل تلك الطريقة العشوائية وعلي طريقة الأواني المستطرقة سيؤدي بلا شك إلي نوع من التضخم وارتفاع الأسعار وفقدان النقود لقيمتها الشرائية.. مما قد ينتهي بكارثة اقتصادية في النهاية.
ولست أظن أن مشروعات الجيش من مجمعات استهلاكية أو غيرها يمكن أن تؤدي إلي خدمات حقيقية للمواطنين وتحارب الغلاء، فما أقل تلك المجمعات الاستهلاكية التي يكاد يقتصر وجودها علي القاهرة والجيزة والإسكندرية، في حين أن الغالبية العظمي لفقراء مصر يتركزون في الصعيد.
وما أظن أن ما قامت به الحكومة من زيادة المعاشات خاصة معاش الضمان الاجتماعي يمكن أن يجعل صاحبه يلاحق انفلات الأسعار المجنون، والحل في رأيي هو زيادة الإنتاج وزيادة فرص الاستثمار لزيادة دخل الفرد، وكذلك خلق فرص عمل جديدة لملايين العاطلين حتي لا يتحولوا إلي عالة وقنابل موقوتة.
لقد أثبت الشعب المصري وعيه بظروف البلد الاقتصادية ولذلك تقبل رفع الأسعار دون تذمر كبير وفي المقابل أعلنت الدولة تطبيق الحد الأعلي للأجور دون استثناءات، وهو أمر محمود دون شك، ولكن الأهم منه في رأيي هو أن تمارس الحكومة علي نفسها نوعاً من التقشف الحاد، وتبتعد عن مظاهر البهرجة والإنفاق البذخي، فلا يمكن أن تطالب الجماهير بربط الحزام وتحمل ارتفاع الأسعار وقسوة الحياة، ثم يري حكومته تنفق المليارات في شكل حفلات يقيمها السادة الوزراء، أو أن يخدم معالي الوزير عشر سيارات تحت أمره وأسرته، أو أن تخصص له مبالغ طائلة ينفق منها ما يشاء دون حسيب أو رقيب.
فعلي الحكومة التي قامت بما لم تجرؤ حكومة أخري منذ عام 1977 علي اتخاذه من المساس بالدعم، أقول علي الحكومة أن تثبت أنها تشارك هذا الشعب معاناته ومشاكله، وإلا فإنها ستكون أول من يدفع الثمن!

تم تعديل 12 يوليو 2014 بواسطة التونسى

[أبو محمد]

المفروض بقى النحانيح يوطوا بالنحنحة شوية

أو يشوفولهم حاجة تانية ينوحوا عليها

الفقراء والمهمشين أكتر ناس فرحانة بالسلع اللى اتحطت على البطاقة

اللى كان بيشترى أرجل الفراخ عشان يطبخ عليها

بقى دلوقت يقدر يجيب فرخة بجنيه إلا ربع

واللى ما كانش بيشوف اللحمة إلا من العيد للعيد

أصبح يقدر ياكلها مرة واتنين ويمكن تلاتة فى الشهر

اللى تعدى الـ 65 سنة من عمره وليس له دخل

أصبح له معاش ضمان اجتماعى وتأمين صحى وكارنيه مواصلات ببلاش

ونفس الشيئ ينطبق على المعوقين والمرأة المعيلة

الحكومة تصالح الفقراء قبل العيد.. صرف 340 جنيهًا معاشًا شهريًا لكل معاق

‬===========================================
كشف مسئول حكومى بارز عن أن الحكومة تستعد لتقديم «هدية العيد» إلى بعض الفئات المهمشة والمطحونة خلال الأيام القليلة المقبلة وتشمل حزمة إجراءات تستهدف تخفيف حدة تداعيات القرارات الاقتصادية الأخيرة على محدودى الدخل.
وقال المسئول الرفيع فى تصريح خاص لـ«الشروق» إن الحوافز والمساعدات ستوجه بالأساس إلى قطاعات تضررت من قرارات زيادة أسعار الوقود الأسبوع الماضى. وعلى رأسها سكان المناطق العشوائية وكبار السن والمعاقين وبعض اصحاب المعاشات والمراة المعيلة.
وأكد المصدر ــ الذى التقته «الشروق» على هامش الإفطار الذى أقامه السفير السعودى بالقاهرة ومندوبها الدائم أحمد القطان مساء الخميس الماضى فى مقر سكنه وحضره إبراهيم محلب رئيس الوزراء وعدد كبير من الوزراء والشخصيات العامة والإعلاميين ــ أن هذا القرار جاء فى أعقاب دراسات وتقارير أكدت تضرر القطاعات السابقة من قرارات تخفيض الدعم الأخيرة. إضافة إلى أن القيادة السياسية والحكومة تلقت نصائح متنوعة من قوى سياسية وشعبية بضرورة اتخاذ قرارات شعبوية لصالح الفئات الأشد فقرا حتى توجه رسالة خلاصتها أنها لم تتخل عن الفقراء كما يقول خصومها.
وأشار المصدر الى ان الحكومة الحالية وحكومة حازم الببلاوى اتخذتا قرارات ثورية لم تجرؤ حكومة سابقة على اتخاذها لصالح محدوى الدخل مثل تطبيق الحد الأدنى والأقصى للأجور ومضاعفة عدد المستفيدين من الضمان الاجتماعى وفرض ضريبتى البورصة والدخل المرتفع.
وعلمت «الشروق» أن وزارة التضامن الاجتماعى بدأت بالفعل إجراءات صرف معاشات ضمان للمعاقين فى الوقت الذى يجرى فيه إعداد قاعدة بيانات كاملة بجميع المعاقين تمهيدا لتعميم هذا المعاش على المستحقين.
وقال المصدر لـ«الشروق»: إن «الوزارة بدأت بشكل محدود صرف معاش بقيمة 340 جنيه لكل معاق فى الأسرة الواحدة»، موضحا أنه «فى حال وجود أكثر من معاق بالأسرة يتم صرف معاش مستقل لكل واحد منهم».
وكانت «الشروق» نشرت فى عددها الصادر فى 20 يونيو الماضى موضوعا بعنوان «التضامن تنتهى من إعداد برنامج للخدمات الاجتماعية لأصحاب معاشات الضمان الاجتماعى»، تضمن تفاصيل برنامج أعدته الوزارة لتقديم خدمات اجتماعية ومعاشات ضمان اجتماعى لعدد من الفئات منها كبار السن فوق 65 عاما والمعاقين ومعاشات مشروطة للأسر التى لديها أطفال بالمدارس، بشرط استمرارهم فى التعليم. وتستهدف الحكومة مضاعفة عدد المستفيدين من معاشات الضمان الاجتماعى إلى 3 ملايين أسرة، من أصل 1.5 مليون أسرة، يحصلون الآن على معاشات تتراوح ما بين 323 جنيها و450 جنيها.
ووفقا للبرنامج فكل من لديه 65 عاما، وليس لديه دخل، سيحصل على معاش ضمان اجتماعى بالإضافة إلى تأمين صحى، وكارت مجانى للمواصلات، بجانب فئة المعاقين الذين سيحصلون على معاش ضمان شهرى غير مشروط.

[eslam elmasre]

المفروض بقى النحانيح يوطوا بالنحنحة شوية

أو يشوفولهم حاجة تانية ينوحوا عليها

الفقراء والمهمشين أكتر ناس فرحانة بالسلع اللى اتحطت على البطاقة

اللى كان بيشترى أرجل الفراخ عشان يطبخ عليها

بقى دلوقت يقدر يجيب فرخة بجنيه إلا ربع

واللى ما كانش بيشوف اللحمة إلا من العيد للعيد

أصبح يقدر ياكلها مرة واتنين ويمكن تلاتة فى الشهر

اللى تعدى الـ 65 سنة من عمره وليس له دخل

أصبح له معاش ضمان اجتماعى وتأمين صحى وكارنيه مواصلات ببلاش

ونفس الشيئ ينطبق على المعوقين والمرأة المعيلة

ماهم هايكلو لحمة ومش هايلاقو زيت او ياكلو فراخ ويستغنو عن السكر واحمد زي الحج احمد ومفروض نوضح انه كل اسرة لها مجموعة من النقاط ومحسوبة على نسبة الدعم المستحق لكل اسرة ياخدهم زيت ياخدهم لحمة ياخدهم رز المهم انه في الاخر لن يحصل على ازيد مما تساهم به الحكومة من دعم

انا في اعتقادي ان الحكومة بهذه الحركة تنشط سوق المجمعات الاستهلاكية اللي تقريبا مش شغالة بعد ظهور الهيبرات والسوبر ماركت الكبرى وفي ذات الوقت لم يستطيعو مواجهة هذه القلاع بفكر الستينات والبون والكوبون وايضا جمود الاسعار وزيادتها لانها محملة باعباء العواطلية الموجودين في تلك المؤسسات وعندك مدير عام ومدير ادارة ومدير قسم ومدير بقالة ومدير جزارة والعواطلية دول يجب ان تحمل مرتباتهم على السلع البايرة ولازم تبقى اسعارها اكبر بكثير من اسعار الهايبرات ولابد من تشغيل هذه المؤسسات وبردو احنا اللي بندفع مرتبات العواطلية

اللي بتعمله الحكومة ده في مصلحتها لاني مؤمن ايمان تام ان الحداية ماترميش كتاكيت

[أبو محمد]

ماهم هايكلو لحمة ومش هايلاقو زيت او ياكلو فراخ ويستغنو عن السكر واحمد زي الحج احمد ومفروض نوضح انه كل اسرة لها مجموعة من النقاط ومحسوبة على نسبة الدعم المستحق لكل اسرة ياخدهم زيت ياخدهم لحمة ياخدهم رز المهم انه في الاخر لن يحصل على ازيد مما تساهم به الحكومة من دعم

انا في اعتقادي ان الحكومة بهذه الحركة تنشط سوق المجمعات الاستهلاكية اللي تقريبا مش شغالة بعد ظهور الهيبرات والسوبر ماركت الكبرى وفي ذات الوقت لم يستطيعو مواجهة هذه القلاع بفكر الستينات والبون والكوبون وايضا جمود الاسعار وزيادتها لانها محملة باعباء العواطلية الموجودين في تلك المؤسسات وعندك مدير عام ومدير ادارة ومدير قسم ومدير بقالة ومدير جزارة والعواطلية دول يجب ان تحمل مرتباتهم على السلع البايرة ولازم تبقى اسعارها اكبر بكثير من اسعار الهايبرات ولابد من تشغيل هذه المؤسسات وبردو احنا اللي بندفع مرتبات العواطلية

اللي بتعمله الحكومة ده في مصلحتها لاني مؤمن ايمان تام ان الحداية ماترميش كتاكيت

بصراحة مش فاهم يا أستاذ إسلام

يا ريت الناس الفاهمة تفهمنى

اللى اعرفه ان البطاقة كان عليها زيت وسكر وأرز فقط

وبنوعية زبالة كانت الناس مش بتاخدها ويسيبوها للبقالين

والبقالين كانوا بيتصرفوا فيها بمعرفتهم

عايز اعرف بقى ازاى الوضع الحالى أسوأ ؟

[التونسى]

بصراحة مش فاهم يا أستاذ إسلام

يا ريت الناس الفاهمة تفهمنى

اللى اعرفه ان البطاقة كان عليها زيت وسكر وأرز فقط

وبنوعية زبالة كانت الناس مش بتاخدها ويسيبوها للبقالين

والبقالين كانوا بيتصرفوا فيها بمعرفتهم

عايز اعرف بقى ازاى الوضع الحالى أسوأ ؟

إخطف رجلك لاقرب بقال بيبيع المواد التموينيه الخاصه بالحكومه واستفسر منه و انت تعرف يا مان إسلام قصده إيه .. على فكره انا مش عايز أعلق من ساعة ما عرفت اللى فيها .. وسايبك تكتشف لوحدك الفوله .. عامة مفيش حاجه اسمها فرخه بجنيه الا ربع .. الامر فيه إلتباس كبير .. بس يمكن عشان حضرتك ملكش فى التموين وسنينه فمش مستوعب العمليه كويس .. انت كل اللى ليك عند الحكومه ((بشرط يكون دخلك اقل من 1500 جنيه لو كنت موظف ومؤمن عليك سواء فى العام او الخاص)) هما 15 جنيه فى الشهر ((حتدفع ضعفهم أو اكتر بعد زيادة المواصلات بس)) .. يعنى لو اشتريت سلع تموينيه ب 50 جنيه مثلا حتدفعهم 35 بس .. وأسعار السلع التموينيه هى كما جاءت فى الجدول الذى أدرجه باهى ولكن الاسعار فى العمود الاول اى السعر المخصوم من دعم البطاقه .. حديك مثال للتوضيح .. لو حضرتك عايز تشترى فرخه وازازة زيت بالبطاقه التموينيه .. سعر الفرخه حيكون 14و25 قرش .. اى أربعة عشر جنيهات وربع .. وسعر ازازة الزيت العباد 9ز75 أى تسعة جنيهات و75 قرش .. يعنى السلعتين على بعض ب 24 جنيه .. قوم سيادتك حتدفع المبلغ ده ناقص ال15 جنيه اللى هما دعمك فى الشهر .. يعنى حتدفع 9 جنيه ..و أى شئ حتشتريه بعد كده حيكون من غير دعم وحتشتريه بسعره العادى .. فيخيمتو خابيبى أبو ميخاماد ؟

تم تعديل 13 يوليو 2014 بواسطة التونسى

[التونسى]

ولأن الشئ بالشئ يذكر .. فدى شروط استخراج البطاقه التموينيه

ننشر شروط حصول المواطن على بطاقة التموين، التي تخول له الحصول على السلع التموينية بالأسعار المنخفضة التي ذكرها وزير التموين. وتم تعديل القرار الوزاري الخاص بشروط الحصول على بطاقة دعم تموينية في عام 2011 الموافق لتصبح كالآتي:

1- تستخرج بطاقات تموينية تخول لصاحبها الحصول على السلع التموينية بالسعر المدعم للفئات الآتية: - المستحقون لمعاشات الضمان الاجتماعي والسادات ومبارك.

- الأرامل والمطلقات والمرأة المعيلة.

- أصحاب الأمراض المزمنة وذوي الاحتياجات الخاصة.

- القصر الذين ليس لهم عائل أو دخل ثابت لوفاة والديهم.

-العمالة الموسمية المؤقتة، والعاملون بالزراعة، والباعة الجائلين، وعمال التراحيل، والسائقون، والمهنيون، والحرفيون، وذوي الأعمال الحرة، وأصحاب الدخول الضئيلة، والمتعطلون ومن في حكمهم، والحاصلون على مؤهلات دراسية ومازالوا بدون عمل بموجب بحث اجتماعي ودخل شهري بحد أقصى 800 جنيه شهريا.

- أرباب المعاشات العاملين بالحكومة وقطاع الأعمال العام أو القطاع الخاص، بحد أقصى 1200 جنيه شهريا.

- العاملون بالحكومة أو قطاع الأعمال العام أو القطاع الخاص، المؤمن عليهم بحد أقصى 1500جنيها شهريا.

2- تستخرج بطاقات التموين لأصحاب الأمراض الحرجة وذوي الاحتياجات الخاصة، دون التقيد بالحد الأقصى للدخول وقوائم الانتظار.

3- في جميع الأحوال يتم استخراج بطاقات تموينية للفئات المذكورة سلفا، بحد أقصى أربعة أفراد للأسرة، وعدم إضافة أي أفراد للبطاقة بعد استخراجها.

مع الاشاره اننى شخصيا مازلت مؤيد لإلغاء الدعم رغم كل التحفظات .. فشظف العيش والتقشف افضل عندى من السلف والاستدانه .. فقط الموضوعيه والامانه تقتضى الشفافيه والواقعيه فى عرض الامور على نصابها الصحيح

[أبو محمد]

طيب .. إنت عارف رجلين الفراخ بكام الكيلو ؟

كيلو رجلين الفراخ بيتباع بتلاتة جنيه يا مان

عندكوا بكام بنس ؟

إنت مش مصدق ان ناس كتير ما كانتش بتاخد تموينها والبقالين بتبيعه بأضعاف تمنه ؟

احسب كده البطاقة اللى عليها 4 أفراد بتجيب إيه

وكانت بتجيب نفس البضاعة بكام قبل كده

ده إذا كانت بتجيبها أصلا

شوف يا مان الفيديو القصير ده

مع الجدول ده

https://www.youtube.com/watch?v=c76XuNmcfa4

ولو لك طقطان تسمع أكتر عشان تعرف أكتر

إسمع الفيديو الطويل ده

ولاحظ إن المذيع هو يوسف الحسينى

واحد من أكبر المزايدين على معاناة الغلابة والمهمشين

لأنه يسارى ابن يسارى ابن يسارية

https://www.youtube.com/watch?v=p1Ujavutgls

[أبو محمد]

بص يا مان .. إنت بتوجه الكلام لى وبتقول

بس يمكن عشان حضرتك ملكش فى التموين وسنينه فمش مستوعب العمليه كويس

أنا بقى (ولو انى ما باحبش اتكلم عن ظروفى الشخصية )عايز أقولك

إنى رسميا لى بطاقة .. وام محمد كمان لها بطاقة

لأننا من الفئة دى

- أرباب المعاشات العاملين بالحكومة وقطاع الأعمال العام أو القطاع الخاص، بحد أقصى 1200 جنيه شهريا.

إحنا بقى من ساعة ما سافرنا سنة 1981 واحنا لاغيين بطاقة التموين

اللى كان فيها أربع أفراد

وبعدين أنا محتك احتكاك مباشر مع الناس اللى بطاقة التموين

أهم عندهم من بطاقة الرقم القومى

فياريت ماتبعتليش تلغرافات زى اللى فوق دى يا مان

:)

لأنى حاقراها بعينى اللى بتوجعنى

[التونسى]

حبيب قلبى يابومحمد .. انا والله كنت ((مصهين)) على الموضوع ده عشان انا اصلا من مؤيدين رفع الدعم عن الوقود .. بس انت بقى استنفرتنى بمدخلاتك الاخيره .. عامة ((الميه تكدب التونسى )) اسمع كلامى بس واخطف رجلك لاقرب مقر لبيع السلع التموينيه .. والراجل البقال هناك حيفهمك الفوله على ارض الواقع .. خد بالك كمان ان شروط الحصول على بطاقه تموينيه شروط مجحفه اوى خصوصا لرب الاسره اللى دخله 1500 ومافوق .. لان رب الاسره اللى عنده على الاقل طفل وزوجه ميقدرش يعيش ب 1500 جنيه حياه كريمه بدون دعم .. لكن ده مش موضوعنا .. روح بس واسال الله يباركلك ويارب يطلع كلامى غلط ((انا اصلا مصدرى فى المعلومات دى قريب ليا عنده بطاقة تموين))

[أبو محمد]

بقولك رجلين الفراخ بتلاتة جنيه الكيلو

كام واحد يعرف ان فيه ناس بتشترى رجلين فراخ تطبخ عليها ؟

ياترى اللى بيشتروها دول دخلهم أكتر من 1500 جنيه ؟

طيب بما انك فاهم الفولة

تقدر تقول لى التلاتة جنيه دول يجيبوا إيه من التموين دلوقت ؟

وياترى هو أحسن ولا رجلين الفراخ أحسن ؟

نورنى يا أخى عشان انا مش فاهم

[herohero]

http://youtu.be/DfFTMdZeSps