رفع أسعار الوقود ما بين مؤيد ومعارض

[التونسى]

بقولك رجلين الفراخ بتلاتة جنيه الكيلو

كام واحد يعرف ان فيه ناس بتشترى رجلين فراخ تطبخ عليها ؟

ياترى اللى بيشتروها دول دخلهم أكتر من 1500 جنيه ؟

طيب بما انك فاهم الفولة

تقدر تقول لى التلاتة جنيه دول يجيبوا إيه من التموين دلوقت ؟

وياترى هو أحسن ولا رجلين الفراخ أحسن ؟

نورنى يا أخى عشان انا مش فاهم

عشان بس منتوهش مع بعض إركن موضوع رجلين الفراخ ده على جنب الله لا يسيئك .. ابو محمد العزيز ..ركز معايا .. وخلينا((( محددين))) .. احنا ذكرنا موضوع التموين ردا على ارتفاع اسعار الوقود .. حضرتك بتقول او بتعتقد ان رفع الدعم عن الوقود بيقابله تحسن او زياده فى الدعم التموينى .. واسلام قال وانا بقول ان الكلام ده مش صحيح .. بل يمكن الدعم يكون قل اصلا عن الاول .. وحوضحلك تانى .. مع انى انا اللى مش مفروض اوضح .. دعم الاسره المكونه من اربعة أفراد هو 15 جنيه فى اربعه .. يعنى 60 جنيه للاسره .. يعنى لو انت اشتريت فى الشهر سلع تموينيه ب 500 مثلا .. حتدفع منهم 440 جنيه .. تخيل بقى الاسره دى بتركب مواصلات .. وقول الزيادات على المواصلات ((وحعمل اهبل وعبيط ومن بنها)) زادت نصف جنيه ((رايح جاى لمواصله واحده بس )) لكل فرد فى الاسره .. يعنى 2 جنيه فى اليوم يعنى 60 جنيه فى الشهر على أقل اقل أقل التقديرات .. 60 جنيه زياده فى المواصلات اللى هى تساوى قيمة الدعم الحكومى التموينى وكانك يابوزيد ما غزيت .. اذن نستنتج ان رفع الدعم عن الوقود لم يقابله تحسن فى الدعم التموينى ..ماكنت ساكت ومصهين يا مان لازم تفتحنى .. ومع ذلك بكل تجرد ولمصلحة الوطن بقلك رغم تلك التحفظات انا موافق برده على رفع الدعم عن الوقود .. وموافق على اى اجراءات اخرى قاسيه تصب فى مصلحة البلد .. بس من غير ما حد يشتغلنى وياكلنى البلوظه ... ولو حبلعها .. حبلعها بمزاجى

تم تعديل 13 يوليو 2014 بواسطة التونسى

[eslam elmasre]

شوف يا ابو محمد

انا مثلا اربع افراد في البطاقة ومقرراتي التموينية هي

4 زجاجة زيت قلي بفرض ان ثمن الزجاجة 9 يبقى 9* 4=36

4 كيلو رز * 4= 16

8 كيلو سكر *5=40

اجمالي ما احصل عليه من مقررات ثمنه الفعلي 36+16+40=92

وبدفع فيه اصلا 32 جنيه يبقة صافي ما احصل عليه من دعم هو 92-32=60 وبمتوسط 15 جنيه لكل فرد

جيت انا بدلت السكر بلحمة او فراخ او اي سلعة اخرى هايخصمولي 60 جنيه من تمنها الحقيقي والمعلن وهادفع الباقي ولو حتى 1000 جنيه

يبقى في النهاية الحكومة دفعت نفس الدعم ونشطت سوق المجمعات الاستهلاكية الغير قادر على المنافسة الحقيقية وصرفت السلع المركونة في مخازنها ومش عارفة تصرفها لانها سلع محملة بتكلفة غير مباشرة تتمثل في تكلفة العواطلية اللي اتكلمت عليهم امبارح

يبقى الحداية ممكن ترمي كتاكيت

[أبو محمد]

طيب .. إنت عارف رجلين الفراخ بكام الكيلو ؟

كيلو رجلين الفراخ بيتباع بتلاتة جنيه يا مان

عندكوا بكام بنس ؟

إنت مش مصدق ان ناس كتير ما كانتش بتاخد تموينها والبقالين بتبيعه بأضعاف تمنه ؟

احسب كده البطاقة اللى عليها 4 أفراد بتجيب إيه

وكانت بتجيب نفس البضاعة بكام قبل كده

ده إذا كانت بتجيبها أصلا

شوف يا مان الفيديو القصير ده

مع الجدول ده

https://www.youtube.com/watch?v=c76XuNmcfa4

ولو لك طقطان تسمع أكتر عشان تعرف أكتر

إسمع الفيديو الطويل ده

ولاحظ إن المذيع هو يوسف الحسينى

واحد من أكبر المزايدين على معاناة الغلابة والمهمشين

لأنه يسارى ابن يسارى ابن يسارية

https://www.youtube.com/watch?v=p1Ujavutgls

طيب خلاص مش حاتكلم على رجلين الفراخ تانى

وسوف أؤجل الكلام عن حصص التموين وأسعارها

لحين استخراجى لبطاقة تموين

وسوف اقارن اللى حاشوفه مع اللى بيقوله الراجل الاهبل اللى فى الفيديو

وإلى ذلك الحين ياريت تعلقوا على استحداث معاش وتأمين صحى وكارنية مواصلات مجانى

لذوى الاحتياجات الخاصة ولمن تعدى الـ 65 سنة وهو بدون دخل

وزير التموين: "أقسم بالله العظيم كيلو الدجاج بـ75 قرشًا على البطاقة"

الأحد، 13 يوليو 2014 - 23:56

الدكتور خالد حنفى وزير التموين والتجارة الداخلية

كتب مدحت وهبة تصوير خالد كامل

أكد الدكتور خالد حنفى، وزير التموين والتجارة الداخلية، أنه تم طرح الدواجن واللحوم في 140 منفذًا خاصًا بصرف السلع التموينية المدعمة بمحافظة القاهرة، وأنه جارٍ الاتفاق مع كبار المنتجين لإعطاء بقالي التموين ثلاجات مجانا خاصة باللحوم والدواجن، لافتًا إلى أن منظومة السلع التموينية الجديدة تتضمن إتاحة 20 سلعة إضافية لأصحاب البطاقات التموينية مع اللحوم والدواجن، وأن الدجاجة ستصرف للمواطن بقيمة 75قرشًا سيقوم بدفعها صاحب البطاقة للبقال كهامش ربح على الدجاجة من خلال البطاقة إضافة إلى خصم ثمن الدجاجة من قيمة الدعم المخصص للأسرة في البطاقة وهو 15 جنيهًا لكل فرد، قائلاً: أقسم بالله العظيم سيصرف كيلو الدجاجة المجمدة على البطاقة بـ75 قرشًا".

وأضاف الوزير خلال مشاركته في إطلاق مبادرة "كمل كرمك" للقضاء على الأطعمة التي يتم إهدارها للحفاظ عليها وتوزيعها على الفقراء بمشاركة بنك الطعام وبحضور اللواء مدحت الأعصر مدير الإدارة العامة لمباحث التموين وبعض الفنانين أن منظومة توزيع السلع التموينية المدعمة الجديدة تتيح للمواطنين الحصول على 20 سلعة إضافية إلى اللحوم والدواجن بدلاً من صرف ثلاث سلع فقط للمواطنين حيث سيحصل كل فرد مقيد على البطاقة على دعم شهريًا بقيمة 15 جنيهًا إضافة إلى 7 جنيهات خلال شهر رمضان فقط.

كانت وزارة التموين أعلنت أن منظومة السلع التموينية الجديدة تتضمن دعم المواطن على البطاقة التموينية بقيمة 15 جنيهًا شهريًا بدون حد أقصى، على أن يضاف مبلغ 7 جنيهات زيادة للفرد خلال شهر رمضان فقط، وأنه سيتم طرح كيلو السكر المعبأ المستورد بقيمة 4 جنيهات و25 قرشًا تخصم من دعم المواطن على البطاقة، ويسدد المواطن نقدًا 25 قرشًا كربح للبقال عن هذه السلعة، وكيلو السكر المعبأ محليًا 4 جنيهات و90 قرشًا، ويسدد المواطن نقدًا 25 قرشًا، وكيلو الأرز المعبأ 3 جنيهات و75 قرشًا، ويسدد 25 قرشًا نقدًا كربح عن هذه السلعة، والمسلى الصناعي عبوة 800 جرام 6 جنيهات، ويسدد المواطن نقدًا 50 قرشا، والمكرونة المعبأة عبوة 350 جراما، جنيه و35 قرشًا، ويسدد المواطن 15 قرشًا كربح للبقال، والعدس المجروش زنة 500 جرام بسعر 3 جنيهات و35 قرشًا ويسدد المواطن 15 قرشًا نقدًا، وزيت العباد عبوة 920 جرامًا بسعر 9 جنيهات و75 قرشًا، ويسدد المواطن 25 قرشا نقدًا، وزيت الخليط 800 جرام بسعر 6 جنيهات ونصف، ويسدد 25 قرشًا، وزيت خليط لتر بسعر 8 جنيهات و45 قرشًا، ويسدد 45 قرشًا، وكيلو الفول المعبأ 4 جنيهات و60 قرشا، ويسدد 40 قرشا، وكيلو الدقيق المعبأ 3 جنيهات و75 قرشًا، ويسدد 25 قرشا، والشاي عبوة 100 جرام جنيهًا و25 قرشًا، ويسدد 25 قرشا، والصلصة عبوة 320 جرام 2 جنيه و80 قرشًا ويسدد 20 قرشًا، وكيلو اللحوم المجمدة 29 جنيهًا ويسدد جنيهًا واحدًا كربح للبقال عن هذه السلعة، وكيلو الدواجن المجمدة 14 جنيهًا و25 قرشًا ويسدد 75 قرشًا، وكيلو البلح نصف جاف بسعر 11 جنيهًا، ويسدد جنيه واحد، وكيلو مسحوق الغسيل الأوتوماتيك بسعر 6 جنيهات و90 قرشًا ويسدد 35 قرشًا، وكيلو مسحوق الغسيل العادى بسعر 5 جنيهات و15 قرشًا ويسدد 27 قرشًا نقدًا

[التونسى]

طيب خلاص مش حاتكلم على رجلين الفراخ تانى

وسوف أؤجل الكلام عن حصص التموين وأسعارها

لحين استخراجى لبطاقة تموين

وسوف اقارن اللى حاشوفه مع اللى بيقوله الراجل الاهبل اللى فى الفيديو

وإلى ذلك الحين ياريت تعلقوا على استحداث معاش وتأمين صحى وكارنية مواصلات مجانى

لذوى الاحتياجات الخاصة ولمن تعدى الـ 65 سنة وهو بدون دخل

ماشى يا مان .. حنستنى تشرح لنا تجربتك مع التموين .. وعلى فكره الراجل ده مش اهبل .. دا وزير عوقر .. وبيعرف يمثل كويس .. وهو بيتكلم صح .. بس بيقول نصف الحقيقه .. او مش بيشرح بالتفصيل .. كان مفروض يقول ان تمن الحاجه ام ربع ونص وجنيه بيتخصم من ال15 أهيف بتوع الدعم ((الشهرى)) لكل شخص او من ال 60 جينى الدعم ((الشهرى)) بتوع الاسره المكونه من اربع اشخاص .. ايوه حتشترى فرخه بجنيه الا ربع .. بس حتدفع الباقى اللى هما 14 جنيه تقريبا من ال15 جنيه الدعم .. وباقى السلع من غير دعم .. وهكذا عشان كده يوسف الحسينى زمزء معاه وهرشه .. بس صهين برده فى الاخر زيي كده مدام محدش واخد باله والعمليه عدت بسلام .. ما علينا

طبعا كل ما ذكرته فى الجزء الثانى من مداخلتك شئ رائع ونتمنى أن يرى حيز التنفيذ قريبا بلا اى تلاعب او تمييز او محسوبيات او ثغرات للتحايل .. وياااااااااااارب يااااااااااااارب بحق هذا الشهر الفضيل نرى مصر بلدنا تتقدم للامام ولو قيد أنمله .. مش مستعجلين .. المهم اثبات حسن النوايا من السيسى ورجاله ..بالشفافيه والمصارحه والواقعيه

[التونسى]

وأن الدجاجة ستصرف للمواطن بقيمة 75قرشًا سيقوم بدفعها صاحب البطاقة للبقال كهامش ربح على الدجاجة من خلال البطاقة إضافة إلى خصم ثمن الدجاجة من قيمة الدعم المخصص للأسرة في البطاقة وهو 15 جنيهًا لكل فرد، قائلاً: أقسم بالله العظيم سيصرف كيلو الدجاجة المجمدة على البطاقة بـ75 قرشًا".

مصدقينك يا با الوزير من غير حلفان

[أبو محمد]

شوفت بقى حضرتك عقر أكتر من الوزير ازاى ؟

أنا برضه حاستنى لغاية لما اطلع بطاقة تموين

بس كلامك ما دخلش علىَّ يا شاعر

أهى حتة البالوظة دى أنا ما بلعتهاش

ايوه حتشترى فرخه بجنيه الا ربع .. بس حتدفع الباقى اللى هما 14 جنيه تقريبا من ال15 جنيه الدعم

ما دام كنت بتتكلم على أسرة من أربع أفراد يبقى كان لازم تقول

ايوه حتشترى فرخه بجنيه الا ربع .. بس حتدفع الباقى اللى هما 14 جنيه تقريبا من ال60 جنيه الدعم

وما دام انت طلعت عقر معايا .. أنا حارجع أقولك إن رب الأسرة دى

كان بيشترى أرجل فراخ بتلاتة جنيه الكيلو (مش فرخة كاملة بـ 75 قرش)

عشان مراته تطبخ عليهم

[أبو محمد]

حاجة تانية يا شاعر

الحد الأقصى لعدد الأفراد على البطاقة كان أربعة

دلوقت أصبح سبعة

(معلش أهو الواحد بيقرا ويتعلم)

يعنى كان أقصى دعم للأسرة 88 جنيه (22*4)

أصبح أقصى دعم 105 جنيه (15*7)

حسب عدد الأفراد

أصحاب الدخول المتوسطة (المتعلمين)

بيكتفوا بعيلين اتنين

إنزل بقى الأرياف والصعيد وشوف عدد الأسرة المعدمة كام

[herohero]

السادة الافاضل مش عارف هل حد فكر يقرأ الموازنة العامة للدولة ؟؟

http://www.mof.gov.eg/Arabic/%D8%B9%D9%86%D8%A7%D9%88%D9%8A%D9%86%20%D8%B1%D8%A6%D9%8A%D8%B3%D9%8A%D9%87/PE/Pages/budget14-15.aspx

عموما ده ملاحظات الاصدقاء اللي قرئوها واتمنى التصويب من حضراتكم لان باختصار ده الخلاصة

تخفيض دعم الصعيد من 600 مليون إلي 200 مليون
- تخفيض دعم الادوية وألبان الأطفال من 655 مليون إلي 300 مليون "ده ان لقيت اللبن ابو بودرة سيراميك المدعم ده اساسا" ..
- تخفيض دعم اسكان محدودي الدخل من 300 مليون إلي 150 مليون
- تخفيض دعم المناطق الصناعية من 3 مليار إلي 400 مليون "أكتوبر ودمياط هيتنفخوا" ..
- تخفيض دعم البوتاجاز من 23 مليار إلي 19 مليار
- تخفيض دعم المرأة المعيلة من 120 مليون إلي 104 مليون ..
- زيادة الضرائب من 287 مليار إلي 364 مليار ..
- تخفيض دعم الطاقة من 134.3 مليار إلي 91 مليار ..

في المقابل تم زيادة البنود الاّتية ..
- زيادة بدلات الانتقال الحكومي من 157 الى 175 مليون
- زيادة مصروفات الحكومة في البريد والاتصالات من 242 الى 912 مليون
- زيادة مخصصات وكالة الشرق الاوسط للأنباء "ألوكالة الرسمية" و الشركة القومية للتوزيع و زيادة بند مكافأة نهاية الخدمة للعاملين فى المؤسسات الصحفية من 116 مليون إلي 289 مليون
- زيادة موازنة الجيش من 38 مليار إلي 49 مليار ..

[أبو محمد]

أهم بنود الموازنة المصرية للعام المالى الحالى

يتعالج ازاى القتيل ده يا حضرات ؟

[أبو محمد]

بناء على طلب الأستاذ عادل

(لكى يشرح المنظومة لسيدة عندها بطاقة بأربعة أفراد طلبت منه ذلك)

بحثت على الانترنت فوجدت الآتى الذى أرجو أن يكون مفيدا

:)

أحسن ما أطلع بطاقة أنا مش محتاجها عشان أرد على الشاعر

كل فرد له دعم بقيمة ٢٢ جنية في رمضان وبقية الشهور ١٥
لو انتم اسرة ٤ افراد يبقى ليكم دعم
٨٨ جنية في رمضان
٦٠ جنية بقية الشهور
هتروح تشتري التموين
هتشتري مثلاً
٥ كيلو رز بسعر ١٨,٧٥ ...... هتدفع ١,٢٥
١ كيلو لحمة بسعر ٢٩ ....... هتدفع ١ جنية
١٠ كيس مكرونة بسعر ١٣,٥ ... هتدفع ١,٥
٢ لتر زيت بسعر ١٥,٢ .... ..... هتدفع ٨٠ قرش
المجموع = 76,45
وانت ليك دعم ب ٨٨ جنية في رمضان
هتدفع ٤,٥٥ اربعة جنية ونصف دول ارباح البقال
وهتدفع على اجمالي البطاقة ٢ جنية
يبقى الاجمالي
هتاخد سلع ب ٧٦,٥ جنية وهتدفع ٦,٥ ستة جنية ونص فقط
بقية شهور السنة
ليكم دعم ب ٦٠ جنية
اشتريت سلع ب 76,45
اخصم ده من ده يبقى ١٦,٤٥
هتدفع ال ١٦,٤٥ اللي هم فوق الدعم + ٤,٥٥ ارباح البقال + ١ جنية ثابت على البطاقة
الاجمالي ٢١,٩ جنية
وهتاخد سلع ب 76,45
وطبعا ممكن تخفض السلع اللي اشتريتها علشان الفرق بين الدعم واجمالي السعر يقل اللي هو (١٦,٤٥)
وساعتها هتدفع فقط
٤ جنية ارباح البقال + ١ جنية ثابت على كل بطاقة
اجمالي ٥ جنية فقط وتاخد سلع ب ٦٠ جنية

الدعم - عمليا - لم يقل

كل ما فى الأمر هو أن الدعم أصبح فى جيبك بدلا من أن يكون فى السلع

والحد الأقصى لأفراد البطاقة أصبح 7 بدلا من 4

(السلع كانوا أربعة : زيت وسكر وأرز وشاى)

والسلع كانت بتتسرق وتتباع سوق سودا لأن فيه ناس كتير ما كانتش بتاخدها

الآن دعمك فى جيبك وأصبح القرار قرارك للاختيار من سلع الجدول

ملحوظة

لو خلصت فلوس الدعم حتاخد السلع بنفس أسعار الجدول

يعنى الفرخة المجمدة بـ 14 جنيه وربع

وكيلوا اللحمة المجمدة بـ 29 جنيه

إسألوا عن اسعار الحاجات دى بره البطاقة

ملحوظة تانية

كنت قد ذكرت أن كيلو رجلين الفراخ بـ 3 جنيه

وللعلم كيلو أجنحة الدجاج بـ 11 جنيه

:)

يالله بالهنا والشفا

[eslam elmasre]

مخازن التموين والمجمعات بالدقهلية خاوية من السلع

كتب ــ محمد طاهر الثلاثاء , 08 يوليو 2014 15:21

علامات استفهام حول تصريحات وزير التموين وقائمته الجديدة للسلع التموينية، التي أكد أنها ستكون متوفرة خلال الساعات الأولى من صباح 10 يوليو الجاري بعد تأخرها بسبب الجرد، إلا أن الواقع في المجمعات الاستهلاكية وعند التجار موزعي تلك السلع في محافظة الدقهلية يهدد بكارثة حقيقية، حيث تخلو المخازن من أي مواد تموينية وسط حالة غضب من الأهالي الذين يترددون على موزعي التموين ويتساءلون عن السلع المدعمة.

اقرأ المقال الأصلي علي بوابة الوÙپد الاليكترونية الوفد - مخازن التموين والمجمعات بالدقهلية خاوية من السلع

يا ريت بس في الدقهلية

ده عندنا كمان في اسكندرية مافيش ولا سلعة ولا بتنجان من اللي صدعو دماغنا بيه

انا بعت الراجل عشان يجيبلي التموين قالي البقال حاطط يافطة مكتوب فيها انه لسه مافيش سلع ولا يحزنون

وبعدين احنا في رمضان يعني الناس محتاجة بجد مش كلام

الظاهر انه كله في الكلتش