كفيل سعودي بيطلب انه يطلعني على تاشيرة بها وظيفة غير وظيفتي ، هل في ذلك خطورة؟

[darroosh]

السلام عليكم

في واحد سعودي كلمني وقال انه عنده شغل ليا بس هيطلعلي تاشيرة سائق لانه مش هيقدر يطلع تاشيرة مبرمج حاليا ، وبعد ماسافر بفترة ممكن يغيرها ..

في خطورة في الموضوع ده ؟ ولو فيه فعلا ايه الخطورة في كده ؟

أرجو التوضيح وشكرا ..

[Ahmed_Salah]

السلام عليكم

في واحد سعودي كلمني وقال انه عنده شغل ليا بس هيطلعلي تاشيرة سائق لانه مش هيقدر يطلع تاشيرة مبرمج حاليا ، وبعد ماسافر بفترة ممكن يغيرها ..

في خطورة في الموضوع ده ؟ ولو فيه فعلا ايه الخطورة في كده ؟

أرجو التوضيح وشكرا ..

أولاً انا لم يسبق لى السفر من قبل بس من واقع المقابلات اللى عملتها عشان اسافر كان كتير بيجيبوا مسمى التأشيرة سائق لأن التأشيرة سائق ارخص واسهل تأشيرة بتطلع للسعودى حتى وان كان ليس له عمل خاص يعنى يقدر اى فرد يطلع تأشيرة سائق بسرعه وبأرخص سعر المشكلة بتكون انك هنا لازم تغير كل ورقك وتكتب فى البطاقة والجواز انك سائق طبعا الشركات بتاخد مقابل لكده وتغيرلك البطاقة وجواز السفر ...

تانى حاجه انا بحثت كتير عن موضوع التأشيرة سائق ولقيت ردود كتير بتحذر منها لانك ممكن مينفعش تغير المهنة بعد كده وكمان التأشيرة مش بستمحلك بالاستقدام لو متزوج وحضرتك ممكن تبحث اكتر عن تأشيرة سائق لو حد سافر بيها فعلا وغير بعد كده المهنة

الأفضل لو غير متاحه تأشيرة بالمسمى الفعلى لوظيفتك يشوف تأشيرة تانيه بمسمى تانى بس تكون موازية لوظيفتك يعنى حتى لو متغيرتش بعد كده تقدر تعمل استقدام وزيارة للأهل يعنى فنى حاسب آلى - اخصائى تسويق على حسب ما يقدر ......... أهم شئ تتأكد ان شاء الله لو طلعت على التأشيرة دى انك هتاخد حقوقك كاملة وان يكون مكتوب فى العقد المسمى الوظيفى فعلا مش اللى فى التأشيرة

من المفترض انه بعض فترة التصحيح الأخيرة ان اى صاحب عمل ميشغلش حد الا بوظيفته اللى فى التأشيرة واللى جه عليها لأنهم اعطوا مهله لتغيير الاوضاع المخالفه اللى كان بتأشيرة عامل وسائق والحاجات دى غيروا اوضاعهم لوظايفهم التى يعملون بها فعليا فأرجو انك متتسرعش لو ده اول عرض جالك وأسأل برضه اصحاب الخبرة اكتر وربنا يقدم ما فيه الخير .

تم تعديل 11 يوليو 2014 بواسطة Ahmed_Salah

[darroosh]

شكرا جزيلا على ردك