استفسار عن اختلاف المؤهل والتأشيرة

[Ahmed_Salah]

تحية طيبة على جميع الأعضاء

كنت بستفسر عن اى حد ممكن يدلنى أعمل ايه
المشكلة تتلخص فى


فى البداية انا وظيفتى مصمم جرافيك وخبرة 7 سنوات فى مجال الدعاية والاعلان وربنا كرمنى حاليا وفيه تأشيرة مصمم دعاية واعلان المفروض تتبعتلى من السعودية ودورت على شركات عمالة وتوظيف هنا فى مصر عشان يتعمل لها تفويض من الشركة اللى هترسل التأشيرة
كانوا بيسألونى مسمى التأشيرة ايه ومؤهلى الدراسى ايه


انا ليسانس آداب ولما بقولهم كده بيقولولى مش هينفع عشان الوظيفة غير متوافقة مع المؤهل


مع العلم انى معايا جواز السفر مكتوب فيه المهنة مصمم جرافيك وكذلك البطاقة الشخصية ومعايا كارنيه نقابة للعاملين بالصحافة والطباعة والاعلام - اسكندرية


شركات قالتلى هتدفع مبلغ عشان يتعملك استثناء وده فى حدود 6000 جنيه
وشركات تانية قالتلى التكلفة حوالى 2000 جنيه عشان التأشيرة انا اللى جايبهلهم بس تحاول تجيب شهادة خبرة او شهادة تفيد دراستك للجرافيك وخطاب استثناء من الكفيل و هتتقدم مع الورق ويا تتقبل يا تترفض دى مش مضمونه

برجاء من مر بالتجربة باختلاف المؤهل و التأشيرة يدلنا ايه الاجراءات وايه اللى مر بيه

شكراً

[ALMOSAFER]

السلام عليكم ،،،

اللى اعرفه ان خطاب الاستثناء من الكفيل هو اللى بيخلص كل حاجة وده حصل معايا انا شخصيا

اما بالنسبة لطلبات المكاتب فده راجع للتفاوض معاهم بس مستحيل توصل ل 6000 جنيه يعنى

على العموم الموضوع بيمشى - ان شاء الله - مع وجود خطاب استثناء من كفيلك هو بيعمله ويرسله للسفارة

وبالتوفيق ان شاء الله

[خالد شحاته]

لو الكفيل محتاجك فعلا ممكن ينزل يوم واحد مصر ويعطيك التاشيره بس للازم يكون عملت الكشف الطبي علشان هو ينزل في نفس اليوم ويدخل جواز سفرك

[Ahmed_Salah]

لو الكفيل محتاجك فعلا ممكن ينزل يوم واحد مصر ويعطيك التاشيره بس للازم يكون عملت الكشف الطبي علشان هو ينزل في نفس اليوم ويدخل جواز سفرك

طيب لو هو مش هيقدر ينزل لأنه منزلش والتواصل كان عن طريق النت والاتفاق وبعتلى العقد وخطاب الاستثناء ومعايا حاليا ممكن ميتقبلوش الا بوجوده عشان سمعت كمان من ناس انه موضوع خطاب الاستثناء اتلغى ومابقوش بيخدوه فهل فيه حلول تانية ؟

شكراً على الرد والاهتمام من حضرتك

[Ahmed_Salah]

السلام عليكم ،،،

اللى اعرفه ان خطاب الاستثناء من الكفيل هو اللى بيخلص كل حاجة وده حصل معايا انا شخصيا

اما بالنسبة لطلبات المكاتب فده راجع للتفاوض معاهم بس مستحيل توصل ل 6000 جنيه يعنى

على العموم الموضوع بيمشى - ان شاء الله - مع وجود خطاب استثناء من كفيلك هو بيعمله ويرسله للسفارة

وبالتوفيق ان شاء الله

----------------------------------------------------------------------------------------------------------------

وعليكم السلام

حضرتك مسافر من امتى وكانت التأشيرة ايه والمؤهل الدراسى ايه ؟

والمبلغ اللى المكتب بيتكلم فيه ده بيقولوا مش ليهم ده للسفاره عشان تعمل استثناء

لانه التأشيرة من عن طريق المكتب التأشيرة عن طريق صاحب الشركة بالسعودية وتواصلة معاه عن طريق النت والتليفون فا موضوع الشركة ده عشان تخلص الاوراق والاجراءات بس

ولما سألت شركات كتير كانت مسألة الاستثناء دى عشان الاختلاف المؤهل والتأشيرة وكله اجمع انه مش هتتقبل الا بالاستثناء وفيه ناس قالتلى عايز تقدم ورقك قدمه وانت وحظك وكمان سمعت انه خطاب الاستنثاء اتلغى السفارة مش بتاخد بيه حاليا فا ايه العمل

[ahmedraslan]

استاذ احمد عفوا علي عدم قراءة رسالتك علي الخاص الا الان

اذا كنت لازلت تعاني من مشكله في اصدار التاشيرة يمكنك التواصل معايا واخلصها لك في 48 ساعه اذا كانت كشوفاتك جاهزة

اذا كنت قد وفقت في اصدارها فبالتوفيق و يا ريت لو تفرحنا معاك :)