ارجو المساعدة من اصحاب الخبرة في السفر للسعودية ..

[darroosh]

السلام عليكم ...

انا ليا وضع غريب وخاص جدااا اتمنى المساعدة فيه من اصحاب الخبرة

انا دكتور ( طبيب بشري ) بس انا سايب مهنة الطب من زماااان ، ومش حابب الشغل فيها ، وشغال في مجال برمجة مواقع الانترنت من زماان جدا ( من حوالي عشر سنين )

وواخد اجازة بدون مرتب من المستشفى اللي كنت شغال فيها

وبطاقتي مكتوب فيها : طبيب بشري بمستشفى كذا ..

حاليا انا قررت ادور على شغل في السعودية ، وبدات في رحلة البحث من خلال النت ..

هل المهنة في بطاقتي هتعمل لي مشاكل صعب حلها ؟؟؟

وهل عملي في الحكومة هيعمللي مشاكل ؟؟؟

انا حاليا لسه موصلتش لعقد جيد ، بس ان شاء الله اقدر اوصل قريب لان السي في بتاعي كويس والحمد لله

فكنت عايز استفسر منكم هل في خطوات معينة مفروض ابدأ فيها دلوقتي في تغيير مهنة في البطاقة او اي حاجة تانية مفروض ابدا فيها دلوقتي قبل ميجي العقد منعا للعطلة او المشاكل وقتها ؟؟

مع العلم ، اني درست في الفترة الاخيرة دبلوم الدراسات عليا في علوم الحاسب من كلية الحاسبات والمعلومات جامعة المنوفية ( هي بتتاخد من عندهم من غير بكالوريوس ، ومحدش يسالني ازاي هما نظامهم كده ! )

المهم انا لسه مخلصها من اسبوع ، بس لسه مستلمتش الشهادة ، الشهادة ان شاء الله هتطلع بعد العيد .. هل ده هيفيدني في حاجة ؟

أرجو الافادة ولكم جزيل الشكر مقدما

[hawkeye]

انا شغال في نفس المجال -برمجة المواقع- ومعايا بكالريوس تجارة.. التاشيره جاتلي مدرس .. رحت عملت عقد في مدرسه خاصه ودفعت تامينات وغيرت المهنه وخلاص .. حسب ما تجيلك التاشيره بوظيفه ايه .. معرفش الدبلومه تغير بيها المهنه ولا لا

[darroosh]

انا كده اتلخبطت ، يعني انا لما تيجي التاشيرة هغير المهنة بالتاشيرة نفسها ولا هغيرها بعقد مع اي شركة خاصة اصحابها معرفة ؟