الآن كأس العالم للشباب يُذاع مجاناً

[se_ Elsyed]

لمجانين رياضة كرة القدم .. يّذاع الآن كأس العالم للشباب لكرة القدم والمقام حالياً في هولندا واللي لسه مفتتحينوه أول إمبارح يّذاع مجاناً على قناة إرتيريا ...

آه ما تستغربوش إرتيريا دي بتاعت إسياسي إفورقي اللي فضلوا يطحنوا في بعض هما واثيوبيا لحد ما بان لهم أصحاب ..

وطبعاً صالح كامل الشهير بشيلوك تاجر البندقية محتكرها كالعادة هي وكأس العالم للقارات اللي هايتعلب كمان كام يوم ..

وفريقنا بتاع الشباب إتلب إمبارح 2/0 على الريق من ألمانيا وشكله هايركب الطفطف من الدور الأول لإن مجموعتنا طحن ومعنا الأرجنتين وأمريكا يعني ضمنين الطفطف ضمنينوه ..

ما علينا

تردد إرتيريا على قمر العرب سات هو 11745 والباقة هي 27500 والإتجاة فيرتيكال

ومعليش إتعبوا شويه أصل التعليق باللغة الإنجليزية .. لكن ما فيش مشكلة الكرة لغة عالمية ..

ويا شماتة هيلاسيلاسي فينا