مبارك لماذا لم يعلن ترشيحه حتى الآن

[أشرف حليم]

الموضوع شوية ليه علاقة بمقالة الصانداى تايمز

وعلى طريقة الأسئلة السخيفة للبيت بيتك

اللى يفتح الباب للإحتمالات هو هل من الأفضل ترشيح جمال و مبارك عايش أم بعد وفاته أعتقد وهو عايش وده السبب الوحيد اللى يعطى بعض المنطق لما قالته الصنداى تايمز عن ضغط سوزان فى هذا الإتجاه

ولكن ما هى الإحتمالات و الأسباب و على قد فهمى !

الإحتمال الأول .. من الأصل هو أخذ القرار بترشيح نفسه و صرف نظره عن ترشيح جمال

وفى هذه الحالة يكون سبب التأجيل ...

(1) إما أن خبر ترشيحه سوف يفتح عليه نار معركة التمديد شوية بدرى!! ... و يكون من الأفضل على قدر الأمكان تضييق الفترة ما بين إعلان خبر الترشيح و وقت الإنتخابات ... و بالمرة يضيق الوقت على المعارضة

و هو مش محتاج وقت كتير للدعاية ... 24 سنة دعاية بإسمترار!!

(2) مش متردد ولا حاجة و مش هيرشح غير نفسه ولكن فى إنتظار فتح باب الترشيح

الإحتمال الثانى .. لسة متردد بخصوص ترشيح جمال من عدمهو هل ينفع حاليا" أنه يرشح جمال ( داخليا" و خارجيا" ) أم لا

(1) و لكن اللى يحير فى هذا الإحتمال ... أنه كان لابد من بالونات الإختبار و تسريب و تأكيد الأخبار قبل النية فى هذا الترشيح الملغوم

(2)لكن بارده الإحتمال وارد و يمكن قاصدين النفى المتكرر للتوريث عشان الدنيا ما تولعش بدرى ... و لما ينووا تبقى صدمة 4 أسابيع و حقنة و تعدى

الإحتمال الأخير ... البعيد جدا"

... يسيب شخص آخر غير إبنه يوصل للحكم من خارج الحزب الوطنى ... و جمال يصبح رئيس الحزب الوطنى .... و طبعا" لازم يكون هذا الشخص كومبارس هما اللى يحركوه

بحيث يكون بارده جمال اللا عب الحقيقى .... لغاية ما يرشح نفسه

و أنا قلت من الأول ده إحتمال ضعيف جدا" لكن كل شىء وارد لأنه السبيل الوحيد لتولية جمال ووالده ليس فى الحكم و بدون أن يكون صورة من بشار الأسد

و يقطع الطريق على عبد الحليم قنديل و على كفاية وو على إبراهيم عيسى وعلى موافقة أمريكا

...و عشان يثبتوا أنهم ديموقراطيين جدا" ... يثبتوا لأمريكا الأول و بعدين الشعب

[seastar44]

مبارك لن يرشح نفســـه الا إذا قالوله ... كله تمام تقدر سيادتك ترشح نفسك يافندم ...

الطبيخ لسه على النار .. والطبخه لسه عليها شويه ....

أصبر لحد الحاجة كونداليسا .. ماتيجى وتروح .. وبعدها ستبدأ لعبة الكراسى الموسيقية ..

لقد بدأت الفئران تهرب من السفينه ... وهناك موجة لشراء شقق فى دول أوروبية .. بأسماء مصريين ...طبعا لن يكونوا معروفين أو من الاسماء الرنانه ...

هل سنرى قريبا خلافا للقاعدة .. أن يكون الربان أول من يترك السفينه ...!!!!

[tiger_egypt]

بسم الله الرحمن الرحيم

الأخوة الأ عضاء :السادة الأ فاضل

ان السيد الرئيس محمد حسنى مبارك اطال الله عمرة ووفق خطاة لم يشرح نفسة للأن لأننى اعتقد انة سيرك الحكم فى النهـــــــــــــايـــــــــــة للشعب المصرى وللسادة اعضاء مجلسى الشعب والشورى وباقى الأ حزاب السياسية فى اختيـــــــــار حاكمـــــــــة ولكن فى نفس الوقت اؤكد لكم ان السيد الرئيس مبارك سوف تختارة كافـــة القوى السياسية وكافة الطوائف الدينيــة على السواء لان السيد الرئيس مبارك سيختارة كافـــــــــة المحبين والمخلصين لجمهوريــــــــــة مصر العربيـــــــــــة وبكل تأكيد هناك الكثيرون من ابنـــــــــــاء هذا الوطن المخلصين لمصر وقد يجوز انة سوف يدخل فى انتخابات الرئاســــــــــة القادمة البعض من صفوة الناس فى مصر ولكن اؤكد لكم بـــان الشعب بوعيـــة وفهمة العقيق وفهم الطبقات المثقفة وكافة الطبقات والمستويات العامة انة لا بديــــل عن الرئيس مبارك الذى عاشرناة على مدى ربع قرن قــــاد من خلالها مصر فى كافة الظروف العصيبة منذ 1981حتى الأن وحيث يمر العالم العربى والأسلامى بظروف صعبـــة وضغوط خارجيــــــــــة وامريكيــــــــــة وظروف فى غايـــــــــــــة الصعوبـــــــــــة حتى الان مرورا بحرب الخليج (الكويت) وحرب العراق واخيرا يمكن القول حقيقية بأن مصر وحكامها مستهدفين من القوى الأ جنبية اكثر من اى وقت مضى لذلك اننى متأكد كل التـــأكد ان الشعب المصرى بكافة طوائفة الدينية وكافة طوائفة السياسية سوف يختار السيد الرئيس محمد حسنى مبارك لمدى وعي الشعب المصرى قيادة وشعبا بأن الوقت الراهن هوة اكثر الأ وقات العصيبة التى يمر بها الوطن العربى كلة والعالم الأسلامى وان مصر فى غايــــــــــة الأ حتياج الشديد للسيد الرئيس مبارك بقيادتـة الحكيمة الواعية الفاهمـــة لكافة ابعاد الأمور الداخليـــــــــة والخارجيـــــــــة على مستوى مصر والعالم اجمع .. لذلك ان السيد الرئيس واثق فى نفسة وواثق فى المحبين لمصر والمخلصين لها فى اختيارة وانــ الأ نتخابات القادمـــــــــة سوف تكون حرة ونزيهة امام الشعب الصمرى وامام العالم اجمع وان الشعب سوف يختر قائدة بنفســـة امام عيون العالم ويتفانى فيـــــــــة ايضا وهوة السيد الرئيس /محمد حسنى مبارك اطال الله عمرة ووفق خطاة اينما كان واقول للشعب المصرى اننى اثق انكم ستدركون بأننا نمر الأن فى الوقت العصيب ولا بديل نهائى عن قيادة الرئيس زعيمــــــــا لمصر واب لكل بيت فى مصر وهوة كبير العائلـــــــة المصريـــــــــة وفى النهايــــــــة نحن المصريون ان كنا نختلف فى الأراء فنحن عائلـــة واحدة نختلف لكننا نعمل فى النهايــــــــــة على مصلحة مصر

وشكرا

[mody_oh]

الأخ tiger_egypt :

أنا بشكرك بالنيابة عن جميع أبناء الشعب المصري على حملة التوعية الجديدة دي ... أنا افتكرت ان دي نكتة ولكن في النهاية لقيتها بجد .. :wub:

فعلا الشعب المصري ذو الوعي والفهم العميق بكافة طبقاته سوف ينتخب السيد حسني مبارك أطال الله عمره ووفق خطاه ( دا أنا كنت انتحرت ) ... لأن الشعب المصري بيحب يتفرج على أفلام تراجيدية كتير وفي عصر الازدهار للسيد حسني مبارك أطال الله أذنة أوووه أقصد عمره ( على جثتي ) ,, الشعب لقى نفسه عايش في أكبر وأطول الأفلام التراجيدية .. وده بفضل المخرج والمؤلف العظيم الأستاذ ( حسني مبارك ) ... احنا في القرن الحادي والعشرون واحنا عندنا البطالة والفقر والأمية و.. و.. و.. محققه أرقام قياسية ..

فطبعا الشعب المصري الواعي ازاي هيضيع على نفسه فرصة تاريخية زي دي .. ازاي يضيع على نفسه النجومية وأبواب هوليود الي اتفتحتله ... ازاي .. طبعا لازم كلنا نقول .. نعم .. لمبارك ... :)

:blush: .. ........ :blink: ............. :lol: ........... :D ............... ;)

نعم لمبارك

تم تعديل 4 يوليو 2005 بواسطة mody_oh