بينى وبين الجنان شعرة

[أبو محمد]

بينى وبين الجنان شعرة

هذه العبارة خرجت منى فى لحظة انفعال منذ يومين

لحظة تراكم فيها ألف حدث وحدث جعلنى أصرخ بها

اليوم وأنا جالس على دكة على الكورنيش سألت نفسى

إيه اللى خلانى اقول كده ؟

وأنا أنظر إلى البحر بدت لى كوررية خيط ملعبكة

عبارة عن أحداث تدافعت مرة واحدة إلى ذهنى أثناء انفعالى

حاولت تسليك الكوررية .. خرجت ببعض الملاحظات غير المرتبة

سأحاول فى هذا الموضوع فرد بعض الخيوط الملعبكة

والمجال مفتوح طبعا لكل من مر بمثل هذه التجربة

[أبو محمد]

ظروف الصرخة

=========

كنت سايق وبجوارى زوجتى رايحين نفطر عند قرايبنا

كنت خارج من شارع جانبى إلى شارع الإقبال

شارع الإقبال اتجاه واحد جاى من يمينى (جاى من شارع ابو قير متجه إلى الكورنيش)

أنا باصص يمينى مستنى سيل العربيات يخلص عشان أدخل شمال

العربيات كتير .. ورايا سواق تاكسى صوته يقترب من أنكر الأصوات

"ما تطلع بقى يا أخى .. إخلص بقى"

تلك كانت "تجعيرات" سائق التاكسى بمصاحبة أوركسترا الكلاكس

"اللهم طولك ياروح" .. دانا اللى باقول فى عقل بالى

الحمد لله .. هناك ثغرة فى سيل العربيات ..حظك ضرب يابو محمد إطلع بقى

دانا برضه اللى باقول فى عقل بالى

شلت رجلى من على الفرامل ولسه بادوس بنزين وانا باصص يمين

لقيت ام محمد بتصرخ : "خللى بالك"

دوست فرامل .. لمحت بطرف عينى الشمال شاب طِرِب

جاى من شمالى وبيعدى من قدامى .. بيتكلم فى الموبايل وهو مبسووووووط

توقفت على بعد شعرة من سعادته .. بص لى شذرا وراح مخبط لى على كابوت العربية

وهو لسه بيتكلم فى الموبايل

عزف مستمر من كلاكس سائق التاكسى اللى ورايا

اللهم طولك ياروح .. دانا برضه اللى باقول فى عقل بالى

انتهزت فرصة ثغرة أخرى ودخلت شمال وبدأت اتنهد

لسه ما خلصتش التنهيدة إلا ولقيت اللى جاى من يمينى وبيقوللى

"ابقى اركنها قدام البيت واركب اى حاجة"

ضربت بطرف عينى اليمين لقيته أصغر من ولادى

يعنى أنا كنت باسوق وأمه لسة فى اللفة أو يمكن تلميذة بزعرورة

بعدما عدانى زى الصاروخ وقف فى إشارة مزلقان الترماى اللى قبل الكورنيش

أنا بقى طلعت فى دماغى انزل واهزق اللى جايبينه

لولا ام محمد قالتلى امسك نفسك خلينا نوصل للناس قبل الفطار

ساعتها صرخت .. "أنا خلاص بينى وبين الجنان شعرة"

لا حول ولا قوة إلا بالله

كنت "بافكر" فى إيه بقى أثناء انتظارى فى التقاطع وسماعى لأنكر الأصوات ؟

ده باقى أجزاء الكوررية .. ابقى احكيها فى مداخلات جاية .. بإذن الله

[باهى الطائر الحزين]

معاك ياريس

انا اتجننت خلاص

من زمااااان

[أبو محمد]

ألف سلامة عليك يا أستاذ باهى

:)

أصبر معايا لآخر التوبك

أصلى أنا واخده فضفضة كأنى فارد جسمى على الشيزلونج

وجهاز التسجيل شغال

[أبو محمد]

اللى انا حكيته لغاية دلوقت بيتناول 4 قضايا بس

من الكوررية المكلكعة

1) زيادة زحمة المرور بعد ارتفاع أسعار الوقود

2) الاستخدام "الهبولـِّى" للموبايلات

3) شعار مات من زمان واندفن : "القيادة فن وذوق وأخلاق"

4) واحدة من الإرشادات اللى كانت مكتوبة زمان على الغلاف الخلفى للكراسات

"قدِّر لرجلك قبل الخطو موضعها"

كفاية الأربعة دول دلوقت .. واشوفكم بعدما اصحى بإذن الله

تصبحوا على خير

[عبير يونس]

تسجيل متابعة يا فندم

مليش في السواقة اساسا و من ايام بابا الله يرحمه من التسعينات

كنت بقول السواقة في مصر محتاجة الواحد يبقى بهلوان في سيرك

كان الله في العون

[أبو محمد]

1) زيادة زحمة المرور بعد ارتفاع أسعار الوقود

===========================

لاحظت الزحمة الشديدة فى شارع الإقبال وأنا عند التقاطع

قلت لروحى : "ياروحى .. ده يمكن عشان المدفع حيضرب بعد ساعة"

عشان كده كنت باقول فى عقل بالى "اللهم طولك يا روحى"

لكن الأكادة إنى لاحظت نفس الزحام "ويمكن أكتر" واحنا مروحين

نفس الملاحظة لاحظتها امبارح لما خرجت بعد الفطار

الله الله الله .. أومال إيه المندبة والمناحة دى اللى اتعملت أول ما طلع قرار الدعم ؟

أنا كنت فاكر - بسذاجتى - إن كل واحد حيوفر شوية ويتهد يقعد فى بيته

بدل ما ينزلوا فى الشوارع زى الفريرة عالفاضية والمليانة

أنا فاكر مناقشة مع ابنى الذى اكتأب فور صدور القرار

لأنه قعد يحسب الزيادة الشهرية فى بند البنزين وكل ما يحسب يكتئب زيادة

قلت له الكلام "البديهى" اللى لازم يتقال فى ظرف زى ده

"يا إبنى .. قلل المشاوير اللى مالهاش لازمة قوى"

يعنى مثلا انت ساكن فى ميامى .. وبتنزل كارفور مرتين تلاتة فى الأسبوع

تشترى لوازم بيتك وفرصة بنتك تلعب

خليها مرة واحدة بس فى الأسبوع

بلاش كارفور اللى على بعد أكتر من 20 كيلو عن بيتك

روح اشترى لوازمك من "فتح الله" المنتزه أو وانت جاى لنا من "فتح الله" زيزينيا

أو اشترى لوازمك وانت راجع من الشغل وبلاش مشاوير كارفور وفتح الله خالص

أهو بتوفير مشاوير كارفور دى حتوفر حوالى 500 - 600 كيلو فى الشهر

فكر بقى فى مشاوير تانية ممكن توفرها أو "تلضمها" مع مشاوير تانية

حتلاقى نفسك وفرت زيادة بند البنزين ويمكن أكتر من قيمته قبل قرار الدعم

وانا واقف بقى فى التقاطع وكمان وانا راجع قعدت اضرب اخماس فى أسداس

الله ؟؟؟!!! يبقى الناس دى ما عندهاش مشكلة ما دام الزحمة زادت بالشكل ده

الله ؟؟؟!!! دول فرحانين بقى برفع الدعم ونازلين يحتفلوا ويزودوا استهلاكهم

أومال إيه الزيطة والزمبليطة اللى عملوها لنا فى نافوخنا دى ؟؟؟!!!

:fool:

لى حق اقترب (ربع اقتراب) من الجنون ولا لأ ؟؟

hypr:

[herohero]

1) زيادة زحمة المرور بعد ارتفاع أسعار الوقود

===========================

لاحظت الزحمة الشديدة فى شارع الإقبال وأنا عند التقاطع

قلت لروحى : "ياروحى .. ده يمكن عشان المدفع حيضرب بعد ساعة"

عشان كده كنت باقول فى عقل بالى "اللهم طولك يا روحى"

لكن الأكادة إنى لاحظت نفس الزحام "ويمكن أكتر" واحنا مروحين

نفس الملاحظة لاحظتها امبارح لما خرجت بعد الفطار

الله الله الله .. أومال إيه المندبة والمناحة دى اللى اتعملت أول ما طلع قرار الدعم ؟

أنا كنت فاكر - بسذاجتى - إن كل واحد حيوفر شوية ويتهد يقعد فى بيته

بدل ما ينزلوا فى الشوارع زى الفريرة عالفاضية والمليانة

أنا فاكر مناقشة مع ابنى الذى اكتأب فور صدور القرار

لأنه قعد يحسب الزيادة الشهرية فى بند البنزين وكل ما يحسب يكتئب زيادة

قلت له الكلام "البديهى" اللى لازم يتقال فى ظرف زى ده

"يا إبنى .. قلل المشاوير اللى مالهاش لازمة قوى"

يعنى مثلا انت ساكن فى ميامى .. وبتنزل كارفور مرتين تلاتة فى الأسبوع

تشترى لوازم بيتك وفرصة بنتك تلعب

خليها مرة واحدة بس فى الأسبوع

بلاش كارفور اللى على بعد أكتر من 20 كيلو عن بيتك

روح اشترى لوازمك من "فتح الله" المنتزه أو وانت جاى لنا من "فتح الله" زيزينيا

أو اشترى لوازمك وانت راجع من الشغل وبلاش مشاوير كارفور وفتح الله خالص

أهو بتوفير مشاوير كارفور دى حتوفر حوالى 500 - 600 كيلو فى الشهر

فكر بقى فى مشاوير تانية ممكن توفرها أو "تلضمها" مع مشاوير تانية

حتلاقى نفسك وفرت زيادة بند البنزين ويمكن أكتر من قيمته قبل قرار الدعم

وانا واقف بقى فى التقاطع وكمان وانا راجع قعدت اضرب اخماس فى أسداس

الله ؟؟؟!!! يبقى الناس دى ما عندهاش مشكلة ما دام الزحمة زادت بالشكل ده

الله ؟؟؟!!! دول فرحانين بقى برفع الدعم ونازلين يحتفلوا ويزودوا استهلاكهم

أومال إيه الزيطة والزمبليطة اللى عملوها لنا فى نافوخنا دى ؟؟؟!!!

:fool:

لى حق اقترب (ربع اقتراب) من الجنون ولا لأ ؟؟

hypr:

كلام حضرتك صحيح جدا بس زي ما الكل بيقول الشعب المصري له خصوصية

كلام حضرتك قولته لما سعر السجائر ارتفع وكنت استغرب لما اي صنايعي يرفع اجرته ويوقلك اصل السجائر غليت طب ماتققل منها ولا يشتكي من المعيشة وقرفها ويذكر شوف سعر علبة السجائر ولا حجر المعسل بقى بكام

استاذي الفاضل الذهب سعره ارتفع هل الناس قللت من طلباتها ف الشبكة !! السجائر ارتفعت هل الناس قللت ، البنزين ارفتع قبل كده طبعا هل الناس قللت ، اللحوم زاد سعرها هل الناس بطلت تاكل لحمة ؟؟

نحن في مصرنا العزيزة مستحيل نكون كاي مستهلك ممكن يغير من نمط استهلاكه للاسف صعب جدا احنا حاله خاصة

انا اشارك حضرتك الرأي والشعور بالجنون وياريت حضرتك هذه المشاعر تكون بس بتجيلك في القيادة في مصر

مش عارف هل الشعور ده بيجيلك لما بتتعامل مع المحليات !!! مع الكهرباء ف تركيب عداد !!! مع المياه !!1 مع الشهر العقاري !!! مع .... ومع ........

استاذي العزيز حضرتك عيشت بره مصر واكيد عارف ان منراه ف مصر هي سلوكيات اقل شئ انها تصيب الانسان الطبيعي اللي بيحس بالجنون

[عادل أبوزيد]

حكوماتنا منذ سنة ١٩٧٧ أصيبت بعقدة نفسية و أصبحت يدها مرتعشة ، و تتصرف كأن " على رأسها بطحة "

ما سبق كان إستهلالا لابد منه

رفع أسعار الوقود الذي حدث يعتبر شئ رمزي و يذكرني بالمثل البلدي الذي يقول " زي ضرب الغازية في حمارها " و لنكن صادقين مع أنفسنا إرتعاش يد الحكومة أثرت فينا كالطفل الذي "تبوظه" بدلعها له.

We been spoiled و مثل على هذا الإستخدام المرضي لأجهزة التليفون المحمول.

بالنسبة للزحام أتصور أن نهاية إمتحانات الثانوية العامة و الإنفراجة الأمنية جعلت الناس كلها هجت على المصيف .

و كلمة أهمس بها في أذنك أنا نفسي على وشك الجنون أيضا و لكن للأحداث التي نمر بها و أعتقد أنه نفس الأمر بالنسبة ل حضرتك شئون الوطن تنعكس على حالتنا النفسية و العضوية.

[herohero]

تسجيل متابعة يا فندم

مليش في السواقة اساسا و من ايام بابا الله يرحمه من التسعينات

كنت بقول السواقة في مصر محتاجة الواحد يبقى بهلوان في سيرك

كان الله في العون

استاذه عبير ، السواقة في مصر محتاجة بلطجي !!!

[أبو محمد]

حكوماتنا منذ سنة ١٩٧٧ أصيبت بعقدة نفسية و أصبحت يدها مرتعشة ، و تتصرف كأن " على رأسها بطحة "

ما سبق كان إستهلالا لابد منه

رفع أسعار الوقود الذي حدث يعتبر شئ رمزي و يذكرني بالمثل البلدي الذي يقول " زي ضرب الغازية في حمارها " و لنكن صادقين مع أنفسنا إرتعاش يد الحكومة أثرت فينا كالطفل الذي "تبوظه" بدلعها له.

We been spoiled و مثل على هذا الإستخدام المرضي لأجهزة التليفون المحمول.

بالنسبة للزحام أتصور أن نهاية إمتحانات الثانوية العامة و الإنفراجة الأمنية جعلت الناس كلها هجت على المصيف .

و كلمة أهمس بها في أذنك أنا نفسي على وشك الجنون أيضا و لكن للأحداث التي نمر بها و أعتقد أنه نفس الأمر بالنسبة ل حضرتك شئون الوطن تنعكس على حالتنا النفسية و العضوية.

لاحظ يا أستاذ عادل إن البنود الأربعة طلعوا فى موقف واحد بس

أعتقد انى لو شاء الله لى الاستمرار فى هذا الموضوع

فسوف أضع أمامك باقى "الكوررية المكلكعة"

[Alshiekh]

1) زيادة زحمة المرور بعد ارتفاع أسعار الوقود

===========================

لاحظت الزحمة الشديدة فى شارع الإقبال وأنا عند التقاطع

قلت لروحى : "ياروحى .. ده يمكن عشان المدفع حيضرب بعد ساعة"

عشان كده كنت باقول فى عقل بالى "اللهم طولك يا روحى"

لكن الأكادة إنى لاحظت نفس الزحام "ويمكن أكتر" واحنا مروحين

نفس الملاحظة لاحظتها امبارح لما خرجت بعد الفطار

الله الله الله .. أومال إيه المندبة والمناحة دى اللى اتعملت أول ما طلع قرار الدعم ؟

أنا كنت فاكر - بسذاجتى - إن كل واحد حيوفر شوية ويتهد يقعد فى بيته

بدل ما ينزلوا فى الشوارع زى الفريرة عالفاضية والمليانة

أنا فاكر مناقشة مع ابنى الذى اكتأب فور صدور القرار

لأنه قعد يحسب الزيادة الشهرية فى بند البنزين وكل ما يحسب يكتئب زيادة

قلت له الكلام "البديهى" اللى لازم يتقال فى ظرف زى ده

"يا إبنى .. قلل المشاوير اللى مالهاش لازمة قوى"

يعنى مثلا انت ساكن فى ميامى .. وبتنزل كارفور مرتين تلاتة فى الأسبوع

تشترى لوازم بيتك وفرصة بنتك تلعب

خليها مرة واحدة بس فى الأسبوع

بلاش كارفور اللى على بعد أكتر من 20 كيلو عن بيتك

روح اشترى لوازمك من "فتح الله" المنتزه أو وانت جاى لنا من "فتح الله" زيزينيا

أو اشترى لوازمك وانت راجع من الشغل وبلاش مشاوير كارفور وفتح الله خالص

أهو بتوفير مشاوير كارفور دى حتوفر حوالى 500 - 600 كيلو فى الشهر

فكر بقى فى مشاوير تانية ممكن توفرها أو "تلضمها" مع مشاوير تانية

حتلاقى نفسك وفرت زيادة بند البنزين ويمكن أكتر من قيمته قبل قرار الدعم

وانا واقف بقى فى التقاطع وكمان وانا راجع قعدت اضرب اخماس فى أسداس

الله ؟؟؟!!! يبقى الناس دى ما عندهاش مشكلة ما دام الزحمة زادت بالشكل ده

الله ؟؟؟!!! دول فرحانين بقى برفع الدعم ونازلين يحتفلوا ويزودوا استهلاكهم

أومال إيه الزيطة والزمبليطة اللى عملوها لنا فى نافوخنا دى ؟؟؟!!!

:fool:

لى حق اقترب (ربع اقتراب) من الجنون ولا لأ ؟؟

hypr:

موضوع الدعم ده كان من أكبر أخطاء أول حكومة عملته ومن ثم أصبح خطأ الحكومات التي تلتها حيث لم تفكر في تقليله أو إلغاؤه، بل زادته حتى أصبح كالقيد في رقبة أي حكومة جديدة تحل محل حكومة سبقتها.

الدعم يشبه رجلا صعب عليه حال جاره بعد أن ماتت زوجته فعرض عليه ان يحضر ملابسه المتسخة لتقوم زوجته بغسله حتى يهدأ الرجل وينظم حياته،

فما كان من ذلك الجار أن إستمر في إستغلال طيبة جيرانه وزاد على ملابسه المتسخة باقي فرش المنزل، وعندما ضاق الرجل وزوجته من ذلك، إذ بالجار يقوم بشن حملة علىهم ويشهر بهم بعدم المرؤة وقلة الذوق.

من ينظر لخريطة المرتبات على مدار سنوات الدعم سيجد أن المرتبات لم تتجمد وارتفعت عشرات الأضعاف وإن كانت في الحكومة لا تبدو ظاهرة حيث لعبة المرتب الأساسي في خانة والحوافز والعلاوات والبدلات في خانة أخرى وهي ماتمثل ربما أكثر من ثلاثة أرباع المتحصل عليه شهريا.

ارتفعت المرتبات، ولم يقل الدعم بل تضاعف مئات المرات، ليس لأن الشعب في حاجة اليه لآنه في واقع الأمر لايستفيد منه إلا بالقدر الأدنى الذي لايمثل عبئا عليه الا بنسبة ضئيلة يمكنه ان يعوضها بالاستغناء مثلا عن بند السجاير او الاستهلاك على قدر الحاجة، الحقيقة ان الدعم تضاعف مئات المرات لان هناك طبقة عليا تستفيد من ذلك الدعم، وعند التفكير في تخفيض الدعم او رفعه عن بعض البنود تراهم هم اصحاب الصوت العالي مدافعين عن مصالحهم التي يلبسونها صوت الشعب المسكين وهو منهم براء.

كل من بكى او تباكي على رفع اسعار الوقود يدفع القيمة الحقيقية لك السلع التي يشتريها بدءا من كيلو الخيار مرورا بكيلو اللبن انتهاء بزيارته للمولات الكبيرة واكل الأيس كريم الفاخر وغير الفاخر والذي يدفع فيه ضعف سعره لانه في المول، وعند البنزين يقول لك الحكومة رفعت الاسعار.

كرتونة البيض كانت بتلاتة جنية ولتر البنزين 90 كان بـ 90 قرش، بتدفعوا كام في كرتونة البيض 30 بيضة دلوقتي؟

تحياتي.

[eslam elmasre]

بخصوص التناقضات المتواجدة في الشارع المصري والتي اثار ها الفاضل ابو محمد فهي بالفعل تخلي الواحد يشد في شعره والتي نشاهدها يوميا

مثلا

عندما اذهب لكي اشتري بعض المستلزمات ا لمنزلية من احد الهايبرات المنتشرة في الاسكندرية اجد زحاما شديدا على تلك الهايبرات وحركة تجارة واسعة جدا ومعدلات بيع عالية جدا واحاول ان افك الكوررية مثل ابو محمد فاتوجه لاحد الاسواق الشعبية لاكما ل عملية الشراء اجد المحلات ليس بها مكان لموضع قدم من شدة الزحام والشراء والبيع وبعد ذلك يقولون ان هناك فقراء في مصر معدمين

اعتقد ان حتى الفقراء المعدمين يجدون مصادر للدخل اخرى مثل قبول التبرعات من الجمعيات الخيرية واهل الخير في مصر كثر بالفعل مما يجعل هناك حركة تجارة لا تجف في مصر

بخصوص الانفاق على الطاقة فهي كما قلنا من قبل سلعة غير مرنة ولا يمكن التنازل عنها او تخفيضها لان هناك نظرية اقتصادية ا تذكر معناها وليس نصها تقول ان منحنى الانفاق ينتقل من مكانه بزيادة الدخل وعندما يقل الدخل لا يقل الانفاق ولا يعود المنحنى لمكانه القديم ويقوم الشخص بتعويض الفارق من خلال ا لاقتراض او التحويل من مدخراته واتحدي ان هناك شخص قام بتقليل انفاقه على الطاقة بعد زيادتها وان هذه الامور تكون في السلع المرنة وعلى سبيل المثال كنت كل يوم اقوم بشراء الجرائد الثلاثة ومنذ فترة لا اتذكرها زادت اسعار الجرائد فاخذت قرارا بعدم شراءها وحتى تاريخه لا اقوم بشراء الجرائد الا نا درا وليس بشكل يومي وخصوصا بعد انتشار القنوات الفضائية والانترنت فاصبحت حاجتي لتلك ا لجرائد معدومة

[eslam elmasre]

موضوع الدعم ده كان من أكبر أخطاء أول حكومة عملته ومن ثم أصبح خطأ الحكومات التي تلتها حيث لم تفكر في تقليله أو إلغاؤه، بل زادته حتى أصبح كالقيد في رقبة أي حكومة جديدة تحل محل حكومة سبقتها.

الدعم يشبه رجلا صعب عليه حال جاره بعد أن ماتت زوجته فعرض عليه ان يحضر ملابسه المتسخة لتقوم زوجته بغسله حتى يهدأ الرجل وينظم حياته،

فما كان من ذلك الجار أن إستمر في إستغلال طيبة جيرانه وزاد على ملابسه المتسخة باقي فرش المنزل، وعندما ضاق الرجل وزوجته من ذلك، إذ بالجار يقوم بشن حملة علىهم ويشهر بهم بعدم المرؤة وقلة الذوق.

من ينظر لخريطة المرتبات على مدار سنوات الدعم سيجد أن المرتبات لم تتجمد وارتفعت عشرات الأضعاف وإن كانت في الحكومة لا تبدو ظاهرة حيث لعبة المرتب الأساسي في خانة والحوافز والعلاوات والبدلات في خانة أخرى وهي ماتمثل ربما أكثر من ثلاثة أرباع المتحصل عليه شهريا.

ارتفعت المرتبات، ولم يقل الدعم بل تضاعف مئات المرات، ليس لأن الشعب في حاجة اليه لآنه في واقع الأمر لايستفيد منه إلا بالقدر الأدنى الذي لايمثل عبئا عليه الا بنسبة ضئيلة يمكنه ان يعوضها بالاستغناء مثلا عن بند السجاير او الاستهلاك على قدر الحاجة، الحقيقة ان الدعم تضاعف مئات المرات لان هناك طبقة عليا تستفيد من ذلك الدعم، وعند التفكير في تخفيض الدعم او رفعه عن بعض البنود تراهم هم اصحاب الصوت العالي مدافعين عن مصالحهم التي يلبسونها صوت الشعب المسكين وهو منهم براء.

كل من بكى او تباكي على رفع اسعار الوقود يدفع القيمة الحقيقية لك السلع التي يشتريها بدءا من كيلو الخيار مرورا بكيلو اللبن انتهاء بزيارته للمولات الكبيرة واكل الأيس كريم الفاخر وغير الفاخر والذي يدفع فيه ضعف سعره لانه في المول، وعند البنزين يقول لك الحكومة رفعت الاسعار.

كرتونة البيض كانت بتلاتة جنية ولتر البنزين 90 كان بـ 90 قرش، بتدفعوا كام في كرتونة البيض 30 بيضة دلوقتي؟

تحياتي.

طول ما المرتبات ضعيفة يبقى لازم تعالج الفرق من خلال الدعم

والدعم حاجة مرتبطة بضعف المرتبات والدعم كمان حاجة مش وحشة لمعالجة قصور المرتبات لكن يجب ان يصل الدعم لمستحقيه وهذا ما اراه من خطوات عملية الان

ولو عايز تلغي الدعم يبقى تخلي المرتبات موازية لمرتبا ت الدول التي لا تعترف بالدعم ومهما كانت زيادة المرتبات الا ان الاسعار ايضا تزيد زيادة مطردة

[باهى الطائر الحزين]

لى صديق قديم لديهم بيت

فى شارع السد بالسيده زينب

امامه محل شهير لبيع السمين

ومؤجر لديه محل سرجه

احينا ازوره نضع كراسى امام

المنزل ونجلس ...

ارى مشهد متضاد تماما

زحام شديد على مطعم السمين

وناس فى السرجه بتشترى بجنيه

زيت وبجنيه طحينه !!

تعجبت كثير على هذا الأمر

وبحث بينى ونفسى فى تفسير

ولما حرت سألت صديقى ...

فكان الجواب ان السيدات اللاتى

يشترين الزيت والطحينه بجنيه

ازواجهن يصرفون دخولهم على

المخدرات او على لعب القمار فى

القهوه طاوله دومينو كوتشينه ...

وهنا تزكرت حديث صديقى

الثرى جدا والشحيح جدا جدا

الدنيا مافيهاش فقر

فيها عدمان رأى ...

[أبو محمد]

2) الاستخدام "الهبولـِّى" للموبايلات

====================

سأبدأ بوضع أرقام تجن الجن

* مجموع الإيرادات السنوية لشركات المحمول 35 مليار جنيه

* عدد خطوط المحمول فى مصر 100 مليون خط

الرقمين دول جننونى

وعشان كده أقترح نكمل بكره كيف ننفق الـ 35 مليار على الـ 100 مليون خط

بدل ما ....... ولا بلاش

[أبو محمد]

كل سنة وانتم طيبين .. رمضان والعيد خلصو خلاص

نبدأ نتجنن تانى

100 مليون خط

ياخلق الله !!! يعنى كل رضيع وجنين فى بطن أمه له تليفون

يا حلاوة يا ولاد

35 مليار جنيه تمن الكلام

بنتكلم بـ 35 مليار جنيه فى إيه ؟ .. ياريت حد لسه عاقل يقول لى !!!!

كنت قد قرأت أن وزارة الاتصالات رصدت حوالى 3 مليون خط أصحابها مجهولين

ياسلام .. مصيبة سودة طبعا

وبعدين نسأل عن الشرائح التى تستخدم فى التفجيرات

الحل لابد من معاملة الخطوط كمعاملة حسابات البنوك

يجب تحديثها كل فترة .. واللى ما يجددهوش ما يلزمهوش