مدن نعشقها .ومدن نكرهها ..

[hopsan]

الحقيقه على قد ماسافرت و قضيت ثلاث ارباع عمرى فى الخارج اصبحت المدن و الموائى تتشابه مع بعضها البعض و اصبحت فاقد الحس و التذوق و كأنى روبوت مبرمج لذهاب لهذا المكان فقط و اداء مهمه معينه ولوقت معين و كأن لا روح او حياه فى المكان الذى اذهب اليه..... التذوق معدوم و التشبع كامن فى داخلى ..لماذا ؟؟؟؟

لآنى على الدوام و على مدار ال 24 ساعه فى حاله سكر واضح ...انها الأسكندريه معشوقه السكندرين ... مدينه أأخذها معى فى كل رحله ..اتحدث عنها لكل من قال لى صباح الخير ...أأكلها فى الإفطار و الغذاء و اتلذذ بها فى العشاء ..اتلحف بها عندما انام أحلم بها ولها ..اغيب عن الوعى عندما اقترب منها و اراها على شاشه الرادار شريط منور و كثيرا افقد وقارى امام الطاقم و انا نازل اليها و عندما تلمس قدماى رصيف ميناءها اسمعها ترحب بى و تغنى لى و كثيرا كنت ابكيها و ابكى لها عندما تشتد بى الصعاب و المخاطر و لمن اتركها فأنا منها و اصلى فيها ولى اب و ام مدفونان فيها ..لا اكره مدينه ولا احب مدينه ..كلهم عندى سواء مجرد ارض و بشر ..انما الحياه و كل الحياه فيك يا ماريه و ها انا فى قلبك و من اعماق تاريخك اتنسم عبقك ...لست انا الوحيد عاشقك فكل من نطق اسمك اصبح من مريديك ولا عيب من يتنصل من بيئته و يقول انا سكندرى فعذره انه يحبك.

[مريوم المصرية]

اقتباس:

مكة المكرمة... (( و طبعا الحرم خارج الموضوع. بلد قاتله بكل المعاني. الجو.. كانك فرخة بلدي ضعيفة الجسم، صغيرة السن، محطوطة بين شواية سمك من فوق، و قلاية زيت من تحت. نسمات اخر الليل كفيلة بجدارة و بمنتهى السهوله تسحب كل الرطوبه اللي في وشك. جو لا يحتمل. و كل دا بالرغم من ايه؟؟ وجود اجهزة تكييف في كل مكان. سبحانك يا رب. اما الناس.. مش عارف اذا كانوا ناس ولا حاجه شبه كدا. المشاعر.. يعني ايه؟ محدش هنا سمع عنها. حسن المعاملة.. ليه؟؟ انت مش بتاخد مراتبك، عاوز ايه تاني؟ هو طمع يا اخي؟ طيب الاحترام.. روح المحل اللي هناك و اساله، بيقولوا الحكومة منعت استيراده لانه مش مناسب لعاداتنا و تقاليدنا. مفاضلش غير المباني.. و للأسف.. ولا حاجه. مجرد علب اسمنت و حديد كبييييره، و ساعات ضخمه جدا. لكن برده مفيش جمال. زيها زي كل حاجه هنا. مبهرة للحظات و بعد كدا تلاقيها.. وحشه بجد. متفهمش المبنى دا على اي طراز بالزبط. حاجه كدا زي المساكن الشعبية بتاعتنا في مصر، لكن منقوعة في رخام. حتى الرخام دا مش مديها جمال. مش عارف.. يمكن انا اللي مش عاوز اشوف المكان جميل. ممكن برده. الغربه في النهاية سجن. واسع او ضيق.. سجن.))>.

وعايشه فيها من سنتين.الحمد لله على كل حال.دا انا كنت خايفة اكتب ان مكة مش عاجباني لا تفتكروني كافرة.ما علينا

المدينة المنورة: مسقط رأسي واتربيت فيها.شعور غريب بالراحة والايمان .بس أهلها نص ونص

القاهرة: زحمة موت بس بلدي وبحبها.

اسكندرية: معنديش فكرة واضحة عنها بس حلوة

جمصة:أبشع مكان رحته ف حياتي.يمكن عشان ليا فيها أيام سودا.

تم تعديل 24 يونيو 2006 بواسطة مريوم المصرية

[شاب_نوبى]

1- اسوان (قرى النوبة )

ابريم-عنيبة - بلانة -توشكى -ابوسمبل -السد العالى

هناك هتلاقى الفطرة التى خلق الله عليها البشر

هتلاقى الوجوة السمرا الجميلة هتلاقى النخل هتلاقى القصب

هتلاقى الطيبة هتلاقى صلة الرحم هتلاقى الكرم هتلاقى اصفى مية نيل فى مصر

هتلاقى محمد منير هتلاقى احمد منيب هتلاقى حمزة علاء الدين هتلاقى عباس محمود العقاد

2- الاسكندرية

الجمال والبحر والهوا سحر المنظر

3- القاهرة

بس مش عارف لية

4- طوخ

متنفس جميل خارج القاهرة

ونفسى اروح مكة والمدينة

وبكرة

شاتنوف ومنوف وسرس الليان

بس ما بكرهش شبين الكوم

[waleed9091]

وحبب اوطان الرجال اليهم@@@ مآرب قضاها الرجال هنالكا

احيانا موقف حلو من شخص في مدينة تزورها لاول مرة يجعلك تحب هذه المدينة... والعكس صحيح...

انا احب القاهرة بشكل عجيب في الفترة من اكتوبر حتى فبراير....جو القاهرة يصير عجيب ... وقعدة في العصرية مع كباية شاي منعنع تساوي الكثير...

على فكرة انا سعودي...واحب السياحة فسافرت كثير....وجوهر السفر والسياحة هو التغيير....مرة جاءنا خبير اجنبي وكانت محاضرته في نفس تخصصي...فصار نقاشات تطوررت الى صداقة المهم نزلت امشيه(افسحه) في الرياض... وفجأة واحنا ماشين بالسيارة طلب مني التوقف وبدون كلمة واحدة نزل بالكاميرا وهاتك تصوير في عامل بيعمل المطبق(اكلة شعبية في السعودية) والفلاشات تلعلع والاخ الالماني مبسوط من العامل وهوه يسحب عجينة المطبق ويعمل قوس في الهوا...منظر احنا نشوفه يوميا في السعودية لكنه بالنسبة له جديد...

عام 2004 كنت نازل في فندق كونراد في القاهرة....اظن الدور 13 كنا نشوف في الخلف روض الفرج حي شعبي للغاية .. وكنا جايين في مؤتمر تنظمه منظمة الصحة العالمية.... لكن حلاوة مصر مو في الفنادق .. في الاحياء الشعبية...فكنت كل يوم انزل للقهوة اللي ورا الفندق طبعا قهوة شعبية بالمرةوانا لابس جنز وتي شيرت واجلس اشرب قهوة وشاي واشوف الناس اللي رايحة وجية....من كونراد الى قهوة في روض الفرج...قمة المتعة في السفر وزيارة اماكن جديدة هي التغيير... اسال اي واحد ينزل من الرياض الى دبي هل يحس بمتعة؟ اشك في ذلك... نفس الاسواق الطرق السيارات ....لا جديد...

لي ابن عم ينزل مصر كل سنة ...بياخذ سواق تكسي بيعرفه من سنوات وبيلف مصر...ليست مصر الفنادق والمسارح...لا... مصر الافراح الشعبية والمياتم والعزب والمزارع...بل مرة اتصل عليه يقول لي تخيل...انا في غرزة :angry: ...وهوه راجل لا بيدخن ولا بيشرب... كيف صرت في غرزة .. يقول لي قلت للسواق ابغى اليوم اشوف المحششيين بتوع النكت فوداني للغرزة... :blush: .. ولمدة اسبوع رحت معاه (تصادف وجودنا في مصر)كان بيسهر يوميا في قهوة على المقطم بيتجمعوا فيها سواقين التكاسي....

الاماكن الحلوة.. ..بينانج ومرتفعات كاميرون في ماليزيا...وزيلامسي في النمسا...هذي الاماكن جنة الله في الارض....

الحياة والدفء.....القاهرة...

وبالنسبة لي... اوروبا على اعصابك كل شي محسوب وتحس انك ترس في آلة ...حتى لو نازل تتمشى...

بالنسبة لمكة....نفس المدن السياحية الكبيرة...زيوريخ وجنيف....مدريد...ملقا ...انت بالنسبة للسكان المحليين ضيف مؤقت لا ينظر الى وجهك ومن انت بل ينظر فقط لجيبك وكم ستدفع( وياللي بعده) ولهذا فالاخلاق عادة تكون جافة....

[abo 3ali]

القاهره

بحبها رغم كل اللى فيها . زحمتها دوشتها اهلها و ناسها الطيبين منهم و المكشرين . القاهره السحره . تحتويك . بتاخدك جواها . حتفظها و حافظ شوارعها و باتوه فيها فى الزحمه

وسط البلد . ممكن تحطوا قماشه على عينى و امشى فيها مغمض . حافظها بالبلاطه .. اجمل لف و دلع و تسكع و سينمات و محلات لبس و مكتبه مدبولى و حلويات و بسبوسه بالقشطه و شاى ميزا و ساندوتشات سجق و احلى كشرى ..

المعادى و الزمالك و جاردن سيتى و مصر الجديده و مدينه نصر و سته اكتوبر و طريق مصر اسكندريه الصحراوى احلى ايام

اسكندريه

و مين ميحبش اسكندريه . و شتاء اسكندريه و المطره و الكورنيش اللى رسمته و القلعه و المعموره و البن البرازيلى فى الرمل و العجمى فى الشتاء و الصيف و خروب كليه الطب .. اقول ايه و لا ايه عن اسكندريه و جمالها

مطروح

عشقى الاول و الاخير فى نقاء المياه . عمرى مانزلت اعوم الا فيها بس .. اجمل مياه و اجمل تركوزات و ازراقات بدرجاتها . احلى فطيره باللبن و السكر و احلى كوبايه تمر هندى من على البورصه ( القهوه يعنى ) . باروحا من و انا طفل عندى عشر سنين لحد السنادى انا و ولادى و مراتى

المدينه المنوره

احساس غريب بصفاء النفس و الروح . اهلها طيبين و احلى بلح و تمر تاكله اكنه من الجنه و الاجواء الايمانيه و اماكنها بتحسسك انك ملاك مش انسان عايش على الارض

مكه

يعنى الكعبه . يعنى بيت الله . الجلال كله .. و الفواد دائما مايحن الى بيت الله . صفاء روحى غريب و طبيعه خلابه بس قاسيه

اسطنبول

شبه القاهره بس على خواجاتى . المساجد و الشوراع و الناس تحس انك فى مصر بس النسخه المنقحه الاوريجنال

انطاليا ( بتركيا )

شرم الشيخ بتاعتهم . جمال و شوارع نضيفه و طبيعه ساحره

بورصه ( تركيا )

عندما يصبح السحاب تحتيك و انت فوقيه . اجمل احساس و الشتاء و الطبيعه اللى مش ممكن و الخضره

دبى

الحالمه الفاتنه . ماقدرتش احبها فى الاول . و فى الاخر حبيتها و بقيت احن ليها . اغلى و اطول و اضخم و اكبر و اوسع ... كل حاجه عاوزينها تبقى الاحسن . بلد نظيفه و زحمه و غاليه بس تحبها و قبل كده تحترمها

فى النهايه

مصر ام الدنيا بكل مافيها و لو قعدت اكتب عنها مش حيكفينى فيها مليون صفحه بحبها و نفسى كل يوم ارجعلها و ان شاالله ارجعلها

[النسر المصري]

العريش : حب من أول نظرة ..

رفح المصرية : كانها دموع ابنتي بعد موتي

ودمتم سالمين

حبيبي ياهادي .... والله بحبك لله ف الله ياأخويا الكبير

طبعا كل من في المحاورات يعلم اني عرايشي

العريش عاصمه سيناء.... ارض الفيروز.....بوابة مصر للاسلام

تلك المدينة العريقه التاريخية البسيطة باهلها وناسها

لم اكن اعرفها قبل عام 1984 ووقتها لاول مرة اعرف من هي العريش...ولاول مرة ارى جدي وجدتي وافاربي والكثير ممن لم اكن اعلم بانهم اهلي.....او ممن تبقو من اهلي بمعنى اصح....بعد ان قتلوا معظمنا كلاب اليهود الصهاينه

احببتها من اول نظرة كما يقول هادي....وظللت اراقبها وهي تكبر يوما بعد الاخر...وسنة بعد اخرى...الى اناصبحت ماهي عليه اليوم.....وذلك كان بمجهودات اهلها ومحبيها من جميع المصريين.....والتي لم يكن للحكومة او الجزب الوثني اي دور في اعادة اعمارها...ولا حتى في اعمار ايا من قرى مصر في الدلتا او الصعيد

ورفح المدينة الباكية..... تاتي وتغدو على الدوام باكية........حتى غرقت شواطئها من دموع اهلها

لكم مني فقط ملحوظة....لم اكره يوما مدينة مصرية في حياتي... حتى لو وجدت المعاملة السيئه من اهلها... لانني اعلم ان صوابعك مش زي بعض.... بالعكس ....ان مايميز مصر هي الحضارات والثقافات المتنوعة...ةالتي انبثقت من اقدم حضارة عظيمة عرفها التاريخ

اما مدن اكرهها.....فلايوجد ماهو اكثر كرها ف قلبي مثل تل ابيب ....ذلك الاسم الذي يصيبني بالغيثان والغضب.....وكم اود ان يمنحني الله القوة....فلا استخدمها سوى على اسرائيل واهلها.... فامحوها من على وجه الارض....

ودمتم سالمين

بالمناسبه انا قضيت معظم فترات حياتي في الكويت والقاهرة... ومع ذلك تحتل العريش مكانة خاصه في قلبي

[يحى الشاعر]

لو كنت قلت إتك إسمك الشاعر ... كان فيه ناس راح نقف قدامك بصدرها ...

حظ يا شـــاعر ...

معلهش المرة الجاية ... بس إرجع لهل وزورها بقى ... مافيش داعى للقلب القاسى ...

وروح زور قاعدة ديليسبس ، علشان تعرف الشاعر عنلو إيه كمان

والى من يحبون بورسعيد وبورفؤلد ... عرض لبعض صور منهما يمكن يعجبكم .... "من خلال عدسة الأستاذ وليد منتصر"

http://www.egyptiantalks.org/invb/index.php?showtopic=23955

يحى الشاعر

تم تعديل 26 أكتوبر 2006 بواسطة يحى الشاعر

[بنت النيل]

مدن احببتها

طبعا اول مدينة اتكلم عن حبى لها هى بلدى الحبيبة الغاليه واللى وحشانى اوى ( بورسعــــــيد )

بلدى التى عشت فيها واتربيت على خيرها وعلى حب اهلها الطيبين واللى بها كل عائلتى واهلى واصدقائى

ياسلام لمابكون فى زيارة لها ونكون فى الطريق صحيح بنمر على كم بلد حتى نصل اليها و لكنى لا احس بجو ولا بعطر ولا بجمال مصر الا لما ابتدى اشوف اول نور بيهل منها ( بورسعــيد )

بالنسبة لحبى لباقى المحافاظات فى مصر انا احب القرى والريف وبستمتع جدا بمناظر الارضى والحقول المزروعة

بحب جو الريف والناس الطيبة اللى هناك وبحب البساطه فى تعاملهم واحيانا اتمنى ان يكون لى منزل فى اى بلد ريفى وسط الخضره والاشجار

ايضا احب الكويت التى اقيم فيها حاليا فعلا احبها وتعودت على المعيشة فيها رغم صعوبة الجو فيها ولكن تعود يمكن عشان بشوف فيها اماكن مشابه لمدينة بورسعيد فعلا الكويت بها اماكن وشوارع تشبه اماكن وشوارع فى بورسعيد مثلا البحر والشواطىء مثلا شارع الخليج وايضا بيوت تشبه بورفؤاد وغيرها

البلد التى لا احبها ولم ازورها غير مره واحده بحياتى وحلفت ما ادخلها تانى هى ( مدينة السويس ) مع احترامى لكل السوايسه لكن معلش ده لان حصلى فيها موقف فعلا عجيب

كنا رايحين نوصل والدى للسفر الى السعودية عن طريق العبارة من السويس واثناء انتظارنا حتى يصعد للعبارة شعرت بالعطش ونظرت حولى ولم اجد غير مقهى ذهبت اليه وقلت له ممكن كوبيه مايه لوسمحت ؟ فعلا لم يتأخر واحضر لى كوب الماء والمفاجاءة بقى هى اننى تفاجاءت عندما طلب منى هذا الرجل ثمن كوب الماء !!

كنت مذهوله معقول تمن كوبيه المايه ايه ده ؟؟

[نانو]

لكم مني فقط ملحوظة....لم اكره يوما مدينة مصرية في حياتي... حتى لو وجدت المعاملة السيئه من اهلها... لانني اعلم ان صوابعك مش زي بعض.... بالعكس ....ان مايميز مصر هي الحضارات والثقافات المتنوعة...ةالتي انبثقت من اقدم حضارة عظيمة عرفها التاريخ

الله عليك يا نسر....هكذا يكون الحب ...بدون سبب ...و لاي سبب....و لا تستطيع ان تكره اذا احببت

الاسكندريه: معشوقتي ...محبوبتي...احلامي ...احملها في قلبي في كل لحظه و كل ثانيه اري من خلالها الدنيا و العالم.... فهي الصوره التي تسكن عيوني و باقي العالم كله خلفيه لها

القاهره: تتمايل دائما امام عيني كفتاه رقيقه حالمه فاتنه ...تحمل داخلها الالاف من الاسرار التي لا تستطيع معرفتها حتي لو عشت العمر كله تفك الغازها

اثينا :اذا كنت اسكندراني فلن تحس بالغربه فيها لانها تبدو... كانها و رده قطفت من بستان اسكندراني

مونتريال: مدينه جميله هادئه تضفي علي ساكنها هدوء الاعصاب و الراحه كل من فيها مبتسم متفاءل محب للحياه كل شئ فيها جديد منمق مليئه بالزهور في كل مكان

تورنتو: مدينه تحمل عبق الاصاله و القدم للغرب و لكنها غير مريحه نفسيا

الكويت: كل شئ فيها بلاستيك مغلف بورق سيلوفان وجوه بدون تعبير... ابتسامه بدون روح.... جمال من غير حياه ....لا اكرها لاني لا استطيع ان اعيش دون ان احب مكاني ومن حولي... قد اكون قاسيه في حكمي عليها.... و لكني لا انسي لها انها من سرقتني من وطني مسلوبه الاراده

[بنت النيل]

الله عليك يا نسر....هكذا يكون الحب ...بدون سبب ...و لاي سبب....و لا تستطيع ان تكره اذا احببت

الاسكندريه: معشوقتي ...محبوبتي...احلامي ...احملها في قلبي في كل لحظه و كل ثانيه اري من خلالها الدنيا و العالم.... فهي الصوره التي تسكن عيوني و باقي العالم كله خلفيه لها

القاهره: تتمايل دائما امام عيني كفتاه رقيقه حالمه فاتنه ...تحمل داخلها الالاف من الاسرار التي لا تستطيع معرفتها حتي لو عشت العمر كله تفك الغازها

اثينا :اذا كنت اسكندراني فلن تحس بالغربه فيها لانها تبدو... كانها و رده قطفت من بستان اسكندراني

مونتريال: مدينه جميله هادئه تضفي علي ساكنها هدوء الاعصاب و الراحه كل من فيها مبتسم متفاءل محب للحياه كل شئ فيها جديد منمق مليئه بالزهور في كل مكان

تورنتو: مدينه تحمل عبق الاصاله و القدم للغرب و لكنها غير مريحه نفسيا

الكويت: كل شئ فيها بلاستيك مغلف بورق سيلوفان وجوه بدون تعبير... ابتسامه بدون روح.... جمال من غير حياه ....لا اكرها لاني لا استطيع ان اعيش دون ان احب مكاني ومن حولي... قد اكون قاسيه في حكمي عليها.... و لكني لا انسي لها انها من سرقتني من وطني مسلوبه الاراده

معلش يا نانو اختلف معاكى شوية فى بعض الكلام بالنسبة للاسكندرية وخصوصا عبارة باقى العالم كله خلفية لها معلش انا شايفة ان فيه شوية تحيز لها او مبالغه فيها وعلى العموم دى وجهات نظر والاختلاف فى الراىء لايفسد للود قضية وكل واحد عنده بلده كدا ولكن برده لازم يكون غير مبالغ وخصوصا لمايكون متأكد ان فى بلاد تانية بلده دى ماتجيش بالنسبة لها صفر على الشمال ،،،

وايضا بالنسبة لكلامك على الكويت انا شايفه انك ظلمتيها شوية فى كلامك وبالاخص لما قلتى انها سرقتك من وطنك مسلوبه الاراده فاذا كنتى انتى مسلوبه الاراده فما ذنبها هى ؟ اى بلد عربيه او اجنبية مغترب فيها اى شخص ليس لها الذنب فى بعده عن بلده فهى لم تذهب الى مصر وتجبره على تركها ولكن تقدرى تقولى الظروف وليس البلد اذا الواحد شايف انه اتسرق من بلده وانه مش قادر على العيش بعيد عنها وانه شايف ان العيش فى بلده افضل له فالموضوع بسيط جدا كلها حجز تذكره على اول طياره لبلده واعتقد ساعتها البلد اللى مغترب فيها لن تستطيع منعه

مع تحياتى انا عارفه انك هتموتينى لكن معلش علقه تفوت ولا حديموت -_- -_-

[نانو]

الله عليك يا نسر....هكذا يكون الحب ...بدون سبب ...و لاي سبب....و لا تستطيع ان تكره اذا احببت

الاسكندريه: معشوقتي ...محبوبتي...احلامي ...احملها في قلبي في كل لحظه و كل ثانيه اري من خلالها الدنيا و العالم.... فهي الصوره التي تسكن عيوني و باقي العالم كله خلفيه لها

ا

معلش يا نانو اختلف معاكى شوية فى بعض الكلام بالنسبة للاسكندرية وخصوصا عبارة باقى العالم كله خلفية لها معلش انا شايفة ان فيه شوية تحيز لها او مبالغه فيها وعلى العموم دى وجهات نظر والاختلاف فى الراىء لايفسد للود قضية وكل واحد عنده بلده كدا ولكن برده لازم يكون غير مبالغ وخصوصا لمايكون متأكد ان فى بلاد تانية بلده دى ماتجيش بالنسبة لها صفر على الشمال ،،،

وايضا بالنسبة لكلامك على الكويت انا شايفه انك ظلمتيها شوية فى كلامك وبالاخص لما قلتى انها سرقتك من وطنك مسلوبه الاراده فاذا كنتى انتى مسلوبه الاراده فما ذنبها هى ؟ اى بلد عربيه او اجنبية مغترب فيها اى شخص ليس لها الذنب فى بعده عن بلده فهى لم تذهب الى مصر وتجبره على تركها ولكن تقدرى تقولى الظروف وليس البلد اذا الواحد شايف انه اتسرق من بلده وانه مش قادر على العيش بعيد عنها وانه شايف ان العيش فى بلده افضل له فالموضوع بسيط جدا كلها حجز تذكره على اول طياره لبلده واعتقد ساعتها البلد اللى مغترب فيها لن تستطيع منعه

مع تحياتى انا عارفه انك هتموتينى لكن معلش علقه تفوت ولا حديموت -_- -_-

حبي لبدي ليست قضيه...و غير قابله لاختلاف وجهات النظر

حبي لبلدي ملكي انا وحدي...اراها بطريقتي الخاصه التي لا يشاركني فيها احد

بلدي هي وطني هي اهلي هي ذكرياتي هي حلمي هي عمري هي .....انا

هي و ستظل صوره ملئ عيني و سيظل العالم كله خلفيه لها

بلدي لم تكن يوما ما و لن تكون ابدا صفر علي الشمال لاي مكان في العالم

الاسكندريه من احلي مدن البحر المتوسط....و انا لا ادافع عنها لانها محبوبتي و لكن لانها ...جميله

اما الكلام عن الكويت ...فهو كنايه عن الصراع الداخلي بين القلب و العقل و العقل ذهب بي الي هناك دون اراده قلبي و دون ان اشعر لااستطيع التأقلم بسهوله في المكان الذي ذهبت اليه مرغمه حتي ولو كنت مرغمه من عقلي

[واحد تاني]

حبي لبدي ليست قضيه...و غير قابله لاختلاف وجهات النظر

حبي لبلدي ملكي انا وحدي...اراها بطريقتي الخاصه التي لا يشاركني فيها احد

بلدي هي وطني هي اهلي هي ذكرياتي هي حلمي هي عمري هي .....انا

هي و ستظل صوره ملئ عيني و سيظل العالم كله خلفيه لها

بلدي لم تكن يوما ما و لن تكون ابدا صفر علي الشمال لاي مكان في العالم

الاسكندريه من احلي مدن البحر المتوسط....و انا لا ادافع عنها لانها محبوبتي و لكن لانها ...جميله

برافو يا نانو ... تحية من القلب

وعشان انت شاطرة بقى ...

هدية علشانك ...

دوسي هنا

[نانو]

ربنا يخليك يا واحد تاني انت و الاولني

اه والله ...بجد مش عارفه اشكرك ازاي -_- علي الهديه الجميله ديه

يا لا ادعيلك بقه ربنا يوفقك واشوفك في بيت العدل قريب -_-

[memo2007]

حراااااااااااااااااااااااام عليكم دى القاهره جميله جمال مايتوصف ممكن يكون الناس هما اللى بيوحشوها بس هيا هاتفضل طول العمر اجمل المدن فى قلبلى

[بنت النيل]

حراااااااااااااااااااااااام عليكم دى القاهره جميله جمال مايتوصف ممكن يكون الناس هما اللى بيوحشوها بس هيا هاتفضل طول العمر اجمل المدن فى قلبلى

اكيد طبعا القاهره جميلة وما اروعها فى صفاء وسكون الليل انا عن نفسى بحب القاهره رغم ازدحامها لكن بحبها

وشىء تانى احب اوضحه لبعض الاعضاء اننى فى كلامى لم اكن اقصد الاسكندرية بالذات ولكن كلامى كان على اى بلد

يعنى لم اخصها هى فقط بالكلام وذى ماقولنا كل واحد عنده بلده اللى اتربى فيها وعاش فيها اجمل البلاد

كلها بلاد الله لخلق الله المهم مش المكان المهم السكان اى مكان الواحد بيلاقى فيه ناس كويسة وطيبه وبخير خلاص هو ده الاهم وبعدين يبقى يشوف المكان ده فى نظرى

وكمان يا جماعة الاخ العزيز ابوخليل لما طرح الموضوع كان لمجرد ان كل واحد يقول عن المكان والمدن اللى بيحبها ووجهه نظره فيها مش اكثر

يعنى مش عشان ندخل فى هتفاات وانتماءات والكلام الجامد ده الموضوع ابسط من كدا

وكمان كلنا فى الاخر ايه ( مصريين )

[التونسى]

مدن حبيتها

بورسعيد طبعا .. فيها ولدت ونشأت وترعرعت .. وفى قلب قلب قلب شوراعها التجاريه التى كانت نابضة بالحياه 24 ساعه فى اليوم قبل الالغاء النسبى للمنطقه الحره .. بورسعيد يعنى جزيره .. يعنى مجتمع حديث .. أغلب سكانه نزحوا من محافظات اخرى .. خاصة الصعيد ودمياط والدقهليه بشكل عام .. ومفيش حاجه اسمها ((شعب )) بورسعيد الاصلى .. التكوين السكانى هنا من كل لون يا باتيستا .. ولولا حفر القناه ما وجدت بورسعيد اصلا

طابا : قضيت فيها بضعة شهور لكنى عشقتها .. وعشقت جبالها .. وبحرها .. وهوائها .. واتمنى فى يوم من الايام ان اقيم بها بصفه دائمه

أسوان : مدينه مودرن .. ناسها طيبين جدا .. لى بها جذور وعشان كده الدم بيحن

اسكندريه : بلد جميله جدا بلا شك .. وكفايه بحرها عشان اعشقها .. وليا فيها ذكريات عظيمه

اسماعيليه : بلد الخضره والمانجه والنادى الاسماعيلى .. كان لقلبى بها صولات وجولات وانتكاسات وانكسارات ايضا .. ولكنها تظل مدينه محببه الى قلبى جدا

شرم الشيخ : ليا فيها ذكريات سيئه وذكريات جيده .. لكن المحصله انى حبيتها .. بس مش زى حبى لطابا .. يمكن عشان طابا اكثر هدوءا واقل صخبا

يتبع..