مصـر.. البيت بيتك

[nolimits2000]

السلام عليكم و رحمة الله تعالى و بركاته

أخى حسام المصرى و كل السادة الأعضاء المشاركين فى هذا الموضوع

أنا كنت بكتب الكلام الجاى ده و هبعته كاموضوع جديد بس بعد ما كتبته قولت لنفسى أن أكيد فيه عضو فى المنتدى كتب عنه و فعلا بحثت لغاية ما لاقيت الأستاذ حسام المصرى كاتب عنه و بعد أذنكم هقول وجهه نظرى اللى كنت هبعتها

بسم الله الرحمن الرحيم

تسجيل أعتراض قوى جدا على الأعلان المستفز لدرجة القىء

فكرة الأعلان جميلة جدا و الموسيقى كمان حلوة قوى بس ديه مش مصر اللى بيتكلموا عنها لأن مصر مش كدة

مصر مش مجموعة راقصات و فنانات و بكينى و أجسام عريانة و بلا أزرق ، و مش معقول تكون أبتسامة دينا ما تتنسيش لأن كل اللى هيشوفها هيشعر بالقىء ، و مصر مش كلها فنادق و حمامات سباحة و بارات زى اللى ف الأعلان .

هو الأعلان عن تنشيط السياحة ف مصر كويس جدا و جيه فى وقته بس ما يكونش على حساب ديننا و شرقيتنا و أدابنا ، أنا بصراحة حاسس بالأحراج لأن أى أنسان مش مصرى هيشوف الأعلان ده هيحس أن مصر بلد كلها عرايا و جنس ، و الأنسان المصرى اللى هيشوفه برضه هيحس بالكذب و الضيق لأنه بالتأكيد مش بيشوف المناظر الفظيعة ديه فى بلده

لابد من محاسبة المسئول عن عمل هذا الأعلان و فعلا أنا نفسى أعرف هو مين

عشان كدة أنا حبيت أسجل أعتراضى على الأعلان ده و أتمنى عدم عرضه مرة أخرى

و السلام عليكم و رحمة الله و بركاته

[أبو حميد]

الأخوه الأعزاء

لن أستطيع أن أضيف شئ بعد الذي كتبوه ولكني فقط أكتب لكي اسجل أعتراضي الشديد ورفضي لإعلان إبتسامة مصر ما تتنسيش وخصوصا الإعلان نمرة 2 اللي كله مايوهات. فضيحة بكل ما تحمله الكلمة من معاني وحسبنا الله ونعم الوكيل في أناس باعوا دينهم ووطنهم من أجل مكاسب وقتية لن تبقى بل ستأخذ في طريقها أشياء اهم وأقيم.

كيف هانت عليهم مصر لكي ينزعوا عنها ملابسها بهذه الطريقة الفاضحة ويحرموها من أحترام الأخرين بعد أن حرموها من دورها القيادي؟

[se_ Elsyed]

للأسف الشديد ساقتني الأقدار إلى أِن أُشاهد هذا الإعلان الأسبوع الماضي .. وأول ما قرأت الموضوع ده كنت بأحسبكم بتتكلموا عن الإعلان الأولاني اللي فيه لقطة عابره لراقصة شرقية ... لكنه مقارنة بالإعلان الجديد يعتبر مليء بالفضيلة والأخلاق ..

ولا أدري هؤلاء الأوباش المسئولين عن تصميم تلك الإعلانات لمن يوجههوا ؟ ولماذا ؟

إذا كانت البلاد اللي مليانة رذائل وعري زي بعض مناطق لبنان .. وسياحة دعارة الأطفال اللي مُنتشرة في تايلند عمرهم ما بيعملوا كده ..

على فكرة في البرنامج اللي بيقدمه عمرو أديب في أوربت ناشد المسئولين في مصر لوقف هذا الإعلان الفاجر ...

يا ناس يا هو .. يا مبارك .. يا أنس الفقي ... يا فضيلة المفتي ... يا شيخ الأزهر .. يا وزير الأوقاف .. يا بابا شنودة .. هل تقبلون أن تكون إبتسامة دينا بتاعت الأفلام والسي ديهات والرقص بدون ملابس هي علامة مميزة لمصر .. هل تقبلون أن تكون واحدة ممثلة مغمورة إسمها أميرة فتحي ولا أبو الفتوح تطلع وهي لابسه بكيني تُمثل مصر ؟

أين نخوة الرجولة لدى المسئولين المصريين ؟

وأسف جداً إني أختلف مع كل من قال إن تلك الأعلانات موجهه للخليجيين .. فإذا كنا أحنا بنسهل لهم الدعارة وبنقوله لهم تعالى وهانقبلك بالترحاب ونقف لك كمان على الباب ورافعين الإيريال زي محجوب عبد المتعال في فيلم القاهرة 30 .. يبقى نرجع ونلومهم لما ييجوا يمارسوها علانية في مصر ؟

هل سمع أحد منكم عن إعلان عن الدعارة المقننة والمباحة رسمياً في دُبي والبحرين والتي يستقدمون فيها آلاف الروسيات والصينيات والجنسيات الأخرى؟

تعرفوا يا جماعة إنه بيصل لدُبي يومياً 5 رحلات طيران من روسيا محمله داعرات للعمل في دبي ؟

هل سمعتم عن تلك الإعلانات هناك ؟

طبعاً لأ ... ولكن لإنهم ناس محترمة على الأقل بيحاولوا يجملوا صورة بلدهم وماليين الدنيا إعلانات اليومين دول عن مدينة دبي للإنترنت ، ومدينة دبي الطبية ، ومدينة دُبي للموهوبين ، وللتكنولوجيا وللإعلام ، وعن مهرجان دُبي للتسوق و و و إلخ .

دي لا مؤخذه في الكلمة لو واحده بائعة هوى وبتبيع جسدها للكلاب لينهشوا فيها بتحاول تعمل فيها خضرة الشريفة وإنها أشرف من الشرف .. على الأقل أمام الناس ... أما احنا فلأ ..ولإن عندنا شفافية .... وده ظهر من خلال ملابس هؤلاء النسوة اللي في الإعلان حتى تلاقي كل ملابسهم شفافة ..

وأعتقد إن ده شعار المرحلة الجاية في عهد مبارك .. فحيث إننا فشلنا في تصدير أي شيء للخارج عشان نزود الدخل القومي وعملتنا تدهورت وإقتصادنا بقى في الحضيض وصحف إنجلترا بتقول إن أمريكا بتأكل 77 مليون مصري عن طريق المعونات ... يبقى ندور على أسهل طريق نقلب به عيشنا وهو تجارة اللحمه ... وأهو كله ماشي .. طب ما أحنا بنستورد لحمه عجالي من السودان ومن البرازيل ومن كل فج عميق .. يبقى ليه ما نصدرش لحمه إحنا كمان ...

بس مش أي لحمه .. فلحمتنا تختلف عن لحمتهم .. وكل واحده حر في لحمه ...

سؤال أخير للجميع .. هل تتوقعون أي تقدم أو بركه من الله في بلد تُعلن عن نفسها وبتقول للرايح وللجاي تعالوا إتفرجوا على لحم حريمنا المصريات .. ويالا يا جدع اللي ما يشتري يتفرج إحنا بتوع اللحم الرخيص ...

[se_ Elsyed]

على فكرة يا جماعة

من كام شهر الصحف الخليجية هريتنا مقالات تتريق على تصريح وزير العمل المصري الذي أعلن فيه البُشرى للراقصات الأجنبيات في مصر بمنحهم تصريح عمل رسمي .. يعني هايشتغلوا على ميه بيضا ..

أي نعم بنقول إن كل دول الخليج مليانه بلاوي .. لكن على الأقل يا أخي إذا بُليتم فأستتروا ..

لكن زي ما قولت .. إحنا بتوع الشفافية ..

ويالا يا وليه يا أجنبية إنتي وهيه تعالوا عندنا وإرقصوا ومارسوا الدعارة وإنقلوا الإيدز لشبابنا في مصر تحت مظلة الحكومة ...

من كام يوم قرأت إعلان ظريف لإحدى مؤسسات الدعارة الرسمية في ألمانيا بتطلب فيها 40000 فتاة من كل الدول وخصوصاً الأوروبية للعمل في الدعارة في أثناء إقامة كأس العالم لديهم في الصيف القادم .. ومش بس كده ده فيه مؤسسات تانية في كل المدن الألمانية أعلنت عن هذا أيضاً والشغل هناك هايبقى للرُكب...

ده موسم يابا وسبوبه وملايين جايه تشجع ومحتاجين يريحوا أعصابهم ويفرفشوا ...

وساعتها تذكرت مثل كنا بنقوله أيام ما كنا شباب بيقول " أهم من الشغل ... ظبط الشغل "

مش مهم أشتغل لكن المهم أظبط شغلي :blush:

في نفس الوقت إمبارح في جريدة الحياة قرأت إعلان مٌحترم من دولة أرمينيا ( ما تستغربوش أرمينيا ) عن منتجع سياحي إستشفائي في أحد مناطقهم الجبلية ذات الطبيعة الخلابة وجايبين صورة له وشوية تفاصيل عن المميزات هناك خليتني أسرح بخيالي وأتخيل نفسي ضارب لي إسبوع هناك في هذا المكان الساحر حيث لا تكنولوجيا حديثة ولا موبيل ولا إنترنت ولا محاورات مصريين ولا مشرفين ولا عيل بيقول واء واء ولا كلام من ده ....

مع إن إيه .. لو سألت عيل صغير وقولت لهم مين ملوك الدعارة في العام يا توتو : هايقولك الأرمن يا عمو ... زي ملوك الربا وأكل السُحت كده لما بنذكر سيرتهم القذرة بنقول على طول اليهود ...

لكن سبحان الله إتقلبت الأية وكل واحد جايب ورنيش وبيورنش نفسه ويلمعها .. لكن إحنا فشر .. لازم نبقى عكس الناس ... وبنجيب طين من الأرض وبنحط علي صورتنا وبنخيل للناس إن شوارعنا مليانه كباريهات وداعرات وبائعات هوى واقفه على النواصي ..

مع إني عشت في القاهرة طوال حياتي التي زادت عن 30 عام وكنت مغرم بالأثار والمناطق الأثرية وذهبت إلى الأهرام وشارع الهرم عشرات المرات لكن أٌقسم بالله عمري ما شفت ولا صادفت حتى حد من الأشكال دي ..

ومع ذلك الإعلام المصري العفن والمسئول عنه صهاينة متخفين في صورة مصريين .. صوروا لنا شارع الهرم على إنه مليء ببيوت الدعارة وإن بائعات الهوى بيخطفوا الناس لو مشييوا هناك ..

[shawshank]

و الله العظيم حاجة تحزن و تبكي

أنا بصراحة لم أشاهد الإعلان ، و لكن من خلال ما قرأته عنه أقدر أقول انه اهانة لكل مصري و مصرية... فبأي حق تصورني و أخواتي و بناتي المصريات بهذا الشكل؟ و بأي حق تصور بلدي مصر بهذا الشكل؟ حتى إن كانت كذلك ذي ما بيقول سي السيد ... دي الاهانة التانية لنساء مصر بعد موضوع الاستفتاء

و مش بعيد تكون حقنة مخدرة لحد ما يعدي موضوع الانتخابات

ربنا ينتقم من اللي ورا كل ده ... نهايتهم قربت إن شاء الله.

[Sherief AbdelWahab]

قررت بعد تمحيص نقل الموضوع إلى "بيته"..

في المناقشات العامة..قسم المواضيع الجادة..

خلص الكلام

[مهيب]

وضاح ان الموضوع أثار غضب ... المشكلة الكبيرة هى ايه المعنى ... ايه المقصود ... ياجماعة مش معقول يكونوا المسئولين بالقذراة دى ... أصلها لو كده يبقى القصة مش نافعة ....

طب بيقولوا على الاسفاف و الهبل اللى مالى الفضائيات فن ... ماشى ... نعديها ... يسرا ممثلة قديرة ... وماله ... هى جت عليها يعنى ؟؟ مصر فيها شرم و مصايف و بتاع ... أوكى ... لكن موضوع دينا ده لازمته ايه ... بجد أن مش فاهم ... يعنى بيقولوا للسياح دينا اللى شفتوها على الشريط مع حسحس تعالوا بقى شوفوها ع الطبيعة ... يانهار منيل بستين نيلة ..

وبعدين أنا ذنبى ايه أبقى مواطن مصرى وييجى اعلان عن بلدى وشى يحمر ... يانهار طين ... ده الاعلان ده كانت الرقابة تمنعوا أيام زمان .. ايام د.درية ... و الاعلان لما ييجى فى التليفزيون و اسرة بتتفرج عليه يقولوا ايه ... نتكسف من بلدنا ؟؟؟

ايه القرف اللى احنا عايشين فيه ده ... مين اللى بيعمل كده وليه ... ده الواحد شوية و هيكره بلده بسببهم .... دينا ؟؟؟ دينا بقت مثال و تشجيع للسياح ييجوا مصر ... الله ؟؟ طب ما يقولوها علنى بقى و خلاص ... هى دى يعنى اللى ناقصة ؟؟؟

[se_ Elsyed]

طب ما يقولوها علنى بقى و خلاص ... هى دى يعنى اللى ناقصة ؟؟؟

<{POST_SNAPBACK}>

ليه يا مهيب يا حبيبي هما لسه ما قالوهاش بعلو حسهم ؟

طب تصدق بالله ومن غير حلفان ... مش الريس قالها عالية مدوية في ثلاثيته الشهيرة التي حققت نجاح منقطع الجماهير بإنه لن يسمح بقيام أحزاب دينية ( إسلامية قصده يعني ) .. طب أنا أهو وإنت هو لو دينا تقدمت بطلب لتأسيس حزب " وسط " بكره لهاتلاقي الموافقة وصلت لها لحد البيت " هوم ديلفيري " وأهو كله هز وسط .. وحزمني يا بابا ...

وقالها من قبله أونكل سفوت بعدم السماح بقيام قنوات تليفزيونية دينية ...

إنما لو في طلب لإنشاء قناة دينية ( نسبة للسيدة الفاضلة الدكتورة دينا ) فدي تبقى قشطة وممكن نديها قناة تانية هدية ...

إنما الحمد لله ما يطمئنني في الموضوع هو ذلك التباعد الذي يحدث يوم بعد يوم بين الشعب وبين القيادات السياسية الماجنة ... فالشعب المصري ولا نزكيه على أحد من أكثر الشعوب المتدينة وإذا كانت هناك قلة تسمح لنفسها بقبول الخزي والعري وقة الحياء .. فالحمد الله الغالبية العُظمى مازالت بخير وتقاوم هذا الإنحلال الحكومي الذي تعدى السياسة والإقتصاد ليصل إلى الأخلاق أيضاً ..

وهم يثبتون يوم بعد يوم بإنهم غير جديرون بالثقة ...

فرئيس الجمهورية اللي يحرص ويطلب " ورده الجزائرية " اللي بتطلع سكرانه سُكر بين على خشبة المرسح لإحياء ذكرى إنتصار أكتوبر ويلم الممثلين والمغنيين حواليه لمدحه وتعديد مناقبه .. يبقى لا مؤخذه .....

ولا بلاش ..

هانت والخلاص قُريب بإذن الله ...

[أشرف حليم]

أبادر بالقول بأننى ليس بينى وبين الأخوة الخليجيين أى ضغينة

فقط انا أشرت إليهم فى مداخلة سابقة فى نفس هذا الموضوع فقط لأن توقيت الأعلانات الأزمة جاء على مقاس الموسم الصيفى الخليجى و أى مصرى يعيش بالقاهرة المهندسين و ش جامعة الدول و التحرير و يمر من جوار رمسيس هيلتون أو يدخل المول أو يذهب إلى أركيديا على الكورنيش يعرف ذلك

و فقط أود الإشارة إلى أن الغربيين المنعوتون من قبل المتطرفين بأنهم كفرة و يأتون إلى بلدنا العفيفة لعمل كل المبقات أقل ضررا" و أشياء أخرى مع النساء المصريات فى هذا الشأن ...!! " لأننا لسنا و لن نكون تايلاند أو شرق آسيا

بمعنى آخر أن هذه المواضيع المشينة عند السياح الغربيين منهم فيهم مع بعض بعيد عنا مما لا يكسر عيننا .... و هو مرفوض ... كسر العين مع العرب!

و لا تنسوا أن أشياء أخرى أكثر عارا" و هو ما يحدث من بعض العرب من زيجات مشينة مع مصريات فقيرات ... بيع و شراء لمدة شهور قليلة ... دعارة تحت شعار الزواج

[أشرف حليم]

فقط عن بعض العرب و ليس كل العرب

موضوع حديث يبرهن عاى كلامى السابق!

من جريدة الأهرام العدد الصادر اليوم الأربعاء 22 / 6

أحوال عربية

بقلم‏:‏ عبـده مباشـر

‏20‏ مليون جنيه للعشاء مع ممثلة

المحروس ـ شاهد الممثلة المغربية الأصل ليلي رواس تلعب دور امرأة شهوانية ثنائية الجنس في المسلسل البريطاني زوجات لاعبي كرة القدم فهام بها ـ وبما أنه عربي شديد الثراء يملك المليارات‏,‏ فقد تصور انه قادر علي شراء ساعات معها‏,‏ لذا اتصل بمدير أعمالها لدعوتها لتناول وجبة عشاء معه مقابل مليون جنيه استرليني أي حوالي‏20‏ مليون جنيه مصري بالاضافة إلي تحمل تكاليف سفرها بالطائرة بالدرجة الأولي ذهابا وإيابا والإقامة في جناح فاخر جدا بفندق‏5‏ نجوم‏.‏

وبدأ الثري العربي في رسم سيناريوهات الوقت الذي سيقضيه مع هذه الممثلة‏,‏ ولم يدر بخلده أن هناك من يمكن أن ترفض مليون جنيه استرليني أيا كان المطلوب منها مقابل هذا المبلغ الكبير‏.‏

والمدهش أن ليلي رواس‏,‏ رفضت العرض‏,‏ وقالت إن من يدفع مثل هذا المبلغ لا يمكن أن يكتفي بمجرد العشاء‏.‏ وسرعان ماوجد الخبر الفضيحة طريقه الي الصحف حيث نشرته جريدة نيوز أوف ذي وورلد

ولم يكن الخبر هو أول فضيحة ـ بل مجرد حلقة من سلسلة لا تتوقف من الفضائح التي يقوم بدور البطولة فيها بعض العرب‏.‏

ومن حق عدد كبير من المراقبين العرب والأجانب أن يتساءلوا‏:‏ لماذا لا يظهر بعض الأثرياء العرب هذا القدر من السخاء ولا يبدون مثل هذا الكرم وهذه الأريحية إلا في مثل هذه الحالات ؟

والمهم أن الأثرياء العرب كانوا الأقل تبرعا لضحايا كارثة تسونامي‏,‏ ولضحايا الكوارث المماثلة حتي ولو كانت عربية‏.‏

وهذه الواقعة تعيد للذاكرة إقدام بعض العرب علي التبرع لمؤسسات خيرية في سويسرا ولحديقة حيوانات لندن‏,‏ وأن هناك عربيا ألقي بأوراق مالية كثيرة من نافذة سيارته في شوارع لندن‏,‏ أما الذين خسروا المليارات في نوادي القمار والمواخير بأوروبا والولايات المتحدة فهم أكثر من القدرة علي الحصر‏.‏

[الشبح الغاضب]

ليس جديد علي العرب ...

ولكن هذا بخصوص الاعلان جديد علينا ...

موضوع اهمال مشاعرنا اصبح في ارتفاع ملحوظ...

وكذلك غضبنا ......... في ارتفاع مرعب و مخيف :D :lol:

[b]مصر ملكة و لكن ...! :wub:

[se_ Elsyed]

إكتشفت حاجة بشعة جداً وهي إن الصهاينة المتخفيين في صرة مصريين والذين صمموا هذا الإعلان عاملين منه كذا نُسخة شاهدت منها 3 حتى الآن وكلها تدور حول نفس الفكرة وبنفس التسلسل ولكن كل مرة المناظر مُختلفة ، فمره الإعلان فيه يسرا والبت دينا وشوية ساقطات تايين ، ومرة تانية ما فيهوش حاجة من دي غير لقطتين تلاتة لبنات محتشمين ولابسين نص هدوم بس ، هربت من القنوات المصرية وقولت أتابع قناة أجنبية تُبث من دبي لقيت الإعلان ورايا ورايا ، في الأول فرحت وقولت هييه مش إحنا بس ( ظلمناكي يا إنعام ) ما هي دُبي بتذيع إعلانات زبالة هي كمان ، والله العظيم لسه ما كملتش كلامي لقيت قفا دينا طلع لي في الإعلان على كبشة بنات بالبكيني ورقاصة شرقية والواد خالد النبوي راكب البغل الأبيض وبعدين في الأخر يقولك " إبتسامة مصر ما تتنسيش "

قولت الله يحرقكم يا بُعده إنتوا عاملين لنا كوكتيل من نفس الإعلان ...

ولا عزاء لكرامة المصريين .

[مهيب]

نقلا عن موقع مصراوى ...

تصاعد الغضب الشعبي إزاء حملة للترويج للسياحة بمصر 6/28/2005

خاص لمصراوي - أثار اعلان ترويجي للسياحة في مصر غضب العديد من قطاعات الشعب المصري فيما بدأ البعض تنظيم حملة انتقادات واسعة للاعلان الذي نفذته هيئة تنشيط السياحة ويعرض على معظم الفضائيات بعنوان (ابتسامة مصر ماتتنسيش) يذكر أن الاعلان عبارة عن فيملين يركز الأول على مصر بصفة عامة ويظهر فيه لقطات عن النيل والأهرامات وبعض المقاصد السياحية ومدته 30 ثانية ،وتظهر في الإعلان منطقة الريفييرا بالبحر الأحمر وتظهر في المشاهد فتيات ترتدين ملابس البحر الفاضحة

ودافع أحمد الخادم هيئة تنشيط السياحة عن الاعلان قائلا انه يوضح للسائح العربي ان هذه المنطقة يرتادها أناس من جنسيات متعددة لتشجيعهم على زيارتها موؤكدا عدم وجود مايشوه صورة مصر في الإعلان اما بخصوص الفنانين المشاركين فيه فهم متبرعون ولم يتقاضوا أجرا عن ذلك مشيرا إلى أنه اذا استمرت الحملة إلى ما بعد يوليو المقبل فقد يتم تغيير الشخصيات في الإعلان وهو ما لم تعارضه الشركة المنتجة ، وقال الخادم إن الحملة أدت في الفترة الأخيرة إلى زيادة بلغت 16% في أفواج السياح مقارنة بنسبتهم في العام الماضي

من جهة أخرى بدأت حملة غاضبة من الشباب عبر الانترنت والرسائل البريدية الالكترونية والرسائل القصيرة لدرجة أن البعض قام بتصميم إعلان مضاد وتم وضعه على موقع على الشبكة الدولية ويحمل شعار مصر مش كدا باللغتين العربية والانجليزية

http://www.masrawy.com/News/2005/Egypt/Pol...une/27/egy.aspx

[Salwa]

بالأمس شاهدت على الفضائية المصرية .( جزء )..من برنامج حوار مع نجم ..

كان مع خالدة الذكر ........فيفى عبده.

ولن اعلق على مليون حاجة قالتها ولا انبهار المذيعة اللوزعية بالكفاح العظيم لسيدة مصر الثانية ...( ده لقب انا اضيفه عليها لأنها تستحقه عن جدارة ......بناء عن بزوغ نجمها فى سماء مصر....مع تعاقب الأجيال ))!!!.

.ولا ولا ولا ولا ......لكن ؟؟

الهانم ....قررت تعمل كام فيديو كليب ...وعندما قالت المذيعة :

يعنى حضرتك حاترقصى فى السن ده ؟؟

اجابتها بكل ثقة :

انا غلطت انى مصورتش اعمالى العظيمة ولهذا لسة فيه وقت والأجانب بيموتوا فى الرقص الشرقى ...(( هم فعلا بيموتوا ......بس من الاشمئزاز لما واحدة تعدى الستين وتقف ترقص بمنتهى الابتذال ..))...

ولهذا ولتشجيع السياحة ....

===============.

خدوا بالكم !!!!!

لتشجيع السياحة .....

============.

فهى حاتعمل كام فيديو كليب فى شرم الشيخ والأقصر واسوان وعند الهرم ...

وكدة يعنى ...

ده كلامها هى مش كلامى انا ؟؟؟

يعنى حتة ..........وكدة يعنى .........دى بتاعتها هى ..

لاحظت فى خلال الحديث المشوق ....انها حاتعمل مسلسلين !! وفى واحدة فيهم تقوم بدور صحفية ......وسألتها المذيعة ؟؟؟ آه ده اكيد صعب على سيادتك ؟؟

قالت :...

ربنا يعيننى بقى ..

انا اللى بقول :

ربنا يعيننى بقى ..

ويعيننا جميعا ......على تحمل كل القرف المتواصل ...

ابتداء من اعلى الهرم ......اللى اتقلب .

وحتى القاع .....اللى اصبح قمة ..

ولك الله يامصر ....

لك الله يامصر......

لك الله يامصر....

[مهيب]

ياااااااااااااه حتى رموز عظمة من كانوا يسكنون تلك الأرض (ولن أقول أجدادنا) سنخلطها بكل وقاحة بالابتذال و الاسفاف و -سامحونى- قلة الأدب ... منذ 5 سنوات كان الوزير الفنان العلامة الجهبز فاروق حسنى يريد أن يلبس الهرم طربوشا ذهبيا ...

و اليوم ستقف سيدة مصر الثانية فيفى عبده لتهز و تنز و ترقص فى تلك الاماكن ... اننا حقا قد استحققنا الأيام التالية ...

لكن ليست تلك بغريبة على قوم ساد سفاهاؤهم محترميهم .. و تزعموا ... و بطشوا و تباطشوا ...

خليها ترقص جنب الهرم ... خليها تعمل فيديو كليب و هى بترقص لتمثال رمسيس التانى ... خليها تشجع السياحة ... و خللى دينا هرم مصر الرابع تطلع فى اعلان عن مصر ... على انها علامة و رمز ... خللى واحدة زى اميرة فتحى تمثل ان شالله حتى افلام بورنو فى ساحة معبد (حتب- شت -سوت) ...

[IUnkown]

﴿

إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنتُمْ لَا تَعْلَمُونَ (19)

﴾

سورة النور الآية 19

هذا هو قول الحق سبحانه في من يحبون - فقط يحبون - ان تشيع الفاحشة فما بالنا بمن ينشرونها ويسوقونها بل ويفخرون بذلك

اللهم لا تعذبنا بما فعل السفهاء منا

[Alshiekh]

معلهش اعذرونى علشان اخوكم دقة قديمة ومش متابع الاحداث العظيمة

انا فاكر كان زمان على ايامى كان فيه حاجة اسمها شارع الهرم،

قبل كده كان فيه شارع محمد على وكلوت بك،

ياترى فيه ايه جديد دلوقت علشان الواحد مايبقاش زى الاطرش فى الزفة

والا باين علي فعلا بقيت اطرش بحق وحقيقى

[الشبح الغاضب]

اقتلوا كرامة المصريين في اي مكان تروها ...اسحق كسر دمر اي كرامة للمصري في اي مكان ....

ومن هم هؤلاء !!! اكثر من 80 مليون ليس لهم قيمة !!! فلنجعل حياتهم جحيم في الداخل و مذله في الخارج ...يجب ان يذلوا يجب ان يحرقوا يجب يجب يجب اي شيء فيه شر فليكن يجب ....!!!

هكذا يفكرون ... اعتقد ذلك او شبه متأكد

بدايه من احتقار مشاعرنا و كرامتنا و احساسنا و حبنا و افكارنا حتي احتقارنا نحن شخصيا كابشر حتي !!!

نحقن بالسرطانات في اكلنا و مشربنا و هوائنا

يريدنها ان تفشل في وظائفها !!!! و هي كليتنا العزيزة !!!!

معاملة من الدرجة الالف من الذين مفروض ان يحمونا !!!!!

نعامل كامجرمون او لآجئين في بلد اخر داخل المؤساسات الحكومية و اقسام الشرطة و المرور !!!

تفرقة عنصرية علي اساسا القومية داخل مصر فقط لآنك من المصريين !!!! (دائما بفتكر جنوب افريقيا مش عارف ليه !!! :wub: ) وهل من مانديلا اخر !!

نري بي ام عيونة الآجانب و هم يكرمون و يعاملون احسن من بلدهم و علي حساب المصري شخصيا

اغادر المنزل منفعل عندما اتأكد من هذا الكلام .... فيفي عبده و دينا المتحدثون عن مصر و يعملون للدعاية لها !!

دعوة صريحة للزنا في بلدنا

التي تحوي امهاتنا و اخواتنا و خالتنا و عماتنا !!!!و كل بنت و سيدة مصرية وجب علينا الدفاع عن عرضها و شرفها !!!

دعوة صريحة لكي يأتي هؤلاء لكي يشتروا المتعة في بلدنا بي اموالهم القذرة !!!

لا اعرف شعوري اذا رأيت اي شاب او رجل من الذين تم توجيه دعوة الاعلان لهم يتعرض لي اي فتاة محترمة او سيدة من ابناء وطني لكن اتعهد ان اصحح له الصورة و الرسالة الخاطئه..... :blush:

و طبعا معروف لمن هذه الرسالة موجها ... و من غيرهم عن طريق الجنس و الرقاصات و الخمر تأتي بيهم!!

احذرهم هنا قبل اي مكان ..صدقوني ..لقد اصبح الآناء ذو صفير يسمع و اهتزاز قوي و اصبح لونه يحمر من الحرارة ...

لا تعبثوا بي اعراضنا

هذا جنون

انه سكب البنزين علي نار مشتعلة متصلة لي 100000000 ك تي تن تي و 1000 قنبلة ذرية و نووية و300000 مليون طن برود :blush: