مش ممكن!

[Sherief AbdelWahab]

كنت سأسمي هذا الموضوع (......): قوسين وبينهم نقط تتخيل إيه الكلمة اللي كنت عايز أكتبها..

شاهدت أمس مناقشات مجلس الشعب لقانون انتخاب الرئيس..

انتظرت أن يتم الحديث عن القانون ، مميزاته ، وعيوبه ، ومواده .. لكنني صدمت بمهرجان خطابي قميئ مضحك لفرط سذاجته من نواب غير مدربين على التفكير ولا على الفهم ولا على البتنجاااااااااااااااااااان! :D

أهؤلاء هم من انتخب الشعب المصري؟

أهؤلاء هم من يمثلون الشعب المصري؟

لماذا لا يظهر الجهل والغباء إلا في مناقشة القوانين؟

مش ممكن.. والله حرام.. حراااااااام..

شكلك يا عمنا اخناتون ح تحجزلي أوضة في المستشفى جنبك!

خلص الكلام

[achnaton]

صباح الخير يا ابن الآصول ..

خلاص ربنا تاب على من حبسه الغرفة الواحده .. وتعليمات البالطو الأبيض .. فيه تعليمات أنيل .. واشد .. من الحكومة المنزلية .. استلفت من المحروسة قانون الطوارئ .. !! ومطلعى عينى .. كله ممنوع !!! حتى الدموع عندما اشاهد اخبار الفضائية .. !! على العموم انا حقوللك حاجه .. لو رجعت بالذاكرة الى الوراء وشفت اللى اتكتب واللى اتقال على محافظ الجيزة السابق اللى جابوه وزير للعدل .. دا كان تعيين مرسوم .. واعداد للمسرح الكبير لعرض مسرحية التغيير .. يعنى الموضوع مش بيبدأ من فبراير .. ده بقاله سنوات .. ورسم على تقيل .. واختيار الوزراء بمعرفة شلة الشر والفساد .. له ابعاد .. يعنى مثلا .. لازم يكون الوزير على رأسه بطحه .. يبقى سلس القياد .. وتنفيذ المراد .. ووزبر الاعلام الحالى اللى كان وزير الشباب .. ده ياسيدى صفحته فى النفاق والسلاسه .. تفوق الوصف .. وهو اللى اعد ونفذ وطبع موسوعة اعلام الرياده للألفية الثالثة فى دار النشر بتاعته فى مصر الجديده .. والنسخ المذهبة راح منها المئات لاصحاب التبلوهات .. والصور داخل الموسوعة والمكافأة منصب وزير الشباب .. ومساعد حاكم المحروسة الفعلى .. واس الفساد الحقيقى مفيد .. الغير مفيد .. برضه اتكلم امبارح .. والجدع الخايب ده اللى كان وزير اوقاف .. وخدوه لمجلش الشورى يشد من ازر العصابة هناك .. شفته امبارح وهو متصور انه واقف على منبر الأزهر ؟؟ !!

با اقولك ايه يا شريف .. خلاص .. انتهى العرض والصورة اصبحت شديدة الوضوح وتستحق منا ان نردد .. لا حول ولا قوة الا بالله المنتقم الجبار .. وعليك العوض يارب :D ..

[Alshiekh]

أهؤلاء هم من انتخب الشعب المصري؟

أهؤلاء هم من يمثلون الشعب المصري؟

لماذا لا يظهر الجهل والغباء إلا في مناقشة القوانين؟

يا أخ شريف اضحكتنى والله

نواب مين يا أستاذ؟

انتخاب ايه ياباشا؟

وبتسأل على الجهل والغباء؟

دا الجهل والغباء هو احد اهم مقومات الاختيار والتعيين فى ذاك المجلس

مش عايز اقول مجلس النفاق لان لايزال به اعضاء محترمين يستحقون كل احترام