يا خسارة يا دكتور نعمان

[achnaton]

اعتراضات علي إسقاط شروط التجنيد وازدواج الجنسية في مشروع قانون انتخابات الرئاسة

التجاهل مخالفة دستورية صريحة تتيح استقدام رئيس أجنبي الجنسية

توالت ردود الافعال الغاضبة من خبراء السياسة والقانون بسبب تجاهل شروط أداء الخدمة العسكرية وعدم ازدواج الجنسية في مشروع قانون انتخاب رئيس الجمهورية. هاجم الخبراء مشروع القانون لمخالفته للمادة »75« من الدستور والتي تضمنت عدداً من الاشتراطات الموضوعية للترشيح للرئاسة وأهمها التجنيد والمؤهل العلمي وعدم ازدواج الجنسية. تساءل خبراء السياسة والقانون عن أسباب عدم النص صراحة في مشروع القانون علي هذه الاشتراطات.

وأصرت اللجنة التشريعية بمجلس الشعب تحت ضغط من الدكتور فتحي سرور علي عدم النص علي جميع شروط الترشيح للرئاسة في مواد مشروع القانون وبخاصة شرطي تأدية الخدمة العسكرية وازدواج الجنسية. ورفض سرور اقتراحا وفديا[/c

الخيبة التقليه اللى مكتوبه فوق .. عبارة عن فقرات من الصفحة الاولى من جريدة الوفد " النعمانى " .. ضحكوا على رئيسة شهرين .. واعتقد انه وصل خلاص .. وحيتولى الوزارة !! وتحالف من الشياطين .. وتصدر جلسات الحوار الوطنى .. ؟؟ وجلسة واثنين وتلاثه .. وبعدها شاف الغتاته ..!! لبسوه هو والاخرين سلطانية قاسم ؟؟ تاج المحروسه .. وجاى الوقت بيشد شعره بعد أن غرقنا .. نجح ترزية القوانين .. وصبيان ابليس فى تفريغ المادة 67 واصبحت كالعدم ..

ماهى واضحه يا نعمان .. كيف يتضمن قانون انتخاب الرئيس شرط تأدية الخدمة العسكريه والمحروس ولى العرش تخصص فى السياسيات واللعب فى البورصات .. يعنى عاوز الشله تبنى حائط بينه وبين الكرسى الموعود ؟؟؟

والتعمان بيتناسى ما تكتبه الصحافة الجديدة .. بل والصحافة الاجنبية .. يعنى شريك فى " ميد انفست " مش حا يحصل على الجنسية الامريكية او البريطانية ؟؟ كل شئ يا حاج معمول حسابه .. وبدل ما المحكمة الدستورية تعترض على الترشيح .. لأ .. البند صريح .. ممكن الرئيس يكون حامل جنسية تانية .. ولا يشترط ان يدخل الجيش ..

والمولد انتهى يا نعمان .. والاعتراض كان زمان !! رجع الحزب لاصحابه .. يمكن يعدلوه وينشطوه ..

تم تعديل 20 أبريل 2006 بواسطة achnaton

[achnaton]

من امتى يا دكتور فتحى !! الحكومة بتسمع لانات الشعب .. ؟؟ الفصل المسرحى بتاع النهارده فى المجلس .. خايب خالص .. لكن احسن من مفيش ؟؟ وماطالب به اعضاء المعارضه لتصحيح الاضافات مطالبه صحيحة .. فكلنا نذكر الاشاعات التى واكبت زفاف الاخ الصغير لجمى .. تؤكد اعفاء الابن الاكبر من التجنيد لمرض الاخ الوحيد وبلوغ الاب سن الستين .. طبقا للقانون 505 لسنة 1955 الذى يعتبر الابن الاكبر عائلا للأسرة بعد مرض الشقيق الوحيد وبلوغ الاب سن الستين .. يعنى شهادة الاعفاء دى مكشوفه .. !!

اما ازدواج الجنسية يا كيمو الابالسة .. فبسيطة .. اتصالات دبلوماسية سريعة تسقط الدول جنسيتها عن المذكور قبل ان يتقدم باوراق الترشيح .. فيكون الاقرار انه لا يحمل جنسية اخرى صحيح .. لأ .. المفروض ان المادة تنص على ان المرشح لم يحمل جنسية اخرى على الاقل فى العشرين سنه الماضة !! وبعدين معاك يا كيمو ؟؟ :sad:

ما احنا قلنا من الاول .. اخرجوا من غيط الذرة يا ابالسه

تم تعديل 20 أبريل 2006 بواسطة achnaton

[Alshiekh]

ياعم اخناتون بلاش سوء الظن بتاعكوا ده، انت بس اللى مش واخد بالك

الموضوع ياسيدى انهم قالوا يمكن الدكتور سعد الدين ابراهيم يحب يرشح نفسه وانت عارف ان الراجل معاه جنسية امريكانى فمحبوش يسدوا الباب فى وش الراجل يعنى تقوم دماغك تاخدك بعيد وتفتكر ان كل ده علشان جمال والا علاء المريض ربنا يشفيه.

لا يا اخناتون بلاش الظن السيئ ده