مزيل للصدأ

[أبوخطوه]

بداية أحب أن أحيى تلك النخبه المحترمه الراقيه من الأعضاء....حاجه كده تفتح النفس...فى أيام زاد فيها أكل سد الحنك...حاجه فعلا كده تخلى الصدا الدماغى يبدأ فى الذوبان...المهم ربنا يستر وتكون اجزاء المخ سليمه وخصوصا اللى بقالها زمان مهمله ومتكنش تلفت زى بعض الأعصاب...المشكله اللى دايما محيرانى انى دايما بتفهم غلط...وعموما أهى فرصه أحكيلكم موقف يوضح كلامى...

فأنا من اكثريه ضاق بهم الحال والترحال فى حياة العزوبيه..واستسلم فى غفله الى سلطات الزواج...ولا اراكم الله فى عزيز لديكم...ونحن الرجال عادة نصبر على القضاء والقدر...وتجيلنا الكتمه بعد اللكمه...المهم مش حطول عليكم...حبيت فى يوم أخلص من الاتهامات بممارسة التقشف العاطفى وشد الحزام الرومانسى ولمعرفتى بحب وولع السيد المصون حرمنا للبسبوسه قررت شراء 13 كيلو...واحد يقول ليه 13 ؟!!...أأقوله انه يوم ميلادها وخطوبتنا وجوازنا...المهم فاجئتها...فى ساعة صفا ودخلت عليها بالبسوسه..وللصدف كان فيلم ريا وسكينه بيتعرض وأغنية حسره عليها مجلجله...فرحت بيها جدا وأكلت حته صغيره...قلت فى عقل بالى طبعا بقى أكيد شوية دلع عايزه تعرف غلاوتها عندى...قمت مصرانها تاكل البسبوسه كلها...ولما رفضت قلت طبعا يتمنعن وهن الراغبات....رحت مقرفص على رجلها وهاتك يا تزغيط.... :) .....بدأت تفرفر قلت من فرحتها...لكن للأسف...برضه فهمتنى غلط..وخصوصا بعد الغسيل المعوى وتقرير الدكتور ... قولولى بقى ذنبى انى حاولت أبسطها... :rolleyes: :)

[ممنوع من الدخول]

الى الاخ / ابو خطوة

تحياتى

انا عضوجديد . شدنى جدا هذا الموقع . كان فين من زمان. على العموم كل تاخيرة وفيها خيرة.

دخلت هذا المنتدى لاعرض مشكلتى على الاخوة المغتربين لايجاد الحل او النصح لمشكلة خاصة.

ولكن شدنى جدا مساهمات الاعضاء . ووجدت فيها ما يدل على امكانيات الاعضاء العالية جدا من الثراء الادبى و الثقافى والسياسى و ايضا الفكاهى .

لدرجة انى عايز اشارك بمساهمة فى كل موضوع .لكن بدات بالمواضيع التى لى فيها خبرة و احتكاك مباشر حتى تكون مشاركة فعالة ومقبولة.

مثلا موضوع ابن المصرية و انطباعات المصريين العائدين من الخارج. لانى عائد من الخليج حديثا. و موضوع كنس ام هاشم لان سيرتنا بقت على كل لسان برة و بقينا عجبة. بركينافاسو فيها انتخبات واحنا لسة بنكنس الاضرحة علشان ربنا يزيح الغمة .

اكثر ما شدنى فى كل المواضيع هو موضوعك. حيث وجدت تشابه كبير فى المضمون لحالتى .

خصوصا ما يتعلق بالرقم 13 . فقد تمت خطبتنا يوم 13 و كتب الكتاب يوم 13 و الدخلة كانت يوم 13 والكلام ده من 13 سنة . ولوكان فىه شهر رقم 13 كان القدر برضوا حيختاره . مش عارف ده دلالة لايه؟

عموما كنت مستسلم لقضائى و قدرى مقتنعا بان مش بايدنا حاجةوكله مكتوب واللى يجيبه ربنا كله كويس.

حتى جاء اليوم اللى تمردت بعده على كل شئ .

هذا الجزء حذف بواسطتي...

سكوربيون