نكتة عن الانتخابات

[ممنوع من الدخول]

عن موضوع الانتخابات و اللى بيحصل دلوقت . تحضرنى هذه النكتة سمعتها برة مصر . وارجو من كل من يقرائها يقوللى بتدل على ايه ان كان لها دلالة.

النكتة:

واحد من انصار التغير الجداد (اللى طلعين فى المقدر جديد . و ملوا البلد على راى محمد هنيدى) لقى الفانوس السحرى . قعد يدعك فيه لحد ما طلعله الجن بعد ما الراجل ايده اتبرت. ودار الحوار الاتى:

الجن : شبيك لبيك. لك طلبين.

الراجل اللى ح يموت على التغيير : طلبين ليه . هما مش كانوا تلاتة ؟

الجن : ياعم ده كان زمان. كل حاجة دلوقت اتقل بركتها. خليك وطنى و ارضى بقليلك.

الراجل : اول طلب نفسى ترجعلى ابويا اللى مات السنة اللى فاتت.

الجن : انت مجنون. فيه حد بيرجع بعد مايموت. راحت عليك امنية. قوللى الطلب اللى بعده

الراجل : وح تحققه . ولا زى المرة اللى قبلها.

الجن : طبعا . بس تكون حاجة مقبولة . حكاية ابوك ده ماقدرش عليها . ده مات خلاص.

الراجل : نفسى يبقى فيه انتخابات حرة . نفسى الرئيس يتغير.

الجن :نرجع لموضوع ابوك. قلتلى ابوك اسمه ايه . و مات امتى؟