واتهزمنا......اتهزمنا........اتهزمنا

[kotoz9]

اتهزم منتخب مصر امبارح من كوت فوار هزيمة مخجلة 2-0

اسباب الهزيمة كتير منها الخوف وترك طريقة اللعب الاساسية التى تعتمد على الهجوم واللعب بطريقة دفاعية منها ايضا اللعب بالعندليب فى الهجوم اللى تبين انه عندليب فقط على السودان وبنين ومنتخب الواق واق منها عدم الدفع بميدو من بداية المباراة.

بس فى الحقيقة يا جماعة ان دى فى اعتقادى مش الاسباب الرئيسية السبب الرئيسى هو عبط الكرة المصرية كوت فوار عندها 22 لاعب فى الدوريات الاوروبية واحنا عندنا 2-3 بالكتير وبان الفرق بين المحترف بجد والمحترف اى كلام فى اللى حصل بين هارونا وطارق السيد و بشير ودورجبا ووائل جمعة

علشان نتأهل كاس عالم لازم يبقى عندنا على الاقل 15 لاعب محترفين فى دوريات فرنسا وانجلترا و اسبانيا اما الهبل اللى عندنا ده بشير يحترف سنة واحده وتلاقى بيجروا وراه تانى علشان يرجع ....ميدو و احمد حسن عايزنهم يرجعوا علشان الصراع بتاع الاهلى والزمالك..........جتنا ستين خيبة هناك بيصدروا لاعبين هنا بنسترد اللاعبين اللى مشوا

يوم ما نبطل هبل و صراعات عقيمة و نلعب كرة القدم زى الناس اللى سبقونا حنصعد كاس العالم لكن بالهبل ده ابقوا قابلونى

[sourour]

الحمد لله على هذه الهزيمة حتى لانعتمد الحظ والجدعنه طريق لنا بل لابد من التخطيط بعيد المدى الذى نفتقده فى كل المجالات ليس عن جهل بل عن انانية لان كل مسؤل يريد ان يرى فورا ثمار عمله وتهليل مرؤسيه حتى لو كان العمل تافها اما العمل للمستقبل فقد رفع من القاموس منذ فترة بعيدة :

[محمد شلبى]

والله انا زعلان جدا من اللى حصلنا امبارح

ليه دايما بيحصل لنا كده :) ؟

ليه دايما منحوسين

الحاج حسن شحاته استلم المنتخب وعمل شغل جامد وياما هنا ياما هناك وعمالين نكسب بره وجوه والصراحة غير شكا المنخب تماما واللعب كله هجومى و3 رؤوس حربة و فجاة

:)

اول اختبار حقيقى تقمصته روح الجوهرى اللى الظاهر كده بقه لعنة مش هنخلص منها

تشكيل خاطئ

النجوم على الكة

6 مدافعين

التغييرات المتاخرة

خلاص مافيش فايده جتى لو جبنا مين هى طريقة الجوهرى والله العظيم انا حسيت انى بالظبط باتفرج على ماتش المغرب اللى غلبونا فيه هناك بهدف حاجى ,بنفس التفاصيل :D

حاجة تقرف :blink:

[أبو حميد]

تعليق عجبني

يا جماعة انتم ليه زعلانين او مضايقين ؟!!!

الحقيقة بتقول ان ده مستوانا الطبيعي واللي يقول غير كده يبقي عبيط

ده حجم لاعيبينا وده حجم مدربنا القدير

يعني بالذمة ازاي تكسب فريق بيلعب له دروجبا بتاع تشيلسي واللي قصاده عندليب الزمالك ؟!!!

انت هتركن حمارتك جنب حمارة العمدة !!!!!!!!!!!!!!

لو كان عبد الحليم جاب جولين امبارح كان ايه الفرق بينه وبين دروجبا

يعني كان حلم يلعب في مانشستر بقي علي كده

والاخ بشير ده لو كان ما نامش وشخر في الارض من ارونا كان هيبقي ايه الفرق بينه وبين مالديني ولا اشلي كول ؟!!!

ما كان لعب في ارسنال هو التاني

الفرق واضح يا سادة واللي مايشوفش من الغربال يبقي اعمي

بلاش جهل بقي

منقـــــــــــــــــــــــول

[se_ Elsyed]

الحمد لله على هذه الهزيمة حتى لانعتمد الحظ والجدعنه طريق لنا بل لابد من التخطيط بعيد المدى الذى نفتقده فى كل المجالات ليس عن جهل بل عن انانية لان كل مسؤل يريد ان يرى فورا ثمار عمله وتهليل مرؤسيه  حتى لو كان العمل تافها اما العمل للمستقبل فقد رفع من القاموس منذ فترة بعيدة  :

<{POST_SNAPBACK}>

لا فوض فوك .. هو ده الكلام ؟؟؟

بأمارة إيه عايزين نبقى من الكبار وإحنا عايشين سياسة اليوم بيومه ؟

طب أتحدى أتخن واحد في إتحاد الكوره يورينا خطط عمل لخمسة أيام جايه ...

إتحاد الكوره اللي هايخربها الإسبوع ده ويقعد على تلها ويعمل الدوري مجموعتين عشان يطلع لنا فرق فاشلة من الدرجة الثانية تسديداً لفاتورة حساب مسنادتهم لسمير زاهر في الإنتخابات ...

[peacefulofmind]

البداية كانت في الهزيمة من ليبيا والتعادل مع بنين

امر طبيعي الهزيمه من كوت ديفوار او الكاميررون في ملعبهم بس المفروض هما دول الست نقاط الوحيدين اللي نخسرهم بعد كده اي نقطه تضيع ليس لها اي عدر

في هده التصفيات كوت ديفوار تستاهل توصل وحتوصل واحنا كالعاده نستني ايطاليا اما تنظم كاس العالم

واخيرا من جد وجد حتي في الكوره

وساعات برده من جد وجد حتي في السرقه واسالوا فنطاس بيه

سلام