إنفعالاتى .. ومساجلاتى .. وتوابعى الشعريه والنثريه

[التونسى]

راجعه الطيور يا سماء

مليانـــه .. بالأشــواق

وبـــإذن رب كــــريــم

مش ناويه تانى فراق

راجعه الطيور يا سماء

راجعه الطــيور للــدار

علـــشان تزيدها عمار

ومحمــله.... بالـــخير

والشـــعر ...والأفــــكار

راجعه الطيور يا سماء

راجعه الطـــيور بورود

بحمـــاسه مالـــها حدود

أبو يحيى*ويا عصام*

وف وسطهم... محمود*

راجعه الطيور يا سماء

راجعه الطيــور.. وأكيد

جـــواهــا فـــرح ولــــيد

مـــقدرش اعـــبر عــنه

مهما ح قول.. وح عيد

راجعه الطيور يا سماء

راجعه الطيور من تانى

ف قلوبـــها بحـــر أمانى

ف كلامها نهر محبه

بيفيـض بأحلى مــعانى

راجعه الطيور يا سماء

راجعه الطيور بتزقزق

وعلى القاعات بتدقدق

فرحـــانه ومزئطـــطه

وا دى الرجوع اتحقق

راجعه الطيور يا سماء

[التونسى]

خويا الكريم ..((فنان فقير))

يفوقوا مين .. ويصحوا مين

هوا اللى باع .. هو العميل ..عنده ضمير

خويا الكريم..((فنان فقير))

بتقول لمين .. وتلوم فى مين

هو اللى خان .. تستنى منه أى خير

خويا الكريم..((فنان فقير))

صدقنى دول.. رايقين أوى .. ومأنتخين

((عبدة كراسى))..يشبهوا المستعمرين

واحنا ف نظرهم.. بالكتير .. يعنى .. قطيع

شمـــال شمال .. يمــين يمين .. لازم نطــيع

واللى يخالف .. إنت عارف .. راح يضيع

خويا الكريم..((فنان فقير))

سامعك بتسألنى أنا..((والحل إيه))
صعب السؤال ولكنى راح اجاوب عليه

؟
؟
؟
؟
؟

؟
؟
؟
هى الشعوب ..أيوه الشعوب

لازم تفـــوق .. وتنتفـــض

تغضب .. تثور ..وتعترض

هى اللى فى إيديها الامل

هى الى تقدر... بالــعمل

تزيـــــــح.. وترفع عننا ..الهم الكبير

والا انت ايه.. رأيك بقى

خويا الكريم

((فنان فقير))

25 مايو 2009

[التونسى]

ومن تانى

بعود .. وحنينى يسرقنى

من البُعد .. اللى دوبنى

لكنِّى .. عُمرى..مااااا... بنسى

وأغيب .. لكن هنا المَرسَى

هنا .. فى ضى نفحاتكم

هنا.. فى طى صفحاتكم

بلاقى نفسى وكيانى

بحس بمعنى وجدانى

والاقى نفسى .. من تانى

بدندن أحلى ألحانى


ومن تانى

صفحات العمر .. بيتكلم

وبشعره .. بيحكى .. وبيفَهِم

وبيفكر .. وبيعبر

وبيوضح .. وبيفسر

ومن وجعه .. بيتحرَر

لا ناوى إنه يتظَلِم

برغم إنه بيتألِم

ومن ألمه .. بنتعلِم

ما نستسلم .. ما نستسلم

ونفضل ((إحنا)) .. مش ((غيرنا))

ما تتلون ((ضمايرنا))

ما تتشوه ((معانينا))

ولو بدلنا ((أسامينا))

يجوز الشكل... يتغير

لكن ..عايشه.. وبتعمر


براءة قلبنا .. فينا


ما أحلى الرجوع اليه

[التونسى]

ياللى كلامك جميل
إشجينى .. سمعنى

ياللى خيالك حصان
إكتب .. ومتعنى

أحب فيض القلوب
بالحب .. يغمرنى

أحب طرح المشاعر
بالوجد .. يشبعنى

تم تعديل 20 أغسطس 2014 بواسطة التونسى

[التونسى]

أدوب انا .. من دا الخيال
شعرك شجى ..يادى الجمال
وكـــأنه .. وف عز الـــدُجى
قـــمر .. فى حــالة.. إكتمال

صبح الصباح .. تعظيم سلام
تســلم إيديك .. مفيش كلام
وتحيه خاصه حبتين
لاخواتنا دول المبـــدعين
الموهــــوبين... الطــيبين

تم تعديل 20 أغسطس 2014 بواسطة التونسى

[التونسى]

سكوووت .. بنحذر

إوعى تِصَوَر

وبلاش تتجاوز .. تتهور

أحسن تتبهدل .. تتعور

وكرامتك..تنداس..تتبعتر

و نذِلَّك .. ونهينك أكــــتر

إوعى تصور

أنت يا خَىّ .. عامللى فتوه

ولـ دراعات شِعرَك.. بتشمر

ليه ترمى بنفسك فى الهِوه

وتخـــللى حــــياتك تتــــدمر

وعضامك .. تصرخ بألامك

بعد ما تـــِدق .. وتتكـــسر

صهين .. إعقل .. ليه بتفكر

طَنِش..نعنِش..فرفِش..كَبَر

غمض عينك.. خالف دينك

ألله يبـــاعد .. بنا وبيــــنك

إوعى تِصَوَر

إياك تحــــــلم .. إنك تــــقدر

بالشِــــعر ..تعدِل .. وتغَيَر

لا يا حبيبى .. يا حبة عينى

ولا تحلم .. كان غيرك أشطر

ونصيحه من أخوك الاصغر

صورك دِيا .. بلاش تتكرر

يعنى .. قد أعذر من أنذر

إوعى تصور

[التونسى]

سلامتك م الحب... يا قلبى

و من نارُه .. ولياليه .. وأيامُه

سلامتك من تعبُه .. وألمُه

ومن شوقُه..وحزنُه..وأوهامُه

سلامتك .. ياللى اتحملت

وشفت الويل.. ويا الاحباب

سلامتك .. ياللى اتجرحت

ودُقت الحب.. هوان وعذاب

وسلامتك م الحب يا قلبى

تم تعديل 20 أغسطس 2014 بواسطة التونسى

[التونسى]

العصفور الطاير .. حاير

جوه ف قلبه ..بركان ثاير

وبرغم جناحه المكسور

لا بيهمد .. وتملِّى يدور

متلهف .. على شجر النور

لجل ما يرتاح ..على اغصانه

ويداوى.. جراحه ..وأحزانه

ويغرد ...أجمل ....ألحـانه

ويعوض عمره المهدور

تم تعديل 20 أغسطس 2014 بواسطة التونسى

[التونسى]

يا سلام ع التقوى ف أشعارَك
شمع .. ومِنقاد

بــــينور قــــنديل أبيــــــــــاتَك
وِيشِع .. بياض


دا عبير الطُــهر فى كلــماتَك
يشفى .. الأحقاد

يباركلى المولى فى إبداعَك
خويا .. العقاد

[التونسى]

وهاكم .. ريشتكم ((الأنفاليه)) .. يا مريدين ... تنغمس ((وفى مرة قد تكون نادرة)) ... فى مداد الحب وأغواره .. يقبض عليها بحنو ... الأخ الكريم ((شادى)) .. ليصيغ لنا جانب من جوانب موهبتها ..وإبداعها ....جانبا قلما نراه


أما عن الرساله .. المخطوطة ((بشجن)) .. على أوراق الحب ((العتيقة)) .. فهى رسالة عامة ... قد تجدون أنفسكم فيها .. أو فى جزء منها .. أو قد لا تمت إليكم بصلة تماما ... ولكن أصدقكم القول .. فى نهايتها ...

ستخرجون بشئ ... حتما ستخرجون بشئ

هو : كائن حى ..مثلنا.. يأكل ويشرب ... يخطئ ويتوب .. كل ما يميزه ويفضله ... على العالمين .. أنه يحتل المقدرات ... والنقاط الحصينه... فى قلب إمراءه .. لن تشكوا فى ذلك ..لو رأيتموه .. أما عن العيب ... فهو فى عيونكم .. خذوا أعينها وشاهدوه بها .. وستدركون ساعتها ... كيف تنشأ الاسطورة



هى : منذ بدء الخليقه .. ومنذ أن خلقت منه .. وهى تنجذب الى أصلها .. ذاك هو السر ببساطه ....وعندما تجد المراءة أصلها .. فى خضم زحام الحياة ... تبدأ القصه .. إما بسعادة لا تنتهى ... أو بعذاب يفور ويصطلى ... فمفتاح قلبها .. فى أغلب الأحايين .. لا يوجد منه ...الا نسخة واحدة .. تقبع ... فى جب أحدهم



مع خالص تحيتى وتقديرى لمن أمتعونا بتلك الامزوجه الابداعيه

[التونسى]

أيوه حقاوم .... أيوه حقاوم

مش حسمح... لعدوى يساوم

أيوه حقاوم .... أيوه حقاوم

مش حتخاذل .. ولا حتنازل

وبتوفيق المولى ... حواصل

أيوه حقاوم .... أيوه حقاوم

مش حستسلم ...مهما اتألم

مهما طريقى..يطُول..ويضَلِم

أيوه حقاوم .... أيوه حقاوم

نصر أكيد .. أو أبقى شهيد

كده أو كده ... أنا حبقى سعيد

أيوه حقاوم .... أيوه حقاوم

31 يوليو 2006

[التونسى]

سيادة ال .... فـــــــــــلان
تقول جبان ..أو.. أُلعوبان ؟؟؟؟
تقول غبى .. ساق الجنان؟؟؟؟
تقول عفا عليه .. الزمان؟؟؟؟

سيادة ال .... فـــــــــــلان
تقول حاكمها .. بالحديد
بالإعتقال .... وبالوعيد

سيادة ال .... فـــــــــــلان
يشبه شيمون..يشبه كوهين؟؟؟؟؟
يمكن شارون .. أو بنيامين؟؟؟؟؟
فى كل دول .. طب هو مين !!!؟؟
طب هومين .. طب هو مين !!!؟؟

سيادة ال .... فـــــــــــلان

17 يونيو2006

تم تعديل 20 أغسطس 2014 بواسطة التونسى

[التونسى]

تعودين حقا .. فأعود ... لأتبعكِ .. جامعا .. ماتنثريه من سطور .. تحمل عبق الورود .. و..

و....




و.....




أعود




أما عن الكتابه .. فهى فى حالتكِ .. وكما رأيتها ..فيما كتبتين .. هى حالة ((إعتياد وتعود)) .. ولكنى احسبها ليست بالعادة السيئه .. قد تكون من وجهة نظرى ترياق مرير المذاق .. ولكنه ..وفى نهاية الأمر.. أو كما يقولون هنا ((at the end of the day )) هى ترياق .. أى يخفف ويعالج.. أليس كذلك!؟



أما عن الماضى .. أراكِ تتجاوزيه .. تروضيه .. تقلمى من أظافره .. وتهذبيه .. ولكن حذارى .. بكل التجاهل تتجاهليه .. فقط شذبيه .. خذى منه العظة والعبره .. و((أشكريه)) .. فليس ماضينا .. كله .. ((كريه))



أقولها دائما ((خير ان شاء الله خير .. وكل الاشياء خير .. حتى لو بدا لنا عكس ذلك . ولنا فى القصص القرأنى الكثير من الدلائل والبراهين ))

الماضى ...بحلوه وبمره... لا يعود .. ولكنه أيضا لا يموت .. تذكرى هذا دائما ..حتى لا ترهقى نفسك الرقيقه الطيبه ((الإنسانيه))

__________________________________


أما عن الراحل ... أحسبه صديقنا المشترك ...وسواء كان هو أم لا .. هى فرصة لكى أعترف ..أننى بدونه ها هنا أكاد أختنق ....فهو من (الرئات)) التى أتنفس بها ..رغم إختلافنا فى أراء كثيره .. ولكن لم يمس هذا الاختلاف أبدا أبدا .. من مقدار حبه ومعزته فى قلبى ... وأدعو الله ..أن تجد تلك ((الرئه)) نفسها الهائمة التائهة يوما ما


___________________________________

إنتهيت أنا .. رغم كثير البوح .. وجليل الخواطر .. فى ذهنى .. ولكن لسبب لا أعرفه ((قد يكون لأننى مغمور الان ببئر الشجن)) .. لسبب ما أكتفى بهذا القدر.

أسعد الله أوقاتكِ أختاه .. وأدام عليكِ الصحة والعافيه .. وأمطرتكِ السماء بوابل من راحة البال . والسكينة ..والهدوء والسلام النفسى


مع خالص تقديرى واحترامى وعرفانى لاحدى رئاتى التى أتنفس بها ها هنا ..وها هناك

تم تعديل 20 أغسطس 2014 بواسطة التونسى

[التونسى]

مصر .... بلدنا .... مصر يا ((إحنا ))
ياللى .... فداكى .... دمانا .... وروحــنا
م الإرهاب ...... ربنا .. يحميـــــكى
وبإذنهُ .....حتعدى .....المحنـــــه

مصر .... بلدنا .... مصر يا ((إحنا ))

مصر .. يا قبر ... المحتلين

شايف... حواليكى .. السكاكين

دا بيحلم... ب(الدوله الكبري)
ودا مهووس..متخفى..ب(دين)

مصر بلدنا .. مصر يا ((إحنا))
ياللى فداكى .. دمانا .. وروحنا

مصر ..يا غاليه ..يا عاليه ..تعيشى

نبكى ..... عشانك ..... ولا تبكيشى
ولا تتهزى .... م اللى .... خانوكى
دول .... عمايلهم ... (حلمنتيشى )
وانتى .. بإذن الله ...... حتعيشى

وبإذنهُ .....حتعدى .....المحنـــــــــه

مصر (بلدنا ) ... مصر يا (إحنا)

[التونسى]

وأنا عن نفسى .....كدا مع نفسى

دايما احاول ...... اجاهد نفسى

أحيى ف أملى .....واكافح يأسى

ناس أقابلها .. تطيب خاطرى

وناس أقابلها ... بتكسر نِفسى

وأنا عن نفسى .. كده مع نفسى


أنا مع نفسى .. لكن مرتااااح

رامى حمولى .. على الفتاح

يوم .. فرحان .. متهنى .. سعيد

ويوم... بتنفس ... ضيق .. وجراح

وأنا عن نفسى ... كده مع نفسى


أنا مع نفسى .. الشاب العادى

عصفور الاشجان الشادى

رغم الحزن ((الساكن )) فيا

بحمد ربى ... ودايما راضى

وأنا عن نفسى .....كدا مع نفسى

[التونسى]

نتغير فعلا .. كتغير الفصول الأربعه .. وأحسب اننى قد اتغير فى اليوم الواحد أكثر من مره .. فهذه هى طبيعتى النفسيه المزاجيه .. عند الاستيقاظ يغلب علىَّ الوجوم .. وشعور محبط وخائف .. من يوم جديد مملوء كالعاده بالمعاناة .. مايلبث أن يتغير الى شعور قوى بالتفاؤل .. النابع من(( تحدى)) .. لا اعرف مصدره ولكن أعرف اسبابه .. فهو صراع من أجل(( البقاء)) .. ومقاومة ((البكاء)) ..وأتنقل بين فصولى حياتى الاربعه ((الخاصه والغير تقليديه)) ..لاهثا .. متقلبا .. محيرا نفسى ..والجميع.. فى أمرى.. وفصولى الاربعه الخاصه تلك هى ((فصل الجنون .. فصل الحكمه .. فصل العبره .. وفصل الكتابه))


كل هذا ... ورياح الوحده ((الخريفيه)) ... هى المؤثرات الصوتيه ليومى الدرامى.... الملئ بالوحشه .. وسرعان ما أهرب من برودة(( شتاء ))الغربه ...الى دفء عالمى الافتراضى .. لأتنسم فيه بعضا من نسائم(( الصيف)) المنعشه

ولكن ...رغم كل هذا ... أحر ص دائما ... رغم أنف نفسى الأماره بالسوء...ورغم الذلات والذنوب.. أحرص أن يظل قلبى ((ربيع )) .. وربيع القلب ...يبدأ بغرس فسائل الحب .. ونزع جذور الكراهيه .. وتغيير ستائر القلب السوداء .. بستائر أخرى .. تشبه فى ألوانها ..زهاء الروض الخميل

__________________________________________


كل قلب .. وله مفتاحه

وما نحن .. ((شئنا .. أم ابينا ... إعتراضنا ..أوعاندنا ))إلا طوع لأفئدتنا .. تحركنا كيفما شائت ((إالا من رحم ربى )).. والغريب أن القلب فى النهايه .. وبعد انتصاره علينا .. يسلم مقاليد الحكم فيه .. لقلب أخر .. فيظلمنا هذا القلب الاخر .. أو يتقى الله فينا !!!!


أللهم يا مقلب القلوب .. ثبتنا جميعا على الأيمان


دمتِ أختاه .. كما يحب لك الله أن تدومى

[التونسى]

الحب أجنحتى...

معه .. وبِه.. أسمو... أعلو .. أرنو .. وأدنو من السماء



الحب قرينى...


أفتح عليه عيناى .. وأغمضها ... فى يقظتى أبُثُه .... وفى الحلم أراه



الحب ترياقى ...


يعالج أسقامى ... يشبع وجدانى .. يزكى نفسى الأمارة بالسوء




الحب هدفى ...


أبحث عنه .. وأنقب ... يزوغ منى أحيانا ... فأطارده .. محاولا أسره .. ولكن .. هو الذى يأسرنى فى النهايه



الحب عطرى ...


عبق أيامى الموحشه .... دفء غربتى المضنيه .. أنيس فؤادى الخفاق

الحب حبى....


الحب .. وما أكثر تفسيراته عندى .. الحب بمعناه العام .. ليس مجرد الحب العاطفى ..بل حب الله .. حب الأشياء .. حب الأمكنه .. حب الشخوص .. حب الحب

ويكتفى إلهامى بهذا القدر

[التونسى]

أما آن لك ... أيها العصفور الجريح

أن تهدأ ....وتستكين .....وتستريح

فلتصمت قليلا .... فـ عَلَما تصيح

فالحمقى طُرشان.. ب احساس كسيح

ولتحلق بعيدا....... بعيدا.... بعيدا

فالحياة مليئه ........ والبراح فسيح

أيها الجريح !!!!!!

تم تعديل 20 أغسطس 2014 بواسطة التونسى

[التونسى]

أبحرت معكِ فى خضم دنيا العشاق .. فوجدت العذوبه تنبع من ثغر إلهامك الرقراق

وجدت المراءه حينما تعشق بجنون ..فتفتح أبواب جنتها على مصرعيها للرجل


وجدت الرجل كيف يرفل فى السعاده ..حينما يمتلك مفاتيح تلك الأقفال الموصده لأنثى


وجدت أمتزاجا تاريخيا ... ودفئا فى أجواء دنيويه بارده.. وهواءا منعشا يحمى عاشقين من لفح حياة حاره قاحله

وجدت لغة أحب التحدث بها كثيرا... لغة لا تنطق ...ولكنها تحس.. لو تعلمون


إبداع متدفق ... جارف.... غسل قلبى .. وعطره

تم تعديل 20 أغسطس 2014 بواسطة التونسى

[التونسى]

الحب

أن تكون جميلاً .. وسيماً ..وضاء القسمات

أن تصبح أكثر خفه .. ورقه .. ورهافة ..وعذوبه

أن ترفرف بلا أجنحه .. أن تحلم بدون نوم

أن تبحر فى قوارب القصائد الرومانسيه

وزوارق الاغانى العاطفيه

أن تسبح فى تيارات من الموسيقى الناعمه

أن تصاحب الكون .. فترى منه وجهه الحسن