محتاج مشوره ...تشتري عربيه من هنا وتنزلها ولا من مصر

[eryocool]

السلام عليكم
محتاج مشورتكم يا مغتربي الخليج
مثلي مثل اي واحد عايز بعد سنين الغربه دي كلها انزل اركب عربيه كويسه في مصر
مش فيرنا لا لانوس مع احترامي لملاكهم

انا عايز اركب عربيه في مصر بس في الفئه اللي فوق ال 200 الف بالنسبه لفئات مصر
يعني باسات سكودا اوبل انسجنيا او اي عربيه كروس اوفر مثلا كيا سبورتن او هيونداي فور باي فور كده يعني

بس مش عارف الواحد يشتري من هنا ويقسط وبعد كده يجمركها
ولا لما ينزل مصر يحلها حلال

بس الصراحه الواحد حاسس لما ينزل حيستكتر يدفع مثلا 250 الف كده مره واحده في عربيه
لكن لو جابها بالتقسيط هنا ممكن مش حيحس بيها اي

وفي ناس بيقولوا ان هنا العربيات كمالياتها اقل من مصر
مع اني شايف ان التقفيل هنا وعيوب الصناعه احسن

وفي نفس الوقت الواحد خايف يجيب هنا سكودا او باسات او اوبل
ويضطر يبيعها مثلا لاي ظرف سوقها ينزل النص علطول

او لو حصل حاجه ملهاش قطع غيار هنا اوي



الصراحه الواحد محتاار ومش عارف يفكر
انتوا رايكو ايه
مع العلم محدش يحط كورولا ولا النترا في الاختيارات ((( بالبلدي بكرههم ومستغليهم ))
عربيتين حلوين وعمليين بس مش عاجبني ومش حاببهم علما ان عربيتي دلوقتي كورولا

وعايز حاجه تكون اعلي في الفئه و البرستيج


انتوا ايه رايكو ولو فيه اقتراحات لعربيات تانيه
بس تكون 1600 فقط

[المخنوق دائما]

وعن تجربة أصدقاء ليا لسيارات 1600 سي سي
اى عربيه هتجيبها وهتنزلها بعد 4 سنين هتبقى المعادله كده
سعرها فى الخليج + الجمارك بعد الخصم +الرشاوي = سعرها فى مصربعد 4 سنين -(10,000 الى 15,000) جنيه

يعنى هتستفيد بالفرق اللى هو 15 الف بالإضافه للمواصفات الخليجي بالإضافه انك المستخدم الأول

الكلام ده فى حالة الشراء "كاش" أما فى حالة الأقساط هتكلفك أكتر من سعرها فى مصر

أما بالنسبه للأنواع غير هيونداى وكورولا وكيا فممكن :
هوندا سيفيك
مازدا 3
فورد فوكس
تيريوس
جيتا
رينو فلونس