اجراءات سفر المدرسين واسعار التحاليل ومستشفى جامكا الجديدة

[أحمد محمد علي عمر]

طبعا زي ماكلنا عارفين حجز النت 250 جنيه وتحاليل الفيروس في معامل وزارة الصحة بقت ب250 جنيه موضوع 120 جنيه ده اتلغى

اي مستشفى تبع جامكا ب 410 جنيه وفيه 20 جنيه بتدفع هناك (في جامكا) وطبعا بتعمل فيش وتشبيه الغرض منه السفر للسعودية موضوع انك تعمله في العباسية مستعجل اتلغى مبقاش فيه اي فيش بيتعمل بتستلمه تاني يوم والعباسية مقصورة على الأقاليم فقط ومش كل الأقاليم.

وتعمل اقرار من الشهر العقاري الي انت تابع ليه موثق انك مسفرتش السعودية قبل كده خلال 5 سنين(ده انا عملته) هل لازم 5 او 3 مش عارف.

الشهادة المؤقتة لازم تكون مختومة ومصدقة من الخارجية.

شهادة الخبرة لازم تكون من المدرسة الي انت فيها وتختمها من الإدارة والمديرية التعليمية والمحافظة وتصدقها من الخارجية.

المهم يارجالة حد يعرف القطاع الخاص بيطلعها ازاي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هل البطاقة لازم يكون فيها مدرس ولا مش شرط

سؤال لأستاذ خالد هل ينفع سفري من غير شهادة الخبرة الكفيل يبعت خطاب للسفارة بعدم الممانعة او حاجة زي كده

تم تعديل 24 أغسطس 2014 بواسطة أحمد محمد علي عمر

[هيثم خالد فضة]

اهم حاجة تأشيرتك مسمى ايه ؟ لو مكتوب مدرس فى التأشيرة , يبقى برده لازم يكون مدرس فى البطاقة !!!

بس اسأل برده اتأكد و يا رب اكون أفدتك !

[أحمد محمد علي عمر]

على فكرة شهادة الخبرة مش شرط من الإدارة التعليمية ممكن من مدرسة خاصة وتكون موثقة من الشهر العقاري ومصدقة خارجية وتدخل السفارة عادي واستاذ خالد اعتقد انه ممكن يدلو بدلوه في الموضوع