ماذا تفتقد فى مصر وأنت خارجها

[أبو محمد]

الموضوع مفتوح للجميع ..

المقيم فى مصر وبيسافر رحلات أو مأموريات ويرجع لها

اللى بيشتغل بره وفى باله إنه راجع راجع

المهاجر .. بالذات من الجيل الأول اللى ما لحقش ينسى

والمهاجر أو اللى بيشتغل بره بيشمل اللى خرج لظروف معينة

أو اللى طلع طفشان من البلد واللى فيها

أكيد كل واحد من دول فيه حاجة بتوحشه فى مصر مش بيلاقيها بره

أدخل وقول إيه اللى بيوحشك

flx:

(غير الشطافة)

لأن أكيد كل واحد من التصنيفات اللى فاتت بيقول بينه وبين نفسه

http://www.youtube.com/watch?v=g6-EuORK5hc

[باهى الطائر الحزين]

المساجد الأثريه

السيده الحسين القلعه

الدرب الأحمر العباسيه

القاهره الفاطميه

كرموز عمود السوارى

جليم بحرى المنشيه

كورنيش اسكندريه

ووالله

اشتاقها وانا بداخلها !!

[عبير يونس]

النسيم المنعش جدا بليالي الصيف

و الذي يجبرني أن اتسربل بغطاء عند النوم :)

ريحة بحر إسكندرية و زرقته المدهشة و القهاوي اللي على البحر و حدائق المنتزه

بسطات الجرايد و المجلات و الكتب

اوبن بوفيه :)

ريحة العيش البلدي و هو لسه طالع من الفرن

تأمل الناس في المواصلات العامة و ميلهم للمساعدة دون سابق معرفة و بلا أي تذمر

في تفاصيل كتييييييير

بس دي اول حاجات جت على بالي

[أبو محمد]

طب والمنظر ده اللى مش ممكن يكون له مثيل فى العالم

:quest: :Exclam:

[أبو محمد]

عندما أكون فى الخارج

أفتقد شوارع وشواطئ اسكندرية بالذات فى الصيف

كل حاجة صاحية 24 ساعة فى اليوم 7 أيام فى الأسبوع

فيه أى مصرى شاف الكلام ده بره مصر ؟!

[Scorpion]

قعدة اصحابي ...

التمشية في شوارع حتتي ..

نزولي في اي وقت علشان اشتري حاجة .. و الاقي اكتر من محل مفتوح بيبيعها ...

القداس الأرثوزكسي ...

و الأهم ... ارجع تاني مجرد ابن ..

[Salwa]

ناس مصر...كل الناس .

سماع اصوات الناس وهى بتتكلم عربى .

دوشة الشارع وسماع أغانى مختلفة على كل الأذواق ف أى كافتريا .

بحر سكندريتى ..

افتقد احساسى انى ...جزء من كل .

افتقد ..مصر التى تعيش فى خاطرى ....التى كااانت.

افتقد مصر كلها ....وأحن لكل ايامى بها .

:flr1: :flr1: :flr1: