سؤال من فضلكم حول فائدة الودائع

[Scorpion]

بمناسبة شهادات قناة السويس و فائدتها التي تبلغ 12% ( اعتقد ان لهذه النسبة الجانب الأكبر في تزايد الطلب عليها من المصريين ) ...

ماهي الفائدة علي ودائع البنوك و ودائع مصلحة البريد و ما هو الأفضل ؟

برجاء الرد علي الجانب الإقتصادي فقط ...

[التونسى]

فيه على فكره ودائع ببعض البنوك الاجنبيه وحتى المصريه تضاهى بل وتزيد عن شهادات قناة السويس.. انا معلوماتى دى استقتها من حوالى سنه لما كنت بمصر .. واعلى فائدة وديعه خبرتها كانت وديعه تبع ((على ما اتذكر)) بنك التمنيه والائتمان الزراعى او بنك المهندس ((مش فاكر صراحه)) وكانت بحوالى 17 % .. بس طبعا مربوطه بعدد سنين اكتر يمكن حوالى 7 سنوات .. انا عن نفسى عندى وديعه مدتها 3 سنين تبع cib وبفايده 11 ونصف % .. اما عن البوسته .. فمسمتعتش او معرفش ان كانوا عندهم وادئع او لا .. الافضل من الناحيه الاقتصاديه هى الوديعه الاقل فى سنوات الربط والاعلى فى نسبة الربح .. يعنى انا افضل وديعه مربوطه ب3 سنين بفايده 11 % عن وديعه مربوطه بخمس سنين بفايده 12% .. لان فى مصر قيمة الجنيه بتقل مع زيادة نسبة التضخم والاسعار باستمرار .. مثلا ومن عشر سنين بالضبط وانا مسافر انجلترا كان معايا 25 الف جنيه فلوس مش عارف اعمل بيها ايه .. لو كنت حطيتهم وديعه ب 12 % كانوا جيجيبوالى فى السنه ارباح 2500 .. يعنى فى العشر سنين 25 الف جنيه .. مع اضافة الفوايد المركبه ((لو استثمرت الفايده كمان)) قول كمان 15 الف جنيه .. يعنى المجموع بعد عشر سنين 25 +25+15= 65 الف .. انا بقى ربنا الهمنى وقتها اجيب شقه تمليك صغيره بالفلوس دى .. كاستثمار .. الشقه دى بعتها بعد 8 سنين ب 140 الف جنيه وكنت مستعجل كمان .. ويمكن دلوقتى تعملها 180 الف جنيه ..

[Scorpion]

الف الف شكر علي الرد الوافي يا التونسي باشا ..

[أبو محمد]

سكوب .. إقرأ آخر مراجعة لأسعار الفائدة فى يوليو الماضى

شهادة التميز "بنك مصر" و الشهادة البلاتينية "البنك الأهلى" هما المقياس

ولا أذكر نسبة الـ 17% التى يتكلم عنها صديقنا الشاعر إلا فى الثمانينات

خد بالك .. هناك فرق بين الوديعة والشهادة

الأهلى يرفع العائد على الشهادة البلاتينية بـ1%

الإثنين 21 يوليو 2014 - 12:36 م

البنك الأهلي

كتبت ــ صفية منير:

خبير: التضخم قد يلتهم زيادة العائد على الودائع

انعكس قرار لجنة السياسات النقدية بالبنك المركزى بزيادة أسعار الفائدة بنسبة 1% على أسعار العائد على عدد من الأوعية الادخارية بالبنوك، حيث أعلن الأهلى، أكبر البنوك العاملة فى السوق، عن رفع سعر العائد على الشهادة البلاتينية، ذات العائد ربع السنوى بـ1%، ليصل إلى 10.5%.

وقالت زينب هاشم، رئيس مجموعة الخزانة بالبنك الأهلى، إن البنك قرر رفع الفائدة على الشهادة البلاتينية بـ1%، بينما تم رفع سعر الفائدة على الودائع، لكن بنسب مختلفة.

وأضافت هاشم أنه فيما يتعلق بالفائدة على شهادات الإيداع الثلاثية والشهادة الخماسية سيدرس البنك قراره بزيادة العائد عليها، أو عدم زيادته حسب توجهات السوق، وتوجهات البنوك المنافسة.

كما أعلن «بنك مصر» عن زيادة العائد على الوعاء الادخارى «شهادة التميز» إلى 10.5% سنويا بدلا من 9.5%.

«القطاع العائلى هو المستفيد الأكبر من زيادة أسعار الفائدة، لأنهم يمثلون 80% من المودعين فى البنوك»، كما يقول الخبير المصرفى أحمد آدم، إلا أن الزيادة المتوقعة فى التضخم قد تلتهم زيادة العوائد، التى تقرها البنوك على ودائعها الادخارية، كما يضيف الخبير.

وبلغ معدل التضخم السنوى 8.2% فى شهر يونيو، ومن المتوقع ارتفاعه فى الشهر التالى، الذى شهد زيادة أسعار المواد البترولية، «أعتقد أن البنك المركزى سيرفع سعر الفائدة مرة ثانية خلال العام المالى الجارى»، كما يقول آدم.

[أبو محمد]

فيه على فكره ودائع ببعض البنوك الاجنبيه وحتى المصريه تضاهى بل وتزيد عن شهادات قناة السويس.. انا معلوماتى دى استقتها من حوالى سنه لما كنت بمصر .. واعلى فائدة وديعه خبرتها كانت وديعه تبع ((على ما اتذكر)) بنك التمنيه والائتمان الزراعى او بنك المهندس ((مش فاكر صراحه)) وكانت بحوالى 17 % .. بس طبعا مربوطه بعدد سنين اكتر يمكن حوالى 7 سنوات .. انا عن نفسى عندى وديعه مدتها 3 سنين تبع cib وبفايده 11 ونصف % .. اما عن البوسته .. فمسمتعتش او معرفش ان كانوا عندهم وادئع او لا .. الافضل من الناحيه الاقتصاديه هى الوديعه الاقل فى سنوات الربط والاعلى فى نسبة الربح .. يعنى انا افضل وديعه مربوطه ب3 سنين بفايده 11 % عن وديعه مربوطه بخمس سنين بفايده 12% .. لان فى مصر قيمة الجنيه بتقل مع زيادة نسبة التضخم والاسعار باستمرار .. مثلا ومن عشر سنين بالضبط وانا مسافر انجلترا كان معايا 25 الف جنيه فلوس مش عارف اعمل بيها ايه .. لو كنت حطيتهم وديعه ب 12 % كانوا جيجيبوالى فى السنه ارباح 2500 .. يعنى فى العشر سنين 25 الف جنيه .. مع اضافة الفوايد المركبه ((لو استثمرت الفايده كمان)) قول كمان 15 الف جنيه .. يعنى المجموع بعد عشر سنين 25 +25+15= 65 الف .. انا بقى ربنا الهمنى وقتها اجيب شقه تمليك صغيره بالفلوس دى .. كاستثمار .. الشقه دى بعتها بعد 8 سنين ب 140 الف جنيه وكنت مستعجل كمان .. ويمكن دلوقتى تعملها 180 الف جنيه ..

المقارنة بين وعاء استثمارى ووعاء آخر شئ تانى خالص يا شاعر

يعنى الاستثمار العقارى ليس المؤثر فيه التضخم فقط كما قارنت فى مداخلتك

فالاستثمار العقارى يؤثر فيه عوامل كتيرة مثل وقت الشراء مثلا

يعنى لما تشترى فى منطقة لسه "بكر" غير لما تشترى فى منطقة حصل فيها تنمية

المنطقة البكر بيزيد تمنها بزيادة التطوير والتنمية فيها وده مالهوش دعوة بالتضخم

كمان بيؤثر فيها موقع العقار .. يعنى طلع إيه بجواره (سوق تجارى .. مدارس .. مرافق .. منشآت ترفيهية .... إلخ)

طبعا إلى جانب التضخم وقيمة العملة

[Salwa]

مساء الخيرات .

شوف ياأخى الفاضل وطبعااا سوف اتحدث معك عن واقع .

بنك الاسكندرية يعطى فائدة على حساب ب دفتر التوفير 8%....

الحساب ده عندى منذ عام 1992 ...وكانت الفائدة 9.5 %....لكنها منذ اشتراه الايطاليون ..
اصبحت الفائدة 8%.

بنك باركليز ...ممكن نقول ان التعامل معه لايزيد عن عشر سنوات ...

شهادات مربوطة على ثلاث سنوات ...فائدة 10%.....

سنة قبلها توجد شهادات على 9 %...تنتهى هذا العام ..
قالوا أن الفائدة هذا العام سوف تكون أقل كثيراااا....((( كان هذا قبل موضوع شهادات القناة )))

اظن انهم الآن سوف يراجعون اوراقهم ...
بالنسبة لحساب التوفير ( فى البريد )...أظن ان الفائدة 11%....لكن بالنسبة للحسابات الجديدة ...أقل .(( لم اتعامل معهم ))
ايضا....لااعلم الموقف بعد شهادات القناة..

موضوع فوائد 17%....وغيره ...
لا أظن...(( وكما يقول ابنى دائماااا ))....أقرأ السطور المكتوبة بخط صغير دائمااااا.

بنك باركليز كان يطرح شهادات ( ولا يزال على ما اظن )....لمدة خمس سنوات مربوطة ...
الربح بنسبة 50 % فى نهاية المدة ...((( رفضتها بعد حسابها جيدااا ...الكلام الزوق أكيد وراه شئ مش حلو )))..
يعنى لو حضرتك وضعت مائة الف ....سوف تقبض مائة وخمسين بعدخمس سنوات .
لاتنظر للكلمة بخط كبييير (( نسبة ربح 50 % بعد خمس سنوات ))

لكن؟؟ احسبها ...

هم اذكياء يتلاعبون بالألفاظ ....الضحايا يقعون دائماااا..

يعنى مثلا الأفضل ايه؟؟

لو حضرتك اشتريت شهادة لمدة ثلاث سنوات وتقبض الأرباح كل ثلاث شهور ...يعنى أربع مرات ف السنة بتقبض...( أفضل دائما )..
لأنك لو قسمت الخمسين الف اللى حاتقبضهم ارباح ف نهاية المدة على الخمس سنين ..
حاتلاقى نفسك بتاخد فائدة 10 %....فقط ..( حسب وعودهم البراقة )..
يعنى ..عشرة الاف جنيه كل سنة ..
يعنى حضرتك ممكن تاخد العشرة الاف جنيه دول وتتصرف فيهم ..
مش حاتسبيبهم محجوزين ف البنك بحجة انك حاتاخد خمسين ف الميه؟؟..ف نهاية الخمس سنين؟؟

أنا شخصيا وقعت ف حكاية مشابهة عندما ربطت الشهادات لمدة ثلاث سنوات واضطريت افكهم وخسرت الفوايد وشوية زيادة ...وكان باقى اقل من ثلاث شهور على انتهاءها ...يعنى كان قمة الظلم والسرقة ..( شعرت يومها انى اتاخدت خوانة )

وبدأت اراجع ...ألحروف الصغيرة .

من حوالى ثلاث سنوات عندما قل سعر الفائدة ...كانت الشهادة المربوطة لثلاث سنوات ...من حقك أخذ الأرباح مرة واحدة ف السنة ...بحيث ان الفائدة تزيد واحد ف المائة عن الفائدة المعتادة ( يعنى عشرة ف المائة )

بس...دى كل الحكاية ...,تذكر المثل المشهور ..(( محدش بيبيع خمسة يورو بأربعة يورو يورو .....طبعااا اقصد البنوك ....يعنى ( لابانكا ) لازم تكسب ف الأول وف الآخر ))..

مساء الرضا..