عايز أشرب شاي

[dark side of the moon]

من طبيعة عملي أني اتردد باستمرار على ميناء الأسكندرية

معايا تصريح ميناء عادي كأي شخص و كل يوم او يومين بدخل الدائرة الجمركية عشان أشتغل

كل ماجي ادخل من اي بوابة أطلع التصريح و البطاقة لفرد الامن على البوابة عشان يدخلني

طبيعي ؟؟؟

لازم كل مرة يوقفني شوية بعد ميشوف التصريح و يقوللي

(( مش هنشرب شاي بقى ))

(( عايزين نشرب شاي ))

(( فين الشاي بتاعنا ))

و كلام كتير من دة داخل الميناء نفسها و حتى فرد الامن اللي على اي مركب و انا نازل عايز يشرب شاي

قولولي يا جماعة عشان انا هتجن

أعمل ايه ؟؟؟

أشيل ترمس شاي معايا و انا داخل الميناء ؟؟؟

واللا أجيب بواكي شاي فتلة اوزعها على العساكر

العملية أصبحت كتير و فضيحة

الظاهر وزارة الداخلية و خصوصا ادارة الرخص و التصاريح مش مكفيه ناسها شاي

الناس دي لازم تشرب شاي يا جماعة عشان دي بقت ظاهرة عامة و فضيحة لنا كمصريين في مكان استراتيجي زي ميناء الاسكندرية

الأجانب خلاص أخدوا عننا فكرة زي الزفت

أنا مرة طلعت لقبطان اجنبي أعرض عليه شراء منتجاتنا من الدهانات البحرية قاللي

(( أنتوا على بابا كلكم على بابا ))

الكلمة دي مش هنساها .

أناشد من موقعي هذا وزارة الداخلية ادارة الرخص و التصريح بميناء الاسكندرية انها تشوفلها اي حل في موضوع الشاي دة بأي طريقة بقى

عشان الموضوع دة بيبوظ حاجات كتير أهمها الاقتصاد و السياحة

و كمان عشان الشكل العام بقى زبالة

و شكرا

[yasser6666]

أناشد من موقعي هذا وزارة الداخلية ادارة الرخص و التصريح بميناء الاسكندرية انها تشوفلها اي حل في موضوع الشاي دة بأي طريقة بقى

طب ممكن قبل ما تناشد وزارة الداخلية تشربهم شاي الأول علشان يشوفوا طلباتك ايه؟؟؟

ياأستاذي البلد كلها بقت كده من أصغر عامل في أصغر هيئة حكومية الي اكبر راس في البلد...كله نظام شيلني وأشيلك بقلة أدب وعدم احترام للغير

فعلا الموضوع زاد عن حده وأصبح احراج للمواطن العادي في كل لحظة من يومه أن يتعامل بهذا الأسلوب من الغير أو يضطر هو نفسه لأن يسأل غيره علي الزفت الشاي ده

أول مرة سمعت الكلام ده مافهمتش بالضبط كان المتسول ده عايز مني ايه بالضبط لأنه قالها بعبارة تانية

(فين الدخان بتاعي)...قلتله دخان بتاعك ازاي يعني هو انا جيت جنبك والا أخدت منك حاجة؟؟؟؟؟؟؟؟؟؟؟؟؟ كنت مغفل صحيح

[dark side of the moon]

لا يا عم الدخان دة بقى موضه قديمة

عشان ممكن تقول للشحات دة التدخين مضر و تخلع منه بلطافه

أنما هوا مصمم يحرجك بالشاي

أنا توصلت لفكرة أمبارح

أن وزارة الداخلية تعمل تعاقد مع شركة ليبتون أو الفراشة لتموين المخبرين و العساكر بالشاي

و يفضل يكون شاي الفراشة عشان العسكري يشوف وشه على الشاشة :blush: