دعوة لإنشاء بنك معلومات وخدمات للرياض

[aimen]

السلام عليكم

عندى فكرة يا رب تعجبكم " لماذا لا نقوم بإنشاء قاعدة بيانات وخدمات عن الرياض " بصفتى موجود فيها وكل واحد مغترب يعمل نفس الحركة

مثلا اهم الأحياء - الخدمات - مواقع الخرائط - مثلا ارقام مهندسين مصريين واطباء وغيره بحيث نكون فى خدمه البعض ... ليه ما نعملش زى السودانيين يكون فيه مكان نجتمع فيه نتعرف على بعض نلم القادم الجديد تحت اجنحتنا ليه دايما عايشيين فى جزر كل واحد يقول انا وخلاص كل واحد منتظر الثانى يقع له حتى يستفيد منه بكل صورة ... انا بتكلم بجد ليه فعلا ما نعملش دليل بالمصريين الموجودين فى الشركات ... يا سيدى ماحدش منهم يفيد التانى فى الشغل لكن الواحد بيحس براحة انه بيكون فيه مصرى فى المكان اللى رايحه .... بالرغم من ان طبعا هناك منهم فئة مش ظريفة هدفها خدمة الكفلاء باى صورة وعدم مراعاة ربنا فى العمل لكن لكل طريقة وربنا يكرمهم ويسعدهم ويبعدهم عننا ارجع واقول الفكرة عاوزين دليل بارقام تليفونات ووظائف وخدمات كل منطقة وخبرات كل واحد مننا فى المكان الموجود فيه ... نفيد بعضنا

ودمتم

:blush:

[عادل أبوزيد]

وجود تجمع معلن يضم كل المصريين و مغلق على المصريين قد يثير حفيظة البعض و يثير الشكوك حول ما يجرى فى هذا المكان المغلق حتى لو كان إليكترونيا.

و بالتأكيد هذا التجمع موجود و لكن على نطاقات ضيقة تمثل مجموعة معارف و عند الضرورة فيتم تلقائيا التواصل بين مجموعات المغتربين و بعضهم بطريقة طبيعية.

و ستلاحظ أن هذه المجموعات غير قاصرة على المصريين فقط و لكنك قد تجد جنسيات أخرى.

و المصريين بحجم الحجم أو الإحصاء يصعب جدا أن يسألك أحد "إنت إبن مين فى مصر" و نعتبر هذا السؤال نوع من الدعابة و لكنه سؤال طبيعى بالنسبة لكثير من الجاليات الأخرى.

[aimen]

وجود تجمع معلن يضم كل المصريين و مغلق على المصريين  قد يثير حفيظة البعض  و يثير الشكوك حول ما يجرى فى هذا المكان المغلق حتى لو كان إليكترونيا.

و بالتأكيد  هذا التجمع موجود و لكن على نطاقات ضيقة تمثل مجموعة معارف و عند الضرورة  فيتم تلقائيا التواصل  بين مجموعات المغتربين و بعضهم بطريقة طبيعية.

و ستلاحظ أن هذه المجموعات غير قاصرة على المصريين فقط  و لكنك قد تجد جنسيات أخرى.

و المصريين بحجم الحجم أو الإحصاء  يصعب جدا أن يسألك أحد "إنت إبن مين فى مصر"  و نعتبر هذا السؤال نوع من الدعابة و لكنه سؤال طبيعى  بالنسبة لكثير من الجاليات الأخرى.

<{POST_SNAPBACK}>

الفكرة يا عم عادل اننا تخدم بعض ؟ تصور مثلا واحد جاى جديد للسعودية ؟ وعاوز يعرف اى معلومات عنها ؟ الشركة اللى رايح عليها فين ؟ وهل هى محل ام شركة ؟ واحد بيدور على شغل وانت عندك امكانية حتى ترسل له عناوين شركات او وظائف موجودة فى الجرائد .... فيه جروب بتلم كل الوظائف وترسلها لى .؟ صاحبها واحد هندى تصور بيلم وظائف فى السعودية والخليج ويبعثها ... للمجموعة ؟ ليه ما نشاركش فى حاجه زى دى ... انا كنت باحلم بالفكرة وخلاص ... لكن كل واحد يخدم الناس بطريقته وربنا بيوقفلك ناس تخدمك زى ما بتعمل مع غيرك اما مسألة تجمع مغلق ومش مغلق ونظام المباحث ده فكفاية الواحد مرارته اتفقعت حنفض متقوقعين لأمتى ؟ الهنود والفلبيبن وكل جنسيات العالم بتخدم بعض إلا إحنا

بالله عليك انتى بقالك كم سنة هنا ؟ يا ترى الذاكرة عندك فيها حكايات وقصص اد ايه عن عمايل المصريين فى بعض ؟ عاوزين نغير الوضع ده ليه ما نستقواش ببعض على الغربة ليه

الغريب للغريب وطن ... ويا سيدى احنا مش عنصريين الللى عنده استعداد يخدم الناس يتفضل مش مهم مصرى المهم عنده دافع وهدف يخدم غيره

[aimen]

بحثت كثر على النت عن الأوراق المطلوبة لعمل جواز سفر او اضافة ابن او غيره عن طريق السفارة المصرية ولما هو معروف ان السفارة المصرية فى العماره - قصدى - الرياض وضعت خدماتها من خلال 0700 لذا عملت هجوم عليها ولميت كل الوراق المطلوبة لمعظم التعاملات مع السفارة

فقط اعطونى وقت ابيضها واضعها على المتتدى

وشكرا :)

تم تعديل 7 سبتمبر 2005 بواسطة aimen