كل ما تريد معرفته عن (كندا)

[Toronto]

الى السادة ايهاب والاخ تورنتو

تورنتو فيها عنصرية وبشكل اى واحد جديد حيشعر به بس ممكن تاذيك وممكن تكون ضعيفةهادية

يا عزيزي كلنا عنصريون ... المصريين و العرب و الخليجيين

شوف مثلا المصريين بينظروا إزاي للأفارقه ...... و فيه جزء كبير مننا ما زال يؤمن بنظرية تفوق المصريين الوراثي على باقي الشعوب العربيه و إننا أحسن ناس بتفهم و إحنا اللي علمناهم و حضاره و رياده و باقي الكلام الظريف اللطيف ده

و كثير من الخليجيين في المقابل برضه بيتعاملوا بعنصريه مع باقي الجنسيات العربيه ..و هكذا دواليك

المهم الوضع العام ايه

مينفعش نعمم على مواقف فرديه و نقول ده سيستم مجتمع

دائما المشاكل هي اللي بتنتشر بسرعه .. يعني زي ما بيقولوا bad news spreads like wildfire

لو حد صادفه موقف عنصري هيشتكي و يملى الدنيا صراخ في المنتديات و الصحافه .. لكن ألاف غيره لم يقابلهم مواقف مثله عايشين و مش بيشتكوا

اللي معرفش ينجح في كندا هيفضل يشتكي و يكتب و يشتم و يلعن كندا و اليوم اللي جه فيه و يلوم العنصريه ... عشان كده صوته هيكون مسموع

لكن ألاف بل و ملاييين غيره ناجحين و عايشين كويس و مش شاغلين بالهم .. معندهمش حاجه يشتكوا منها .. و دول صوتهم مش مسموع

أنا كنت في sales center بتاع شركة مقاولات فاتحه مرحله جديده في مشروع لبناء بيوت .. حاجه زي الرحاب عندنا كده .. الناس واقفه طوابير من قبل ميعاد العمل

و البيوت ثمنها يبدأ من 350 الف دولار .. و معظمهم مهاجرين .. طب الناس دي جايه تشتري بيوت و هي عايشه بالعافيه .. مش ممكن

كلهم ناس ناجحين و زي الفل و لا بيقولوا عنصريه و لا بلد شهادات .. و محدش سامع صوتهم لأنهم عايشين في هدوء و معندهمش حاجه يشتكوا منها

مشغولين بنجاحهم عن الشكوى و الهرتله و إلقاء المسؤوليه على العنصريه

أنا واحد صاحبي أول family doctor له .. إختاره دكتور مصري . عشان يكون التفاهم بينهم سهل و مريح .. الدكتور كان مسيحي .. الراجل في أول زياره عاملهم معامله سيئه جدا .... يكلموه عربي .. يرد عليهم إنجليزي من طراطيف مناخيره .. طبعا خرجوا مرجعوش تاني و غيروا لدكتور تاني

يمكن الدكتور كان مسيحي طفشان من مصر و كاره المصريين المسلمين .. زي ما فيه مصريين مسلمين كتير بيكرهوا المسيحيين .. عادي جدا ... كلنا عارفين كده

لما جينا إحنا .. إخترنا ال family doctor بتاعتنا طبيبه مصريه قريبه من البيت .. كان إسمها لا يدل إن كانت مسلمه أم مسيحيه .. طلعت مسيحيه ..

لكن أيه في الذوق و الأخلاق .... و تعاملت بعدها مع كثير من المسيحيين المصريين هنا بمنتهى السلاسه و الحب

ينفع ناخد الحاله الأولى و نعمم عليها و نقول المصريين المسيحيين و المسلمين بيكرهوا بعض في كندا

تلاقي واحد يرسل سيرته ذاتيه لعمل و عندما لا يتصلوا به يقول أصل إسمي محمد ... مفيش إحتمال خالص إنه ميكونش مؤهل للوظيفه

الأسهل إنه يلوم العنصريه

المشروع اللي أنا شغال فيه حاليا لصالح عميل من أكبر عملاء شركتنا و هو Bank of Montreal و هو من أكبر و أقدم بنوك كندا

و أنا بأعمل شغلي عندهم كل يوم في الIT center بتاعهم

الموظفين معظمهم من أصول غير غربيه ... صينيين .. هنود .. عرب و منهم كتير باكستانيين و أساميهم .... كاشف .. أرشد ... إفتخار ... صايمه ...

المفروض الباكستانيين دول يبقوا إرهابيين رسمي بالتفكير المرضي بتاع العنصريه ... لكن الحقيقه إنهم بيشتغلوا في مركز معلومات بنك من أكبر بنوك كندا

مش ممكن حد واخد مؤهل نظري في القانون أو الأداب أو العلوم الإجتماعيه و معندوش مهارات خاصه في أي حاجه يتوقع إنه هيلاقي شغل مكتبي بمرتب كبير

طب ليه ؟ لازم هيشتغل كاجوال و بعدين يلوم العنصريه

شوية إنصاف يا ساده

كلام سليم من وجهة نظرك بس الاخوة ايلي مهاجرين عن قريب عايزين نسمع رايهم بعد وصولهم بستة شهور كدة و ياريت الناس ايلي بيشتغلوا في مجال ITو تكنولوجيا المعلومات يكونواعلي تواصل مع المنتدى و انا علي ثقة انهم حيقولوا انطباعتهم بصراحة .YOURS TO DISCOVER

[magedghonim]

برحب بالمهندس :ايهاب سالم في بيته واقوله عشان خاطر الناس الجميلة بتاعة المنتدي

بلاش غيبة تاني

وتعقيبا على كلامه :احكي موقف حصل" معايا"

انا في بداية محاولات سفري للسعودية

اتصل بي احد مكاتب العمل الي كنت مقدم فيها

وسالني حضرتك ماجدفاروق

قلتله: اه

قالي :سؤال معلش

قلتله: اتفضل

سأل:مسلم ولا مسيحي؟

جاوبته: باني مسلم

قالي : معلش يادكتور على الازعاج انا مسلم زيك بس معلش واعتذر مني بان الكفيل السعودي

طلبه صيدلي مسيحي مصري

طيب هنا مثلا زي ما اخويا ايهاب قال بالظبط حالة فردية وحصلت بالفعل

وأهي السعوديةدولة مسلمة.............بس كل شيء جايز

[Toronto]

.............بس كل شيء جايز

كل شئ جايز.بغض النظر عن الشهادات و البيزنس,وحتكسبني كام ,وووو,كندا انت و حظك بس للمصداقيةلو حطيت رجليك علي اول سلمة في تخصصك دكتور,مهندس,مدرس ,,,,بعد كده كل حاجة حتبقي سهلة.الحظ ليه عامل كبير و خاصة بعد احداث الحادى عشر من سبتمبر في كل دول الغرب تجاه العرب و المسلمين.

[وليد نور]

يا جماعةلو سمحتوا انا مقدم هجرة لكندا فيدرال ولما قدمت المكتب الى انا مقدم منة قال لى لازم احصل على شهادة الايلوت فى ENGLISH فهل يا ترى هذة الشهادة صعبة او لا علما بانى محاسب اعيش السعودية ؟ وقدراتى متوسطة فى ENGLISH ,والسؤال التانى ان المكتب قال لى ممكن تقدم كيبيك (فرنساوى ) ودة مبيحتاجش اى شهادة بس لازم ادخل المقابلة وانا حاصل على المستوى السابع وكمان الى مقدم كيبيك مدتة اسهل واقرب من الفيدرال (ENGLISH( فهل الكلام دة صح او لا ومن وجههة نظركم اية هى افضل المكاتب فى مصر واشهرها وافضلها فى ان الواحد يتعامل معاها ويا ريت حد يبعت لى مجموع الدرجات لكل جزء واية الدرجات الى اقدر احصل عليها للهجرة علما بانى متزوج ولى طفلتان وعمرى 31

ارجو الافادة

شكرا

وليد نور

[Toronto]

يا جماعةلو سمحتوا انا مقدم هجرة لكندا فيدرال ولما قدمت المكتب الى انا مقدم منة قال لى لازم احصل على شهادة الايلوت فى ENGLISH فهل يا ترى هذة الشهادة صعبة او لا علما بانى محاسب اعيش السعودية ؟ وقدراتى متوسطة فى ENGLISH ,والسؤال التانى ان المكتب قال لى ممكن تقدم كيبيك (فرنساوى ) ودة مبيحتاجش اى شهادة بس لازم ادخل المقابلة وانا حاصل على المستوى السابع وكمان الى مقدم كيبيك مدتة اسهل واقرب من الفيدرال (ENGLISH( فهل الكلام دة صح او لا ومن وجههة نظركم اية هى افضل المكاتب فى مصر واشهرها وافضلها فى ان الواحد يتعامل معاها ويا ريت حد يبعت لى مجموع الدرجات لكل جزء واية الدرجات الى اقدر احصل عليها للهجرة علما بانى متزوج ولى طفلتان وعمرى 31

ارجو الافادة

شكرا

وليد نور

[/qانا معرفش نظام الهجرة الفيدرالي من مصراو من خارج مصر بس ممكن افيدك في هجرة كيبيك,لازم يكون معاك شهادة من معهد معتمد لتعليم الفرنسي لتحديد متسواك وزي ما المكتب قالك لازم يكون معاك المستوى السابع معني كدة انك مش حيكون عندك نقطكفاية من غير هذا المستوى.فعليه لازم تعمل كورس مكثف فرنسي و رايى الاستعانة بجانب المعهد المعتمد بمدرس منزلي للغة الفرنسية .النقاط ايلي حضرتك محتاجها 67 نقطة احسبها بمعرفتك .اما عن المحامى لو حضرتك حتبحث في ملف كندا حتلاقي كل ايلي محتاجه عن ملف الهجرة و بلااها محامي ووفر فلوسك لكورسات الفرنسي .لكن لو عايز تريح دماغك انا مااقدرش ارشحلك محامى في مصر او غيرها لانهم فى ايى شوية نصابين.راجع ملف الهجرة,او ادخل علي الموقع الرسمى للهجرة الى كندا.بالتوفيق و تحياتي.uote]

[medopharm]

يا جماعةلو سمحتوا انا مقدم هجرة لكندا فيدرال ولما قدمت المكتب الى انا مقدم منة قال لى لازم احصل على شهادة الايلوت فى ENGLISH فهل يا ترى هذة الشهادة صعبة او لا علما بانى محاسب اعيش السعودية ؟ وقدراتى متوسطة فى ENGLISH ,والسؤال التانى ان المكتب قال لى ممكن تقدم كيبيك (فرنساوى ) ودة مبيحتاجش اى شهادة بس لازم ادخل المقابلة وانا حاصل على المستوى السابع وكمان الى مقدم كيبيك مدتة اسهل واقرب من الفيدرال (ENGLISH( فهل الكلام دة صح او لا ومن وجههة نظركم اية هى افضل المكاتب فى مصر واشهرها وافضلها فى ان الواحد يتعامل معاها ويا ريت حد يبعت لى مجموع الدرجات لكل جزء واية الدرجات الى اقدر احصل عليها للهجرة علما بانى متزوج ولى طفلتان وعمرى 31

ارجو الافادة

شكرا

وليد نور

أخى العزيز وليد

اولا اهلا بيك

انا مقدم فيدرال من القاهره بس انا حاليا فى الرياض وده من 2005

بالنسبه ليك انت اللى هتقدر تحدد الانسب ليك فيدرال ولا كيبك بناء على قدرتك فى اللغه

لو كنت هتقدم فيدرال ممكن نحسب النقط مع بعض كالآتى

-السن 10

-البكالوريوس 20

-الخبره فوق4سنوات 21

-متزوج من جامعيه 4

-لو كنت دارس لغه فرنسيه فى الثانويه العامه يعنى نقدر نقول مبتدئ ودى مهمه جدا وهتريحك فى شهادة الايليت 2

باقى اللغه الانجليزيه ونخليها اخر حاجه

وكمان اعتقد مفيش قريب من الدرجه الاولى فى كندا - ولا عندك غقد عمل - ولا درست فى كندا

يبقى المجموع كاااااااااااااااااااام

-يساااااااااااااااوى 57نقطه

يبقى كده باقيلك 10نقط عشان تكون 67نقطه

ودول هما المطلوبين منك فى الايليت

وعشان تجيب 10نقط ايليت

لااااااااااازم تجيب على الاقل سبعايه

وزى ما انت عارف ان الايليت عباره عن اربع حاجات

listning-speaking-writting-reading

وكل واحد من دول عليه فى الامتحان 9 درجات

ولوجبت من 7 الى 9 تاخد من النقاط 4

ولو جبت تحت ال 7 بتاخد 2

واللى تحت 4.................. 1

والمطلوب منك تجيب فى اى واحد على الاقل 7 عشان تقدر تاخد ال 10نقط بتوع الهجره

يعنى مثلا تجيب

7-5-5-5

تاخد 4-2-2-2 كده يساوى 10

بالنسبه للمكاتب انت قولت انك قدمت عن طريق مكتب

انا عن نفسى مقدم مع شركه اسمها شركة الموارد العالميه مصر

ودى ليها فرع فى المهندسين والاسكندريه بالاضافه للفرع الرئيسى فى مونتريال وكمان فى قطر وانجلترا واعتقد فيه فروع تانيه جديه فتحوها قريب

أما بالنسبه لكيبك اعتقد الاخوه قد افادوا فيها

ارجو انى اكون قد اوضحت شئ

وانا تحت امرك فى اى شئ تانى

medopharm

[عبدوس الوزير]

عزيزي إيهاب

كلامك لا غبار عليه واتفق عليه مية بالمية ولكن لي ملاحظتان

أولا بخصوص "كلنا عنصريين" معك كل الحق ولكنها المرة الأولى اللي نكون فيها على الجانب الآخر من العنصرية علشان كده أول مرة نحس بيها. بمعنى آخر it sucks being in a minority

ثانيا وهو الأهم أن العنصرية الكندية ـ إن جاز تسميتها كذلك ـ ليست in your face عنصرية ولكنها عنصرية مستخبية، من تحت الترابيزة. كل ما هنالك أن الموارد الطبيعية والرزق كتير جدا في كندا وعلشان كده الصراعات الاجتماعية مستخبية، لكن أول ما تشح الموارد هيطلع منهم العبر كما طلع من الأوربيين في فرنسا وهولندا وإيطاليا وغيرها. ولا شك عندي أن أول أزمة اقتصادية هتحصل هتلاقي اللي بيقول إن السبب هم المهاجرين وإن البلاوي كلها من المهاجرين. ويكفي إنك تسمع برامج التوك راديو بتاعت الصبح علشان تسمع العبر

بص مثلا الأخ ده

http://en.wikipedia.org/wiki/Lowell_Green

مقدم توك راديو كل همه هو إن يطلع المسلمين وحشين ودده. وده في حد ذاته مش مشكلة لأن كل واحد ممكن يقول اللي عايز يقوله. المهم في عدد الناس اللي بتتصل بيه وبتوافقه على اللي بيقوله، وده يديك انطباع عن عدد الناس عموما اللي مستنية للمسلمين الغلطة

وكمان أخينا ده

http://en.wikipedia.org/wiki/Ezra_Levant

مايتخيرش عنه كتير. وغيرهم الكثير والكثير.

ده غير مثلا رئيس حكومتنا الموقرة ستيفن هاربر ووزير الأمن ستكويل داي اللي لما كانوا في المعارضة قالوا عن ماهر عرار إنه إرهابي واتضح غير ذلك (أظنك تسمع عن حكاية ماهر عرار)

على الجانب الآخر لو وازنت بين الكلام ده ـ إن جاز تسميته بالعنصرية ـ وباللي بيحصل في بلدنا يبقى طبعا هنا أحسن لأنه على الأقل حتى الآن نحن كأقلية نمتلك حق الرد، وإن كنا لا نمارس هذا الحق فهذه غلطتنا احنا

والسلام.

[وليد نور]

الاخ العزيز medopharm اولا انا سعيد جدا بيك وبمعرفتك ويا ريت تبعت لى على ايميلى w4_you_2005@hotmail.com رقم جوالك لنتواصل انا على فكرة محاسب فى شركة لها فروع فى كل المملكة وانا عايش دلوقتى فى فرع الدمام واد اية سعيد بمعرفتك وبشكرك اوى على المعلومات الى ادتهالى انا عمرى 30 ومتجوز وزوجتى بكارليوس معهد تعاون وكانت واخدة لفة تانية فرنساوى فى الثانوية العامة يعنى كدة ضمنا 4 +10 السن +21 خبرة عمل (لانى اعمل بالشركة لاكثر من ست سنوات ) +وانا درجة جامعية (بكارليوس تجارة ) يعنى 20 وانا على فكرة كنت واخد لغة تانية فرنساوى فى الثانوية العامة انا اتفقت مع مكتب فى مصر هيقدم لى انا وزوجتى كيبيك (فرنساوى) وبقول هل يا ترى الحصول على المستوى السابع يتطلب شهادة زى الايلوت ولا ممكن مدرس يوصلنى للمستوى السابع المكتب قال لى مش مهم شهادة من معهد المهم تتقن المستوى السابع وطلبت من المكتب يعمل لى المقابلة هنا فى السعودية فافاد المكتب ان دة ممكن بالتنسيق مع السفارة فى مصر فهل الكلام دة صحيح وكمان انا جبت شهادة تعريف بالوظيفة من الشركة بوظيفتى بالفترة الى عملت بها مصدقة من الغرفة التجارية وصدقتها من الخارجية السعودية فهل دة كفاية ؟ وهل التقديم عن طريق كيبيك ااسهل من الفيدرال فى الفترة الزمنية ام الاننين متساويين فى الوقت؟ ارجو الافادة واسف للازعاج

وليد نور

[البوب]

أنا مقدم على الهجرة من حوالى 7 شهور و جالي الفايل نمبر من 5 شهور

المفروض أستنى 48 شهر

أنا بشتغل مدرس انجليزي

حد ممكن يفيدنى أنا ممكن أعمل اية فى كندا

طبعاً مش ممكن هادرس لهم انجليزى

أنا عندى خبرة حوالى 11 شهر في ادارة الموارد البشرية"طبعاً + 4 سنين خبرة في التدريس"

[البوب]

Where are you Mr Eha Salem

بقالي فترة ماسمعتش لك أي comments

انت زعلان من حد و اللا اية

[medopharm]

الاخ العزيز medopharm اولا انا سعيد جدا بيك وبمعرفتك ويا ريت تبعت لى على ايميلى w4_you_2005@hotmail.com رقم جوالك لنتواصل انا على فكرة محاسب فى شركة لها فروع فى كل المملكة وانا عايش دلوقتى فى فرع الدمام واد اية سعيد بمعرفتك وبشكرك اوى على المعلومات الى ادتهالى انا عمرى 30 ومتجوز وزوجتى بكارليوس معهد تعاون وكانت واخدة لفة تانية فرنساوى فى الثانوية العامة يعنى كدة ضمنا 4 +10 السن +21 خبرة عمل (لانى اعمل بالشركة لاكثر من ست سنوات ) +وانا درجة جامعية (بكارليوس تجارة ) يعنى 20 وانا على فكرة كنت واخد لغة تانية فرنساوى فى الثانوية العامة انا اتفقت مع مكتب فى مصر هيقدم لى انا وزوجتى كيبيك (فرنساوى) وبقول هل يا ترى الحصول على المستوى السابع يتطلب شهادة زى الايلوت ولا ممكن مدرس يوصلنى للمستوى السابع المكتب قال لى مش مهم شهادة من معهد المهم تتقن المستوى السابع وطلبت من المكتب يعمل لى المقابلة هنا فى السعودية فافاد المكتب ان دة ممكن بالتنسيق مع السفارة فى مصر فهل الكلام دة صحيح وكمان انا جبت شهادة تعريف بالوظيفة من الشركة بوظيفتى بالفترة الى عملت بها مصدقة من الغرفة التجارية وصدقتها من الخارجية السعودية فهل دة كفاية ؟ وهل التقديم عن طريق كيبيك ااسهل من الفيدرال فى الفترة الزمنية ام الاننين متساويين فى الوقت؟ ارجو الافادة واسف للازعاج

وليد نور

عزيزى وليد باشا

اولا حتة ان زوجتك معاها لغه او مامعهاش ده مش هيفيدك كتير هما 4نقاااااط بس اول عن اخر

الا اذا كانت هى main applicant فى الحاله دى الصوره هتتقلب يعنى انت اللى هتديها 4نقاااااط وبرضه بس

وخبرتك فى الحاله دى مش هيكون لها اى فايده لأن الزوجه هتكون مطالبه انها تقدم شهاده خبره فى مجالها

يعنى من الآخر انت خليك فى نفسك بس شوف اللغه بتاعتك انت شهاداتك انت خبرتك انت سنك انت وأى زياده من ناحية الزوجه كشهادات خبره او لغه او خلافه عشان بس يعزز ملفك وبتاخد برضه 4نقط بس

ده فى حالة الفيدرال

اما كيبك حقيقى ماعنديش فيها معلومات كفايه واعتقد الآخوه زى اينشتاين وتورنتو ممكن يفيدوك اكتر

بس انا اعرف ان الوقت بتاع الفيدرال بيكون اكتر من كيبك

وأقابلك على الايميل يا باشا

ولك ولجميع الاخوه الآفاضل تحياتى

medopharm

[ahmed essam]

-لو كنت دارس لغه فرنسيه فى الثانويه العامه يعنى نقدر نقول مبتدئ ودى مهمه جدا وهتريحك فى شهادة الايليت 2

اخى العزيز medopharm

هل ارسال شهاده الثانويه العامه كافيه للاثبات للحصول على هاتين الدرجتين ؟؟؟؟؟

ومدى صحه هذه المعلومه لان كثير من المحامين ينفوا ذلك رجاء الرد على

[البوب]

-لو كنت دارس لغه فرنسيه فى الثانويه العامه يعنى نقدر نقول مبتدئ ودى مهمه جدا وهتريحك فى شهادة الايليت 2

اخى العزيز medopharm

هل ارسال شهاده الثانويه العامه كافيه للاثبات للحصول على هاتين الدرجتين ؟؟؟؟؟

ومدى صحه هذه المعلومه لان كثير من المحامين ينفوا ذلك رجاء الرد على

أعتقد يا عزيزى ان درجات اللغة الفرنسية لازم ليها امتحان TEF عشان تاخدها

بس دا في نظام ال Fedral

أما في كيبك معنديش فكرة لكن متهيألي ان المستوى المطلوب في كيبك

أعلى كتير من اللي درسناة في الثانوية العامة

أخوك البوب

[Einstein]

هو انا مكنتش بفكر في السمسرة

بس ممكن نحطها في جدول الاعمال بعد ما نرستأ الامور ان شاء الله

انا بسأل عن شراء منزل او عمارة بدفع مقدم من تمنها

وبعدين ايجارها الشهري يسدد الاقساط المستحقة علي العمارة

وبعد عشر او عشرين سنة بعد تسديد اخر قسط للعمارة

اكون بكده استفدت تمن العمارة ودخل شهري محترم

وكمان خدتلي شقة واعمل لنفسي خصم ايجار 90 %

وادي لتورنتو اخويه شقة بخصم 5 % :rolleyes:

هل ممكن بقي اعمل الفكرة دي ؟؟؟

ولو ممكن محتاجة كام زرار :rolleyes: قصدي كام دولار ؟؟؟

في كندا عايزين 10 في الميه من تمن العقار وده كلام اكيد وزي ما قلت لحضرتك اسعار العقارات رخيصة في كيبيك بالمقارنةباسعاربقية المقاطعات.يعني عايزلك عشرين الف دولار علشان تشتري فيلاا بمتين الف دولار و دي حتكون فبلا محترمة موقع و مساحة.قريبي في مونتريال لشتري بيت 8 غرف+بدروم +باركينج لعدد ثلاثة عربيات و البيت في كل الامكانيات و حوالي 10دقايق بالعربية لسنتر مونتريال ب 210الف دولارمن غير الضريبة.بس نصيحة اخوية ماتفكرش تشتري بيت الا لماتكون عندك دخل ثابت علشان لو عجزت عن دفع المورجاج للبنك شهر واحد البيت و كل الفلوس ايلي دفعتها راحت عليك يا دكتارة بس ماتقلقش بيت اخوك تورونتو عم الشباب و الرياضة مفتوحلك .

حبيبي تورنتو

مش عارف بس اقولك ايه علي فيض المعلومات الجميلة دي

وموضوع تملك البيت ده فعلا شيء مهم جدا

لانه بكده تكلفة تملك العقار قريب جدا من تكلفة ايجاره لمدة عشر سنوات

وطبعا انا مش هنفذ الموضوع ده الا بعد ما اقتله بحثا

وكمان لما يكون لي دخل ثابت يغطي قسط التميلك زي ما قلت

بس تخيل التمن اللي قولته للفيلا ام 8 غرف دي يعتبر قيل جدا

ويا سلام بقي لو قدامها جاردن صغيرة كده يبقي تحجزلي جنب فيلا قريبك من دلوقتي

[وليد نور]

هل يا ترى الزوجة لازم يكون معاها شهادة خبرة ولغة لما تهاجر مع زوجها ام لا ام الزوج بلغتة وخبرتة يكفى مع العلم ان الزوجة تعليم عالى

[البوب]

هل يا ترى الزوجة لازم يكون معاها شهادة خبرة ولغة لما تهاجر مع زوجها ام لا ام الزوج بلغتة وخبرتة يكفى مع العلم ان الزوجة تعليم عالى

عزيزي الحازم

لو حضرتك مقدم كيبك يبقى لازم الزوجة تكون بتعرف فرنساوي كويس لكن التركيز بيبقى على ال Main applicant

أما لو حضرتك مقدم فيدرال

الدرجة اللي هاتاخدها هيً بناعتك انت و بس و بتاخد درجات على تعليم الزوجة فقط

لكن يستحسن ان يكون عندها لغة و خبرة لأن ده ببيعزز الملف في السفارة

وأي خدمة يا باشا و يا رب نتقابل هناك

[البوب]

أنا مقدم على الهجرة من حوالى 7 شهور و جالي الفايل نمبر من 5 شهور

المفروض أستنى 48 شهر

أنا بشتغل مدرس انجليزي

حد ممكن يفيدنى أنا ممكن أعمل اية فى كندا

طبعاً مش ممكن هادرس لهم انجليزى

أنا عندى خبرة حوالى 11 شهر في ادارة الموارد البشرية"طبعاً + 4 سنين خبرة في التدريس"

يا ريت اللي ممكن يفيدنا في اية اللي ممكن الواحد يذاكرة أو يتعلمةمن هنا

ويكون من احتياجات سوق العمل في تورونتو

و التكلفة التقريبية كام

أنا عندى استعداد أذاكر و أدرس انشاللا طاقة ذرية و نووية بس المهم يكون في فرصة للدراسة وفرص أكثر للعمل

أشكر من سيرد عليا مقدماً

[Queen]

السلام عليكم،

اشكرك يا استاذ اسامة على الموقع، هل استخدمته حضرتك او حد تعرفه في السفر الى كندا؟

شكرا جزيلا.

[وليد نور]

يا جماعة انا زوجتى معنهاش خبرة لانها لا تعمل وكمان هى لا تحب اللغة الفرنسية علما بانها كانت وخداها لغة تانية فى الثانوية العامة وانا مقدم كيبيك فهل هى كدة هتقدر تدينى الاربع درجات علما بانها بكارليوس تجارة والسن لا يتجاوز 30 ارجو الافادة

[medopharm]

-لو كنت دارس لغه فرنسيه فى الثانويه العامه يعنى نقدر نقول مبتدئ ودى مهمه جدا وهتريحك فى شهادة الايليت 2

اخى العزيز medopharm

هل ارسال شهاده الثانويه العامه كافيه للاثبات للحصول على هاتين الدرجتين ؟؟؟؟؟

ومدى صحه هذه المعلومه لان كثير من المحامين ينفوا ذلك رجاء الرد على

عزيزى ahmed essam

بالنسبه لجزء اللغه الفرنسيه

انا عن نفسى مقدم عن طريق محامى وطلب منى شهادات الثانويه العامه اولى وتانيه وتالته ثانوى عشان اثبت انى درست 3سنين لغه فرنسيه عشان يتحسب لى انى مبتدأ واحصل على 2نقطه

بالتالى باقى لى بس 10نقط ايليت . وكمان عشان أقدر اخد الفايل نمبر بدون الايليت قدمت شهادات تثبت انى درست انجليش يعنى قدمت شهادات اولى وتانيه وتالته اعدادى واولى وتانيه وتالته ثانوى وقدمت شهاده تانيه جبتها من كليه الصيدله بتقول ان درست الخمس سنين كل المواد باللغه الانجليزيه

وكل الشهادات دى كانت طبعا موثقه من امانة الجامعه والخارجيه

يا عمى دا موااااااااااال كبير

دا الموضوع بقى سهل اوى الايام دى تروح تسحب ابليكايشن وتبعته وخلاص دى حاجه حلوه اوى

انا قعدت 3شهور اجهز فى الورق ده عشان اعرف أقدمه واخد فايل نمبر

بس الحمد لله اخدت الفايل نمبر فى أقل من اسبوعين

وكمان انا مقدم على النظام القديم ما اعرفش جايز يكون فيه حاجه اتغيرت مع النظام الجديد و الله واعلم

وأى حاجه انا بقولها دى بتكون عن تجربه شخصيه وكمان لوفيه اى حد عنده معلومات تانيه بيقولها عشان الكل يستفيد

والله المستعان

medopharm