كل ما تريد معرفته عن (كندا)

[amir al tounisi]

السلام عليكم حرام عليك حتخليني أتخاصم مع أبو البنات حتي يشريلي بيت جميل مثل ما في الصوره :closedeyes: شكرا لك علي الإفاده الله يكمل عليك تفاؤلك وحبك للبلد اللذي إستضافك وهاذا من شمت العربي والمسلم إعتراف بالجميل وفي الأخير هي بلاد الله الواسعه تحياتي لكل أفراد العائله وأرجوا أن تدعوا لي بتوفيق في قبول ملفي من المكن بكون دعاءك مستجاب وكذالك كل واحد يريد مساعدتي بالدعاء :closedeyes:

[Toronto]

الأسف مش لحضرتك يا استاذ ايهاب انا بتأسف للناس ايلي بتحلم بالجنة الموعودة كندا ايلي مش موجودة ايلي في خيالهم بس هما مصدقين حضرتك علشان عملهم من البحر طحينة

يا سيدي أنا بحري طحينه و الحمدلله إنت زعلان ليه

وكتير هنا مصريين و عرب و باكستانيين بحرهم أطحن مني و ربنا يزيدهم

مصريين هنا في المنتدى دكاتره و صيادله بيعملوا المعادلات من قبل ما يوصلوا كندا و فيهم اللي جه كندا عمل لاندينج و رجع تاني لحد ما يخلص المعادله .... وبيراسلوني على الخاص

الناس دي هترجع كندا و تشتغل من أول يوم في مهنتها محترمه معززه مكرمه وتعمل دخل عالي و يشتروا بيوت أحلى من اللي في الصور

في المنتدي مع الناس ايلي لسة ما وصلوش,مايعرفوش,المفروض ان احنا نكون صادقين معاهم, و انامتأكد مليار في المية انك ماتقدرش تقول خمس الكلام مع واحد عايش في كندا سنة لانه حيضحك عليك .مين ان شاء الله حيشتغل اول مايوصل ,دكتارة,صيادلة و عاملين معادلة طب و نسيت الخبرة الكندية و لا دي كمان عملولها معادلة.

[Toronto]

ame='افي المية من بنوك كندا في حالة التعثر في دفع الاقساط,بيحجز علي البيت بعد 90يوم من تاريخ دفع آخر قسط و و بياخد كل الفلوس ايلي دفعتها كعربون للبيت او بمعني اصح العشرة في المية ايلي حضرتك دفعتهم من قيمة البيت للبنك كعربون.العشرة في المية الاخري من البنوك ممكن يرجعلك جزء من العشرة في المية لو وجدت شخص ما يشتري البيت خلال 60يوم من تاريخ دفع أخر قسط.وكل ده بيبقي مكتوب في العقد ايلي جنابك حتمضيه مع البنك.

يا سيدي عربون ايه هو أنا باشتري من سمسار في التجمع الخامس

اسمه Down payment و عايز تفهمني إني لو دفعت 80 % مثلا من ثمن البيت مقدم و أخذت من البنك تمويل ب 20 % بس

وإتعثرت في الأقساط البنك هياكلني في ال 80 % أو هيرجع لي جزء حسنه

ده مكانش حد إشترى بيوت خالص

البنك هيبيع البيت و ياخد المتبقي من القرض مع أي فوائد مستحقه على المتأخرات و الباقي يرجع لصاحب البيت

لكن طبعا محدش بيستنى لما البنك يحجز على البيت عشان يقدر يبيع البيت بمعرفته و يتحكم في السعر لان البنك هيبيعه بالرخيص عشان ياخد فلوسه وخلاص

وفيه ناس بتاخد second mortgage من بنك تاني عشان تغطي mortgage الاولاني

فيه حلول كتير .... الشاهد انه ده كله ممنعش ان الناس تقف طوابير زي كده من بالليل عشان تشتري بيوت بمئات الالاف من الدولارات

يعني انت فاكر اني ماعرفش داون بيمنت بس علشان الناس تفهم والدوان بيمنت هو المبلغ المدفوع من قيمة البيت.طب احسبها بعد الفايدة و الضريبة,و عمولة المزاد ماتنسهاش حيتبقي ايه من العشرين في المية ده علي فرض انه تعثر عن دفع الاقساط بعد سنه مش بقولك انك طيب .بخصوص المورجاج التاني ممكن و كله علي دماغه طول ما انت عندك تاريخ مالي كويس كل حاجة ممكنة في كندا و مليون بنك حيقولك اهلا و سهلا مادام فيه ضمان اى و هي السمعة المالية و بكرر السمعة المالية.بس حضرتك نسيت حاجة لو فيه مشاكل في دفع اقساط مع احد البنوك ممكن تعبوك بس برده ليها حل بس مش حقولهولك. :closedeyes:

[Toronto]

DUNDAS STREETشارع طويل جدا و النت مليان شرح و علشان مطولش عليكو ا في شوارع جانبية الكلاب تأرف تنام فيها,ومش بس دانداس WOODBIEN,PAPEو المناطق المحيطة بالحى اليوناني زى صفط اللبن ايلي في الجيزة بس علي نظام كندى.ميسيساجا ايلي عايش فيها الاخ الفاضل ايهاب منطقة نظيفة و جميلة و الظاهر انه ماخرجش منها و تجول في توونتو.

ياريت تخطف رجلك لتورونتو ايست عند الحي البنجلاديشى و تشوف مقالب القمامة ايلي الثلاثة ايام ماجدش بيشلها.مسيساجا حلوة ربنا يخليهالك.

طب وأنت ليه بتروح الأماكن البيئه دي

ومعنى كده إن مسيساجا أنظف من تورونتو .... شئ جميل

الحقيقه أنا بأشتغل في قلب تورونتو في ال First Canadian Place

http://en.wikipedia.org/wiki/First_Canadian_Place

ومش بأشوف مقالب زباله و لا كاناديان صفط اللبن و لا حاجه

يا ريت تصور المناطق دي كام صوره بموبايلك و تفرجنا عليها

وبعدين ما دام كندا خانقاك قوي كده و بخل ولؤم و عنصريه و زباله

ايه اللي مخليك مستحمل ده كله

شغلي اروح الاماكن المعفنة دي علشان اضحك علي افندية زيك و العلوهم ببت 39000 دولار بعد ضريبة يبقي في حدود 171 الف دولار,بنصف مليون دولار.عرفت انا بشتغل ايه؟ احسنلك ما تعرفش خليني اضحك شوية :closedeyes: :closedeyes: :blink: . انا مش مخنوق من كندا بالعكس بس بلد مملة,بس 120 الف دولار سنوي,تامين صحى شامل,تامين عربية مدفوع لازم افكر قبل ما أخد قرار,وبعدين انا اخذت ايلي اناعايزه من اوروبا الجنسيه و الخبرة,المال,اللغه,فما عنديش خيار الا اني اعيش في كندا كام سنة علشان احهز نفسي لتسكع مدفوع الأجر في اوروبا مرة تانية.تحياتي يا بوب :)

[Toronto]

الاخ العزيز تورينتو اد اية انا سعيد بمعرفتك وبجد انت بتعمل مجهود شاق لكل للى بيتقدم للهجرة بس ممكن بعد اذنك تحسب لى الوضع هيكون اية لو انا هقدم كيبيك

اولا : انا عمرى 30 محاسب ( بكارليوس تجارة جامعة القاهرة )عايش فى الخليج من ست سنين خبرة اكبر من 4 سنوات

ثانيا :لو انا دخلت بالمستوى السابع فى الفرنساوى وعلى اسوا الظروف زوجتى ممعاهاش خبرة ومقدرتش تجاوب الضابط بالفرنساوى ممكن قلة المامها بالفرنساوى يؤثر عليا

ثالثا: هل كيبيك مدتها اقصر من الفيدرال ولماذا؟

رابعا: ما هى مميزات كيبيك لو الواحد هيقدم عليها وما هى عيوبها

خامسا : فى المقابلة الواحد وهو مقدم ومعاة زوجتة واولادة احسن لو هو مقدم عازب ام الاتنين سواء

وانا اسف ان كنت طولت عليك وجزاك الله كل خير

وليد نور

خبرة اربع سنين كويس جدا لكبيك.اسباب قصر مدة الهجرة لكيبيك عن الفيدرال هي ترجع لاسباب سياسية,و ده موضوع يطول شرحه.مميزات كيبيك الحياة رخيصة بالمقارنة بمقاطعات الغرب,نظامها التعليمي ,اهتمام الحكومة بالاسرة في كافة افرع الحياة تجعلها احسن مكان لهجرة العاءلات.عيوبها فرص العمل قليلة,العنصرية واضحةجدا هناك.طبعا وانت متزوج و عندك اولاد ده انت حتاخد نفط علي الكلام ده.بالنسبة لزوجتك يااخي لازم تتعلم شوية فرنسي نا بقول شوية علشان اكيد الضابط في المقابلة حيسألها.شوف علشان تتطمن طول ما حيكون مستواك كويس في الفرنساوى,فيه اولاد,حتكون فرصتك اكبر في الهجرة.بس ممكن الفترة مابين تقديم الطلب للمقابلة تكون زوجتك اتعلمت شوية فرنسي.

[Toronto]

90 في المية من بنوك كندا في حالة التعثر في دفع الاقساط,بيحجز علي البيت بعد 90يوم من تاريخ دفع آخر قسط و و بياخد كل الفلوس ايلي دفعتها كعربون للبيت او بمعني اصح العشرة في المية ايلي حضرتك دفعتهم من قيمة البيت للبنك كعربون.العشرة في المية الاخري من البنوك ممكن يرجعلك جزء من العشرة في المية لو وجدت شخص ما يشتري البيت خلال 60يوم من تاريخ دفع أخر قسط.وكل ده بيبقي مكتوب في العقد ايلي جنابك حتمضيه مع البنك.

يا سيدي عربون ايه هو أنا باشتري من سمسار في التجمع الخامس

اسمه Down payment و عايز تفهمني إني لو دفعت 80 % مثلا من ثمن البيت مقدم و أخذت من البنك تمويل ب 20 % بس

وإتعثرت في الأقساط البنك هياكلني في ال 80 % أو هيرجع لي جزء حسنه

ده مكانش حد إشترى بيوت خالص

البنك هيبيع البيت و ياخد المتبقي من القرض مع أي فوائد مستحقه على المتأخرات و الباقي يرجع لصاحب البيت

لكن طبعا محدش بيستنى لما البنك يحجز على البيت عشان يقدر يبيع البيت بمعرفته و يتحكم في السعر لان البنك هيبيعه بالرخيص عشان ياخد فلوسه وخلاص

وفيه ناس بتاخد second mortgage من بنك تاني عشان تغطي mortgage الاولاني

فيه حلول كتير .... الشاهد انه ده كله ممنعش ان الناس تقف طوابير زي كده من بالليل عشان تشتري بيوت بمئات الالاف من الدولارات

وده راجل تطوع لتنظيم الدور وتسجيل كل واحد وصل امتى عشان يدخلوا ال sales center لما يفتح بنفس الترتيب

ودول هنود سيخ جايين يشتروا بيت و معندهمش مشكلة عنصريه و بخل ولؤم و زباله و شهادات

الصور دي اضراب عمال و موظفين ال TTCاول امبارح اتقي الله .

[Toronto]

DUNDAS STREETشارع طويل جدا و النت مليان شرح و علشان مطولش عليكو ا في شوارع جانبية الكلاب تأرف تنام فيها,ومش بس دانداس WOODBIEN,PAPEو المناطق المحيطة بالحى اليوناني زى صفط اللبن ايلي في الجيزة بس علي نظام كندى.ميسيساجا ايلي عايش فيها الاخ الفاضل ايهاب منطقة نظيفة و جميلة و الظاهر انه ماخرجش منها و تجول في توونتو.

ياريت تخطف رجلك لتورونتو ايست عند الحي البنجلاديشى و تشوف مقالب القمامة ايلي الثلاثة ايام ماجدش بيشلها.مسيساجا حلوة ربنا يخليهالك.

طب وأنت ليه بتروح الأماكن البيئه دي

ومعنى كده إن مسيساجا أنظف من تورونتو .... شئ جميل

الحقيقه أنا بأشتغل في قلب تورونتو في ال First Canadian Place

http://en.wikipedia.org/wiki/First_Canadian_Place

ومش بأشوف مقالب زباله و لا كاناديان صفط اللبن و لا حاجه

يا ريت تصور المناطق دي كام صوره بموبايلك و تفرجنا عليها

وبعدين ما دام كندا خانقاك قوي كده و بخل ولؤم و عنصريه و زباله

ايه اللي مخليك مستحمل ده كله

شغلي اروح الاماكن المعفنة دي علشان اضحك علي افندية زيك و العلوهم ببت 39000 دولار بعد ضريبة يبقي في حدود 171 الف دولار,بنصف مليون دولار.عرفت انا بشتغل ايه؟ احسنلك ما تعرفش خليني اضحك شوية :sad: ;) . انا مش مخنوق من كندا بالعكس بس بلد مملة,بس 120 الف دولار سنوي,تامين صحى شامل,تامين عربية مدفوع لازم افكر قبل ما أخد قرار,وبعدين انا اخذت ايلي اناعايزه من اوروبا الجنسيه و الخبرة,المال,اللغه,فما عنديش خيار الا اني اعيش في كندا كام سنة علشان احهز نفسي لتسكع مدفوع الأجر في اوروبا مرة تانية.تحياتي يا بوب :lol:

عفوا 93000دولار

[alaashabana]

سلام عليكم

انا علاء وانا مشترك فى المنتدى بقالى اكتر من شهر بس طول الشهر كنت بقرا تعليقات الناس والمعلومات الجميلة بجد اللى الناس كانت بتكتبها بس للاسف كان تاريخ المعلومات دى من سنة 2006 و 2007 لكن دلوقتى مش لاقى الناس اللى كانوا بيتكلموا مش عارف لية زى طبعا استاذ وجدى نانسى واسامة والناس الحلوة دى

والله حسيت بجد انهم اخواتى اة اهلى لدرجة انى بقيت مشتاق اسمع كلامهم وحكايتهم .. لكن اظاهر انى عرفت المنتدى متأخر علشان احنا فى سنة 2008

يا ترى الناس دى فين .. بس تمنى انهم يكونوا بخير يارب .. لانهم فعلا كسبوا ثواب ككبير اوى على معلوماتهم القيمة

طبعا تورونتو وباقى الناس جميلة والله واتمنى ليكم الخير دائما.

انا كنت بتابع المنتدى وخصوصا موضوع الهجرة وما شاء الله الموضوع اول كلام فية كان 2006 ومازل مفتوح لغاية دلوقتى مع اختلاف بعض الناس طبعا واحتفائهم بس حقيقى مش هتكون مبالغة لو قولت ان دة اجمل واحلى منتدى شوفتة فى حياتى ..

كنت بلاحظ ان الناس كلها اللى فى المنتدى خصوصا اللى فى كندا فعلا مش بيقول لية هو سافر او شغال اية لكن بيحكى الخطوات اللى كانت فى كندا او من اول تقديم الاواراق ودة شئ جميل بس للاسف المعلومات اللى هتفدنا بجد او هتفدنى انا خصوصا مكنتش بلاقيها ..

انا اسف لو كنت بطول عليكم بس استحملونى انا بقالى سنين بدور على شباب زيكم علشان اسألهم ومكنتش بلاقى ..

الاول انا هعرفكم بنفسى علشان تكون الصورة واضحة وعلشان نفسى بجد حد يدلنى على الطريق الصحيح ويقولى الخطوات كلها .

انا اسمى علاء من المحلة الكبرى انا عايش وبشتغل حاليا فى الامارات فى الشارقة محاسب بشركة مقاولات

بقالى تقريبا 6 شهور فى اللبلد عندى 23 سنة والانجليزى بتاعى كويس الحمد لله لانى كنت فى فترة الكلية بتعامل مع اجانب طول الوقت بحكم شغلى فى شرم الشيخ

بس طبعا انا نفسى يكون الانجليزى بتاعى كويس اوى علشان اوصل للمرحلة انى لما اسمع اغنية اجنبية ابقى فاهم كل معنى وكل كلمة فيها

طبعا دة مش هيجى غير بالممارسة وانا عارف دة .. انا اخدت كورس محادثة فى الجامعة الامريكية ودة افدنى كتير اوى

انا تقريبا معايا سنة خبرة فى المحتسبة ( المحاسبة بتاع كلية تجارة جامعة طنطا ) للاسف يعنى شهادة حبر على ورق ملهاش لزمة

وهنا فى الخليج ممكن فعلا الواحد يستفاد خبرة بس من داخلى حاسس انها مش خبرة اوى علشان هو نظام معين لكل شركة علشان طبعا هى شرركات صغيرة لكن فعلا فية شركات كبيرة هنا فى دبى بس محتاجة خبرة 5 سنين فيما فوق .

يمكن لما سافرت الامارات انا من البداية عارف انى مش هعقد فية كتير علشان اولا الرطوبة والجو الحر .. ثانيا علشان هى بلد عربية ولما دخلتها مشوفتش الانبهار اللى الناس كلها بتحكى عنة باعكس شوفت ان البلد دى بتدى لمواطنيها حق كبير اوى واننا فلا زى ما صديق قال قبل كدة احنا مجرد شايلين الحفلة من تحت بس مش معانها اننا شغالين اى حاجة لأ معناها اننا ملناش اى حقوق فى البلد او بمعنى اصح على كف عفريت وفجأة ممكن الكفيل يكنسلى العقد او يدينى حرمان وحاجات كتير اوى

بس اللى شوفتة بصراحة وحبيتة فى البلد الاحترام خصوصا احترام المشاة بما انى لسة مش معايا عربية .. وان البلد الى حد ما نظيفة وفى الاول وفى الاخر احسن من مصر بكتير جدا وكلنا عارفين دة .. بس للاسف بردة الحياة هنا غالية اوى اوى اوى .. يعنى زمان اللى يروح الامارات كان بيعمل قرش صحيح لكن دلوقتى اللى متجوز ويفكر يجيب مراتة يبقى هيتبهدل ومش هيعرف يحوش قرش واحد

طبعا اوحش حاجة فى البلد هنا الرطوبة والجو الحر ودى فعلا من اكثر مساوئ البلد علشان كدة المواطنين كلهم بيسافر برة الامارات شهر 7 و 8

يمكن دة كان مجرد كلام شوية عن طبيعة شغلى وعن احوال البلد فى الايام الحالية ( الامارات يعنى ) .

لكن انا هتكلم دلوقتى عن اللى بتمناة ولية انا شاركت فى المنتدى دة معلش يا جماعة اعذرونى لو كنت بتكلم كتير بس والله علشان حسيت انكم اصحابى وخصوصا انى فى غربة ومش عندى اصحاب .

انا من زمان اوى اوى اوى وانا بفكر فى موضوع كندا وحلم السفر لها .. يمكن عملت محاولات بس محاولات مراقهة او بمعنى اصح محاولات هبلة بس دة كان مجرد بيدينى حافز او دافع للبلد والسفر لها

يعنى كنت براسل الجامعات هناك وكانوا فعلا بيبعتلولى ابلكشن وكتب عن البلد والحياة ..طبعا انا كنت اخد الابلكشن والكتب ومكنتش بقدم علشان هما عاوزين الفلوس مقدما.

وكنت بعت للسفارة قبل كدة طلب زيارة والحمد لله اترفض الطلب ودة طبيعى علشان لسة طالب فى الكلية ومش معايا غير 50 جنية فى جيبى .

بس فعلا المحاولا دى ساعدتنى كتير انى اعرف البلد يعنى كنت بقرأ عنها كتير وكنت بصاحب ناس من كندنا علشان بس يحكولى عن البلد.

يمكن لو قولت مدى حبى لها قد اية مش هقدر اوصف بس حقيقى حلم بشوف قدام عنيى كل يوم والله اعلم لو كان هيتحقق ولالأ.

بس رغم كل دة لكن اهم حاجة ان فعلا كل ما افكر فى موضوع السفر بيدينى حافز اوى فى حياتى انى اتعلم اكتر واخد شهادات اكتر علشان زى ما صديق قال قبل كدة فى المنتدى علشان تروح كندا وتشتغل شغل بشهادتك يبقى لازم تكون نادر

متتصوروش الكلمة دى بجد اثرت فية قد اية..

انا هنا فى الامارات لكن من جوايا ودة احساس متأكد منة 100 % انى مش هقد هنا كتير يمكن انا واخدها مرحلة انتقال اقدر بقدر الامكان انى اجمع قرش علشان اقدر اقدم على هجرة لكندا طبعا انا عارف ان لسة بدرى علية علشان يكون عندى 4 سنين خبرة وبعد كدة استنى من سنتين ل 3 سنوات مستنى الفيزا .

بس معلش انا عاوز بس اسأل شوية اسئلة انا عارف انها سابقة لاوانها بس يمكن علشان ابقى مطمن

انا ان شاء الله بفكر فى خلال الكام سنة اللى جايين انى استفاد منها قدر الامكان

علشان كدة فكرت انى ادرس شهادة اسمها cma فى المحاسبة دى شهادة معترف بها على مستوى العالم واللى بياخدها بيبقى عضو فى جمعية المحاسبين الامريكين . الشهادة دى صعبة جدااااااا بس فعلا اللى ياخدها بيكون كويس انا كنت عاوز اسأل هل لو اخدتها دى هتفدنى فى كندا يعنى مش هحتاج انى اعمل معادلة ولا حاجة فى كندا خصوصا انى مش معايا غير بكالوريوس تجارة تقدير مقبول.

ثانى حاجة انا بسمع ناس تقول هقدم كوبيك وناس تقول هقدم فيدرالى بس معرفش اية الفرق غير ان كوبيك فرنساوى

علشان كدة انا فكرت انى ادرس فى خلال الكام سنة اللى جاين فرنساوى لغاية ما ابقى كويس فية بجانب طبعا انى ادرس انجليزى بس السؤال هو هل ينفع اقدم فى الاتنين يعنى مرة كوبيك ومرة فيدرالى .

وكمان انا خايف اقدم كوبيك ويطلع الامتحان بتاعها فى اللغة الفرنساوى صعب وانا مش هكون ممتاز طبعا فى اللغة

وبرجع اقول ما انا كويس فى الانجليزى اخد كمان كام كورس وامتحن اليلتس وانحج فية ان شاء الله . بس انتم عارفين انها مدة كبيرة اوى فى الفيدرالى ويمكن فى كوبيك اسرع شوية . انا محتاج مساعدة وحد يقولى معلومة صح .

نيجى بقى للاهم

الناس بتتكلم عن انك تقدم الابلكيشن والاواراق والحاجات دى دة كلة كلام كويس بس انتم مش واخدين بالكم ان التعقيدات كلها بتبقى فى مصر

يعنى انا مش عارف مثلا لم اخد شهادة خبرة هنا فى الشركة اللى انا فيها فى الامارات هتتوثق منين او هتكون معتمدة ازاى للسفارة الكندية

يعنى هنل هوثقها من مصر ولا من السفارة هنا واعمل اية علشان تكون شهادة صح ومش ناقصة اى اختام .

ثانى حاجة الفيش والتشبية وشهادات الميلاد لم اترجمها هتتوثق منين بعد كدة وتبقى وثيقة صحيح 100% ازاى خصوصا انى مش ناوى انزل مصر تانى يعنى انا عاوز اعمل كل اوراقى من هنا واقدم من هنا واسافر من هنا ان شاء الله .

ثالث حاجة الناس كلها بتقول ان مكتب الهجرة مش لية اى اهمية واننا ممكن نعمل كل الاواراق بنفسنا بس انا عندى سؤال

انا مليش مكان ااقمة محدد فى الامارات يعنى ممكنا نقل شغل تانى بعد سنة الكن ططبعا هنا شيرنج ومتغير باستمرا علشان كدة انا بقول ان المكتب بيكون متابع الملف بنفسة وان اى حاجة ناقصة بيقولى عليها قبل ما ملفى يدخل علشان لو انا مثلا قدمتة بنفسى ممكن انسى ورقة ولا مثلا يكون ورقة ناقصة ختم ولا حاجة علشان كدة المكتب بيكون عارف اية الاوراقوكل حاجة وكمان بيتابع الملف ويبلغنى ودة متهيألى انة بيختصر وقت بدل ما انسى انا وق ويرجعوا يراسلونى تانى وبكدة العملية تتاخر .

اجوكم انصحونى وقولولى الطريق اللى امى فية صح وانا لسة فى البداية علشان استنى 5 سنين كتير اوى علشان يكون عندى 4 سنين خبرة وبعد كدة اقدم اوراقى

انا فعلا محتاج مساعدة وكلام ومعلومات تكون صحيحة . وانا اسف لو كنت طولت عليكم ويارب يوفقكم ويجمعنا على الخير ان شاء الله :sad:

[pink floyd]

الاستاذ :ايهاب

انت بتقول لو فى مناطق معفنة فى كندا صورها على الموبيل - انت كلامك كويس يمكن اناكداب و كمان معيش الا صور كويسية . بس السوال انا حستفيد ايه انا او تورنتو او اتوماتيك او حتى وجدى الا تقريبا متفق على الكلام ده ووليد

طب انا حستفاد ايه - زى بعض الجهلاء الى يقولك بلاش روح السلبية - الجهل الشعب المصرى والفقر - اصبح عاوز الناس تتضحك علهم - او هما ينتهزوا اى فرصة

الجهلاء بتوع الروح السلبية انا بقولهم عاوز تهاجر تعالى انا حساعدك ببلاش

ايميلى اه floyd _p @ yahoo.com عاوز افبلك موافق ( انا فى مصر من شهر ) ولى اصدقاء مقيمن فى مصر الى حيطلب مساعدة انا بساعد - بس فى شرط لو انا او اصحابى حنتقابل معاك او نرد على ايميلك يجب ان تكون الاسئلة زات اهمية - مش الى واحد كسلان يقولى هى السفارة بتفتح الساعة والى ايه الورق انا حمشى ومش حرد

و كمان انا مستعد اساعد ايه حد واديللة رقم التليفون - وكمان لو عاوز مساعدة - فى كندا حيديلة تليفونى وتليفون ناس هناك حيساعدة بس عاوز اقول حاجة مافيش حاجة فى كندا ببلاش

اما ايهاب والرد بتاع الصور - انا ممكن اصور عمار3ة جديدة فى مصر فى حى شعبى حتكون الصوره ايه عمارة حلوة بس فى الطهر صورة ظلام

و كندا كذلك انا انت بعد يومان حتارف من الهنود الى رحتهم معفنة و هم فى كل حتة و الاماكن الاقديمية فى تورنتو

الغريب - انا الناس زعلانه من الحقيقة - ما تروح يعم انت زعلانين ليه - مصربة ومغتربه ومصلرية وحزينة - انا مهرفش الشعب المصرى ليه مش عاوز يعرف الحقيقة جمال عبد الناصر كان خين لمصر والناس بتحى ذكرى لغيت اليوم - انا شوفت حلقة فى الجزيرة حديث ل د. مراد غالب انا كنت حبكى فى اليوم ده انه بيقول للصحفى ان جمال كان عاوز معركة يخسرها عشان يعرف يعزل عبد الحكيم عامر يعنى حرب 67 كنت بسبب اطمع شخصية وانه كان عارف قبل الحرب وطنش - شوف الخيانة القذارة

و هكذا الشعب المصرى - جهل و عاوز يغمى عينه عن الحقيقة - تورنتو مقلش مترحش كندا و غيره - كله قالك روح بس افهم ايه هناك

صور انا انا مش ححض صور - انا كداب يا عم ايهاب وصور كندا الى انت جيبها تجنن بس الصور الداخليه من انه مجلة بيوت

هو انت محكتلهمش ان المصريين والعرب هناك عيشين على الاعنات - ومححكتلهمش عن اى عمارة فى كندا فيها سجاد من جو و انذار حريق و صندوق بريد و كافة شىء بس فى الاخر هى صفيحة زبالة - الغريب هو انت حتسفاد ايه اما ت\كر ان كندا جميل جمال ملوش مسال - يا عم انا حريح الجمجمة وسيبك

ربنا يوفقك و زيديك ياعم - ولو عاوز يروح كندا يروح - ده بلد هى فعلا جمبيلة بس عاوز فلوس كتير قوى عشان تعيش كويس - بس للناس بتوعالسلبية روح - بس انت حتنزل من الطايرة - حتلاقى -فريق عمل مجهز انه ياخد من اول لما توصل حيقلك كل حاجة - والحكومة تانى يوم حتشغك بشهادتك على طول - والاكل هناك كل متوافر كله حلال - وايه اى شقة حتى لو كانت فين ديه اكيد جنة عن مصر المعفنة - و الى شكل الهنود ورحيتهم روعة من الجمال - و المصريين هناك الله عليهم تعاون ومراكز مرموقه و مبشحتوش هناك - والا الجوامع - يسلام تجمع اسلامى وروح حتتعرف على ناس حلوة وحتساعدك - اسلام بقى ياعم - كل هناك عشرة على عشرة

باى

[moab]

الأخوة والأخوات أعضاء المنتدى الكرام

إسمحولي أعلق على المداخلات الأخيرة اللي حصلت بين الأخوة/ إيهاب سالم وتورونتو

أولاً أنا مش عايش في كندا ولا أعرف حد عايش فيها أنا عايش في الخليج تقريباً من عشر سنوات ، وبحكم خبرتي في الحياة هنا أقدر أقولكم إن كلام الأخوة أيهاب وتورونتو كله صحيح بس من وجهات نظر مختلفة ، بمعنى إن كل واحد فينا لما بيسافر لبلد غير مصر بياخد إنطباعه عن البلد من خلال تجربته الشخصية أو تجارب الناس القريبين منه ومن خلال أهواءه وطموحاته الشخصية ، يعني مثلاً أنا الحمد لله ربنا موفقني في شغلي ودخلي كويس وساكن في مكان راقي وعندي كل الكماليات وأولادي بيتعلموا تعليم كويس وكل معارفي وأقربائي على نفس المستوى تقريباً بمعنى أصح إن الحياة بالنسبة ليه هنا سهلة جداً ، بعكس واحد تاني معايا في نفس الشركة مثلاً بس في مهنة عادية بمرتب عادي مش قادر يجيب أسرته وكل معارفه وأقربائه على نفس المستوى و..و...و.. ، فهل هتكون نظرتنا واحدة للبلد ؟ طبعاً مستحيل

فأكيد إن ده هو الوضع الحاصل في أي دولة في العالم باستثناء بعض الفروقات سواء كانت بسيطة أو كبيرة

يعني لو انتوا مثلاً تابعتوا من البداية الأخ/ إيهاب سالم هتلاقوا إنه إنسان مميز جداً سواء في شهادته أو خبراته أو مجال عمله أو حتى مستوى لغته فوضع طبيعي جداً إنه يلاقي شغل بسهولة ، ده غير كمان إنه مبيدورش على المادة أكتر ما بيدور على الحياة الكريمة والاستقرار وبناء مستقبل جيد لأولاده بدليل إنه قال إن دخله في كندا تقريباً نصف دخله لما كان في الخليج وقال إنه ندم على السنين اللي ضيعها في الخليج ، فوضع طبيعي جداً إنه ميحاولش يشوف في كندا غير كل حاجة حلوة ويبعد عن السلبيات الموجودة هناك وخصوصاً كمان إن كل معارفه على نفس مستواه تقريباً

غير إن ده كمان يعتمد على المقارنة بين السلبيات والإيجابيات وأيهما أكتر وده كمان بيختلف من شخص لآخر حسب ميوله وحسب هدفه من الذهاب لكندا

نيجي بأه للأخ العزيز تورونتو لو انتوا لاحظتوا معايا إنه باين عليه إبن بلد وجدع ، بس هو زي ما قال إنه مجال عمله بيخليه يلف كتير ويعرف جميع النوعيات والأصناف من البشر هناك ، وبيصاحب الكل بدليل لو تفتكروا مره قال إن في جزار لبناني صاحبه ، نستنتج من كل ده إنه أكيد شاف مهازل كتير وقصص فشل حاصلة للمصريين هناك اللي مش ناجحين واللي برده كان حظهم سئ ، وغير إنه كمان مش عاجبه إستايل الحياة في كندا بس مضطر يفضل فيها علشان دخله ووضغه هناك كويس

هنا بأه الاختلاف بين الاتنين رغم إن الاتنين صح

واحد رايح هناك علشان يعيش كويس ويربي أولاده وحابب النظام والهدوء والرتابة اللي هناك وشايفهم إن دول قمة المتعة والرقي

وواحد تاني راح هناك وبيشتغل ويكسب كويس بس مش عاجبه حال ناس كتير هناك ولا عاجبه نظام البلد اللي لو قارناه بمصر مثلاً من ناحية السهر والزحمة والأصدقاء هنلاقي إنها ببلد مملة في وجهة نظره

على فكرة يا جماعة أنا الكلام ده من واقع تجارب كتير جداً هنا وشوفت الأمثلة دي كتير في الخليج وهضربلكم مثلين من أصدقائي

واحد دكتور من الأرياف ( ركزوا معايا ) معاه أولاده وعايش كويس جداً ومرتبه عالي جداً والكل بيحترمه ومفيش أي منغصات ومع ذلك مش طايق الإستمرار هنا وبيعد الأيام اللي هيكمل فيها الأربع سنين علشان ينزل لدرجة إنه قالي بلدنا ( بلدته اللي في الأريف يعني ) أحسن من هنا .... وجهة نظر برده

وواحد تاني مدير مالي في شركة كبيرة جداً من عشرين سنة ومعاه ملايين في مصر وعنده فيلا في أرقى المناطق ومع ذلك بيقولي أنا هموت هنا ... مش علشان الفلوس بس هو خلاص اتعود على الهدوء والرتابة اللي هنا ودول بالنسبة ليه متعة الحياه

وعلى فكرة كل دولة في العالم مهما كانت نظافتها وروعة شواعها ومبانيها لازم يكون فيها عشوائيات حتى لو بنسبة بسيطة ، يعني هنا مثلاً أنا أسمع ( بقول أسمع ) إن في مناطق معفنه وزبالة بس عمري ما رحتها ولا بفكر أروحها .. أروحها ليه أساساً ؟

وفي حاجة كمان مهمة جداً ممكن تخللي الواحد يكره اليوم اللي دخل فيه أي بلد وهي الزملاء في العمل أو المدراء ، يعني ممكن واحد يروح مقاطعة مثلاً زي كيبك اللي أسمع إن فيها عنصرية شديدة بس حظه يطلع في شركة محترمة وناس محترمين ومعندهمش عنصرية ، وممكن واحد تاني يروح مكان فيه نسبة عنصرية بسيطة أو مفيهوش خالص بس يطلعله مدير أو زملاء من أهل البلد يخلوه يكره حياته نفسها . كل شئ ممكن وكل حاجة ممكن تغير رأي الإنسان وتديه انطباع سواء سلبي أو إيجابي

في النهاية أحب أقولكم إن الحياة والعمل والاستقرار خارج مصر عملية نسبية وبتعتمد على حاجات وعوامل كتير جداً بتختلف من إنسان لآخر وأهمهما على الإطلاق هو توفيق الله سبحانه وتعالى ، وبعد كده تيجي الكفاءة ثم الحظ ( وفي بعض الأحيان الحظ ثم الكفاءة ) ، ونلتمس العذر لكل الناس اللي ذموا أو مدحوا في كندا لأن كلهم معاهم حق من وجهة نظرهم

وآسف على الإطالة وتحياتي لكل الأعضاء وللأخ الكريم/ إيهاب سالم والأخ العزيز/ عمر ( تورونتو )

تم تعديل 26 أبريل 2008 بواسطة moab

[بنت العراق]

السلام عليكم ورحمة الله وبركاته

الحمد لله اني وجدت هذا المنتدى الرائع اثناء بحثي عن معلومات عن العيش والحياة في كندا ؟

استمتعت كثيرا بقراءتي ولاكثر من شهر ( موضوع كل ما تريد معرفته عن كندا )

واشكركم على مشاركاتكم التي جعلت المنتدى يستمر ويستفيد كل من يهمه هذا الموضوع

وبصراحه اني سجلت بالمنتدى خصيصًا لاشكر الاخ ايهاب سالم وهو اكثر شخص استفدت من معلوماته

الجديرة بالثقة واكثر شخص اثرى المنتدى فدعائي لك اخ ايهاب بالتوفيق والثبات وجعل الله كل الوقت والمجهود الذي بذلته في ميزان حسناتك اللهم امين .

اختكم في الله بنت العراق ومتابعة كل ما تكتبوا مع تحياتي .

[alaashabana]

انا شوفت المداخلات اللى حصلت ووجهات النظر المتختلفة بين الناس ودة طبيعى .. بس للاسف زعلت اوى علشان محدش رد علية ومحدش قالى اعمل اية ؟ انا عارف ان ممكن يكون اسئلتى اتكررت كتير بس صدقونى نفسى بجد الاقى حد يساعدنى ويدلنى على الطريق الصح خصوصا انى لسة فى البداية وعندى طموح كبير اوى والله العظيم .. وكمان انا كتبت الرسالة اللى فاتت وانا فى الشغ وفضلت ساعة اكتب فيها . ارجوكم اعتبررونى صديق للمنتدى والاقى رد على رسالتى اللى فاتت .. وشكرا جدا لكل الناس ويارب يوفقكم فى حياتكم ...

[magedghonim]

كلام موواب صح

الموضوع نسبي جداااا

وكندا بلد لها مزايا واكيد فيها عيوب

واخونا ايهاب بيوضح دة ببساطة ومن وجهة نظره هو

و انمااخويا تورنتو باشا معلش

دي مش صور اضراب ابداااا

ولا دول شكل ناس مضربين اصلا

بصراحة لو هو الاضراب الكندي كدة تبقى دي دول متحضرة جداا لا يفط... ولا زعيق... ولا اي حاجة؟

وبعدين ياعم ماشاء الله 120 الف وتامين صحي شامل و تامين شامل على السيارة

بصراحة ليك حق متحبش كندااا دي بلد دي يراجل؟؟؟؟

انا لو منك اعمل انا بقى اضراب وانزل بالصور ومفيش حد احسن من حد

ربنا يزيدك ويبارك لك كمان وكمان دعوة من قلبي ليك وللمهندس ايهاب

لانكو من الاخر بتنصحو لوجه الله (لانريد منكم جزاءا ولا شكورا)

ربنا يعينكو ويوفقكو ......................امين.

[Toronto]

كلام موواب صح

الموضوع نسبي جداااا

وكندا بلد لها مزايا واكيد فيها عيوب

واخونا ايهاب بيوضح دة ببساطة ومن وجهة نظره هو

و انمااخويا تورنتو باشا معلش

دي مش صور اضراب ابداااا

ولا دول شكل ناس مضربين اصلا

بصراحة لو هو الاضراب الكندي كدة تبقى دي دول متحضرة جداا لا يفط... ولا زعيق... ولا اي حاجة؟

وبعدين ياعم ماشاء الله 120 الف وتامين صحي شامل و تامين شامل على السيارة

بصراحة ليك حق متحبش كندااا دي بلد دي يراجل؟؟؟؟

انا لو منك اعمل انا بقى اضراب وانزل بالصور ومفيش حد احسن من حد

ربنا يزيدك ويبارك لك كمان وكمان دعوة من قلبي ليك وللمهندس ايهاب

لانكو من الاخر بتنصحو لوجه الله (لانريد منكم جزاءا ولا شكورا)

ربنا يعينكو ويوفقكو ......................امين.

هههههه هو كده الاضراب في كندا,وفي اوروبا ناس واقفة بتضحك و عربية شرطة واقفة فيها اتنين غربان كل واحد ماسك في ايده تورمس قهوة و بيكلم مع زميله و ممكن مايكونوش معاهم سلاح.TTCدى اكبر شركة نقل في تورونتو,و الاضراب كان حوالي ساعة و الخيم ايلي حضرتك شايفها كانت منصوبة قبلها بليلة.انا شوقتهم بعيني .

[Toronto]

انا شوفت المداخلات اللى حصلت ووجهات النظر المتختلفة بين الناس ودة طبيعى .. بس للاسف زعلت اوى علشان محدش رد علية ومحدش قالى اعمل اية ؟ انا عارف ان ممكن يكون اسئلتى اتكررت كتير بس صدقونى نفسى بجد الاقى حد يساعدنى ويدلنى على الطريق الصح خصوصا انى لسة فى البداية وعندى طموح كبير اوى والله العظيم .. وكمان انا كتبت الرسالة اللى فاتت وانا فى الشغ وفضلت ساعة اكتب فيها . ارجوكم اعتبررونى صديق للمنتدى والاقى رد على رسالتى اللى فاتت .. وشكرا جدا لكل الناس ويارب يوفقكم فى حياتكم ...

مش حدش حيقولك اكتر من ايلي اتقال,شوف صورة عقد العمل لهجرة كيبيك و لو عندك اي خبرة تقدر تثبتها في مصر بجواب تأمينات يبقي كويس جداجدا.باقية الأستفسارات ممكن تلاقي كل الاجابات في ملف كندا.موضوع الفرنسي عين العقل ايلي حضرتك حتعملة.رايي اكتب في طلب الهجرة اتقانك للفرنسي 7 و الانجليزى 8 و ان شاء الله طلبك مقبول.

[Toronto]

وبعدين ياعم ماشاء الله 120 الف وتامين صحي شامل و تامين شامل على السيارة

إنت بتصدق يا دوك .... زيها زي إضراب ال TTC

الاضراب مستمر حتي اليوم.

[ايهاب سالم]

أ / بينك فلويد كتب :

انت بتقول لو فى مناطق معفنة فى كندا صورها على الموبيل - انت كلامك كويس يمكن اناكداب و كمان معيش الا صور كويسية .

مش كداب ... لكن انا حقيقي عايز أشوفها ... مش معقول بقالي 8 شهور في كندا مش بأشوف غير مناظر جميله بالصدفه ... طلبي منك و من تورونتو بسيط جدا

كلنا معانا موبايل بكاميرا .. صورتين بس ع السريع

وصور كندا الى انت جيبها تجنن بس الصور الداخليه من انه مجلة بيوت

طب ما هو طبعا مفهوم إنها صور من مواقع عقاريه لناس عايزه تبيع بيوتها ... انا مقلتش إنها صوري ... و انا هأدخل بيوت الناس أصورها من جوه إزاي

أنا كنت عايز الأخت التونسيه تشوف البيت الخشب ده من جوه بيكون عامل إزاي

هو انت محكتلهمش ان المصريين والعرب هناك عيشين على الاعنات

يا سيدي أنا معرفش مصريين عايشين على الإعانات ... و لو موجود .. دي تبقى حاجه إيجابيه من كندا ...

لو في مصر الحكومه كانت هتديهم إعانه او منحه شهريه للأطفال ؟

كانت هتعالجهم مجانا ؟

هتعلمهم تعليم أرقى من أرقى تعليم في أحسن مدرسة لغات في مصر مجانا ؟

ومححكتلهمش عن اى عمارة فى كندا فيها سجاد من جو و انذار حريق و صندوق بريد و كافة شىء بس فى الاخر هى صفيحة زبالة

يا سيدي أنا ساكن في عماره و مش صفيحة زباله و كذلك كل اللي أعرفهم .... عشان كده بأقولك هات صور

بس انت حتنزل من الطايرة - حتلاقى -فريق عمل مجهز انه ياخد من اول لما توصل حيقلك كل حاجة - والحكومة تانى يوم حتشغك بشهادتك على طول

محدش قال كده ... بس لو أخذت بالأسباب .... هتلاقي و هتعيش كويس

والاكل هناك كل متوافر كله حلال

طبعا متوفر ... و إنت عارف كويس إن محلات اللحم الحلال و المنتجات العربيه منتشره ....

شكل الهنود ورحيتهم روعة من الجمال -

أنا معايا هنود في الشغل ريحتهم كويسه و الله ... الهنود اللي ريحتهم زيت "أملا" دول كنت بأشمهم في الخليج

و بعدين إنت ليه بتيجي جنب ******* و تشمها ... إبعد عن الهنود يا سيدي و شم في ال white Canadians

و المصريين هناك الله عليهم تعاون ومراكز مرموقه و مبشحتوش هناك -

عيب .. مفيش مصريين بيشحتوا ..

والا الجوامع - يسلام تجمع اسلامى

الجوامع موجوده طبعا و بنروح نصلي فيها المغرب و العشاء في الويك إند

أصور لك جامع ISNA عندنا في مسيساجا

حاجه تشرف

[Toronto]

أ / بينك فلويد كتب :

انت بتقول لو فى مناطق معفنة فى كندا صورها على الموبيل - انت كلامك كويس يمكن اناكداب و كمان معيش الا صور كويسية .

مش كداب ... لكن انا حقيقي عايز أشوفها ... مش معقول بقالي 8 شهور في كندا مش بأشوف غير مناظر جميله بالصدفه ... طلبي منك و من تورونتو بسيط جدا

كلنا معانا موبايل بكاميرا .. صورتين بس ع السريع

وصور كندا الى انت جيبها تجنن بس الصور الداخليه من انه مجلة بيوت

طب ما هو طبعا مفهوم إنها صور من مواقع عقاريه لناس عايزه تبيع بيوتها ... انا مقلتش إنها صوري ... و انا هأدخل بيوت الناس أصورها من جوه إزاي

أنا كنت عايز الأخت التونسيه تشوف البيت الخشب ده من جوه بيكون عامل إزاي

هو انت محكتلهمش ان المصريين والعرب هناك عيشين على الاعنات

يا سيدي أنا معرفش مصريين عايشين على الإعانات ... و لو موجود .. دي تبقى حاجه إيجابيه من كندا ...

لو في مصر الحكومه كانت هتديهم إعانه او منحه شهريه للأطفال ؟

كانت هتعالجهم مجانا ؟

هتعلمهم تعليم أرقى من أرقى تعليم في أحسن مدرسة لغات في مصر مجانا ؟

ومححكتلهمش عن اى عمارة فى كندا فيها سجاد من جو و انذار حريق و صندوق بريد و كافة شىء بس فى الاخر هى صفيحة زبالة

يا سيدي أنا ساكن في عماره و مش صفيحة زباله و كذلك كل اللي أعرفهم .... عشان كده بأقولك هات صور

بس انت حتنزل من الطايرة - حتلاقى -فريق عمل مجهز انه ياخد من اول لما توصل حيقلك كل حاجة - والحكومة تانى يوم حتشغك بشهادتك على طول

محدش قال كده ... بس لو أخذت بالأسباب .... هتلاقي و هتعيش كويس

والاكل هناك كل متوافر كله حلال

طبعا متوفر ... و إنت عارف كويس إن محلات اللحم الحلال و المنتجات العربيه منتشره ....

شكل الهنود ورحيتهم روعة من الجمال -

أنا معايا هنود في الشغل ريحتهم كويسه و الله ... الهنود اللي ريحتهم زيت "أملا" دول كنت بأشمهم في الخليج

و بعدين إنت ليه بتيجي جنب ******* و تشمها ... إبعد عن الهنود يا سيدي و شم في ال white Canadians

و المصريين هناك الله عليهم تعاون ومراكز مرموقه و مبشحتوش هناك -

عيب .. مفيش مصريين بيشحتوا ..

والا الجوامع - يسلام تجمع اسلامى

الجوامع موجوده طبعا و بنروح نصلي فيها المغرب و العشاء في الويك إند

أصور لك جامع ISNA عندنا في مسيساجا

حاجه تشرف

يااخ بنك فلويد انت قولت المفيد و عرفته كويس ,ريح دماغك .هما كده بتوع الخليج بيحاول يقنع نفسه ..لغاية مايتلم علي جواز السفر الكندى و بعد كده يقول يافكيك.يا بخت سعيد بسعيدة و انا عن نفسي مش حصور حاجة ,علشان معنديش موبيل بكاميرا,انا معنديش موبيل اساسا هي فلوس الولفير حتكفي ايه و الا ايه ايلي عايز يصدق يصدق و ايلي مش عايز يستني لغاية مايوصل كندا و برده حيصدق.

[ELSHAMY]

الأخوة ايهاب ...تورونتو

السلام عليكم و رحمة الله

أنا الحقيقة شايف ان الشيطان نجح انه يفرق بينكم....وتحول الأمر من نصايح مفيدة كنتم بتعطوها لأخوانكم مشكورين الى جدال عقيم ليس من وراءه أية قايدة....أرجوكم لا تضيعوا ثوابكم عند الله....كل أعضاء المنتدى على فكرة بيستفيدوا من أرائكم حتى و لو كانت فى بعض الأحيان عكس بعض....

عاوزين نتعلم ثقافة الاختلاف و القبول بالأخر أيا كان رايه....

ما زلنا بنحبكم انتم الاتنين....استغفروا الله.... وكما قال الرسول :(...وخيرهما الذى يبدأ بالسلام)

أخوكم الشامى

[Toronto]

وبعدين ياعم ماشاء الله 120 الف وتامين صحي شامل و تامين شامل على السيارة

إنت بتصدق يا دوك .... زيها زي إضراب ال TTC

الاضراب مستمر حتي اليوم.

الاضراب مستمر حتي يوم الاثنين ...