كل ما تريد معرفته عن (كندا)

[ايهاب سالم]

ازيك استاذ ايهاب

زي ما بيقولوا كده ( يسلم فمك)

انا كان ليا تساؤل بسيط عندك

انا قعدت اقرى 145 صفحة المهم وعرفت من بعدها ان حضرتك قدمت من قطر

ممكن اعرف انت قدمت لوحدك ولا عن طريق مكتب؟؟؟ ولو مكتب ممكن اعرف اسمه؟؟؟؟؟؟؟؟

لم أتعامل مع محامي و كذلك فعل كل أصدقائي و كلنا هاجرنا بدون مشاكل

لا أنصح بالتعامل مع محامين ...

إعمل ملفك بنفسك ووفر فلوسك

المعلومات كلها متوفره على موقع الهجره

[Abo Marwan]

كل اللى بتمناة بجد اننا نحكى قصص حصلت بالفعل لحياتنا وتجاربنا علشان الباقى يستفاد منها ولعلة خير وثواب من عند الله .

اتمنى بجد من قلبى بعد ما ابعت المداخلة دى كل الناس تقراها وتراجع انفسهم تانى ويرجع المنتدى زى الاول واحسن كمان ونستفاد بجد .. انا اول ما قرات فى المنتدى والمداخلات الاول كنت بفضل بالساعات فاتح النت واقراها كلها وانا فى الشغل وكنت فعلا بسيب الشغل واعملة بعدين علشان افضل اقرا مداخلات الناس لانى حسيت انى عايش معاهم لما كانوا بيحكو على المواقف اللى بتحصلهم . وربنا عالم انى بقيت بحكى لكل اصحابى على المنتدى وعلى الحياة فى كندا من كتير ما قرات فى المنتدى عن الموضوع دة .. لكن للاسف تعالو نشوف دلوقتى حال المنتدى بقى عامل ازاى ... وفعلا زى ما زميل قال " العيب مش فى كندا ولا فى مصر بس العيب فينا يا بشمهندسين " !!!!!!!..........

أضم صوتي بالطلب من كل الأخوة في هذا المنتدى أن يكونوا أكثر أيجابية وتقبل الرأي الآخر مهما كان الأختلاف كبير الذي يجب أن لايفسد للود قضية كما يقال ..مع خالص التحية والتقدير لكل الجهود المبذولة

[اسكندرية تانى]

الاخ الفاضل ايهاب

انا ما زلت مقتنعا انك انسان محترم و ابن ناس و شبعان.

ربنا يحميك لشبابك و يحفظك من شياطين الانس و الجن.

تقبل خالص تقديرى

تم تعديل 28 أبريل 2008 بواسطة اسكندرية تانى

[مصرية و مغتربة]

تحيه اعزاز وتقدير لك يا سي سيد على ماقمت به من اجراءات للحفاض على مستوى النقاش .

فعلا شكرا ليك وياريت دايما تكون عين الرقابة موجودة عشان ميوصلش النقاش للمستوي السئ اللي وصله.

وشكرا سيد ايهاب مرة تانية علي نقلك لكندا من وجهة نظرك وياريت تستمر في النقل والتواجد دايما بشكل فعال كما عهدناك .

وياريت ما تنقطعش عن المنتدي.

[بنت العراق]

من بداية متابعتي للمنتدى قلت في نفسي للاخ ايهاب ( والله انك انسان شجاع وواثق من نفسك ) لانه الوحيد تقريبا بلمنتدى الي واضع صورته واسمه وعمله يعني كانه كتاب مفتوح ولا تعتقدو ان هذا شي سهل ! وهذ يدل ليس فقط على النية الصافيه بل على الشجاعة ! اغلبنا عندنا النيه الصافيه الحمد لله ولكن ما عندنا الشجاعة ويمكن تكون مخاوف لماذا من اين لا اعرف ؟!

وصراحة اكثر ما نرفزني ودهشني الي تعرض له اخ ايهاب وبذات لما واحد يقول له ( انا اعرف سكنك او عمارتك يا ايهاب ) ويرد الثاني ( يا ريت تدلني المكان حتى ابعثلة واحد ايطالي ) اشمعنة ايطالي يعني ؟ شنو مافيا ؟! بعدين تورنتو تعرض لاكثر من عضو بلمنتدى .. اخي ايهاب نصيحة اي رد غير اسلامي يعني مو مهذب (اعبره ولا تعبره ) وكانه غير موجود ( اذا كان الكلام من فضه فسكوت من ذهب ) والاختلاف بوجهات النظر طبيعي بس بادب واحترام ونرجو ان تستمر بافادة الاغلبية الطيبة بهذا المنتدى ويكفي ثقتك بنفسك .. وفقك اللة

[ايهاب سالم]

شكرا للأخوه الأفاضل

المهم الأخذ بالأسباب و الروح المتفائله

ربنا يكتبلكم الخير في كندا أو في سواها

ويوفقنا جميعا في السعي لحياه و مستقبل أفضل لأولادنا

[alaashabana]

شوفت بقى يا استاذ ايهاب انى كلامى صح وان الناس كلها بتحبك علشان فعلا باين من كلامك واسلبوك انك متعلم ومثقف .. ربنا يوفقك بجد فى حياتك ومش قادر اوصفلك بجد بكلامك عن كندا وتفاؤلك عملت فى حياتى اية . بجد خليت خياتى ليها معنى لانى كنت بدأت ايأس من موضوع السفر لكندا وكمان انا حاليا بجد مش حابب انى اعيش هنا فى الامارات او افضل فيها سنين كتير لكن بعد ما شوفت كلامك بجد حسيت بتفاؤل كبير اوى وحسيت ان حياتى دلوقتى لها هدف . وبقيت بروح الشغل وانا متفاؤل وكمان بدأت فعلا اجهز نفسى لشهادة هنا فى الامارات تساوى المعادلة اللى فى كندا وبجد حسيت بامل كبير اوى وتفاؤل اكبر .. شوفت بقى بكلامك البسيط عملت اية ؟

انا متأكد انك انسان ربنا راضى عنة علشان تلاقى كمية الناس اللى بتحبك بالطريقة دى ويارب يارب يارب يارب تبقى سعيد فى حياتك وتتفوق فى شغلك وتبقى احسن الناس ..

علاء شبانه .... محاسب على ما تفرج .

[ايهاب سالم]

شوفت بقى يا استاذ ايهاب انى كلامى صح وان الناس كلها بتحبك علشان فعلا باين من كلامك واسلبوك انك متعلم ومثقف .. ربنا يوفقك بجد فى حياتك ومش قادر اوصفلك بجد بكلامك عن كندا وتفاؤلك عملت فى حياتى اية . بجد خليت خياتى ليها معنى لانى كنت بدأت ايأس من موضوع السفر لكندا وكمان انا حاليا بجد مش حابب انى اعيش هنا فى الامارات او افضل فيها سنين كتير لكن بعد ما شوفت كلامك بجد حسيت بتفاؤل كبير اوى وحسيت ان حياتى دلوقتى لها هدف . وبقيت بروح الشغل وانا متفاؤل وكمان بدأت فعلا اجهز نفسى لشهادة هنا فى الامارات تساوى المعادلة اللى فى كندا وبجد حسيت بامل كبير اوى وتفاؤل اكبر .. شوفت بقى بكلامك البسيط عملت اية ؟

انا متأكد انك انسان ربنا راضى عنة علشان تلاقى كمية الناس اللى بتحبك بالطريقة دى ويارب يارب يارب يارب تبقى سعيد فى حياتك وتتفوق فى شغلك وتبقى احسن الناس ..

علاء شبانه .... محاسب على ما تفرج .

شكرا يا أ / علاء

معلش أنا هأكرر كلام ذكرته مسبقا في مشاركات قديمه في نفس هذا الموضوع يمكن يكون مفيد لحد جديد

أنا حضرت لكندا في أغسطس 2004 لعمل لاندينج و عدت بعد أسبوع إلى قطر ثم عدت الى كندا نهائيا في أغسطس 2007

في خلال الثلاث سنوات إشتغلت على نفسي في حاجتين

1- تحسين الإنجليزيه ( رغم أنها لم تكن سيئه أصلا بحكم تعليمي و طبيعة عملي )

2- الحصول على شهادات مهنيه دوليه في مجال عملي (مش شهادات حضور دورات)

بالنسبه للإنجليزيه

كنت أستأجر الأفلام الأجنبيهDVD وأشاهدها على الاب توب مع إختيار ال subtitles الإنجليزيه وليس العربيه وأسمع الصوت جيدا بالهيدفون لكي أتبين طريقة النطق الصحيحه وكنت أوقف المشاهد وأعيدها وعيني تتابع الكلام المكتوب

وهذا أفادني كثيرا في معرفة التعبيرات الإصطلاحيه idioms و العاميه slang

مما جعلني ابدو في الانترفيوز و كأنني مقيم في كندا منذ سنوات

بالنسبه للشهادات إجتزت عدة إمتحانات متتاليه للحصول على 3شهادات

وأخر إمتحان كان في مصر أثناء إنتقالي من قطر لكندا ..... يعني لم أجلس كسلان في البيت وأقول

" أنا نازل أجازه في مصر خليني أستمتع بوقتي و لما أروح كندا أمتحن "

أو قلت "الحكومه لازم تجيب لي شغل في كندا ده أنا مهندس هو إحنا لسه هنذاكر و نمتحن من تاني"

والنوع ده من الناس هو اللي بيشتغل كاجوال و بيفضل يشتكي ويلعن في كندا من غير ما يحاول يدور على المشكله في نفسه

ويلوم العنصريه ..... زي ما أكون أنا أو الهنود و البكستانيين و الصينيين اللي معايا في الشغل شعرنا أصفر أو عنينا زرقا

بالتوفيق للجميع

تم تعديل 28 أبريل 2008 بواسطة ايهاب سالم

[SEMSEMS]

عندي سؤال يا شباب

بالنسبة لي كمهندس مدني سمعت اني لازم أجتاز سنتين معادلة كندية

هل توجد طريقة معينة لاجتياز هذه المعادلة اثناء انتظاري للفيزا في مصر ؟

هل توجد جامعات في كندا تعطي هذه المعادلة علي الانترنت مثلا بمصروفات معقولة ؟

هل يسهل علي ان اجد وظيفة بمجرد اجتياز المعادلة سواء في مصر أو في كندا أم يلزمني شهادات أخري ؟

شكرا لكم

[وليد نور]

انا يا جماعة عاوز استفسر عن طبيعة شغلى لو ربنا كرمنى وهاجرت كندا انا حاصل على بكارليوس تجارة جامعة القاهرة (تجارة عربى ) وعاوز استفيد من الوقت لحد وقت

المقابلة يعنى اية المطلوب منى لاعمل بمهنتى فى كندا هلى معادلة ام الحصول على شهادات معينة ام ماذا ؟ واريد ان اسئل ايضا هل حينما تتم المقابلة الواحد بيعرف النتيجة فى نفس الوقت ام ينتظر ايام ليعرف ان اتقبل ام اترفض

شكرا

وليدنور

[pink floyd]

بالنسبة للاخ وليدنور - انصحك بالاتى :

عشان تشتغل فى محال المخاسبة فى كندا لازم CGA او CMA او عن\ك خبرة كندية يعنى اشتغلت فى كندا محاسب طبع ده استحالة

بالنسبلة ليك وانت فىمصر ممكن ت\كر CMA غير بتاعت كندا او CPA بس ده امتحانعا فى امريكا - غير كده جتشتغل كجوال غى كندا لغيت اما توقف على رجلك تتعلم يعنى اى حد يفتيلك غير كده يبقلى ربنا يوفقك

اما بالنسبة للاحت اسكندرية تانى بتاعت ايهاب شبعات بينى كده انت الى عندك نقص متزعيل محدش بيكلم فى الكلام ده الا لهو كده

اما علاء انت مش فهم تورنتو واتوماتيك دول عاوزين يقيدوك ايهاب مافور الجكاية ايوا وده انا قلت لسبيبن > يا خظه - يما هو بيفنع نفسه ) ياخى ماهو لو كلامه جقيقة مكنش الناس ده حتهجمه - او كان حد من القدماء - وجدى وليد هادى كان اقل كل كلمه بيقاله الرجال ده صح

بس انت الى بدور علىقشيه بس خالى بالك سيب حبل مع دبى افهم بس ويارريت تفهم

اما الاخت العراقية انا عارف بيته يعنى عارف العمارة وعارف المنطقة - وده مش تهديد - انا بكرهش ايهاب لنى مافيش اصلا خاجة بس الكلام بتاعه كويس بس مجمل الواقع كتير كنير كنير جدا و مسهل الموضوع اوى

انا حبت اقوله انى عارف ان اليك شور فى عمارات معفنة - اما مصرية ومغترفة انا مش حساس انك اصلا مهاجره - لانك بتتكلمى اكانك فى وادى تانى - الله با ايهاب الله كمان

[ايهاب سالم]

بالنسبة للاخ وليدنور - انصحك بالاتى :

عشان تشتغل فى محال المخاسبة فى كندا لازم CGA او CMA او عن\ك خبرة كندية يعنى اشتغلت فى كندا محاسب طبع ده استحالة

بالنسبلة ليك وانت فىمصر ممكن ت\كر CMA غير بتاعت كندا او CPA بس ده امتحانعا فى امريكا - غير كده جتشتغل كجوال غى كندا لغيت اما توقف على رجلك تتعلم يعنى اى حد يفتيلك غير كده يبقلى ربنا يوفقك

اما بالنسبة للاحت اسكندرية تانى بتاعت ايهاب شبعات بينى كده انت الى عندك نقص متزعيل محدش بيكلم فى الكلام ده الا لهو كده

اما علاء انت مش فهم تورنتو واتوماتيك دول عاوزين يقيدوك ايهاب مافور الجكاية ايوا وده انا قلت لسبيبن > يا خظه - يما هو بيفنع نفسه ) ياخى ماهو لو كلامه جقيقة مكنش الناس ده حتهجمه - او كان حد من القدماء - وجدى وليد هادى كان اقل كل كلمه بيقاله الرجال ده صح

بس انت الى بدور علىقشيه بس خالى بالك سيب حبل مع دبى افهم بس ويارريت تفهم

اما الاخت العراقية انا عارف بيته يعنى عارف العمارة وعارف المنطقة - وده مش تهديد - انا بكرهش ايهاب لنى مافيش اصلا خاجة بس الكلام بتاعه كويس بس مجمل الواقع كتير كنير كنير جدا و مسهل الموضوع اوى

انا حبت اقوله انى عارف ان اليك شور فى عمارات معفنة - اما مصرية ومغترفة انا مش حساس انك اصلا مهاجره - لانك بتتكلمى اكانك فى وادى تانى - الله با ايهاب الله كمان

يا اخ / بينك

صلح الكيبورد لو سمحت

تم تعديل 28 أبريل 2008 بواسطة ايهاب سالم

[مصرية و مغتربة]

Automatic -------> Toronto -----------> pink floyd

يا تري pink floyd ده النسخة التالتة من Automatic

نفس الاسلوب ونفس الطريقة ودايما يختفي واحد ويظهر التحديث له.

ولا تعليق علي كلامه وياريت المشرفين يقوموا بدورهم عشان يحموا الناس من الأشياء دي.

[yassir]

الأخوه الأفاضل أهل المنتدى الكرام.

محسبكوم تورنتاوى قديم و سكندرى صميم ,كنت فايت جنب موضوعكم لقيت على رأى أخوانا السودانيين هيصه و زمبليطه, ولانى مشارك جديد يادوب كام مشاركه كده بس أعرف الأخ تورنتو و الأخ ابو مروان فى الحقيقه زعلت من اننا مش عارفين نختلف و نحترم اختلافنا , بس أفتكرت مثل هنا بيقول , some make it happen,some wait till it happen and some wonder what happened. قلت أنا عايز أكون من النوع الأول يمكن لما أخليكم تشوفوا نفسكم على حقيقتها يمكن تغيروا رايكم ....أنا شفتكم على حقيقتكم.....كان ييجى كده من سنتين , واحد معرفه من بعيييييد يعنى معرفه واحد صاحبى ,الراجل شغال فى امانة الله جى من مصر بعقد عمل فى شركه محترمه فى تورنتو و الحاله معدن و الثلاث عيال فى المدارس وبيت من بيوت المصريين المحترمين اللى فيه منها كتير هنا فى كل أنحاء تورنتو.

يوم سبت ظريف و الأب و الأم بيشتروا شويه مستلزمات قبل ما العيله كلها تتجمع فى البارك و على طريق427 الصوره اتحولت 180 درجه , الأب فى غيبوبه و الام كسور مضاعفه .

الأب و الام قعدوا فى المسشفى حوالى أربع شهور , الستات المصريات اللى يعرفوا الأم و اللى ميعرفوهاش قسموا نفسهم كل واحده تعمل أكل للولاد يوم والتانيه تشوف مدارسهم اللى تقدر توصله والا واحد من الرجاله يوصله ,و الرجاله عملوا حملة تبرع لموا فيها 22000 دولار لمصاريف المستشفى الى كانت فوق الثلاثين ألف و المستشفى وافقت تقسط الباقى و لسه بيسددوا فى الأقساط لحد دلوقتى . ساعتها شفتكم على حقيقتكم ...ناس جدعان .

أنا كلمت الأخ تورنتو فى التليفون امبارح ,و كانت أول مره اتعرف عليه بعيدا عن المنتدى ,أسكندرانى دمه خفيف جدا,وراجل مكافح تعب و شقى ,أتكلمنا ييجى ساعتين و لقيت انه زى كل المصريين الى قابلتهم هنا قابلته مشاكل و جى من وضع مختلف تماما و اتفاجا من ان الحياه مش وردى , لكن انا اتفاجئت ان جزء كبير من المشاكل ده يتحل بمعلومه يعرفها من حد بقاله هنا فتره أطول أو مر بنفس الموضوعات , علشان كده أنا اقترحت من فتره اننا نعمل موضوع هنا عن حياتنا اليوميه , اى شى بنمر بيه فى يومنا نعتقد انه حيفيد أى مصري و عربى ..... و الأخ أبو مروان ايدنى فى الأقتراح ده.

مش مهم ياجماعه نعيش فين المهم نعيش مع مين , لو كندا مجتمع بيخلى العيال ينسو ا دينهم نربى عيالنا مع بعض , أهلنا واحشنا نزور بعض , المهم الناس مش المكان , مش لاقى شغل كل واحد فينا حيبعلك أي أعلان شغل فى الشركه الى بيشتغل فيها و كل ال مواقع اللى يعرفها و فيها اعلانات شغل ,عايز Reference أسامينا و تليفوناتنا كلها تحت أمرك....فاتح محل كلنا زباين من تانى يوم, قربوا من بعض ياجماعه .

معلش طولت عليكم بس من عشمى ,أتمنى ان مشاركتى يكون ليها أثر فى نفوسكم , انشاء الله ييجى اليوم اللى أقابلكم فيه كلكم و نشوى سوا برجر (حلال و الله) و سجق اسكندرانى من عند الواد عيد بتاع لورانس ....بالمناسبه أنا حاجيب فطير مشاتت بكره من عنده حد ليه فى الفطير ياشباب و الله مش و عسل و حاجه تستاهل بقكم...... :unsure:

[bent misr]

الأخ ياسر ألف شكر ليك على أسلوبك المحترم :lol:

و المفروض يكون هوه ده أسلوب المصريين مع بعض و خصوصا في الغربه

لو وقفنا مع بعض بجد كل حاجه هتتسهل ومش هيكون في أحسن مننا

بنت مصر :unsure:

تم تعديل 29 أبريل 2008 بواسطة bent misr

[alaashabana]

سلام عليكم جميعا

اولا انت متشكرنى يا استاذ ايهاب لا نك محترم وتستاهل اكتر من كدة

بس انا سؤال بس وحياة اغلى حاجة عندكم تفهونى وتجاوبنى بمعلمومات مفيدة

انا محاسب فى الامارات لسة معنديش غير سنة خبرة

انا ناوى ان شاء الله ادرس شهادة cma لانى سمعت انها معترف بها على مستوى العالم يعنى على حسب تفكيرى او اخدتها ممكن اشتغل فى كندا ان شاء الله ومش محتاج انى ادرس حاجة تانى هناك او اعمل لها معادلة .. انا كنت عاوز اسأل هل الكلام دة صحيح ولا شهادة cma بتاع كندا مختلفة يعنى لو ان ادرستها هنا فى الامارات لازن بردة اعمل لها معادلة تانى فى كندا ولا اية ؟ وهل شهادة ال cma احسن ولا ادرس شهادة ال cga ايهما افضل ؟؟؟ من فضلكم انا محتاج رد واجابة بس يكون عن ثقة وملعومات اكيدة

من فضلكم متبخلوش علية بالمعلومة

[Abo Marwan]

لكن انا اتفاجئت ان جزء كبير من المشاكل ده يتحل بمعلومه يعرفها من حد بقاله هنا فتره أطول أو مر بنفس الموضوعات , علشان كده أنا اقترحت من فتره اننا نعمل موضوع هنا عن حياتنا اليوميه , اى شى بنمر بيه فى يومنا نعتقد انه حيفيد أى مصري و عربى ..... و الأخ أبو مروان ايدنى فى الأقتراح ده.

مش مهم ياجماعه نعيش فين المهم نعيش مع مين , لو كندا مجتمع بيخلى العيال ينسو ا دينهم نربى عيالنا مع بعض , أهلنا واحشنا نزور بعض , المهم الناس مش المكان , مش لاقى شغل كل واحد فينا حيبعلك أي أعلان شغل فى الشركه الى بيشتغل فيها و كل ال مواقع اللى يعرفها و فيها اعلانات شغل ,عايز Reference أسامينا و تليفوناتنا كلها تحت أمرك....فاتح محل كلنا زباين من تانى يوم, قربوا من بعض ياجماعه .

أخي ياسر ... حياك الله وبارك فيك ..

أنا منذ الوهلة الأولى شعرت أنك أبن بلد أصيل .. وهي دي أخلاق وشهامة أبن البلد .. الي بيحاول يقدم شئ أو معلومة مهما كانت صغيرة أو بسيطة كما قلتلك تنير شمعة تبدد الظلمة في طريق أخوته تجعله يتجنب الكثير من العثرات التي سقط بها من قبله أو يفتح له آفاق جديدة في حياته بالرغم من أن لكل منا تجربته التي تختلف في ظروفها عن الأخر بالنجاح أو الفشل...كان الله في عون العبد مدام العبد في عون أخيه ...

كثير من الأخوة يلمسون معنى هذا الكلام وخاصة أيهاب وتورونتو والدكتور الشامي والكثيرين الكثيرين الذين لايتسع المقام لذكرهم كتبوا تجاربهم ومشاركاتهم أغنونا بكم هائل من المعلومات عن كندا وهي محل تقدير وثناء وجزاهم الله عنا كل خير ..

وأنا هنا أرجع وأكرر العهد الذي قطعته على نفسي أمام الله وأمامكم مجرد وصولي كندا ان شاء الله سأكتب لكم عن كل صغيرة وكبيرة سلباً أو أيجاباً نمر بها أنا والعائلة هناك...

أخي أكرر شكري وتقديري .. ونحن بأنتظار موضوعاتك ..

أبو مروان

[SEMSEMS]

عندي سؤال يا شباب

بالنسبة لي كمهندس مدني سمعت اني لازم أجتاز سنتين معادلة كندية

هل توجد طريقة معينة لاجتياز هذه المعادلة اثناء انتظاري للفيزا في مصر ؟

هل توجد جامعات في كندا تعطي هذه المعادلة علي الانترنت مثلا بمصروفات معقولة ؟

هل يسهل علي ان اجد وظيفة بمجرد اجتياز المعادلة سواء في مصر أو في كندا أم يلزمني شهادات أخري ؟

شكرا لكم

اتمني ماتنسونيش في زحمة الخلافات الي انتوا عايشينها ومش هاتطلعوا منها !

[drbakir]

يعني اخوية ايهاب لعد شنو رأيك بموضوع تقديم بعض التنازلات في كندا عشان تشتغل وتندمج بالمجتمع.

هذا الموضوع سمعتة من اكثر من عضو هنا وخارج المنتدى ايضا..

يعني اتمنى تنورني وتقولي اي هي التنازلات وفي اي موضوع.

وهل التأقلم بالمجتمع الكندي صعب..

الله يوفقك واني احترم نظرة التفائل عندك لانه تفائلوا بالخير تجدوه بس جاوبني بصراحة وردة...

تم تعديل 29 أبريل 2008 بواسطة drbakir

[حسام يوسف]

السلام عليكم

هوة ده الكلام يا عم ياسر

ربنا يباركلك