كل ما تريد معرفته عن (كندا)

[وليد نور]

يا جماعة عاوز رد واضح لو سمحتم

انا يا جماعة عاوز استفسر عن طبيعة شغلى لو ربنا كرمنى وهاجرت كندا انا حاصل على بكارليوس تجارة جامعة القاهرة (تجارة عربى )وانا عايش السعودية وعاوز استفيد من الوقت لحد وقت

المقابلة يعنى اية المطلوب منى لاعمل بمهنتى فى كندا هلى معادلة ام الحصول على شهادات معينة ام ماذا ؟ واريد ان اسئل ايضا هل حينما تتم المقابلة الواحد بيعرف النتيجة فى نفس الوقت ام ينتظر ايام ليعرف ان اتقبل ام اترفض

شكرا

وليدنور

[ahmed_saleh]

ودي صوره للباسمنت او البدروم قبل التشطيب و تظهر فيه بوضوح أعمدة الصلب الرأسيه و الأفقيه اللي شايله البيت و أنابيب التدفئه و التكييف المركزيه

اخي ايهاب العزيز

مقبولة منك برضه يعني انت بطفشني من اولها مش انا قلتلك هأجر البدروم منك تروح تعمله اعمده و تكييف و مش عارف ايه

الله يبارك لك و انا باحترم اسلوبك جداً و انت مثال ممتاز للشباب اللي لازم يكون عنده هدف و يحاول بكل الطرق السليمه الاجتهاد للوصول اليه

تحياتي لك و لامثالك مننا بالمنتدى و خارجه

[octavianus]

السلام عليكم ورحمه الله وبركاته

الف شكر لكل الاخوة ع المجهود الجبار دة الى خلانى شكلى كدة هشيل من دكاغى فكرة استراليا واروح كندا بسبب الناس الحلوة دى كلها lol

من الاخر انا معايا ليسانس اداب قسم تاريخ وباخد كورسات فى الانجليزية والفرنسية والالمانية والايطالية

ايه هى بقى فرصتى فى كندا

وياريت لو صفر ماحدش يقولى وسيبونى كده اضحك على نفسى loooooooooooooooool

[اسكندرية تانى]

اما بالنسبة للاحت اسكندرية تانى بتاعت ايهاب شبعات بينى كده انت الى عندك نقص متزعيل محدش بيكلم فى الكلام ده الا لهو كده

انا حبت اقوله انى عارف ان اليك شور فى عمارات معفنة - اما مصرية ومغترفة انا مش حساس انك اصلا مهاجره - لانك بتتكلمى اكانك فى وادى تانى - الله با ايهاب الله كمان

باقول لك ايه ياكابتن بمبى بمبى

اركن على جنب

[اسكندرية تانى]

الاخ الفاضل ياسر

تقديرى و اعتزازى بوجودك بيننا مثالا للشخصية المحترمة

اهلا و سهلا بك هنا بين اخوتك و اخواتك

ربنا يبارك لك

[ايهاب سالم]

و الرجاله عملوا حملة تبرع لموا فيها 22000 دولار لمصاريف المستشفى الى كانت فوق الثلاثين ألف و المستشفى وافقت تقسط الباقى و لسه بيسددوا فى الأقساط لحد دلوقتى

ولماذا لم يكن عندهم تأمين صحي ?

هل كانوا في أول 3 شهور لهم في أونتاريو ?

[ايهاب سالم]

وسالتها ,قوليلي يا شابة هي الناس دي كلها واقفين امام البنك ليه؟فاراحت بصتلي من تجت لفوق و قالت اصل البنك كسب 14 مليون دولار و بيفرق فراج مجانا..هممممممم.طبعا انا ماصدقت وفضلت لابد في الطابور

انا مش مخنوق من كندا بالعكس بس بلد مملة,بس 120 الف دولار سنوي,تامين صحى شامل,تامين عربية مدفوع لازم افكر قبل ما أخد قرار

أنا كلمت الأخ تورنتو فى التليفون امبارح ,و كانت أول مره اتعرف عليه بعيدا عن المنتدى ,أسكندرانى دمه خفيف جدا,وراجل مكافح تعب و شقى ,أتكلمنا ييجى ساعتين و لقيت انه زى كل المصريين الى قابلتهم هنا قابلته مشاكل و جى من وضع مختلف تماما و اتفاجا من ان الحياه مش وردى

و انمااخويا تورنتو باشا معلش

دي مش صور اضراب ابداااا

ولا دول شكل ناس مضربين اصلا

بصراحة لو هو الاضراب الكندي كدة تبقى دي دول متحضرة جداا لا يفط... ولا زعيق... ولا اي حاجة؟

وبعدين ياعم ماشاء الله 120 الف وتامين صحي شامل و تامين شامل على السيارة

بصراحة ليك حق متحبش كندااا دي بلد دي يراجل؟؟؟؟

.

هههههه هو كده الاضراب في كندا,وفي اوروبا ناس واقفة بتضحك و عربية شرطة واقفة فيها اتنين غربان كل واحد ماسك في ايده تورمس قهوة و بيكلم مع زميله و ممكن مايكونوش معاهم سلاح.TTCدى اكبر شركة نقل في تورونتو,و الاضراب كان حوالي ساعة و الخيم ايلي حضرتك شايفها كانت منصوبة قبلها بليلة.

انا شوقتهم بعيني .

الفاضل

لم أشأ ان اتدخل ، ولكننى ارى انك تصر على تقديم معلومات اقل مايمكن قوله فيها انها ليست دقيقة

الكدب مالوش رجلين

مش عيب انك تكون مكافح ... كلنا بنكافح عشان حياه افضل

العيب انك تكون كداب

و العيب الاكبر انك تتهم غيرك بالكدب و انت كداب

تم تعديل 29 أبريل 2008 بواسطة ايهاب سالم

[alaashabana]

لية محدش بيرد على اسئلتنا ومحدش بيعبرنا وبتتكلموا فى مواضيع جانية .. بجد انا كل ما ادخل علشان اشوف رد على اسئلتى او استفاد معلومة جديدة الاقى كلام مش لية اى معنى ولا بنستفاد منة.. ارجو من الاخوة الافاضل يتكرموا علينا ويفيدونا بمعلومات جيدة..

[Abo Marwan]

إقتباس(drbakir @ Apr 29 2008, 01:03 PM)

اذا بعدك معامل الميديكل فنصيحة قبل التيست اشرب Urine alkalinizer عبارة عن مسحوق ينضف ويغسل ال U.T بتاعك وبكدة اي

مشاكل بتحليل الادرار مافي واشرب مي كتير..

انا عملت الميديكل مرتين..انشالله موفق..

أخي الدكتور بكر .. السلام عليكم

أرجوا الأيضاح لماذا عملت الفحص الطبي ( الميديكال ) مرتين ، وكم المدة بين الفحص الأول والفحص الثاني ..

مع الشكر ..أبو مروان

[ايهاب سالم]

لية محدش بيرد على اسئلتنا ومحدش بيعبرنا وبتتكلموا فى مواضيع جانية .. بجد انا كل ما ادخل علشان اشوف رد على اسئلتى او استفاد معلومة جديدة الاقى كلام مش لية اى معنى ولا بنستفاد منة.. ارجو من الاخوة الافاضل يتكرموا علينا ويفيدونا بمعلومات جيدة..

زعلان كده ليه يا علاء

وهي دي طريقه تخللي حد يجاوبك

وهو مش واجب أصلا على حد إنه يجاوب

وصورة البنت اللي في مشاركتك دي لازمتها ايه

أنا معنديش إجابه لأسئلتك لأني مش محاسب

ونصيحه مني الموضوع ده و الموضوعات الأخرى في نفس الباب فيها ردود لمعظم الاسئله

إستخدم خاصية البحث

تم تعديل 29 أبريل 2008 بواسطة ايهاب سالم

[Queen]

السلام عليكم،

انا كان لي رأي في موضوع المرمطه في كندا.

بالنسبة لاستاذ ايهاب وظيفته في ال IT هي non regulated job يعني لا تحتاج الى معادلة و لا تحتاج الى رخصة، بل تحتاج الى خبرة و شهادات دولية كما تفضل الاستاذ ايهاب. و لذلك ممكن يلاقي وظيفة ان كان لديه الخبرة و اجتهد و حصل على شهادات دولية تؤهله لسوق العمل الكندي و طبعا و فوق كل شئ و قبل كل شئ توفيق الله عز وجل و نحط تحت الموضوع ده 134 خط.

و لكن هناك كثير من المهن المرموقة ايضا لابد لها من معادلات و تراخيص و ايضا خبرة كندية.

اليكم مثلين ، الاول دكتور اسنان فاتح عيادة شغالة في مصر و بيحضر لدكتوراه في مصر ، لما راح كندا بدء الدراسة من ثالث سنة في كلية طب الاسنان و الان هو في سنه رابعة و مراته حتروح معاه الprom السنادي. ماشي هو مجتهد و بيحاول يعمل اللي عليه مش فاشل ولا حاجة، بس اتمرمط.

الثاني، اي مدرس لازم علشان يزاول مهنته يدرس في Ontario College of Teachers لمدة سنتين ، ازاي بقي ينمي نفسه قبل ما يروح كندا.

اللي مش حيتمرمط هو:

اللي معاه فلوس تساعده على الsettelment في السنه الأولى على الاقل علشان يقدر يدرس و يصرف على عائلته في نفس الوقت.

أو اللي وظيفته plug and play يعني مش عايز installation، اقصد حيروح يشتغل على طول.

اما موضوع فاشل و ناجح ده انا مش فاهمة على اي اساس بتوزعوا الالقاب دي

يعني علشان عمر شايف ان كندا فيها حاجات مش عجباه يبقى فاشل؟ ، يبقي اللى شايف ان مصر فيها حاجات مش عاجباه يبقى فاشل، و اللي شايف ان الخليج فيه حاجات مش عجباه يبقى فاشل، ماهو برضه مصر و الخليج فيهم ناس مبسوطة و عايشة و ناجحة. الموضوع موضوع تأقلم الانسان مع المكان اللي عايش فيه، بيفضل ايه عن ايه، و ايه اللي بيهمه في المكان الي عايز يعيش فيه. لو لم تختلف الاذواق لبارت السلع.

كل واحد من حقه ينقل تجربته من غير التسفيه و التحقير من تجارب الاخرين و من آرائهم.

[om yahia]

مرحبا لكل الموجودين بصراحة انا كثير بستمتع وانا بقرأ عن موضوعات كندا وبشكر كل الذين يفيدون الجميع وخاصة السيد ايهاب عندك معلومات رهيبة جدا ....... زوجي قدم الى كندا ووصلنا رقم الفايل في 6/4/2005 ونحن اشتغلنا على الموضوع بدون اي محامي كانت متابعتنا على النت بخصوص الموضوع جيدة وقدرت اقدم بدون اي مساعة عن طريق السايت الخاص بالهجرة الحمد للة ربنا يسر الموضوع ونحن عم نستنى الدور سؤال عن تخصص المحاسبة زوجي مدير مالي بخبرة 15 سنة هل لازم يعادل شهادته والا ممكن بالخبرة الي عندة يشتغل في تخصصة علما ان اللغة الانجليزية عندة ممتازة قرأت عن CGA او CMAانها مهمة في كندا هو اخد كورس من CMA بس وقت شغلة ما سمح انه يكمل السؤال هل ممكن يشتغل في تخصصة بدون ما يدرس اي شئ اخر و كيف معدل الدخل للمحاسبيين في كندا

انا طبعا تخصصي ادارة اعمال واعمل مسؤول مشتريات بخبرة 10 سنيين هل تحتاج شهاتي الى دراسة مواد ليتم معادلتها

[magedghonim]

اهلا بيك ياعم ياسر.وفكرة اكثر من رائعة

طول عمري اعرف ان الاسكندرانية عالم جدعان وولاد بلد

واكيد حضترك منهم

ربنا يباركلك ويوفقك

[drpharma]

الباشا الكبير ايهاب حمدالله على السلامتك بعد الغيبه الكبيره دي انشاء الله يكون كان المانع خير

[drpharma]

يا جماعه اخوكم مزنوووق جدا فموضوع الخبره انا صيدلي وانشاء الله هقدم كيبك فشهر 5 الي جاي

المشكله كلها فالخبره اولات انا محتاج سنتين خبره وانشاء الله اتقبل وانا متخرج كده بقالي سنه وهطلع بكره جواب من التامينات اثبات اني بقالي سنه شغاااال

السؤالين هما

هل ممكن اكتبلي كلمتين اني كنت بتدرب او بشتغل بارت تايم في اي صيدليه او مصنع ادويه بما يعادل سنه وبكده سنه من هنا وسنه بتاعت التخرج....

طب وبخصوص الجواب بتاع التأمينات هل في صيغه معينه مطلوبه؟

وجزاكم الله كل خير

[yassir]

و الرجاله عملوا حملة تبرع لموا فيها 22000 دولار لمصاريف المستشفى الى كانت فوق الثلاثين ألف و المستشفى وافقت تقسط الباقى و لسه بيسددوا فى الأقساط لحد دلوقتى

ولماذا لم يكن عندهم تأمين صحي ?

هل كانوا في أول 3 شهور لهم في أونتاريو ?

ياعم ايهاب مسى الأول , أى تحيه على محسوبك السكندرى , دانا كنت ناوى أعزمك على حواوشى من اللى شايله لأبو مروان ,معلهش ياسيدى خليها علينا ,بسم الله الرحمن الرحيم الأجابه لا :lol: .مكنش عندهم اوهيب و مازال معندهمش لانهم لا permanent resident ولا canadian citizen أنما كانو شاريين تامين زى الى بتشتريه لحد visitor أو لما بيكون جايلك قريب فوق 65 زياره . أنا كنت فاكرك سمعت على الموضوع . اذا أنت من اهل المشرق الكندى زى حالاتى و بتصلى فى جامع صلاح الدين بتاع كينيدى يمكن تكون لمحت الورقه الى فيها القصه على البورد أيام ما كان الجماعه بيلموا فلوس.

عموما ده مش الواقعه الوحيده دا أنا أحكليك على جدعنة العرب و المصريين هنا كلام يملى منتدى بحاله, خد عندك معايا مثلا , بدون أسماء معلهش أول كريدت كارد طلعته من أتخن بنك هنا و اللوجو بتاعه أحمر كان أول شهر جيت فيه ولا كنت بشتغل و لاعندى اى دخل طلعهولى واد فلسطينى زى الفل أحلى حاجه بقى و لاكان عندى أثبات شخصيه علشان جيت فى اضراب 2002 الشهير الى قعد 3 شهور لاعارف اعمل الاوهيب و لارخصه سواقه.

اول كارت مكتبه طلعتهولى ست سودانيه بتشتغل فى المكتبه الرئيسيه الى فى يونج مع ب........ و لاكان أى شى يثبت أنا ساكن فين،والله العظيم حطت الكارت بتاع health club . أول قرض للبيت أخدته من البنك الشهير أبو لوجو أزرق عملتهولى ست مصريه و لاكنت qualified للمبلغ اللى انا عايزه و الله عدتلى ورق مضروبه بشغل أضافى علشان أعلى دخلى و غيره و غيره . أنت نفسك شاغل نفسك و بترد على أى سؤال لاى حد جاى مش علشان تساعده ...... و فى النهايه برضه عازمك على حواوشى مع أبو مروان فى ليالى الشرق مع حجر معسل و سلام لكل أهل المنتدى الكرام

[yassir]

الاخ الفاضل ياسر

تقديرى و اعتزازى بوجودك بيننا مثالا للشخصية المحترمة

اهلا و سهلا بك هنا بين اخوتك و اخواتك

ربنا يبارك لك

تسلم يا أبو أسكندر ,و ياريت أذا كنت من أهل المشرق الكندى الكندى العظيم نشوفك قريب و زى موعدت كل شله الأسكندرانيه أول باربيكيو عليا محسوبك عليه برجر حلال أوعى وشك حاجه كده تفكرك بحسنى و بقش و الحاجات الأصيله بتاع حبيبتى أسكندريه أحلى بلد فى الدنيا .

[yassir]

الاخ الفاضل ياسر

تقديرى و اعتزازى بوجودك بيننا مثالا للشخصية المحترمة

اهلا و سهلا بك هنا بين اخوتك و اخواتك

ربنا يبارك لك

لامواخذه ياأخت اسكندريه ليه والله ماأخت بالى اصلى واخد على حكايه أبو سكندر ديه , خالص اعتذارى .....

[yassir]

الأخ ياسر ألف شكر ليك على أسلوبك المحترم :lol:

و المفروض يكون هوه ده أسلوب المصريين مع بعض و خصوصا في الغربه

لو وقفنا مع بعض بجد كل حاجه هتتسهل ومش هيكون في أحسن مننا

بنت مصر :lol:

الأخت بنت مصر , الف تحيه من مواطن سكندرى و زى ما قلت للأخ ايهاب الواحد لوقعد يكتب على جدعنة المصريين و العرب اللى وقفوا معايا هنا حاحتاج لمنتدى لوحدى, مراتى عاجبها أوى اسم بنت مصر دى و بتبعلك أحلى سلام ليكى و العائله.

[yassir]

عندي سؤال يا شباب

بالنسبة لي كمهندس مدني سمعت اني لازم أجتاز سنتين معادلة كندية

هل توجد طريقة معينة لاجتياز هذه المعادلة اثناء انتظاري للفيزا في مصر ؟

هل توجد جامعات في كندا تعطي هذه المعادلة علي الانترنت مثلا بمصروفات معقولة ؟

هل يسهل علي ان اجد وظيفة بمجرد اجتياز المعادلة سواء في مصر أو في كندا أم يلزمني شهادات أخري ؟

شكرا لكم

الأخ العزيز سمسم ,

بالنسبه لمهندسين مدنى فالموضوع يختلف حسب سنوات الخبره يعنى مثلا اذا كان عندك 10 سنوات خبره فاكثر مش فى حاجه تعادل حاجه ولا يحزنون (حاليا ممكن من 5 سنين خبره) بتحتاج انك نفتح ملف هنا فى ال PEO و ده نقابة المهندسين المحترفين فى اونتاريو و تقدم أصول شهادات الخبره , حتلاقى الورق المطلوب و الرسوم على الموقع بتاعهم .

http://www.peo.on.ca/

حتلاقى ملف PDF كامل فيه كل المعلومات فى اللنك نمره واحد Professional Engineering Licence

و بعدين حيبعتولك ان سنوات الخبره بتاعتك مؤهله لمقابله شخصيه ,لو عديت من المقابله حاتخد الرخصه و تقدر تمارس المهنه .

المقابله بتشرح فيها الشغل الى أشتغلت فيه , هنا المهندس المدنى يعنى مصمم يعنى لازم كلامك يكون عن تصميمات عملتها أو أشتركت فيها و أحسن حاجه أنك تكون مجهز تصميم معين تتكلم عليه و دى بتكون حوالى 45 دقيقه .

كمان يستحسن انك يكون معاك صور و لوح تتكلم عليها مش حسابات بس, من ضمن الشروط للمقابله انك تحط اسماء رؤساء أو زملاء ليك أشتغلوا معاك فى المشاريع الى قدمت ان عندك خبره فيها و هما بيكلموهم , و ديه مقدور عليها حط اسامينا هنا و أى حد يتصل احنا فى الخدمه, لو حتحط اسامى زمايل ليك فى مصر أو الخليج و محتاجين خدمه ترجمه حتتدفع الخدمه ده للنقابه.

أيه كمان يا سيدى ....بعد ما تعدى المقابله اشاء الله لازم تشتغل 9 شهور تحت ايد مهندس واخد الرخصه و بعدها تبقى P.ENG اشاء الله.

لو لاقدر الله معدتش من المقابله او مش مؤهل ليها يبقى حايرجعوا تقديرات السنين الى انت مقدمها مع الورق و على اساسها حيحددوا ليك كام كورس تمتحن فيهم بدل المقابله و ديه بتختلف من شخص لاخر, وحاليا ممكن تعمل الأمتحان فى الموضوعات ديه فى مصر. بتختار 3 أمتحانات من اربعه و بيبعتولك لسته بالكبت الى ممكن تساعدك فى الامتحان .

موضوع الشغل بقى له حكايه تانيه حاقولك عليها فى مشاركه اخرى.