كل ما تريد معرفته عن (كندا)

[yassir]

عندي سؤال يا شباب

بالنسبة لي كمهندس مدني سمعت اني لازم أجتاز سنتين معادلة كندية

هل توجد طريقة معينة لاجتياز هذه المعادلة اثناء انتظاري للفيزا في مصر ؟

هل توجد جامعات في كندا تعطي هذه المعادلة علي الانترنت مثلا بمصروفات معقولة ؟

هل يسهل علي ان اجد وظيفة بمجرد اجتياز المعادلة سواء في مصر أو في كندا أم يلزمني شهادات أخري ؟

شكرا لكم

الأخ العزيز سمسم ,

بالنسبه لمهندسين مدنى فالموضوع يختلف حسب سنوات الخبره يعنى مثلا اذا كان عندك 10 سنوات خبره فاكثر مش فى حاجه تعادل حاجه ولا يحزنون (حاليا ممكن من 5 سنين خبره) بتحتاج انك نفتح ملف هنا فى ال PEO و ده نقابة المهندسين المحترفين فى اونتاريو و تقدم أصول شهادات الخبره , حتلاقى الورق المطلوب و الرسوم على الموقع بتاعهم .

http://www.peo.on.ca/

حتلاقى ملف PDF كامل فيه كل المعلومات فى اللنك نمره واحد Professional Engineering Licence

و بعدين حيبعتولك ان سنوات الخبره بتاعتك مؤهله لمقابله شخصيه ,لو عديت من المقابله حاتخد الرخصه و تقدر تمارس المهنه .

المقابله بتشرح فيها الشغل الى أشتغلت فيه , هنا المهندس المدنى يعنى مصمم يعنى لازم كلامك يكون عن تصميمات عملتها أو أشتركت فيها و أحسن حاجه أنك تكون مجهز تصميم معين تتكلم عليه و دى بتكون حوالى 45 دقيقه .

كمان يستحسن انك يكون معاك صور و لوح تتكلم عليها مش حسابات بس, من ضمن الشروط للمقابله انك تحط اسماء رؤساء أو زملاء ليك أشتغلوا معاك فى المشاريع الى قدمت ان عندك خبره فيها و هما بيكلموهم , و ديه مقدور عليها حط اسامينا هنا و أى حد يتصل احنا فى الخدمه, لو حتحط اسامى زمايل ليك فى مصر أو الخليج و محتاجين خدمه ترجمه حتتدفع الخدمه ده للنقابه.

أيه كمان يا سيدى ....بعد ما تعدى المقابله اشاء الله لازم تشتغل 9 شهور تحت ايد مهندس واخد الرخصه و بعدها تبقى P.ENG اشاء الله.

لو لاقدر الله معدتش من المقابله او مش مؤهل ليها يبقى حايرجعوا تقديرات السنين الى انت مقدمها مع الورق و على اساسها حيحددوا ليك كام كورس تمتحن فيهم بدل المقابله و ديه بتختلف من شخص لاخر, وحاليا ممكن تعمل الأمتحان فى الموضوعات ديه فى مصر. بتختار 3 أمتحانات من اربعه و بيبعتولك لسته بالكبت الى ممكن تساعدك فى الامتحان .

موضوع الشغل بقى له حكايه تانيه حاقولك عليها فى مشاركه اخرى.

الأخ سمسم نسيت اقولك لقلك لسته بمواضيع الأمتحانات حاعملها سكان علشان عندى هارد كوبى بس , ان شاء الله بكره ابعتهالك.

سلام مؤقت.

[احمد عبده]

انا زعلان جدا

في خلق في الاسلام اسمه التغافر و ده خلق جميل جدا

لكن في خلق تاني اجمل اسمه التغافل انك تتغافل عن اخطاء الاخرين وتتعتبرها اصغر من انك ترد عليها

ده كان اولا

ثانيا بقي وده مهم

فانا اعتقد اني بتكلم علي لسان كل جمهور المنتدي لما اقول

1- احنا لما بنفكر نروح كندا فاحنا مش متخيلين اننا رايحيين الجنة ما فيش جنة علي الارض

لكن احنا موافقين اننا نتعب ونتبهدل و نشقي لغاية ما نوصل لاهدافنا ومش بس موافقين لكن احنا عايزين كمان

المعني اننا مش راضيين علي الحياة في مصر

ومش مستريحين في الخليج فبندور علي الاحسن

قريت منتديات كتير عن كندا منها ده (150 صفحة) وقريت منتديات عن استراليا وامريكا و رحت معهد جوتة الالماني والمركز الثقافي الفرنسي واستريحت اكتر لكندا

اللي عايز يشتم في كندا ده شئ مفيد بيعرفنا كل ابعاد الموضوع ( باطلب من اخويا الكبير ايهاب انه يكلمنا عن مساوئ كندا ويجيب اوحش كام صورة لكندا ) لكن اللي يشتم يقول نروح فين وفين ده احسن في ايه

الاكيد ان مصر وصلت لمستوي من التدني (110 علي العالم) يخلي فيه 109 دولة الحاة فيهم احسن

كلمونا نروح فين ولما نروح نعمل ايه.

2- احلامنا ماهياش ضخمة . اساس احلام اي واحد فينا هي انه يقدر ياخد حقوقه الاساسية ( حقوق انسان - عدالة-تعليم- تأمين صحي -امن -جنسية تحترم-مقابل مادي مناسب)

الزياده عن كده تعتبر طموح نسعي لتحقيقه والله الزيادة عن كده ما كنش عمره طلعني من بلدي

3- بالنسبة ليا قصص نجاح بعض الناس في حياتهم مشجعة والغريب ان قصص فشلهم برضه مشجعة

وانا عارف اني لو في الصومال هنجح جدا برضه ان شاء الله

ولو الدنيا وقفت في وشي و لو رحت كندا لقيتها ولعت برضه هانجح

عايزيين معادلة ( طب ) هاعملهم اتنين عايزين خبرة كندي هابقي خبير ان شاء الله

المعني ان قصص فشل البعض اللي ا/تورنتو بيحكيها و الشوارع الوحشة والناس اللي مش عارف ايه كل ده مش بيخوف

كمان مش مقنع انك تكون قاعد في كندا و ما شاء الله ناجح فيها كمان (دخل سنوي 120 الف يعني شهري 10000*5.5=55الف جنيه )وتقنعني انا اللي لما اخلص طب هاقبض 230 جنية و بنعمل اضرابات علشان نخليهم الف

لو سمحت يا ا/تورنتو انا عارف انك عايز تساعد لكن اذا سمحت ما تقولش كندا وحشة لكن قول ان البلد الفلاني احسن

و لو سمحت يا استاذ ايهاب انت كنت بتفيدنا جدا لما كنت بتتكلم عن مواقف لك في كندا وحشتنا الحكايات دي ( اللي هيا يا استاذ تورنتو وجهات نظر سخصية هو حر فيها ) ولو مصمم انك ترد علي ا/ تورنتو فممكن تاخد ايميله وتقنعوا بعض براحتكو من غيرنا

اسف للاطالة و كل تحياتي لاستاذ : ياسر , الشامي , ايهاب لما بيبقي فيه حالة سلام في المنتدي , تورنتو لما بيرد عل اسئلة اي حد وكل الناس الحلوة اللي مش هننساهم استاذ : وجدي و جيهان و ياسمين و زوهيري

[yassir]

السلام عليكم

هوة ده الكلام يا عم ياسر

ربنا يباركلك

الأخ حسام , احلى تحيه وشكر من ابن اسكندريه البار , أعمل حسابك فى الباربكيو اللى جى مع حتة فطير من عند الواد عيد بتاع لورانس و لا نمشيها سجق اسكندرانى المره دى. :lol:

[amir al tounisi]

سلام عليكم أنا قرأة كل ماصار مع الأخ إيهاب والأخ تورنت صحيح لم يسعدني ماجري ولكن بصراحه إندهشت منكم لما هاجمني تورنتو لم يتكلم أحد ماعدا أخوين جازاهم الله لأنهم أحسنوا النيه في كلامي والآن أدهشتوني أكثر لاأحد في مداخلته سأل أين الأخ تورنتوا أناصحيح لا أريده أن ينفعل في الحوار أو يتبارز في التعنيف لكن واجب السآل عنو كما أغضبكم أسلوبه في الرد لا تنكرو مساعدته لنا في تساؤلاتنا ولا يخلو أي إنسان من العيوب وربنايوفق الجميع وأقول لأخ إيهاب و تورنتو خيركم من بادر بالسلام

[drbakir]

يعني

[alaashabana]

شكرا يا استاذ ايهاب على ردك الجميل ......والصورة دى مغنية اسمها ديدو وانا بعشقها جدااا متهيألى عادى ولا الصورة دة مشكلة للمنتدى !!!!!!!!!

[madzoro]

الاخ ياسر و الاخ احمد عبده

جزاكم الله خير و جعله في ميزان حسناتكم

ابقى خليلي حتة فطير يا ياسر بيه على جنب

اخوكم / مديح اللبودي

[octavianus]

السلام عليكم ورحمه الله وبركاته

الف شكر لكل الاخوة ع المجهود الجبار دة الى خلانى شكلى كدة هشيل من دكاغى فكرة استراليا واروح كندا بسبب الناس الحلوة دى كلها lol

من الاخر انا معايا ليسانس اداب قسم تاريخ وباخد كورسات فى الانجليزية والفرنسية والالمانية والايطالية

ايه هى بقى فرصتى فى كندا

وياريت لو صفر ماحدش يقولى وسيبونى كده اضحك على نفسى loooooooooooooooool

[اسكندرية تانى]

الاخ الفاضل ياسر

تقديرى و اعتزازى بوجودك بيننا مثالا للشخصية المحترمة

اهلا و سهلا بك هنا بين اخوتك و اخواتك

ربنا يبارك لك

لامواخذه ياأخت اسكندريه ليه والله ماأخت بالى اصلى واخد على حكايه أبو سكندر ديه , خالص اعتذارى .....

اخى الفاضل و ابن بلدى ياسر

و لا مؤاخذة و لا حاجة انا دكتور احمد اسكندرانى فى الخليج و نفسى اجى لكم كندا النهارده قبل بكره

و لكن هذا لايمنع من ان تحوش لى نصيبى فى طبق الكبدة الاسكندرانى مع رغيف الحواوشى اللى اتفقنا عليه

و شيل لى الاكل سخن لغاية ما اخلص اجراءات الهجرة و اوصل كندا انا و الفاموليا ان شاء الله

تقبل تحياتى

[Abo Marwan]

[ post=354144' date='Apr 29 2008, 07:58 AM]

فى النهايه برضه عازمك على حواوشى مع أبو مروان فى ليالى الشرق مع حجر معسل و سلام لكل أهل المنتدى الكرام

أخي العزيز ياسر...

أيه الحلاوة دي .. ياأخي أخجلتم تواضعنا ..

وعد ..أول ما أوصل كندا بأذن الله راح أسعى جاهداً أتصل فيك ولقاءك أنت والأخ العزيز تورنتو / عمر / وكل الأخوة الكرام وخاصة أخي أيهاب وأجيبلكم معاي ريحة مصر ..

أرجوك أن تبلغ أخي / تورنتو / سلامي .. وأنه بلاش من الزعل والأبتعاد عن المنتدى لأن في أخوة كثيرين مستنين مشاركاته ، بس هو يصلي على النبي وبلاش هذا السلوب الهجومي والمتعصب في الرد .. والله أنا من قرأت رسالته الي بعثها لي على الخاص عرفت كم معدن هذا الأنسان نقي ونظيف ، وأنه أنسان محترم ومش عاوز الناس في كندا تتبهدل علشان هذا بتكون ردود فعله عنيفة وبيحاول جاهد أنه يصور للناس أنه كندا مش جنة الأحلام ألي في تفكير الكثيرين يعني لازم يعرفوا أنه في صعوبات وعقبات وفي كفاح متواصل.. بس هذا مايمنعش أنه في هناك تجارب ناس كثير مكافحين ماشاء الله عليهم ونجحوا وحققوا نجاحات أثلجت صدورنا جميعاً مثل أخونا الشمعة في المنتدى / أيهاب / الله يبارك فيه ويوفقه شرح تجربته بكل أيجابية ، ومالتوفيق الا من عند الله ..

مرة أخرى شكراً ياأخي ياسر على هذه الدعوة.. والى لقاء قريب بعون الله تعالى

أبو مروان

[moab]

الأخوة الكرام

في منتدى إسمه مكتوب العرب المسافرون ، الناس فيه بتحكي عن تجاربها في السفر لدول العالم المختلفة وفي باب مخصوص للسفر لكندا ، جبتلكم رابط لموضوع لفت نظري

هو طبعاً في فرق ما بين إنك تروح كندا للسياحة أو الدراسة وإنك تروح كمهاجر ، لكن من باب العلم بالشيء

http://travel.maktoob.com/vb/travel182433/

تم تعديل 30 أبريل 2008 بواسطة moab

[جبار سينج]

السلام عليكم ورحمة اللة وبركاتة

[اسكندرية تانى]

السلام عليكم ورحمة اللة وبركاتة

و عليكم السلام و الرحمة

اتفضل شاى معانا

[اسكندرية تانى]

الاخوة الاعزاء

اثناء بحثى على النت لقيت اللنك دا و فيه ملحوظات حلوة عن الانترفيو و كيف تستعد له و ما هى الملابس المناسبة

و غيره الكثير من المعلومات

ارجو ان يكون مفيدا

[اسكندرية تانى]

تعتقدوا موقع وكالة الانباء الكندية ممكن يكون مفيد؟

يمكن.... ليه ما نجربش الموقع

[yassir]

الاخ الفاضل ياسر

تقديرى و اعتزازى بوجودك بيننا مثالا للشخصية المحترمة

اهلا و سهلا بك هنا بين اخوتك و اخواتك

ربنا يبارك لك

لامواخذه ياأخت اسكندريه ليه والله ماأخت بالى اصلى واخد على حكايه أبو سكندر ديه , خالص اعتذارى .....

اخى الفاضل و ابن بلدى ياسر

و لا مؤاخذة و لا حاجة انا دكتور احمد اسكندرانى فى الخليج و نفسى اجى لكم كندا النهارده قبل بكره

و لكن هذا لايمنع من ان تحوش لى نصيبى فى طبق الكبدة الاسكندرانى مع رغيف الحواوشى اللى اتفقنا عليه

و شيل لى الاكل سخن لغاية ما اخلص اجراءات الهجرة و اوصل كندا انا و الفاموليا ان شاء الله

تقبل تحياتى

ابو سكندر جديد و الله ياولاد شكلها حارجع أيام شلتى الى فى اسكندريه و حنعمل احتلال لقهوه ليالى الشرق حاكم ياسيدى الأغلبيه دلوتى للسوريين هناك بش معلهش مسير أبو حمييد يوصل ياكندا و الحواوشى فى انتظارك ...أحلى تحيه

[Abo Marwan]

أخي ياسر .. السلام عليكم

معادلة شهادة المهندس المدني عرفناها ..بارك الله فيك..

طيب كيف يتم معادلة شهادة المهندس الكيمياوي مع خبرة طويلة لو أمكن ..

أبو مروان

[yassir]

سلام عليكم أنا قرأة كل ماصار مع الأخ إيهاب والأخ تورنت صحيح لم يسعدني ماجري ولكن بصراحه إندهشت منكم لما هاجمني تورنتو لم يتكلم أحد ماعدا أخوين جازاهم الله لأنهم أحسنوا النيه في كلامي والآن أدهشتوني أكثر لاأحد في مداخلته سأل أين الأخ تورنتوا أناصحيح لا أريده أن ينفعل في الحوار أو يتبارز في التعنيف لكن واجب السآل عنو كما أغضبكم أسلوبه في الرد لا تنكرو مساعدته لنا في تساؤلاتنا ولا يخلو أي إنسان من العيوب وربنايوفق الجميع وأقول لأخ إيهاب و تورنتو خيركم من بادر بالسلام

أنا بضم صوتى للأخ أمير , ياجماعه انتو الأتنين من أكثر الناس الى أثروا المكان ده بالمعلومات المفيده و كمان نواياكم سليمه و الغرض من اشتراكم هنا خدمه كل الناس الى بتسأل و محتاجه تعرف تعمل ايه فى النقله الكبيره الى حتحصل فى حياتهم بالهجره . مفيش أى مبرر لانقطاع أى حد فيكم عن خدمه المسلمين ,كفايه ان ربنا استعملكم لخدمه أخوه ليكم عايزيين يهاجروا للرزق و المستقبل الأفضل لنفسم و لاولادهم .

رجاء من أثنين مصريين ناجحين و اشاء الله حيكونوا سبب فى نجاح غيرهم انكو تروحوا جامع صلاح الدين بين الساعه واحده و اتنين الظهر و أقعدوا أسمعوا اسماء الولاد و البنات و المدرسين بيقولوا أسمائهم فى المكرفون ....اسمعوا اسم عائشه و أم سلمه وأبو بكر و خديجه و عبد الرحمن .......و غيره حتعرفوا الهدف الحقيقى من وجودنا هنا كل النبت المسلم ده و معاه عيال أبو مروان و انا و غيرنا و انشاء الله الدكتور أحمد أبن بلدى العزيز و كل الى مقدمين للهجره الى ارض الله الواسعه هما المكسب الحقيقى و الهدف الحقيقى.معلهش اختلفنا و زعلنا من بعض مش عيب الصحابه أتخانقوا و الرسول فوق المنبر و كادوا يضربوا بعض و كل و احد اتعصب لرأيه لكن بعد الموقف ما عدى مش محتاج أكمل عملوا ايه للدنيا كلها..

مفيش شى اقدر أختم بيه مشاركتى غير انى ادعو كل المشاركين اللى عرفوا الأتنين أن اصلحوا بين أخويكم ,أظهروا لهم قد ايه أهميتهم عندنا زى الأخ أمير بالسوال و كمان بالدعاء . و انشاء الله ينتهى الجو المختنق ده و يرجعوا الأتنين يمتعوا الجميع بمشاركات كلها أفاده.

[yassir]

الاخ ياسر و الاخ احمد عبده

جزاكم الله خير و جعله في ميزان حسناتكم

ابقى خليلي حتة فطير يا ياسر بيه على جنب

اخوكم / مديح اللبودي

الأخ مديح ....عينينا يا باشا فطيره بحالها و برطمان عسل كمان .....فى انتظارك على ناصيه شارع لورانس مع واردن.

[madzoro]

الاخ ياسر و الاخ احمد عبده

جزاكم الله خير و جعله في ميزان حسناتكم

ابقى خليلي حتة فطير يا ياسر بيه على جنب

اخوكم / مديح اللبودي

الأخ مديح ....عينينا يا باشا فطيره بحالها و برطمان عسل كمان .....فى انتظارك على ناصيه شارع لورانس مع واردن.

شكرا ليك يا اخي ياسر الواجب وصل

لو تعرف تعزم اخونا ايهاب و اخونا تورنتو على القهوة بجد ..... ( مش انتم كلكم في تورونتو برضو والا ايه )

و ربنا يقدرك انت او اي حد تصلحو بينهم عشان انتم اذا اجتمعتم و انتو في المهجر ممكن تفيدو بعض جدا و تفيدو اخوانكم المصريين المهاجرين و اللي لسة هايهاجرو

انا عايز اسستفسر منك لو عندك فكرة عن مجال العمارة في كندا ( اخوك مهندس معماري ) ايه افضل الولايات المناسبة للمجال دة وايه اللي ممكن يساعدني احضر نفسي للمجال ده هناك من معادلة و شهادات ........الخ

شكرا مقدما