كل ما تريد معرفته عن (كندا)

[SEMSEMS]

عندي سؤال يا شباب

بالنسبة لي كمهندس مدني سمعت اني لازم أجتاز سنتين معادلة كندية

هل توجد طريقة معينة لاجتياز هذه المعادلة اثناء انتظاري للفيزا في مصر ؟

هل توجد جامعات في كندا تعطي هذه المعادلة علي الانترنت مثلا بمصروفات معقولة ؟

هل يسهل علي ان اجد وظيفة بمجرد اجتياز المعادلة سواء في مصر أو في كندا أم يلزمني شهادات أخري ؟

شكرا لكم

الأخ العزيز سمسم ,

يا اخي والله مش عارف اشكرك ازاي

بالرغم اني مهندس تنفيذ يعني ولا 20 سنة يغنوني عن المعادلة الا اني هاقدم واعمل المعادلة وامري لله

منتظر مشاركاتك القيمة وخصوصا عن العمل وسوق العمل

شكرا جزيلا

[salamatarek]

سؤال للاخ ياسر عن اماكن الامتحان بتاع معادلة المهندسين فى مصر و هل الامتحان ده بعد الانترفيو فى نقابة المهندسين فى كندا ولا ممكن فى اى وقت بعد وراسلة النقابة هناك وانهى نقابة اللى بتبعت الكيت اللى قولت عليه وشكرا

[وليد نور]

لو سمحتوا عاوز استفسر لو الواحد قدم كيبيك وهاجر على كيبيك ولو معجبوش الحال فى كيبيك هل ممكن يروح اى ولاية تانية ممكن مثلا يروح تورينتو او فانكوفر

شكرا

وليد يوسف

[yassir]

سؤال للاخ ياسر عن اماكن الامتحان بتاع معادلة المهندسين فى مصر و هل الامتحان ده بعد الانترفيو فى نقابة المهندسين فى كندا ولا ممكن فى اى وقت بعد وراسلة النقابة هناك وانهى نقابة اللى بتبعت الكيت اللى قولت عليه وشكرا

الأمتحانات دى اذا لم تنجح فى المقابله الى بتعملها هنا , و النقابه هى PEO و الموقع بتاعها http://www.peo.on.ca/ , مهنه المهندس هنا مش الاساس فيها انت معاك شهادة ايه , يعنى فى بلاد زى روسيا و رومانيا و معظم دول اوروبا الشرقيه فيها فنيين معاهم شهاده فنى مدنى بعد دراسه اربع سنوات لما بييجى هنا ممكن يشتغل مهندس. الأسا س فى عمل المهندس هنا الحصول على رخصه من النقابه . و دى بتاخدها بعد ماتشتغل 9 شهور تحت ايد مهندس معاه الرخصه , طبعا هى عامله زى البيضه و الفرخه , لانك محتاج تشتغل علشان تاخد الرخصه و محتاج الرخصه علشان تشتغل علشان كده فيه ناس هنا بتشتغل متطوعيين فى شركه بدون اجر لحد ما ياخد الرخصه .

الشى المهم الى لازم يكون فى ذهن أى مهندس مدنى قرر الهجره الى كندا ان معنى كلمه مهندس هنا يعنى مصمم مافيش حاجه اسمها مهندس موقع ,مهندس مكتب فنى, مدير تنفيذ , مهندس بيعمل مستخلصات و مهندس تخطيط ...الخ .المهندس هنا يعنى مهندس انشائى و مهندس معمارى اما باقى التفريعات فى الهندسه المدنيه زى حصر الكميات , العطاءات , ادارة المشروعات و كمان ادارة العقود فكلها لها كورسات منفصله فى معاهد .

يعنى علشان تشتغل quantity surveyor هنا تاخد سنتين دراسه فى collage بتقدم البرنامج ده و تاخد عضويه نقابه (فنيين حصر الكميات) أو بالبكالوريوس بتاع مصر تتقدم للنقابه بتاعة فنيين حصر الكميات و تاخد كورسات عددها 10 كورسات و تبعى عضو و ملهاش اى علاقه بالى انت درسته فى مصر علشان 90 فى الميه من الشغل هنا خشب مش خرسانه.

عايز تشتغل بتاع برامج زمنيه نفس الموضوع ليهم نقابه و ليهم كورسات تاخدها و تبقى scheduler أو planner.

نفس الكلام لبتوع العطاءات و دول اكتر ناس ليهم شغل بس ملهاش اى علاقه بالدراسه فى مصر علشان هنا ال estimators بيشتغلوا غالبا على سوفت وير فيه اسعار جاهزه و بتدخل كميات و كمان ال overhead و التكاليف ليها قياسات مختلفه.

المهم فى الكلام هو انك عملت المقابله و نجحت..... عايز تدريب ,منجحتش .....و حاتخد الكورسات عايز تدريب و هى دى النقطه المهمه عايز تبقى مهندس من اولها ضيعلك سنه و خد الرخصه و ساعتها انشاء الله تتسهل و تلاقى شغل, كل لما تقدم هنا مش حتعرف تشتغل مهندس لان محدش حيشغلك مهندس و انت مشتغلتش مهندس بقئالك 4 او 5 سنين .

معلش انا بكتب من غير ترتيب شويه بس باحاول اقولكوا الى أعرفه عسى انى ربنا يوفق الجميع

[moab]

الأخ الكريم ياسر

أنا عندي صديقي خريج المعهد الفني الصناعي قسم مدني مكتب وبيشتغل فني معماري وعنده خبرة حوالي خمس سنوات ومحترف في الأوتوكاد ، وكنت طرحت سؤال هنا في المنتدى عن مجموع نقاط التعليم لأنه مكتوب في موقع الهجرة إن الحاصل على دبلوم فني لمدة سنتين بعد الثانوية العامة مع 14 سنة دراسة بياخد في نقاط التعليم 20 زي اللي معاه بكالوريوس

فلو سمحت عاوز تأكيد لمعلومة نقاط التعليم إذا أمكن

وهل ينطبق عليه اللي قلته سابقاً وممكن يروح كندا ويدرس ويشتغل مهندس

وشاكر ليك أفضالك مقدماً

تم تعديل 3 مايو 2008 بواسطة moab

[وليد نور]

لو سمحتوا عاوز استفسر لو الواحد قدم كيبيك وهاجر على كيبيك ولو معجبوش الحال فى كيبيك هل ممكن يروح اى ولاية تانية ممكن مثلا يروح تورينتو او فانكوفر

شكرا

وليد

[Abo Marwan]

معلش انا بكتب من غير ترتيب شويه بس باحاول اقولكوا الى أعرفه عسى انى ربنا يوفق الجميع

أخي ياسر .. السلام عليكم

شكراً مرتين الأول على هذه المعلومات المفيدة جداً بخصوص معادلة شهادة المهندس المدني أو المعماري في كندا ، والثاني للرسالة الي بعثتها لي على الخاص ، وربنا يجيب الي في الخير ويهدينا للخير جميعاً ..

أخي سبق أن طلبت منك تكتب لنا عن تجربتك في كندا من بداياتها ولغاية الآن أذا وقتك يسمح كما عمل الكثير من الأخوة لتعميم الفائدة للجميع وكذلك عن تجارب عدد من الأخوة العرب المحيطين بك كانت أيجابية أو سلبية وخاصة أذا كانت حديثة تغني الموضوع ...

مع خالص التحية والتقدير ..

أبو مروان

[ahmed essam]

الاستاذ ايهاب

ارجو منك توضيح عمل ال cv التى تتلائم مع احتياجات سوق العمل الكندى . هل هناك موافع على الانترنت تفيد فى هذا المجال . مع الشكر

[yassir]

معلش انا بكتب من غير ترتيب شويه بس باحاول اقولكوا الى أعرفه عسى انى ربنا يوفق الجميع

أخي ياسر .. السلام عليكم

شكراً مرتين الأول على هذه المعلومات المفيدة جداً بخصوص معادلة شهادة المهندس المدني أو المعماري في كندا ، والثاني للرسالة الي بعثتها لي على الخاص ، وربنا يجيب الي في الخير ويهدينا للخير جميعاً ..

أخي سبق أن طلبت منك تكتب لنا عن تجربتك في كندا من بداياتها ولغاية الآن أذا وقتك يسمح كما عمل الكثير من الأخوة لتعميم الفائدة للجميع وكذلك عن تجارب عدد من الأخوة العرب المحيطين بك كانت أيجابية أو سلبية وخاصة أذا كانت حديثة تغني الموضوع ...

مع خالص التحية والتقدير ..

أبو مروان

الأخ العزيز أبو مروان ,

الحقيقه موضوع التجربه فى كندا ممكن يكون مفيد لناس كتير زى ما قال الأخ أحمد عبده سواء كانت ناجحه أو فاشله , لكن أنا حاحكيلك موقف أتعلمت منه حاجه , بعد ما جيت بفتره كان فيه اعلان فى الجرنان خاص باحد ال workshop الخاص بمكافحه التفرقه العنصريه تحت أى شكل... اللو ن أو الجنس او الدين ... و كان مسموح للمتكلم ب 3 دقائق يتكلم عن تجربته .....اتكلمت مع منسقه عمل البرنامج و حجزت التلت دقايق بتوعى ....و بعدين قلت حتقول ايه يا واد عن تجربك ....حتقعد تحكى مواقف اتعرضت ليها و لا شفتها حصلت لحد ...طيب ده محتاج وقت طويل , انا كان كل الى يهمنى الاشتراك فى النوعيه دى من الأنشطه , و بعد تفكير و تدوير و ييجى 3 حجارة معسل....... لقيتها .

انا عايز ايه الناس تفتكر الكلمه بتاعتى ....هو ده الى مسيطر على تفكيرى , طيب متفكر بره الصندوق , حرر تفكيرك ,ليه بتفكر فى كلمه اساسا ....متخليها صوره و عنها يا ابو مروان و شعشعت فى دماغى , و رحت جايب شريط اسود ,و أخدت بعضى و رحت مصور صوره شهيره جدا حتشوفها لما تيجى فى المترو وهى لمترو من 50 سنه يعنى أول مااتفتح .

و فريره على على عم staples و هو محل شهير للادوات المكتبيه و الطباعه و خلافه و رحت طابع الصوره و اتعمدت أبين البرواز ورحت قاطع صوره واحد من داخل الصوره و حطيت صورتى و طيران على ال workshop.

و قعدت اسمع كل واحد يتكلم ال 3 دقايق بتوعه و الله كلام مش بطال , ايه ده ....ده فيه عيال صغيره ييجى كده 10 أو 11 سنه وراسمين صور بايديهم عن العلاقه بين الأبيض و الملون .....و ناس بتقول عن تجربتها فى العمل و واحد من ال MPP اللى هما أعضاء البرلمان زى ما انت عارف ....وواحد من جريده share بتاعه السود هنا ...و غيره و غيره .....المهم كله زى بعضه مش انت عضو فى البرلمان تاخد ساعه و انا مواطن غلبان اخد 3 دقايق ......و جه الدور عليا ....يا نهار دا الواحد كان فاكر العمليه سهله ,دا نا نسيت كل حاجه ....هو انا هنا بعمل ايه ......تاكسى .

المهم قمت و رحت رابط الشريط الأسود على بقى ...و رفعت الصوره ....... :aslam: , كانت صوره المجتمع الى عمل المترو كلهم بيض مفيش و لاواحد ملون مع ان اللى عمل المترو صينين و صوره الأبيض الى قطعتها مرميه فى الأرض و صورتى مكانها و كتبت تحت الصوره He had a dream ..... I have a future .و كانت أشاره للخطبه الشهيره بتاعة مارتن لوثر كنج I had a dream

المهم النهارده و بكره يا ابو مروان ....حتى لو كان امباح فل الفل أو محمل بالذكريات المؤلمه أو نفسنا نرجع زى زمان..... المهم ان ممكن الى جاى احسن ....علشان كده انا اقترحت عليك حكايه موضوع جدبد نسميه كندا يوم بيوم , للناس الى عايشه هنا ...عملت ايه النهارده ... اشتريت عربيه منين و بكام , اشتغلت الحمد لله ....عملت ايه عشان تشتغل ....أخدت كورس امبارح فى ايه و بكام ....عملت الضرايب عند مين ......و غيره

و فى خلال عرضنا للمواقف حاكتب عن مواقف حصلتلى هنا مع مناسبتها زى مثلا المظاهرات و الحريه السياسيه , شرا البيت , الأنجاب هنا و الأولاد فى الغربه حالهم ايه , الشغل و الفسحه و التليفونات و الملابس و الأكل و فقه المغتربين و الأقليات و غيره

أنا حابتدى الموضوع النهارده ب e-mail جالى و انا فى انتظار اى مقترحات , بس المهم يكون للناس الى هنا علشان الناس اللى ماشيين فى اجراءات الهجره تشوف الحياه هنا يوم بيوم و هما يحكموا حلو بقى وحش هو قدامه المواقف و يحكم بنفسه .

أحلى سلام و فى انتظارك تضيف يومياتك لما توصل انت و العائله و تنور كندا انشاء الله .

[Abo Marwan]

شكراً لك أخي العزير ياسر / أبو عمار / .. تحياتي لك وللأسرة الكريمة ..

أبو مروان

[وليد نور]

لو سمحتوا عاوز استفسر لو الواحد قدم كيبيك وهاجر على كيبيك ولو معجبوش الحال فى كيبيك هل ممكن يروح اى ولاية تانية ممكن مثلا يروح تورينتو او فانكوفر

شكرا ارجو الرد

وليد

[wagdi]

الأخ وليد...

روح مانتا عايز... إن شالله كل شهر تروح تعيش في مقاطعة شكل... كلها كندا...

الفكرة كلها إن الإنتقال ده دوشة ومصاريف وتأقلم من أول وجديد على مدينة مختلفة....

فلو تقدر تكون محدد من الأول إنت عايز تستقر فين يبقى وفرت على نفسك كتير...

تحياتي...

[yassir]

الأخ الكريم ياسر

أنا عندي صديقي خريج المعهد الفني الصناعي قسم مدني مكتب وبيشتغل فني معماري وعنده خبرة حوالي خمس سنوات ومحترف في الأوتوكاد ، وكنت طرحت سؤال هنا في المنتدى عن مجموع نقاط التعليم لأنه مكتوب في موقع الهجرة إن الحاصل على دبلوم فني لمدة سنتين بعد الثانوية العامة مع 14 سنة دراسة بياخد في نقاط التعليم 20 زي اللي معاه بكالوريوس

فلو سمحت عاوز تأكيد لمعلومة نقاط التعليم إذا أمكن

وهل ينطبق عليه اللي قلته سابقاً وممكن يروح كندا ويدرس ويشتغل مهندس

وشاكر ليك أفضالك مقدماً

الأخ العزيز الفضل لله وحده ,

بالنسبه لصديقك فحسب القواعد بتاعه ال PEO مش ينفع , علشان هما بيقارنو الكورسات الى أخدها فى المعهد مع الكورسات اللى مهندس مدنى من أقرب دفعه ليه و اخدها و من نفس البلد و حصل على الرخصه و أعتقد فيه فرق فى عدد المواد و محتواها بين المعهد و مقررات كليه الهندسه .

لكن طبعا ممكن يقدم كفنى حصر الكميات أو estimator . و كمان الاوتوكاد هنا مش محتاج رخصه و لا يحزنون , يعنى تفتح الجرنان تلاقى مطلوب draftman و لارخصه و لا حاجه و غالبا بيطلبوا خبره قليله حوالى 3 سنين بحد اقصى بس لازم النجليزى بتاعه المهنى يكون كويس علشان مسميات الأشياء هنا مختلفه , مش فاكر اذا كنت قلت لك قبل كده ولا لأخ اخر ان معظم الشغل هنا خشب مش خرسانه .

بالنسبه لموضوع نقاط التعليم أنا الحقيقه جيت هنا من فتره طويله نسبيا مكنش على أيامى لانقط و لا حروف معلش ممكن حد من الجماعه اللى لسه مخلصين يفيدك زى الأخت مصريه و مغتربه و أبو مروان.

[madzoro]

السلام عليكم ورحمة الله وبركاته

الاخ ياسر هو المعماري في كندا بيتبع ال PEO؟

و ياريت اذا سمحت تجاوب على سؤالي السابق باستفاضة اكتر و لو فيها رزالة مني .... انا اسف بس انا طمعان في ذوقك

[alaashabana]

فكرة كندا يوم بيوم جميلة والله جداااا وياريت نبدأ من انهاردة .. تحياتى للاخ ياسر وكل الناس الحلوة اللى موجودة ويارب يكون المنتدى دة فاتحة خير علينا كلنا يا اجمل ناس عرفتهم فى حياتى ... علاء شبانه

[moab]

الأخ الكريم ياسر

ألف شكر على اهتمامك وجزاك الله كل خير

[وليد نور]

عاوز استفسر فى المقابلة لو انا مقدم كيبيك المقابلة بتكون اية عبارة عن اية هل هو امتحان فى السفارة +مقابلة مع ظابط الهجرة ام مقابلة فقط مع موظف الهجرة عاوز ارجو ان توضحولى للى هاجر عن طريق كيبيك

شكرا

وليد نور

[دعاء]

عاوز استفسر فى المقابلة لو انا مقدم كيبيك المقابلة بتكون اية عبارة عن اية هل هو امتحان فى السفارة +مقابلة مع ظابط الهجرة ام مقابلة فقط مع موظف الهجرة عاوز ارجو ان توضحولى للى هاجر عن طريق كيبيك

شكرا

وليد نور

:blush2:

وليد نور

مافيش امتحان ولا حاجة الموضوع كله عبارة عن مقابلة مع موظف او موظفة للهجرة لكيبيك فى السفارة لمدة ساعة بحد اقصى

وبيكون معاك كل اوراقك مثل ( شهادات الميلاد - الدراسة - شهادات الخبرة فى العمل - الباسبور - شهادة اللغة الفرنسية ويستحسن تكون من المركز الثقافى الفرنسى )

والمقابلة بتكون عبارة عن حوار باللغة الفرنسية يدور حول :

- لماذا تريد الهجرة وترك بلدك ؟

- لماذا اخترت كيبيك بالتحديد ؟

- ماذا تعرف عن كندا وبالأخص عن كيبيك ؟ ( معلومات جغرافية - اقتصادية - سياسية - ....)

- ما هو عملك ؟ وكيف تقوم به ؟

- وماذا تخطط فى المستقبل بعد الهجرة ؟

وهناك سؤال او اتنين باللغة الانجليزية

واثناء الحوار يطلب الموظف الاطلاع على الاوراق الخاصة بك التى سبقت الاشارة عنها

وهذا كل شئ

[وليد نور]

الاخت دعاء

متشكرا جدا على ردك لكن ارديا ان استفسر منك لو سمحتى انا اعيش السعودية ومقدم من مصر عن طريق مكتب هجرة وطلبت من المكتب انه يخللى المقابلة هنا فى سفارة كندا بالرياض فهل هذا ممكن ؟

[Abo Marwan]

أخي / HDrawish ...

السلام عليكم ..

بارك الله فيك ياأخي وحياك ... وشكراً على هذه المشاعر الرقيقة الطيبة ... :)

أنا لم أعطل خاصية الرسائل الخاصة أطلاقاً وحتماً هناك خلل ما في المنتدى ..

أخي أذا نويت الهجرة الى كندا توكل على الله وبادر بالتقديم لأنه أمامك طريق طويل لأنها بتأخذ وقت / سنوات أنتظار / مثل ما شارحين الكثيرين من الأخوة هنا على صفحات المنتدى ..

على كل حال أنا أرسلت لك رسالة توضيحية على الخاص أرجوا أن تكون قد وصلت..

أهلاً وسهلا ً بيك أخ عزيز وصديق وأن شاء الله سنلتقي في يوماً ما ..

تحياتي لك وللأسرة الكريمة :wub: wst:: .. وربنا يفتح عليكم ويوفقكم ..

أخوك أبو مروان