كل ما تريد معرفته عن (كندا)

[salem khaled]

شكرا جدا جدا اخواني (هادي ) و (Horus) على المعلومات، سوف اصلي استخارة واحاول ابدأ ان شاء الله،

والي الاخ هادي : مش بسرعة كده، انا ماعتقدش اني حتى لو Superman هاقدر اكون في تورنتو يوم الأحد، خليه الاثنين مثلا.

هابقى ابلغكوا بالتفاصيل لما أقرب اجي ان شاء الله، ودعواتكم معايا.

[مهاجرسوري_1]

شكرا جزيلا اخ hours هذا يدل على طيب اصلك وخلقك الكريم

وهنا عندي سؤالان:

اكيد اول ما يوصل الشخص لازم يدور على عمل مؤقت حتى يعدل شهاداته ويعمل بها, والسؤال هنا هل يمكن ان اجد عملا مؤقتا يغطي نفقاتي الشهريه بالمعدل الوسطي كما ذكرت 2500 دولار؟ وممكن تعطينا امثله على مثل هذه الاعمال

السؤال الثاني: ماهي شبكات الموبايل الموجوده بكندا حيث انني ارغب في احضار جهازين معي من نوع نوكيا وسوني اركسون وحبذا لو تقدر تعطينا اسعار الموبايلات بشكل تقريبي

ولكم مني كل شكر وتقدير

[Horus]

موضوع الشغل المؤقت ده .. فى رأئى ... بيعتمد أولا على اللغه ... نظرا لأنه لا يتطلب أى مهارات أخرى

لو الانجليزى بتاع حضرتك كويس ممكن تشتغل فى اى حاجه

أعرف مهندسين زملاء و إضطروا يشتغلوا فى المبيعات او حتى كاشير فى محل

و فيه اللى اشتغل فى مصنع او مخزن

بس دى كانت ايام ال2001 - 2002 .... أعتقد دلوقتى معدل البطاله اقل بكتيير

بس حسب ما بأسمع الشغل ده بيكون على "المينيمم ويج " ... يعنى مثلا 5-7 دولار فى الساعه

و ده ممكن يدخللك صافى بعد الضرايب = 900 - 1000 دولار

- كمان الحكومه بتصرفللك "من أول يوم" ما يعرف بمنحه الاطفال

لو عندك ولدين هيكون من حقك حوالى = 500 دولار كل شهر

موش بأقوللك ناس طيبيين اوى :ph34r:

كده بنتكلم فى 1500 "مينيمم" دخل شهرى :P

طبعا أولا و أخيرا الأرزاق دى بتاعه ربنا و كل واحد يختلف عن الاخر

الأخ الصيدلى "سالم" ... اللى سمعته ان اختبارات المعادله هنا فى البرتا ارحم شويه نظرا للعجز الموجود فى الصيادله

بس الايجارات مولعه هنا جامد يعنى بتتكلم على = 1200 لشقه حجرتين

ربنا يوفقكم يا شباب

أى أسئله أنا تحت امركم

بالنسبه للموبايل

الشبكه اللى ممكن تشتغل معاك هنا هى Rogers

لانها بتدعم نظام ال GSM

انا سمعت انك ممكن تاخد موبايل من هنا - بس يكون موش معمول له Lock

ولو روحت مصر بدلت الشريحه .. هيشتغل عادى

عشان كده اعتقد ان العكس كمان ينفع

و ياريت حد من الشباب يأكد المعلومه دى

تم تعديل 2 أغسطس 2006 بواسطة Horus

[maksoof]

وحبذا لو تقدر تعطينا اسعار الموبايلات بشكل تقريبي

معظم الشركات بتدى الموبايل مجانا لو وقعت معاهم عقد لمدة معينة (بتختلف من 4 شهور ل 3 سنوات)

[مهاجر سوري]

معلومات قيمه جدا

الاخ hours شكلك عيش في البرتا وفي الحقيقه انا كنت محتار بين اونتاريو - تورونتو او البرتا - كالجري ممكن تعطيني ايجابيات وسلبيات البرتا

وفيما يخص الموبايل هل تنصحوني بشرائه من كندا على فكره سعر نوكيا n80 عندنا 560 دولار امريكي وسعر نوكيا n70 عندنا 373 دولار امريكي فما هي نصيحتكم لي هل اشتري من بلدي ام عنما اصل الى كندا

ولكم مني كل شكر وعرفان

[M.ESSAM]

السلام عليكم

أنا مهندس معمارى و أعمل فى شركة مقاولات و بسأل يا ترى ايه وضع مهنة الهندسة فى كندا عموما و فى (تورينتو,فانكوفر) على وجه الخصوص يعنى ممكن ألاقى فرصة للعمل و ايه هو متوسط الدخل للمهندس العادى و يا ترى هل هى مقصورة على ابن البلد أم هناك فرصة للقادمين من الخارج

معلش طولت عليكم و سألت كتير بس استحملونى علشان قرار الهجرة مش سهل...و ياريت أهل الخبرة يردوا عليا الاستاذ هادى ,وجدى , مكسوف و كل الافاضل المقيمين بكندا

شكراجزيلا

[aboda]

الاخوه الاعزاء انا اسمى عبدالله 20 سنه و 8 شهور احب حد يرد عليه فى موضوعى انا اعرف بنت كنديه من سنتين وهى نفسها انى اروح لها كندا وهى عاوزه تدعينى بس مش عارف الدعوه دى هتتقبل هنا فى مصر ولا لاه ولو مش اتقبلت اتمنى اعرف ازاى هى تساعدنى من غير مااقدم فى هجره ومن غير انى ادخل الامتحان الصعب بتاع الهجره وعلى العلم انى مصرى ولسه مخلصتش دراسه انا بدرس فى اكاديميه الدلتا للعلوم وداخل سنه رابعه باكالريوس يعنى لسه ليا سنه هنا بفكر ااجل السنه دى واروح كندا ياريت حد يرد عليه رد بس يكون رد قاطع ولكم جزيل الشكر واتمنى اكون فى كندا فى اقرب وقت

[هادي]

اخي العزيز salem khaled

ربنا يوفقك ويكتب لك الخير حيث كان ويرضيك به

صلاة الاستخارة خطوة جميلة منك وربنا يتقبل باذنه تعالى

ونحن اخوانك و في الخدمة دوما

------------------------------------------------------------

اخي العزيز M.ESSAM

أهلا بك في منتداك و بين اخوانك

يا اخي الفاضل لا يوجد مهنة (لاولاد البلد) ومهنة لغير اولاد البلد

كل من دخل الى دولة كندا بطريق شرعي ورسمي وقانوني هو ابن البلد

وله كل الحقوق القانونية وبالطبع منها حق العمل المناسب

لكن ..

بصفتك مهندس معماري .. فتلك المهنة لها (كود) مختلف جدا عما نفعله في بلادنا

وبالتالي

لابد ان حضرتك تدرس هنا وتاخد شهادة من جامعاتهم تفيد حصولك على العلم المناسب لمزاولة هذه المهنة

خلال سنوات الدراسة .. لك ان تعمل في اي وظيفة تحلو لك من الوظائف المتاحة

وهي بالتأكيد لن تكون وظيفة (مهندس) .. لكن ممكن تعمل في مكتب هندسي على الاوتوكاد مثلا

ارجو اكون قد افدتك

-----------------------------------------

اخي العزيز aboda

أهلا بك في منتداك و بين اخوانك

بخصوص سؤالك وفي ضوء ظروفك الحالية .. لا تزعل مني .. ليس لك أي فرصة في كندا

هذه الخطوة لو قمت بها ستعني انك تترك دراستك في مصر عشان بنت كندية صاحبتها من على النت !!

ده لا يقترب من الطموح المشروع من قريب او من بعيد

يمكن تصنيفه تحت عنوان مغامرات شبابية .. لكنه لا يخلق الرجال

عزيزي

معرفة النت والشات شيء لا يعول عليه اي شاب او راجل مصري حقيقي عاوز يبني مستقبله

ذاكر وركز في مذاكرتك واستخدم الكمبيوتر بشكل افضل من كندا لانه جهاز هام جدا

وممكن يكون مصدر رزق لك لو جربت تشتغل عليه بجدية وتبعد عن الشات

و تحت امرك في أي سؤال وربنا يوفقك

[هادي]

اخواني الافاضل

كانت هذه حال تورنتو في بدايات التسعينات

تخيلوا

شوارع طينية ليس بها وسيلة مواصلات سوى عربات تجرها البغال

طفل حافي القدمين يبيع الصحفي الشوارع

ثم ..

سبحان مغير الاحوال

بالعلم الرصين والعمل الجاد الدؤوب والتخطيط الواضح والتنظيم المحترف

وصلت الى ما نراه ونشاهده اليوم

واحنا لسه سيمبا هيورثنا بعد رحيل ابوه .. بعد عمر طويل !!!

طب وبعدين ؟!!

:lol:

[ايهاب سالم]

اخواني الافاضل

كانت هذه حال تورنتو في بدايات التسعينات

تخيلوا

شوارع طينية ليس بها وسيلة مواصلات سوى عربات تجرها البغال

طفل حافي القدمين يبيع الصحفي الشوارع

:unsure:

هادي باشا

كيف الاحوال ؟

الحقيقه انا حاسس ان الموضوع فيه حاجه غلط

انت تقصد التسعينيات فعلا و الا غلطه مطبعيه

انا دخلت على الموقع اللي منه الصوره

ووصلت لصفحة البحث دي

http://ohqdigit.tpl.toronto.on.ca/index_1945.html

و جبت صور من الخمسينيات و الشوارع مسفلته و العربيات موجوده و كله تمام

جل من لا يسهو يا عمنا :o

تحياتي

[MZohairy]

اعتقد تسعينات القرن ال 19

[نصر]

أهلاً و سهلاً

تم تعديل 17 أكتوبر 2006 بواسطة نصر

[Lembic]

الاخوه الاعزاء انا اسمى عبدالله 20 سنه و 8 شهور احب حد يرد عليه فى موضوعى انا اعرف بنت كنديه من سنتين وهى نفسها انى اروح لها كندا وهى عاوزه تدعينى بس مش عارف الدعوه دى هتتقبل هنا فى مصر ولا لاه ولو مش اتقبلت اتمنى اعرف ازاى هى تساعدنى من غير مااقدم فى هجره ومن غير انى ادخل الامتحان الصعب بتاع الهجره وعلى العلم انى مصرى ولسه مخلصتش دراسه انا بدرس فى اكاديميه الدلتا للعلوم وداخل سنه رابعه باكالريوس يعنى لسه ليا سنه هنا بفكر ااجل السنه دى واروح كندا ياريت حد يرد عليه رد بس يكون رد قاطع ولكم جزيل الشكر واتمنى اكون فى كندا فى اقرب وقت

نصيحة غالية يا عزيزى ... إياك تفكر فى إنك تقطع دراستك أو تؤجلها علشان هجرة أو شغل صدقنى حتندم حتندم حتندم.. العيشة فى كندا مش سهلة ولا رخيصة يعنى لو إنت مش معاك شهادتك ومكون نفسك قبل سفرك الى كندا ممكن جدا تكون حياتك فى كندا هباب والعن ألف مرة من مصر . ممكن حتى تجد نفسك نايم فى الشارع ومش لاقى تاكل فجلة!

خلص دراستك الأول لأنها سلاحك فى أى مكان ومتجريش وراء وهم الهجرة التى تظن أنها ستلقى بك الى حياة جميلة ووردية... مرة تانية متستعجلش على السفر ... كندا مش حتطير ولا حيمنعوا الهجرة اليها كمان مئة سنة على الأقل.

عزيزى M

الهجره مشوار طويل و شاق و علشان تحقق نجاح لازم حتبذل مجهود رهيب فى البدايه وتعال نحسبها و أنت تقرر

1- تكلفه الحياه فى تورونتو بدون مصاريف الدراسه مش ممكن يقل عن 1000-1200 دولار وده لواحد لوحده من غير أى مصاريف زياده - من غير مصاريف التعليم

2- لو حتيجى كندا من غير هجره رسميه حتشتغل أزاى واللى بيجى بهجره بيقعد كتير أوى لحد مايعرف يشتغل ولازم الأول يدرس سنتين تلاته أربعه علشان يبقى المؤهل بتاعه معترف بيه هنا و بعد ده كله لازم يبقى عنده خبرة شغل كندى و ديه نكته هنا لأن أزاى الواحد يجيب خبره كندى من غير ما يبتدى شغل و عشان يبتدى شغل لازم يبقى عنده خبره كندى - البيضه الأول و لا الكتكوت

3- أنت راجل مهندس هل تقبل انك تشتغل شغل تنضيف و أى حاجه لمجرد وجودك فى كندا و لو قبلت و كنت محظوظ ولقيت شغل التنضيف هتلاقى نفسك قاعد بتعمل شغل ليس له معنى وبيضيع وقت لمجرد أنك تجيب بالعافيه ال 1200$ اللى أنت محتاجهم علشان تعيش فى حجره و حمام مشترك

4-الكلام ده كله و انت معزول عن أهللك و أصدقائك و حياتك الكريمه فى مصر (مهما كانت فيها منغصات)

5- الموضوع يختلف لو فيه حد هنا هيساعدك - المساعده فى أيجاد شغل ابتدائى فى مجالك (رسام اوتوكاد)حاجه ليها علاقه بدراستك - وتكون بتشتغل الشغله ديه و فى نفس الوقت بتدرس معادله(دراسات عليا) لشهاده الهندسه

الخلاصه اللى عايز يجيى كندا لازم يجيى بهجره و يبقى عارف هيدرس ايه و حيخلص دراسه بعد أد أيه و هيصرف أزاى و هيعيش أزاى بدون ناس (أيوه حتعيش بدون ناس و اتحدى حد يعترض)

أنت كلامك صحيح كله الف فى المائة ... وأنا أضم صوتى لصوتك وبالذات فى جزء "بدون ناس" دى جدا.

[الرافعي]

نصر / ليمبيك / حورس وهادي

نصائحكم جميلة، ولو إني مش في كندا لكن أنضم لكم في نصيحة الأخ الكريم ناوي الهجرة عن طريق الارتباط .. وهذا هو دور الأخ الأكبر مع أخيه الأصغر .. فأنا أرجو الأخ الأصغر ألا يعتبر هذا نوع من الكلام المنغص من ناس مرتاحة ومش حاسة به لأن النصائح هنا نصائح مخلصة وعن تجربة وخوف الأخ على أخيه ...

سبق لهادي أن قال للأخ الصيدلي إنه بيضيع وقته خارج كندا .. فعندما تكون المسألة (محرزة على رأي الشوام) فلا يوجد أي تثبيط ...

أعتقد يا جماعة في قصص كئيبة كثيرة في مجال السفر غير المنظم أو المدروس أو في غير وقته المناسب .. وآخر شيء كنت أتذكره مع أحد الأصدقاء قصة المصريين الذين سافروا لإحدى الدول الأوربية ولم يجدوا عملاً إلا في مكان قارس البرد وتقريباً كان إزالة ثلج أو مش فاكر المهم إنهم أصيبوا إصابات مختلفة ويمكن حد منهم مات .. مش فاكر وتجمد أطراف ومشاكل لم يكن أحدهم يتخيلها مع أبئس ظروف المعيشة في مصر مثلاً ...

بس كبسولة على السريع (مش من بتوع الغير مأسوف عليه سمير رجب)

يعني يا إيهاب لازم ترمي على الحاج هادي كده وانت لسه على البر .. يا راجل .. هو انت كلت إيه عشان تشرب عليه ميه ؟؟؟

حتة من بتوع أخويا وحبيبي مهدئ النفوس الأول زهيري

[MZohairy]

حتة من بتوع أخويا وحبيبي مهدئ النفوس الأول زهيري

:unsure:

اكبر تحيه للرافعي افندي على سن و رمح

:o و ما كنا لنهتدي لولا ان هدانا الله :o

[الرافعي]

حتة من بتوع أخويا وحبيبي مهدئ النفوس الأول زهيري

:o

اكبر تحيه للرافعي افندي على سن و رمح

:o و ما كنا لنهتدي لولا ان هدانا الله -_-

مسيو زهيري

والله هاتوحشنا لو رحت هناك ونسيت أحبابك

في الحقيقة أن كنت باشوف إحصائية عن الموضوع ده ... وتوقفت كثير عند الأرقام .. ماشاء الله أكثر من 13183 قراء و235 رد .. منهم طبعاً ردود المجاملات والحلويات بين مجموعة من الشباب المحاوراتي أولهم إيهاب سالم زينة شباب المصريين في قطر (والشيوخ كذلك ومنهم حضرتي وهادي وزهيري) لكن بجد بقى ... أنا سعدت أن يكون هناك موضوع بهذه الحيوية، وسعدت أكثر من إيجابية الأخوة الأفاضل اللي بيزيدوا كل يوم -ما شاء الله- ولا يبخلوا أبداً بالنصيحة المخلصة أو أغاثة لهفة محتاج لرأي سديد ... الحمد لله

لكن من ناحية ثانية ... كل هذا العدد من المهتمين بشأن الهجرة وخاصةً إلى كندا -وأنا منهم على فكرة - حقيقةً الموضوع يخوف !! خلينا نفكر سوى ونرد في موضوع آخر من الموضوعات التي تقيم الهجرة أو الاغتراب عموماً حتى لا نفسد الغرض من هذا الموضوع "السيمفونية " والروح الجميلة المتوفرة فيه ..

هو فيه إيه ؟؟ الدنيا ضلمت فجأة ؟؟ هو من طفى النور ... :o

الرافعي .... تاني

ياساتر :unsure:

[ايهاب سالم]

يعني يا إيهاب لازم ترمي على الحاج هادي كده وانت لسه على البر .. يا راجل .. هو انت كلت إيه عشان تشرب عليه ميه ؟؟؟

حتة من بتوع أخويا وحبيبي مهدئ النفوس الأول زهيري

حلاوه بيه الرافعي

أنا بس حبيت أنبه أخونا هادي بصفته مصدر المعلومات الأوثق حول كندا في هذا المنتدى الى إحتمال وجود غلطه مطبعيه في كلامه زي ما أخونا زوهيري قال تسعينيات القرن التاسع عشر مثلا

أو يكون قصده العشرينيات و ليس التسعينيات

لأن بصراحه في كندا في التسعينيات عربات تجرها البغال وواد هدومه مقطعه بيبيع جرايد صعبه شويه

و بعدين متحاولش مش ممكن هتعرف تهدي النفوس زي زوهيري

أما بالنسبه لحكاية الشباب المصريين دي .. أنا سمعت عنها

و عمله عنها فيلم أمريكا شيكابيكا بتاع محمد فؤاد

و هيه باختصار أنهم كانوا شباب مصرييين راحو رومانيا عشان يطلعوا منها على أمريكا و السمسار باعهم و سابهم في غابات رومانيا في عز الشتاء

و طبعا كانوا لابسين ملابس شتوي من بتوع مصر اللي ما ينفعش في برد تحت الصفر اللي هناك

و لما نزل التلج ناس ماتت و ناس أطرافها باظت من الثلج و عاشوا بس بعد قطعها

هذا و الله أعلم

[الرافعي]

يعني يا إيهاب لازم ترمي على الحاج هادي كده وانت لسه على البر .. يا راجل .. هو انت كلت إيه عشان تشرب عليه ميه ؟؟؟

حتة من بتوع أخويا وحبيبي مهدئ النفوس الأول زهيري

حلاوه بيه الرافعي

أنا بس حبيت أنبه أخونا هادي بصفته مصدر المعلومات الأوثق حول كندا في هذا المنتدى الى إحتمال وجود غلطه مطبعيه في كلامه زي ما أخونا زوهيري قال تسعينيات القرن التاسع عشر مثلا

أو يكون قصده العشرينيات و ليس التسعينيات

لأن بصراحه في كندا في التسعينيات عربات تجرها البغال وواد هدومه مقطعه بيبيع جرايد صعبه شويه

و بعدين متحاولش مش ممكن هتعرف تهدي النفوس زي زوهيري

أما بالنسبه لحكاية الشباب المصريين دي .. أنا سمعت عنها

و عمله عنها فيلم أمريكا شيكابيكا بتاع محمد فؤاد

و هيه باختصار أنهم كانوا شباب مصرييين راحو رومانيا عشان يطلعوا منها على أمريكا و السمسار باعهم و سابهم في غابات رومانيا في عز الشتاء

و طبعا كانوا لابسين ملابس شتوي من بتوع مصر اللي ما ينفعش في برد تحت الصفر اللي هناك

و لما نزل التلج ناس ماتت و ناس أطرافها باظت من الثلج و عاشوا بس بعد قطعها

هذا و الله أعلم

أ ن ا ب ا ع ا ك س ا ك ي ا د و ق إ ي هـ ا ب

أ ص ل ك و ا ح ش ن ي

ا ل ر ا ف ع ي

[هادي]

اعتقد تسعينات القرن ال 19

الراجل ده حدوته ياجماعه

بسم الله ما شاء الله

اللهم لا حسد

يعني فاهمني حتى وانا غلطان .. برضه فاهمني

طب اعمل

حد يقول لي ازاي احط صورة بوسة كبيرة جداً داخل المنتدى عشان اهديها للراجل ده

او حتى بوكيه ورد

أو حزمة نعناع بلدي

أي حاجة يا اهل الله

اخوكوا مزنوق

:D

ربنا يكرمك يا مسيو زهيري يا رفيع المستوى

فعلا قصدي على تسعينات نهاية الـ 18

ميرسي مون بيه

الراجل ده بقى .. حكاية لوحده

لابد ف الدره

وعامل نفسه نايم

لكن على مين .. مش بيفوت النملة

صاحي ومصحصح

امال

ده مستقبل يا جدعان

يا اخوانا اوعوا تفتكروا ان قرار الهجرة ده قرار سهل في حياة اي انسان

وفي حياة اي اسرة

ده قرار مصيري جدا جدا جدا

لازم له مذاكرة فعلا زي ما بيعمل اخويا ايهاب ربنا يكرمه ويجمعنا بيه على خير

يعني المذاكرة دي بتخليك تفهم انت داخل على ايه ورايح فين

وفين البلاعات المفتوحة في كندا وفين فرص النجاح

وازاي توفر على نفسك فلوس وجهد وعرق وزمن وشهور وسنين

اعرف

اعرف كل ماتستطيع عن كندا قبل ما تخطيها

اسأل كل واحد تعرفه سافر كندا ولو لمدة يوم واحصل على خبرته ف برشامه

استفيد من وقتك جدا جداً

النهارده مذاكرة نظري

وبكرة مفيش وقت غير للشغل والتطبيق

ربنا يكرمك يا ايهاب باشا

ف انتظارك في صيف 2007

[هادي]

أما عمي الرافعي

فده مشوار لوحده

ربنا يكرمك أصلك ياشيخ

ويقدرنا على رد جمايلك

لكن تعرف يا مولانا

فيه موضوع عاوز ناخد وندي فيه

وهو مرتبط طبعا بالفقرة الجميلة دي من مداخلتك

في الحقيقة أن كنت باشوف إحصائية عن الموضوع ده ... وتوقفت كثير عند الأرقام .. ماشاء الله أكثر من 13183 قراء و235 رد .. منهم طبعاً ردود المجاملات والحلويات بين مجموعة من الشباب المحاوراتي أولهم إيهاب سالم زينة شباب المصريين في قطر (والشيوخ كذلك ومنهم حضرتي وهادي وزهيري) لكن بجد بقى ... أنا سعدت أن يكون هناك موضوع بهذه الحيوية، وسعدت أكثر من إيجابية الأخوة الأفاضل اللي بيزيدوا كل يوم -ما شاء الله- ولا يبخلوا أبداً بالنصيحة المخلصة أو أغاثة لهفة محتاج لرأي سديد ... الحمد لله

لكن من ناحية ثانية ... كل هذا العدد من المهتمين بشأن الهجرة وخاصةً إلى كندا -وأنا منهم على فكرة - حقيقةً الموضوع يخوف !! خلينا نفكر سوى ونرد في موضوع آخر من الموضوعات التي تقيم الهجرة أو الاغتراب عموماً حتى لا نفسد الغرض من هذا الموضوع "السيمفونية " والروح الجميلة المتوفرة فيه ..

1) القراءات والردود من الحاجات اللي اثارت انتباه بعض اخواني الافاضل في مواضيع المنتدى بشكل عام لدرجة ان احد المواضيع كان فيه 52 مشاهدة بينما كان (0) ردود !! الامر الذي اثار انتباه اخي الحبيب (خضر) وعقب عليه ..

انا بس حبيت أقول ان فيه ناس بيكون عندها تردد من المشاركة في المنتدى

وفيه ناس افاضل بيفضلوا الرسائل الخاصة في عرض مالديهم من اسئلة

وفي اخوة كرام بيتابعوا الموضوع من بعيد لعل فيه افادة في المستقبل لو جد في الامور امور

وهناك قسم فتح الموضوع بالخطأ .. أولم يجد فيه ضالته .. وهكذا

2) هذا الموضوع - وهناك امثلة كثيرة غيره - يوضح نقطه اثارت سؤال الكثير من الاخوة

هل المصريين في غاية السوء مع بعضهم في الغربة

اجابتي المتواضعة

تلك ليست قاعدة على الاطلاق

ومن يريد ان يجعلها قاعدة .. هو ينظر الى الامور بنظرو سوداء لا مبرر لها سوى انه قد مرت به تجارب داكنة

لكن الانصاف يقتضينا ان ننظر الى الامر بنوع من التوازن و الوسطية

نعم انا شخصيا قابلت انماط عجيبة و مريضة من المصريين

بل من جنسيات شتى .. في مشوار حياتي داخل مصر وخارجها

في اغترابي شرقا وفي اغرتابي غربا

فالموضوع غير قاصر على من يحمل الجنسية المصرية فقط

وعلى الجانب الآخر

قابلت انماط من البشر الراقية .. والنفوس العالية .. والارواح الشفافة الطاهرة

تعلمت منهم الكثير

ولازلت ادين لهم بالجميل والعرفان حتى يومنا هذا على ما أسدوه لي من معروف ومن نصيحة خالصة

ومن عشرة طيبة ومن صداقة متينة

والحق اقول لكم - حته من عم صلاح عبد الصبور على قدنا -

إن ما قابلت من مصريين طيبين في مشوار حياتي وسفري واغترابي

يفوق بكثير جدا .. تلك الحفنة القليلة من النماذج الرديئة

المصري انسان بطبعه

والتربية والاصل هي العامل الاول الذي يعول عليه في صياغة الشخصيات والعقول

احنا بنهدي النفوس

واللي يحبنا ميضربش نار

:D

وبعدين ياعمي الرافعي باشا

يعني غبت عنا ورجعت لنا بالسلامة ومحكيتش لينا تجاربك الاغترابية حتى يومنا هذا

ازاي شفت مصر ليلة سفرك لأول مرة خارجها

وازاي شفتها منذ ايام قليلة

ماذا تغير فيها

بل ماذا تغير فينا وفينا

إإإإيــــــــــــــــــــــــه يا راجل ياعجوز

والله وقدرت تأثر فيا زي زمان

حته من فيلم الارض

:lol: