كل ما تريد معرفته عن (كندا)

[samehelassad]

بسام باشا تسلم ايديك على الرد انا هبعت للمحامية في كندا اشوف جالي update litterولا لسة.

بس واضح جدا ان رعب الناس يتمحور حولين الشغل في كندا فهل عندك معلومات عن الشغل هناك لل medical representative حيث اني اعرف انا مش من ال regulated jobs بالائضافة الي ان خبرتي فيها كبيرة وفي شركات عالمية في مصر و السعودية وقطر وعاوز اشتغلها في كندا. ياريت اللي عايش في كندا يفيدني في الموضوع دة. والسلام عليكم ورحمة الله.

[hazemtara]

الاستاذ ايهاب

انت خليتنا عايزين نروح كندا بكره لانها بالشكل ده تبقى جنة الله على الارض!!!!

أخت / ياسمين

أنا ما قلتش إن كندا جنة الله على الأرض .. أنا أروي حقائق أعيشها يوميا ..

ممكن حضرتك بعد ما تييجي كندا و تعيشي كل الحاجات دي يكون رأيك إن كندا أسوأ مكان على الأرض

كل واحد يرى الأشياء من منظوره الخاص و تبعا لشخصيته و أهدافه في الحياه ..

العديد من الافراد يتحدثون عن كندا كأنها جنة الله فى الارض

وآخرين يصفونها كأنها اكبر مقلب شربوه فى حياتهم

ورأي كل فريق صحيح لأنهم حكموا على كندا من خلال تجربتهم الشخصية

من إستطاع أن يمارس مهنته التي مارسها قبل الهجره في بلده الأصلي هنا فى كندا و نجح فيها و أصبح له دخل عالي يسمح له بشراء منزل و سياره جديده و التمتع بقدر من الرفاهيه له و لأسرته سيقول لك ان كندا رائعة

و من لم يستطع أن يعادل شهادته أو يحصل على رخصه لمزاولة مهنته و أنخرط في أعمال بسيطه ليستطيع فقط تكملة الثلاث سنوات للحصول على الجنسيه .. سيقول لك أن كندا مقلب كبير

سبقني صديق مصري في الهجره من قطر الى كندا منذ 4 سنوات و حصل على الجنسيه .. عندما قابلته بعد عودتي الى كندا منذ شهور .. سألته هل يفكر في العوده للخليج بعد حصوله على الجنسيه ... قال لي "أنا مجنون .. أرجع الخليج تاني " .. هو يقول ذلك لأنه يعمل بنجاح في نفس مجال عمله و أشتري بيت و أحب الحياه في كندا هو و أسرته و لا يطيق العوده للخليج مهما كان لذلك من مزايا ماديه

على الجانب الأخر .. أعرف أسره تانيه مصريين أيضا قدموا من الخليج .. يقسمون أنهم تاني يوم إستلامهم الباسبور الكندي سيكونون على أول طائره راجعه الخليج

لأن رب الأسره لم يوفق في الحصول على عمل و لم يرغب في سلوك الطريق الصعب للحصول على التراخيص المطلوبه و يعمل في عمل متواضع لا يناسب شهادته و يعد الأيام حتى يحصل الباسبور و يرحلوا جميعا

قابلت و أنا أستعد للرحيل من قطر سائق مصري بسيط كان ينقل أثاث منزلي بعد بيعه

قال لي "مبروك يا باشمهندس رجوعك مصر و الله جدع إنك عملتها .. عقبال ما ربنا يقسمهالي و أرجع نهائي لعيالي و مراتي"

قلت له انا مش راجع مصر أنا رايح كندا

قال لي .. "ليه كده يا بيه .. حد يسيب نص العمى للعمى كله"

بالنسبه له مصر هي المكان المثالي و قطر نص العمى و كندا عمى كامل

قلت له سيبك من كندا ... طب ليه مش عاجباك قطر

قال لي يا بيه أنا العيشه بتاعتي هي إني أفطر طبق الفول على العربيه الصبح و أقعد مع أصحابي ع القهوه بالليل .. فين الكلام ده هنا

الخلاصه .. كل واحد بيحكم على الدنيا من منظوره الشخصي و تجربته الناجحه أو الفاشله

و كندا ليست جنة الله في الأرض .. هي جنه للبعض و جحيم للبعض الأخر

بس كان نفسى اسالك ايه الجوانب السلبيه فى كندا من وجهة نظرك

بعد 4 شهور و نصف .. السلبيه الوحيده من وجهة نظري هو إفتقاد الأهل .. و لا أقول مصر .. يعني لو أقدر اجيب أهلي يعيشوا معايا هنا .. يمكن ما أرجعش مصر تاني

وهل تكاليف المعيشة الشهريه لاسرة مكونة من 4 افراد تكون فى حدود كام؟

سؤال صعب لأنه يعتمد على عوامل كثيره

لكن أقدر أقولك إحنا أسره 5 أفراد .. أعتقد مصاريفنا الشهريه تتراوح من 2800 الى 3100 دولار

منهم الثوابت التاليه

1150 إيجار الشقه

30 إشتراك تليفون منزل

47 إشتراك موبايل

39 إنترنت

238 تأمين سياره (شهري) -- انا عارف البند ده هيصدم ناس كتير ..

200 الى 250 دولار بنزين سياره

يا ريت كمان تحكى لنا عن التعليم لللاولاد هل هو فعلا متميز و يستاهل زى مدارس الانترناشيونال فى الخليج؟

موضوع المدارس يجب أن يفرد له مشاركه كامله لأنه مش بسيط .. لكن أنا عشت في الخليج 10 سنين و عندي طفلين في المدارس و أقدر أقولك التعليم اللي بيسموه إنترناشيونال في الخليج لا يقارن بالتعليم في كندا ..بأي حال من الاحوال

و بعدين التعليم مش مدارس و بس .. لكن أيضا ال facilities اللي بيقدمها المجتمع و اللي بتجعل التعلم متعه .. زياره واحده ل

ontario science center

و تشوفي إزاي الأطفال بيستمتعوا بالمعلومات العلميه في إطار شيق و ممتع وهتعرفي إن إحنا مش بنتعلم في الدول العربيه .. لكن بنتزغط العلم بالعافيه .. عشان ندخل الإمتحانات ن........ و ننساه بسرعه

معلش اسئلتى كترت بس كله فى ميزان حسناتك ان شاء الله

مفيش مشكله ..

من ثلاث سنوات .. كنت أنا في موقف حضرتك كده و كنت بأسأل و ناس أفاضل في المنتدى من كندا كانوا بيساعدوني

و ده جزء من رد الجميل

ربنا يوفقكم للقرار اللي فيه مصلحتكم

استاذ ايهاب مش كتير شوية موضوع تأمين السيارة والبنزين دول اوحدهم 500 دولار يعنى بالريال السعودى حوالى 1800ريال ودة كتير ولا اية :lol: :blink:

[ايهاب سالم]

استاذ ايهاب مش كتير شوية موضوع تأمين السيارة والبنزين دول اوحدهم 500 دولار يعنى بالريال السعودى حوالى 1800ريال ودة كتير ولا اية :lol: :blink:

كتير لكن ما باليد حيله

تأمين السياره ممكن يقل عن كده شويه لو السياره قديمه و صغيره و كمان لو أحضرت شهاده من مدرسة لتعليم القياده

بس برضه هيفضل عالي كتير عن الخليج و مصر لأنك new driver بالنسبه لهم حتى لو معاك رخصه من 20 سنه

شركات التأمين هنا مافيا كبيره و منسقين مع بعضهم في الأسعار

البنزين ولع في العالم كله و رغم إن كندا بتصدر بترول لكنها بتبيع البنزين داخليا بالسعر العالمي

المشكله إن جزء كبير من ثمن البنزين ضرائب

برضه الموضوع بيعتمد بشكل كبير على السعه الليتريه للسياره و مدى إستخدامك

و اللي يسري ع الناس يسري علينا يا سيدي

أنا أعرف ناس من اللي بيقضوا كندا معسكر لمدة ثلاث سنوات من أجل الجنسيه فقط

لم يشتروا سياره و قضوها مواصلات عامه وأخدوا الجنسيه و مشيوا

تم تعديل 17 يونيو 2008 بواسطة ايهاب سالم

[الأهلاوي الأصيل]

باشمهندس إيهاب

السلام عليكم الأول ، وألف شكر ليك على معلوماتك القيمة وربنا يجعلها في ميزان حسناتك

أنا لسه باعت ال simplified application form من شهر تقريباًَ يعني لسه فريش وجديد في حوار كندا خالص ، حتى لسه ما جاليش الفايل نمبر

باختصار هل فيه إمكانية إني ألاقي job offer في كندا وأسافر قريباً على أن أكمل إجراءات الهجرة من هناك

علماً بأني مقيم حالياً في الكويت وباشتغل في مجال ال IT وتحديدا System analyst وعندي خبرة 8 سنوات في هذا المجال ومعايا ماجستير والحمد لله

أنا باسعى إني أعمل دكتوراه في كندا بجانب الشغل ، ومش عايز أقولك إني نفسي أسيب الكويت النهاردة قبل بكرة لإن البلد جابت آخرها معايا

[ايهاب سالم]

باشمهندس إيهاب

السلام عليكم الأول ، وألف شكر ليك على معلوماتك القيمة وربنا يجعلها في ميزان حسناتك

أنا لسه باعت ال simplified application form من شهر تقريباًَ يعني لسه فريش وجديد في حوار كندا خالص ، حتى لسه ما جاليش الفايل نمبر

باختصار هل فيه إمكانية إني ألاقي job offer في كندا وأسافر قريباً على أن أكمل إجراءات الهجرة من هناك

علماً بأني مقيم حالياً في الكويت وباشتغل في مجال ال IT وتحديدا System analyst وعندي خبرة 8 سنوات في هذا المجال ومعايا ماجستير والحمد لله

أنا باسعى إني أعمل دكتوراه في كندا بجانب الشغل ، ومش عايز أقولك إني نفسي أسيب الكويت النهاردة قبل بكرة لإن البلد جابت آخرها معايا

معنديش فكره للأسف

حاول تقدم على وظائف في الموقعين دول يمكن شركه تعمل لك job offer

WWW.WORKOPOLIS.CA

WWW.MONSTER.CA

[hazemtara]

الأخت ياسمين منوره فين مداخلاتك الجميلة والمفيدة وربنا يوفقك ان شاء الله انا اسمى حازم لسة منضم جديد فى الكتابة لكن انا بشجع كندة من زمان طبعا انا حبيت المنتدى دة كتير جدا لورعة المشاركين فيه وحبهم لبعض وحرصهم على بعض وتحية كبيرة لحضرتل والاستاذايهاب :)

[hazemtara]

أيضا من الحاجات اللي إشتغلت عليها كويس قبل الهجره بسنوات .. الإنجليزي .. لأن طبيعة شغلنا بتكون team work أكتر منها شغل فردي و نص اليوم بيكون في إجتماعات و تواصل مع باقي أفراد الفريق و ال communication skills مهمه جدا و التي من عناصرها اللغه و ممكن جدا تخسر الوظيفه حتى لو مؤهلاتك ممتازة لو الإنجليزي بتاعك تعبان أو الأكسنت عندك تقيله لأنك هتشتت ذهن المتلقي

إتبعت طريقه مختلفه لتنمية لغتي الإنجليزيه قبل السفر بسنوات و هي تأجير أفلام أمريكيه DVD و أشوفها على ال laptop بسماعات الهيدفون مع إختيار ال

english subtitles مش العربي .. ده بيخليك تفهم العاميه الإنجليزيه أو ال slang لإنك بتسمع الجمله و بتشوفها مكتوبه باللإنجليزي مش مترجمه عربي .

وجدت نفسي بعد كده و انا في كندا بأستخدم تعبيرات جاهزة من الأفلام تلقائيا أثناء حديثي و الأكسنت أصبحت خفيفه خالص و الحمد لله كذا واحد أقابلهم هنا مبيكونش مصدق إني جاي كندا جديد و الظاهر ده كان عامل إيجابي في صالحي عند عمل مقابلات شخصيه على التليفون أو شخصيا

المهندس ايهاب حبيبى معلوماتك جميلة وقيمة جدا لكن ممكن تشرح لى بتفصيل اكثر موضوع تنمية لغتك قبل السفر انا فهمت انك كنت بتشوف افلامDVD الأمريكية بالسماعات مع الترجمة بالأنجليزية سؤلى هو هل دى افلام معينة ولا كل الأفلام تنفع ان انا احولها الى الترجمه الأنجليزية وهل انا استطيع تحويلها عن طريق ال LAPTOP او برنامج معين مش كدة ولا اية wst:: وبراحة علينا شوية فى الكومبيوتر (دنا غلبان)شاهد مشف حاجة :lol:

[hazemtara]

في كندا هناك وظائف تسمى

Regulated Occupations

و هي الوظائف التي تحتاج معادلات للشهادات و تراخيص لمزاولة المهنه من هيئات حكوميه أو نقابيه و هذه لن أتكلم عنها لأنها ليست حالتي و لأنها تختلف إختلاف كبير من مهنه لأخرى

العمل في مجالي و هو مجال تكنولوجيا المعلومات .. لا يحتاج معادلات و لا تراخيص لأنه ليس من النوع السابق ذكره و لكنه على الجانب الأخر يحتاج الى مذاكره و إجتياز أمتحانات للحصول على Professional Certificates في مجالك ليمكنك إقناع من تتقدم للشغل عنده أنك فعلا تجيد ما هو مكتوب في سيرتك الذاتيه

و كنت قد أعددت نفسي قبل الهجره الى كندا و إجتزت عدة إمتحانات و حصلت على شهادات لتدعم سيرتي الذاتيه

بعد الإستقرار ووصول الزوجه و الأولاد و فرش الشقه و شراء سياره بدأت في أول خطوه و هي تعديل السيره الذاتيه بحيث تكون متوافقه مع المواصفات الكنديه

و يمكنك معرفة ذلك بالدخول على أشهر موقعين من مواقع التوظيف الكنديه و هم

http://www.workopolis.com

www.monster.ca

و قراءة الإرشادات و النصائح التي تتعلق بطريقة كتابة السيره الذاتيه

ثانيا : قمت بإتباع نصيحة من سبقوني من أصدقائي و يعملون في نفس مجالي بحذف أي شئ من سيرتي الذاتيه يشير الى أو يمكن الإستنتاج منه على أنني من منطقة الشرق الأوسط

قمت بحذف بلد الحصول على المؤهل (مصر ) أو البلد الذي كنت أعمل به (قطر) .... يعني أكتب أني حاصل على بكالوريوس كذا تخصص كذا تقدير كذا .. بدون ذكر إسم الجامعه أو البلد

أذكر أني كنت أعمل في وظيفة كذا و مسؤلياتي كانت كذا و كذا و المشاريع التي شاركت فيها كانت كذا و كذا و لكن لا أذكر إسم الجهه أو البلد

ليه كل ده ؟

عشان تتلافى أي إنطباعات سلبيه أوليه ممكنه عند قراءة السيره الذاتيه و لأن الهدف إنك بس توصل لمقابله شخصيه .. و لو ده حصل و كان الواحد فعلا قوي في مجاله يبقى إحتمال توفيق ربنا كبير

لكن مش الواحد يخسر فرصة الوظيفه من الاول لأن الناس هنا عندها إنطباعات سلبيه عن الشرق الأوسط و اللي جايين منه

يعني إدي لنفسك فرصه و حاول تشيل من السيره الذاتيه أي حاجه ممكن تعطي و احد تاني يقل عنك في المؤهلات و الخبره فرصه أكبر منك

لو وصلت للمقابله الشخصيه و أقنعت صاحب العمل بمؤهلاتك و خبرتك مش هيبص ساعتها لجنسيتك الأصليه أو الجامعه اللي حصلت منها على المؤهل لكن لو ذكرتهم من الأول في سيرتك الذاتيه ممكن ميتصلش بيك خالص لأنه مش واثق في المنطقه بتاعتنا و في تعليمها و في الخبره المكتسبه فيها

أرجو أن اكون قد وصلت الفكره لأن بعض الناس بتفهم ده على أنه تنكر لبلدك أو أصلك .. لأ يا سيدي أجلهم بس شويه لحد ما توصل المقابله الشخصيه

أيضا من الحاجات اللي إشتغلت عليها كويس قبل الهجره بسنوات .. الإنجليزي .. لأن طبيعة شغلنا بتكون team work أكتر منها شغل فردي و نص اليوم بيكون في إجتماعات و تواصل مع باقي أفراد الفريق و ال communication skills مهمه جدا و التي من عناصرها اللغه و ممكن جدا تخسر الوظيفه حتى لو مؤهلاتك ممتازة لو الإنجليزي بتاعك تعبان أو الأكسنت عندك تقيله لأنك هتشتت ذهن المتلقي

إتبعت طريقه مختلفه لتنمية لغتي الإنجليزيه قبل السفر بسنوات و هي تأجير أفلام أمريكيه DVD و أشوفها على ال laptop بسماعات الهيدفون مع إختيار ال

english subtitles مش العربي .. ده بيخليك تفهم العاميه الإنجليزيه أو ال slang لإنك بتسمع الجمله و بتشوفها مكتوبه باللإنجليزي مش مترجمه عربي .

وجدت نفسي بعد كده و انا في كندا بأستخدم تعبيرات جاهزة من الأفلام تلقائيا أثناء حديثي و الأكسنت أصبحت خفيفه خالص و الحمد لله كذا واحد أقابلهم هنا مبيكونش مصدق إني جاي كندا جديد و الظاهر ده كان عامل إيجابي في صالحي عند عمل مقابلات شخصيه على التليفون أو شخصيا

الى الأستاذ ايهاب :lol:

المهندس ايهاب حبيبى معلوماتك جميلة وقيمة جدا لكن ممكن تشرح لى بتفصيل اكثر موضوع تنمية لغتك قبل السفر انا فهمت انك كنت بتشوف افلامDVD الأمريكية بالسماعات مع الترجمة بالأنجليزية سؤلى هو هل دى افلام معينة ولا كل الأفلام تنفع ان انا احولها الى الترجمه الأنجليزية وهل انا استطيع تحويلها عن طريق ال LAPTOP او برنامج معين مش كدة ولا اية وبراحة علينا شوية فى الكومبيوتر (دنا غلبان)شاهد مشف حاجة

[hosiny]

فعلا هذا الموضوع يستحق التثبيت

[ايهاب سالم]

الى الأستاذ ايهاب :closedeyes:

المهندس ايهاب حبيبى معلوماتك جميلة وقيمة جدا لكن ممكن تشرح لى بتفصيل اكثر موضوع تنمية لغتك قبل السفر انا فهمت انك كنت بتشوف افلامDVD الأمريكية بالسماعات مع الترجمة بالأنجليزية سؤلى هو هل دى افلام معينة ولا كل الأفلام تنفع ان انا احولها الى الترجمه الأنجليزية وهل انا استطيع تحويلها عن طريق ال LAPTOP او برنامج معين مش كدة ولا اية وبراحة علينا شوية فى الكومبيوتر (دنا غلبان)شاهد مشف حاجة

أي فيلم أجنبي DVD به ترجمه إنجليزيه .. هي ليست ترجمه طبعا و لكن عرض لنفس الكلام المنطوق كتابة و هي معموله عشان ضعاف السمع

إنت بتختار عرض الكتابه الإنجليزيه من قائمة ال DVD سواء بتشاهده على الكمبيوتر أو على DVD PLAYER و تليفزيون

[kaza]

بالنسبة لامتحان الايلتس المفروض اخذ 7 من 9 في الاربع امتحانات بس انا جد متخوف ليش مش عارف يمكن لاني ممكن افهم باي موضوع جتى الافلام من غير السب تايتل بفهما كلها و القراءة تمام 100% لكن خجلي ينسيني اي كلمات اكون عارفها وما اعرف اتكلم و اتلخبط بالقواعد فما الحل هل الدورة قبل الامتحان لها دور ولا لا؟؟ و ماهو سستم الدورة و مدى اهميتها؟

وهل احد عنده فكرة عن امتحان التف لان لازم يكون عندي درجة متقدم بالفرنسي وانا ابيض يا فرنسي و ناوي 1.7.2008 ابدا بالفرنسي لان التف بياخد 7 شهور وبعدين ابدا الايلتس طبعا اكيد في منكم مستغرب بس انا عندي خبرة بالعمل بس 2 عشان كدة لازم يكون عندي لغتين و ماعندي استعداد استنى يكون عندي خبرة اربع سنين؟!! غاوي تعب صح؟ :roseop: :sad:

[Bassam El Sayed]

اخ Kaza

انا اخدت ايضا الدورة بتاعة الايلتس IELTS PREPERATION فى المركز الثقافى البريطانى بس الدورة دى لا تضيف لك اى جديد فى اللغلة الانجليزية لانها ليست مخصصة لذلك .

يعنى بالعربى لا هتاخد قواعد ولا مفردات لغوية جديدة ولا هيشرح لك اى حاجة من ذلك .

كل الى هتدرب علية ازاى تعدى الايلتس واية هى tricks فى الامتحان . مثلا ازاى تجيب الاجابة فى reading بدون ما تقرا النص كلة وتضيع فية وقت . ازاى تعدى المحادثة والكتابة وازاى تكتب خطاب ومقارنات كدة يعنى .

[kaza]

شكرا باسم لاهتمامك بس عندي سؤال يعني مع احترامي الكبير لجميع القراء بس لو في واحد حمار انجليزي و اخد دورة الايلتس ممكن يعدي؟!

ولشخص مثل حالتي ممكن تفيده ؟ انا عارف مش حتخسر حاجة لكن هل بتفيده؟

[hazemtara]

شكرا باسم لاهتمامك بس عندي سؤال يعني مع احترامي الكبير لجميع القراء بس لو في واحد حمار انجليزي و اخد دورة الايلتس ممكن يعدي؟!

ولشخص مثل حالتي ممكن تفيده ؟ انا عارف مش حتخسر حاجة لكن هل بتفيده؟

يا حبيبى بلاش الالفاظ دى md2: يقول الله جل فى علاه (ولقد كرمنا بنى ادم) &يا حبيبى اعتقد ان اى شىء هتخدة دى اضافة للأمام مش للخلف وربنا يوفقك ويكتب لك النجاح :waf: :lol:

[kaza]

محنا قولنا مع احترامي للجميع و فعلا مش قصدي بالمعنى تشبيهه بالحيوان ولكن قليل فهم و اكرر مع احترامي للجميع

[moheltohamy]

شكرا باسم لاهتمامك بس عندي سؤال يعني مع احترامي الكبير لجميع القراء بس لو في واحد حمار انجليزي و اخد دورة الايلتس ممكن يعدي؟!

ولشخص مثل حالتي ممكن تفيده ؟ انا عارف مش حتخسر حاجة لكن هل بتفيده؟

همممممممم ... حمار حمار يعني ولاّ نُص نُص؟!

md2:

باهزر طبعاً ، ومن غير زعل...

بص يا سيدي ، الأوقع إنك تعمل إختبار تحديد مستوى في البريتيش كاونسل ، وده كان من 4 سنين بالظبط بــ 60 جنيه ، وده هيديلك فكرة إنتا فين من اللغة الإنجليزية.

فمثلاً لو إنتا تحت الـــ Intermediate 3 مش هينفع تدخل امتحان الآيلتس. وتقريباً ، الامتحان مدته بتاع ساعة ، ونتيجته بتظهر على طول ، واللي بتمتحنك هتقول لك رأيها تعمل إيه عشان تحسن مستواك لو محتاج ترفع مستواك.

أما لو انتا فعلاً فعلاً ....... يبقى إيه الداعي تدخل الامتحان من أصله!

ودورة تحضير الآيلتس IELTS Preparation Course مش هتعمل لك غير إنها هتخلّيك فاميليار مع الامتحان ، وتتوقع شكله بيكون عامل ازاي + شوية هنتس (زي الزُبَد وتذكر أن) بس.

أتمنى أكون قدرت أفيد...

[kaza]

انا مشكلتي الوحيدة اني لما بكون تحت ضغط الامتحان بنسى كل الكلمات اللي اعرفها يعني مشكلتي ال Speaking مع ان دراستي بالانجليزي و شغلي برضوا بالانجليزي و الاكسنت بتعاتي امريكي و رايح امريكا اكتر من عشر مرات ( ديزني ) فلوريدا - ارولاندو ولينا بيت في كسمي و بابايا متخرج من ميامي يونفيرستي يعني انا ممتاااااااز بكل حاجة عندي معلومات كتيرة و زي ماقولت بفهم بكل المواضيع بس تعال اتكلم قدام بنت حلوة مفيش قدام واحد بيمتحنك مفيش يعني بس هي دي مشكلتي الخجل او القلق تحت الضغط بتختفي ثروتي اللغوية :happy: خاصة ان مستقبلي هيكون متعلق بالايلتس و التف

شكرا ياعم على المشاركات

[Bassam El Sayed]

استاذ KAZA

اذا كانت مشكلتك القلق والخجل فدى محلولة لان الامتحان مش محادثة بس فى استماع وقراءة وكتابة والمحادثة بقى اذا لاقيت واحدة بنت حلوة هى الى بتمتحنك من حقك تقول لهم لو سمحت عايز اغير الى بتمتحنى وتقول السبب ان دينك يمنعك من ذلك يعنى تجيبها فى الدين وانك انسان ملتزم وهما هيتفهموا كدة تماما وهيغيرولك الى بتمتحن.

احنا كنا بنعمل كدة فى المركز البريطانى فى الكويت سمعنا ان فية واحدة بتمتحن المحادثة بس صعبة جدا لدرجة ان فية واحد درجاتة فى الاستماع والقراءة والكتابة كانت 8 8 8 وفى المحادثة هى امتحتة واخد 5 .

دة لو كانت مشكلتك بس هى الارتباك . انما لو مشكلتك هى اللغة نفسها يبقى لازم تاخد كورسات عندهم الاول غير Ielts preperation course .

بس ليا تعليق صغير ان امتحان الايلتس ليس لة علاقة بتحديد المستوى بمعنى تحديد المستوى دة ليك انت بس علشان تعرف انت كويس وتقدر تحصل درجة كويسة ولا لا انما انت ممكن تتمتحن من غير ما تحدد مستواك تخش تحجز للامتحان على طول وهما مش هيقولوا حاجة .

[kaza]

انت في الكويت؟ انا كمان في الكويت انا محتاج في الاربع امتحانات 7 و فوق عموما انا ها اجل موضوع الايلتس و هبدأ بالتوفل الفرنسي

[Bassam El Sayed]

انصحك فعلا يا اخ KAZA بتاجيل امتحان الايلتس لان سبعة او اكتر فى كل فرع صعبة مش سهلة.لازم تقوى نفسك الاول والامتحان مش رخيص علشان تمتحنة اكتر من مرة تمنة تقريبا 70 دينار ومعاة preperation kit عبارة عن كتب و سى دى ب 10 دينار يعنى 80 دينار بالمصرى 1600 جنية فى حين تمنة فى مصر 800 جنية فقط.

اذكر ان الى كان بيدينا الكورس قالنا الدرجة العظمى بتاعة الايلتس هى 9 مش عشرة زى ما كنا فاكرين . قالنا لو جبنا واحد انجليزى من لندن وامتحناة الايلتس مش هيجيب تسعة.