كل ما تريد معرفته عن (كندا)

[hijaz]

عيد أضحى مبارك

اعاده الله على جميع المشرفين و الاعضاء و الزائرين بصحه و خير وسعاده

[el faid]

السلام عليكم و رحمت الله و بركاته

بصراحة الموضوع شدني جدا و بجد انا بشكر اخوانا المقيمين في كندا علي المجهود الخرافي دا

انا اسمي احمد 23 سنة خريج تجارة و خلصت دراسة برمجة الكمبيوتر(اوراكل)و سمعت ان شغل المبرمجين في كندا حلو جدا,بالاضافة ان خالتي عايشه في كندا و معاها جنسية و عرضت عليا فكرت الهجرة عن طريق الكفيل (sponsor)العائلي,انا بس احب حد من اخونا الافاضل يشرحلي المطلوب مني ايه و فرصتي في السفر سهلة او صعبةو ازاي اعرف اذا كنت مؤهل لامتحان اللغة بتاع السفارة و لو ربنا يسر و الموضوع مشي هاياخد فترة قد ايه,و انهي افضل؟ موضوع الكفيل ده او الهجرة العادية و الفرق بينهم

بجد انا اسف علي الاسئلة الكتير دي بس انا عشمي تعتبروني اخوكو الصغيرو تساعدوني :flr1:

الموضوع مش سهل ياأخ طلبه

محتاج صبر ووقت وفلوس

وعمل متواصل وبحث لكن لو عندك ارادة ان شاء الله حتوصل توصل

تمنياتي ليك بالتوفيق :blink:

[Noha Kamal]

أود الهجرة الى كندا و قمت بزيارة مكتب وهيب يوسف و لكن بعد قراءة هذا المنتدى ؛ بدأت افكر فى تغيير المكتب هل ممكن أن ترشحوا محامى هجرة

شكرا

[qenawy]

أود الهجرة الى كندا و قمت بزيارة مكتب وهيب يوسف و لكن بعد قراءة هذا المنتدى ؛ بدأت افكر فى تغيير المكتب هل ممكن أن ترشحوا محامى هجرة

شكرا

اقراي مواضيعي وارشح نفسي لك مجانا

[el faid]

أود الهجرة الى كندا و قمت بزيارة مكتب وهيب يوسف و لكن بعد قراءة هذا المنتدى ؛ بدأت افكر فى تغيير المكتب هل ممكن أن ترشحوا محامى هجرة

شكرا

دكتور قناوي على حق

يمكن لك أن تجهزي أوراقك بنفسك

وتعتمدي على الله وعلى أعضاء هدا المنتدى الطيبين

المسألة محتاجة بعض الصبر والتركيز

متمنياتي بالتوفيق :closedeyes:

[somayasaleh]

ياجماعة التوبك ده اكتر من رائع وفيه معلومات كتيرة مهمة

اللي عايز يهاجر فعلا ....يتعب نفسه شويه ويقرآ ويستفيد

:blush2: :lol: :lol:

[hay]

مرحبا يا اخوان ومرة جديدة عندي سوال وخصوصي للناس الى عايشين في كندا:-

انا كنت مقدم على تورنتو في بدايه الامر لكن وبعد ما ارجعولي الاوراق كانو معلمين بلون فسفوري على هذاا الاختيار

لذلك سألت واسفسرت من الناس الى سافروا ومن النت انو تورنتو عليها زحمه من المهاجرين

لذلك قررت ان اكتب بالابليكيشن ونيبج-مانيتوبا

- سؤالي ما الذي تعرفوه عن ونيبج-مانيتوبا ؟

- ما ينظر اليها الكنديون ؟

- بماذا تشتهر ؟

- هل تنصحوني بالبقاء ام اسكن في مدينه اخرى ولماذا؟

- علما باني ماجستير هندسة عمارة ومعي عائلتي متكونه من 5 افراد

[hijaz]

اكتب اي مدينه او مقاطعه ما بتفرق

و لما توصل كندا ان شاء الله روح اي مكان محدش هيمنعك

يعني اكتب ونيبج مانيتوبا و بعد ما توصل كندا روح تورنتو

[the doors]

ستاذ عبدالله :

من قبل ما اعرف انك ماجستير - انا احترام جدا قوة الرد الهجومى الغريب - مما يعكس قدرة خاصة - انا هقوالك الى اننا اعرفه و اعتقد انه صح - فى المحاورات مش حتستفيد كتير عن كندا

اكتر واحد قال الحقيقة عن كندا هادى ووجدى ووجيهان و التاس القديمة - والان الفاضل دكتور هشام واخوانا ايهاب مع تحيزه لحد ما لكندا

انا لو عاوز تستفيد بعكس اقرا هادى - فرى فرى - صمويل - مكسوف - الناس القديمة

المهم

انك بتتصل بيهم اما فلوسك تخلص بالتليفون تانى يوم بتكون الفلوس فى الحساب - فى ناس حتقولك لا حيجولك ويحقق معك - اعتقد الكلام ده قرع

لو اشتغلت لستة اشهر متواصلة والعمل استغنى مش انت الى استقلت بيعطوك من 55 % من راتبك الى 90 % حسب - حسب ايه مش عارف بس اعتقد كل بيعتمد غل ى عدد الاولاد - الايجار وهكذا

انا حقولك الملخص كندا متقلقش فيها على العيشة و لو انك تقدر تعيش على القد ومن غير سيارة مثلا مقبول لك و لاسرتك يبقى لاتقلق

انما فى ناس متقدرش تستحمل - انا حقولك حاجة غريبة لو واحد مثلا عايش فى كيبيك و فى مدينة صغيرة هناك و عنده 4 اولاد انا متخيل ان فلوس الشهرية الى بياخدها من الحكومة الفيدرال و كيبيك تكفى يعيش هو واولاده كويس دون ان يشتغل !!!!!!!!!!! - بس انا اقوالك انا شخصيا مقدرش اعيش كده

ممكن الى عنده معلومات يضيف و شكرا

[forgiving lady]

أود الهجرة الى كندا و قمت بزيارة مكتب وهيب يوسف و لكن بعد قراءة هذا المنتدى ؛ بدأت افكر فى تغيير المكتب هل ممكن أن ترشحوا محامى هجرة

شكرا

اقراي مواضيعي وارشح نفسي لك مجانا

whenever i use my husband's account here to read all ur advise all of u.

you sir are one of those who let people feel how egypt is great to harvest a man like you

may God help you and bless you i just have the feeling you have the helping heart and the great experience which u r never hesitated to share

just like my beloved father although i know ur pretty younger but i just felt u sound like him he used to help just coz likes to not coz people ask for

may allah give you anything u dream of

[ايهاب سالم]

للرفع

[Nassarlink]

للرفع

شكرا يا باشمهندس

الواحد لما بيشوف التوبيك ده بيرجعني ثلاث سنين لورا

لما انا كنت عامل زي الي بيدور علي ابره في كوم قش

وكمان علشان الاخوه الجداد يستفيدوا احسن الجيل الجديد ده كسلان شويه ومبحبش يدور علي المعلومه

اولادنا الصغيرين بقي

لو متدلعوش علينا يتدلعوا علي مين

جدو نصار

[وليد نور]

لو سمحتوا عاوز اللينك الخاص بالتشييك على رقم الملف الخاص بالفيدرال لانة ضاع منى

جزاكم الله خيرا

وليد نور

[السيد منير]

لو سمحتوا عاوز اللينك الخاص بالتشييك على رقم الملف الخاص بالفيدرال لانة ضاع منى

جزاكم الله خيرا

وليد نور

https://services3.cic.gc.ca/ecas/introduction.do

[hijaz]

ايه اخبار هادي ؟؟؟؟؟؟؟؟؟؟؟؟؟؟؟؟؟؟؟؟؟؟

حد يعرف حاجه عنه ؟؟؟؟؟؟؟؟ :rolleyes:

[ايهاب سالم]

ايه اخبار هادي ؟؟؟؟؟؟؟؟؟؟؟؟؟؟؟؟؟؟؟؟؟؟

حد يعرف حاجه عنه ؟؟؟؟؟؟؟؟ :lol:

هادي غادر كندا الى مصر منذ عام ٢٠٠٧

لم اتشرف بمعرفته شخصيا لمغادرته قبل وصولي بشهور قليله و لكني علمت بهذا من صديق مشترك ما زال على صله به على الماسنجر من وقت لأخر وهو بخير

تم تعديل 28 يوليو 2009 بواسطة ايهاب سالم

[أحمد سيف]

الموضوع ده أنا قريته من أوله لآخره 4 مرات تقريبا ... ورغم ذلك كل ما ابتديه من الأول ألاقي نفسي مش عايز اسيبه ... فعلا كنز معلومات لمن يرغب في الهجره لكندا ... جزى الله خيرا كل من قدم فيه معلومه أو نصيحه

تم تعديل 28 يوليو 2009 بواسطة أحمد سيف

[daliaothman]

:lol:

فعلا عندكوا حق الموضوع ده انا عرفته اول لما نوينا الهجره انا وجوزى وقريته كله كام مره الكلام ده من سنتين تقريبا فبيرجعنى للذى مضى وبيفكرنى بالمجهود اللى عملناه وتعب الاعصاب وعذاب الانتظار اللى احنا لسه فيه لغاية دلواتى كان ناس كتير لسه مسافرتش واحنا يدوب كنا بنحضر الورق بتاعنا ربنا يكتبلنا السفر احنا كمان ان شاء الله وكل اللى مستنيينه زينا

فعلا الموضوع ده فى كم معلومات وكم خبرات وتجارب كبيره جدا ومفيده لاى حد عايز يروح كندا

ربنا يجزى كل الاعضاء اللى قدموا خبراتهم ومعلوماتهم ولسه بيقدموها كل خير على مجهودهم

:P

[الحازم حسن]

للرفع

فرصة أسالكم عن معنى الكلمة دي

بشوفها كتير ف منتديات كتير ومش فاهم معناها :closedeyes:

[moheltohamy]

للرفع

فرصة أسالكم عن معنى الكلمة دي

بشوفها كتير ف منتديات كتير ومش فاهم معناها

أقول لك أنا...

الـ Default في ترتيب مواضيع المنتديات - مالم تقم بتغييره - هو ترتيب التوبيكس تنازلياً بآخر المشاركات ؛ يمعني إن الموضوع اللي فيه أحدث مشاركة أضيفت بيتم نقله في أعلى موضوعات المنتدى ، بعد أن كان (مدفوساً) في الصفحة الـ 17 مثلاً واللي غالباً الناس مش هتوصل لها بسهولة!

فبمجرّد ما تضيف مشاركة (هجص يعني ، من عيّنة مشاركة والسلام) ، فيتم ظهوره مرة أخرى في أعلى قائمة المواضيع ، وفي الصفحة الأولى ، ويعود مرة أخرى لدائرة الضوء ، بعد أن كان قد طواه النسيان ، واتدفس في آخر رف الكتب ، واتلم عليه التراب :lol:

وصلت كده؟ :closedeyes: