كل ما تريد معرفته عن (كندا)

[الحازم حسن]

أستاذ هادي

جزاك الله كل خير على اهتمامك

[Family Man]

اخى الحبيب هادى

لا ادرى كيف اشكرك

نعم انا لست يتيما ان كان بجوارى من هم أمثالكم

تأكد ان رسالتك قد تم استيعابها بشكل كامل( وجارى التنفيذ )

أراك قريبا بكندا بأذن الله

أوصيك ان تدعو لأخيك فى هذا الشهر الكريم بالمغفرة والتوفيق

أخوك Family Man

[ابن الصعيد]

السلام عليكم ورحمة اللة

انا اتابع هذا المنتدى الراقى فى الحوار منذحوالى 3 شهور وانا معجب جدا باسلوب الحوار

حوار راقى وردود وافية جدا

واخص بالذكر الاخ هادى فهو نعم الاخ الفاضل

اعرفكم بنفسى

انا طبيب صعيدى اعمل باحدى دول الخليج

عمرى 34 سنة عندى 3 اطفال

دخلى محترم وكبير ولكنى غير مبسوط تقلى لية انتم عارفين لية

االمهم طلعت بمخى فكرة الهجره وبعادة الصعايدة دخلت بالموضوع مكتب هجرة

بعد شهر جانى رقم الملف وأديلى سنة الان منتظر الكشف الطبى

الان وقد اقترب الامر انا محتار اروح كندا ام اظل فى هذا السجن الكبير لا أعلم

هل عصفور فى اليد احسن من 10على الشجرة

انا محتار رجاء من الاخوة وخصوصا الكنديين وخصوصا الاخ هادى المحترم

مش انا بقول لكم انى واحد تاية يا ولاد الحلا حد يدلة على الطريق

[هادي]

أخونا الحبيب الطبيب الصعيدي (واحد تايه)

السلام عليكم ورحمة الله

ارحب بيك في منتداك وبين اخوانك

وتحية كبيرة وعطرة من اخوك هادي الصعيدي جداً جداً جداً

تعرف

اول مرة أعرف ان فيه تخصص في الطب اسمه "صعيدي" :blink:

لانك كتبت بتقول :

اعرفكم بنفسى

انا طبيب صعيدى اعمل باحدى دول الخليج

ودي أول مرة في حياتي يكون لي صديق في التخصص ده .. يعني عرفت من الاصدقاء الاعزاء مثلا طبيب " أطفال " و طبيب " اعصاب " و فيه كمان صديق عزيز طبيب " عظام" .. لكن طبيب " صعيدي " ده تخصص واعر يابن العم :blink: .. ربنا يعزك ويديمك

شوف يا دكتوري العزيز

طالما انت في حيرة و كما تقول " تايه " يبقى خليك في الخليج وحافظ على المرتب الكبير و ادخر ما تستطيع من اموال وضعها في عقارات داخل مصر عند نزولك اليها في الاجازات .. كل الاراضي سعرها بيزيد وكل الشقق وكل المباني .. ابعد عن البورصة وعن فتح نشاط بالشراكة مع صديق أو قريب او خلافه .. اشتري اراضي وعقارات فقط لاغير

كندا لن تنتهي من الوجود .. مش راح تقفل ف يوم وتقول : بطلنا هجرة وجبرنا لحد كده .. مستحيل

مستقبلك في كندا سيكون مرتبط بتعليم ودراسة والحصول على شهادة من جامعاتهم وموال كبير جدا

لكن

لاحظ انه دائما هناك .. لكن ..

لكن لو حضرتك طبيب اسنان ( سيبك بقى من حكاية طبيب صعيدي دي :D )

لو طبيب علاج طبيعي

أقول لك التالي يا دكتوري العزيز ..

لو كان هذا هو تخصصك واطفالك في مرحلة عمرية صغيرة ( اكبرهم تحت السابعة)

أرجوك أكمل واذهب هناك وادرس واحصل على شهادة منهم واصرف من تحويشة الخليج ولا تخاف شيء

سيعود مالك كما كان واكتر .. وستحصل على راتب وعيشة اكثر مما تتمنى بإذن علام الغيوب

ثم ..

قف .. وقيم حياتك وتجربتك الكندية .. وبعدها قرر ..

إما تعمل ماتش اعتزال وترجع بلدك ومعاك خميرة حلوة تدفيك بقية عمرك

او تكمل هناك حتى آخر المشوار

لكن لا تشغل بالك بموضوع السجن الكبير والعبارات الانفعالية التي نقولها من ضغوط الاغتراب على اعصابنا

انت ستبدل اغتراب باغتراب

اغتراب شرقي باغتراب غربي وكلها غربة واغتراب وبلا ازرق

كندا ستكون في اول سنة رائعة وحلم جميل

ثم تعتاد

تعتاد النظام والنظافة والهدوء و الشارع النظيف و احترام قوانين المرور وحقوق المشاة ووضوح اللوائح وسهولة استخراج أي ورقة في أي مجال .. ستعتاد كل ذلك وتتعوده مع الوقت .. ثم يبقى شعورك بالاغتراب

يعود ويلح عليك من جديد كما يؤلمك اليوم بالضبط وانت بالخليج

وقتها فقط ستشعر بالصبر لو كان هناك عائد مادي كبير يفوق كل توقعاتك ويعطيك حقنة مورفين ضد الاكتئاب والغربة

ستحس بأهمية أن يحصل اطفالك على تعليم هادي و سهل وبدون عقد و يبني فيهم عقول وليس قوالب طوب

ستحس بأنك لا تريد الاستمرار في الشكوى من السجن الكبير

بل ستحب السجن الكبير

لانه يقدم الطعام الوفير لكل العصافير

وستكون اجازاتك في مصر رائعة وسهلة وجميلة

لانك تسبح فوق الاحداث ولا تغوص وتتعمق في مشاكل مصر ومن فيها

سيكون تلفونك الدولي وسيلة تكوي بها أي وريد نازف بحب الوطن والاهل والاصدقاء

مكالمة بسيطة زي شكة الدبوس

باختصار

عندما يكون العائد المادي كبير .. ويمكن توفير مبلغ سنوي مرضي وموازي لضريبة الاغتراب في نظرك

وقتها سترضى عن الغربة .. وتمد من اجلها

ما سبق كان استهلاك لابد منه -_-

أشوفك بعد الفاصل

رمضان كريم

[ابن الصعيد]

الاخ هادى

رمضان كريم

اشكرلك الرد السريع والجميل جدا منك

انا تخصص باطنة عامة وكنت دكتور محترم ببلدى

كنت فاتح عيادة وكنت شاطر

كنت اعمل سونار ومناظير

وكنت بحاجة الى هذة الاجهزة بعيادتى الخاصة بدل اللف على المستشفيات الخاصة

اللى بتمص دم الغلابة ودمى انا برضة قلت اطلع الخليج

لم اجد فرصة بالخليج غير ممارس عام فرحت بالعقد وذهبت الى هناك

طبعا شغل اى شى كان تخيل انا بشوف فى 8 ساعات فوق 130 مريض دة طب

غلاء المعيشة بالخليج انا متأجر شقة بما يوازى 900 دولار كندى

مدارس الاولاد بمصروفات اما المدارس الحكومية لاولاد الاسياد اما العمالة والخدم فلهم مدارس بفلوس

الصحة وانا دكتور ادفع تامين صحى سنوى للاسرة مايوازى 800 دولار كندى

غير المخالافات للسيارة سواء خالفت ام لا دافع دافع حتى لو مشيت جنب الحيط مخالف

تخيل انى بدأت انسى اللى اتعلمتة بالكلية

اما عن مصر فانا نزلت بالصيف الماضى الحالة يرثى لها حتى لو معاك كل الامكانيات هل ممكن تمشى بحرية بالسيارة

فى الشارع مستحيل بلدنا حلوة واحنا براها ولكنها قاسية جدا وانت بالداخل

انا مش عايز اصدعك ولكنى فعلا حيران

انا لا احب الحالمين انا بذاكر بجد المعادلة الكندية هى صعبة شوية ولكنها ليست مستحيلة

وعامل حسابى انى سوف ادرس سنة كاملة على حسابى فى احد مستشفيات الجامعات الكندية واعول عائلتى

انا فقط عاوز اعلم عيالى كويس ويحصلوا على شهادات وتعليم يخليهم مميزين فى الزمن الاغبردة

دوشتك ولكنى احبك فى اللة

رمضان كريم

[waleedss88]

طيب ماهو مستقبل المهن الهندسية في كندا ؟؟

بالاخص مدني وميكانيكا

[الحازم حسن]

لحظة يا جماعة

صحيح إن هذا الموضوع هو افضل دليل قرأته عن الهجرة إلى كندا حتى الآن إلا انه أغفل نقطة مهمة وهي عقود العمل.

مش معقول كل اللي في كندا مهاجرين أكيد في كمان متعاقدين TEMPORARY WORKERS اعتقد أن هذا هو الحل الأفضل لكل من هو مترد في مسألة الهجرة زي أخونا الطبيب الصعيدي ممكن انك تسافر بصفتك متعاقد وليس مهاجر بعد ما تاخد أجازة من عملك في الخليج وإذا مشي الحال وعجبك الوضع قدم على الهجرة من هناك وإذا مكنش فيه نصيب إرجع ويا دار مادخلك شر

كمان التواجد والعمل هناك دا بيدي المتقدم بطلب الهجرة مزايا أكثر يعني مثلاً حياخد Points زيادة تحت بند التكيف لانه سبق له زيارة كندا والعمل في كندا وكمان حياخد points تانية وهي 10 نقاط كاملة تحت بند Arrange Employment او توفر عرض عمل.

بس المشكلة هيه إزاي تقدر تجيب عقد عمل من هناك .. هل يا ترى الموضوع ده بيكون عن طريق وكالات التوظيف ولا مكاتب متخصصة في شئون الفيز والسفر من مصر زي بتاعة السعودية ؟؟

بيني وبينكم انا عرضت هذا الأمر على محامي متخصص في شئون الهجرة في مصر وقال لي أنا مش ممكن أجيب لك عرض عمل ولكن أقدر أجيب لك "تصريح عمل" وطلب مقابل ذلك عشر ألاف دولار امريكي.

لكن انا اول ما شفته حسيت إنه أعور ومكتوب على جبينه نصاب.

هل يا ترى هذا الطرح منطقى ولا صعب جداً ولا خيالي ......

[waleedss88]

دا شوية سيرش يمكن يفيد عن التخصص وارتباطه بالعمل

Hi All

I was compiling my own information and trying to submit the Canadian

immigration application myself.

But I have heard that the work experience must be related to one's

education in orded to be counted.

Now I a Computer Engineer ( Bachelor's ) but I have worked as a Network

Administrator, Quantitative Analyst , Web Programmer.

So my question is that does it count or they want the engineers to be

making chips ( computer chips) and only those jobs count ?

Any light will be helpful.

Reply:

My understanding is that the work experience does not have to be in the area

of your degree, except in the special case of a NAFTA visa (this was written

into the law by the US to reduce the number of Mexican professionals who

would qualify, and therefore applies in Canada as well).

For example, my own graduate degree is in English, but I have 15 years

experience as a computer professional. I was still awarded the maximum

number of points for both education and work experience.

[i am not an immigration specialist, merely someone who received a Canadian

PR visa as a skilled worker.

[دكتور صلاح]

واللة بصراحة ياجماعة انا متابع الموضع من البداية وشكر لك من ساهم فى اضافة معلومة

الموضوع عاجبنى وعيشنى فى جو جميل اوى مش بس الكلام عن دولة متحضرة لكن

فرحت انة فية مصرين عاوزين يعطوا عاوزين يشاركوا عاوزين غيرهم يبقو زيهم مفيش مانع

معرفش هو دة اصل فينا ولا الغربة ضافت جديد بس اعتقد انة اصل تم احيائة

وانشاء اللة اشاركم عن قريب بس حبيت اول ما ادخل اشكركم واشكر الاخ هادى

[ابن الصعيد]

الاخوة الاعزاء

بعد السلام عليكم ورحمة اللة وبركاتة

رمضان كريم

انا شايف ان جميع الاخوة بالمنتدى مشغلون عن الردود هذة الايام

يمكن من الصيام

وممكن ذهدوا من الناس

المهم لو فضيوا يا ريت يردوا علينا

رمضان كريم

[eyad2002]

الاخوة الأفاضل

بداية اتوجه لكم بالشكر الجزيل على هذا الموضوع الرائع الذي يثري ويرد على معظم التساؤلات التي تخطر ببال المهتمين بالهجرة الى كندا، وإن كان عندي بعض التساؤلات آملاً منكم الرد عليها:

1- كم من المال احتاج أن اخذ معي بداية الى كندا.

2- هل يمثل العثور على عمل في كندا مشكلة وكم هو الراتب المتوقع في حالة الاعمال اليدوية.

3- أنا حاصل على بكالوريوس كمبيوتر ولدي خبرة كبيرة في هذا المجال، هل استطيع العثور على عمل في هذا المجال وكم هو الراتب المتوقع.

4- في حالة عدم حصولي على عمل، هل يوجد نظام ضمان اجتماعي وكم المبلغ الذي يصرف في حالة عائلة من 5 افراد.

5- كم قيمة ايجار الشقق او البيوت على اعتبار غرفتين نوم على الاقل+ غرفة معيشة.

6- أي المدن هي الافضل بالنسبة لنا كمسلمين وعرب.

7- كم سعر البيت في حالة الشراء بنفس المواصفات السابقة.

[Gihan]

الاخوه الاعزاء

انا مصرية عايشة في مونتريال بقالى 19سنة يعنى نص عمري

المعلومات اللى الاخوة اضافوها ممتازة انا حاشارك براي من زاوية مختلفة واقولكم لية انا باشجع كل مصرى عايز ييهاجر انة يروح كندا

اولا اى مكان نهاجر الية مهما كان حيفضل مهجر المهم ان الواحد يعيش في مكان نضيف بيحترم الانسان ويقدر يربي اولاده فية كويس

ميزات كندا

1 البلد محتاجة مهاجرين لان الناس بتعجز و مافىش اطفال كفاية يعنى مش زي دول الخليج اللى بيوظفوا الناس ويقولولهم مع السلامة بعد كام سنة

2 كندا مبنية بايدي المهاجرين فىمدرسة ابنى فية اكتر من 70 جنسية مختلفة من المهاجرين

3 الكنديين عموما و الناس في مقاطعة كيبك خاصة طيبين يعنى عندهم مبادئ و عادات شبه المصريين

4 فية احترام لكل انسان و ماعندهمش عنصرية يعنى مافيش حاجة اسمها مسلم او مسيحى او حتى ملحد المساواة في المعاملة مهمة جدا لدرجة ان القضاء سمح لطالب من اصل هندى فى ثانوى انة ياخد معاه المدرسة الكيربان زى سكينة مش حامية لان دة مفروض علية في ديانتة

و مدرسة ثانوي تانية عاملة وقت مخصص للبناتالمحجبات فى حمام السباحة

5 كندا من اغنى بلاد العالم و مستوى المعيشة فيها عالى يعنى بالمقارنة بالطبقة المتوسطة فى اى مكان

6 الحكومة بتقدم خدمات كتيرة للمهاجرين لمساعدتهم

7 الجالية العربية كبيرة

8 الجالية الاسلامية كبيرة مثلا فى مونتريال وضواحيها عندنا مساجد و مدارس للدين وفية حتي مدرسة عربية اسلامية للاطفال

الخ الخ

ممكن اكتب كتير كمان لكن للاسف ماعنديش كي بورد عربي و الكتابة على on sceen keyboard عذاب

اتمنى اكون اضفت معلومات مفيدة

[Lembic]

الاخوه الاعزاء

انا مصرية عايشة في مونتريال بقالى 19سنة يعنى نص عمري

المعلومات اللى الاخوة اضافوها ممتازة انا حاشارك براي من زاوية مختلفة واقولكم لية انا باشجع كل مصرى عايز ييهاجر انة يروح كندا

اولا اى مكان نهاجر الية مهما كان حيفضل مهجر المهم ان الواحد يعيش في مكان نضيف بيحترم الانسان ويقدر يربي اولاده فية كويس

ميزات كندا

1 البلد محتاجة مهاجرين لان الناس بتعجز و مافىش اطفال كفاية يعنى مش زي دول الخليج اللى بيوظفوا الناس ويقولولهم مع السلامة بعد كام سنة

2 كندا مبنية بايدي المهاجرين فىمدرسة ابنى فية اكتر من 70 جنسية مختلفة من المهاجرين

3 الكنديين عموما و الناس في مقاطعة كيبك خاصة طيبين يعنى عندهم مبادئ و عادات شبه المصريين

4 فية احترام لكل انسان و ماعندهمش عنصرية يعنى مافيش حاجة اسمها مسلم او مسيحى او حتى ملحد المساواة في المعاملة مهمة جدا لدرجة ان القضاء سمح لطالب من اصل هندى فى ثانوى انة ياخد معاه المدرسة الكيربان زى سكينة مش حامية لان دة مفروض علية في ديانتة

و مدرسة ثانوي تانية عاملة وقت مخصص للبناتالمحجبات فى حمام السباحة

5 كندا من اغنى بلاد العالم و مستوى المعيشة فيها عالى يعنى بالمقارنة بالطبقة المتوسطة فى اى مكان

6 الحكومة بتقدم خدمات كتيرة للمهاجرين لمساعدتهم

7 الجالية العربية كبيرة

8 الجالية الاسلامية كبيرة مثلا فى مونتريال وضواحيها عندنا مساجد و مدارس للدين وفية حتي مدرسة عربية اسلامية للاطفال

الخ الخ

ممكن اكتب كتير كمان لكن للاسف ماعنديش كي بورد عربي و الكتابة على on sceen keyboard عذاب

اتمنى اكون اضفت معلومات مفيدة

كلام جميل جدا ولكن الرجاء عدم المبالغة ...

1- الكنديين ليسوا طيبين لآنهم من شعوب مختلفة وعلى كل لون ولهم عادات مختلفة عن أى شعب لأنهم هم أنفسهم شعوب مختلفة يعنى الكنديين ملهومش عادات محددة. ممكن تلاقى الهندى الكندى، الصينى الكندى، المكسيكى الكندى وهكذا.

2-مثل أى بلد هناك القانون وهناك العرف يعنى إنت وحظك ممكن تشتغل مع واحد بيحترم القانون وسيعاملك بدون تحيز وممكن تلاقى التحيز نفسه متمثل أمامك - إنت وحظك.

3- صحيح إن كندا من أكثر البلاد من ناحية المستوى المعيشى لكن هذا معناه الغلاء - كندا غالية غاليه غالية - ضريبة المبيعات مثلا 14% ومعظم المنتجات مستوردة من أمريكا أو بلاد أخرى حتى الأكل نفسه معظمه مستورد بسبب برودة الجو معظم شهور السنة وعدم وجود جو طويل صالح للزراعة !

4- كثير جدا عايشين على المساعدات الحكومية بسبب صغر المساحة المسكونة (30 مليون متجمعيين فى أماكن محددة فى ثانى أكبر بلد فى العالم من حيث المساحة بعد الأتحاد السوفيتى).

5- كندا محتاجة مهاجرين طبعا وبكثرة شديدة لآنها تعتبر بدون مبالغة فاضية!

للآسف الصورة مش وردية جدا يعنى كندا للشخص اللى مستعد يشتغل ويتعب بجد ويبنى نفسه من الصفر لكن فى الأخر ممكن يصل الى مايريد. مش نظام سنة أو سنتين والعملية تبقى هناء.

[نصر]

كل حاجه نسبيه

تم تعديل 17 أكتوبر 2006 بواسطة نصر

[ايهاب سالم]

المزيد من الصور هنا - صور جزر تورونتو

[ايهاب سالم]

الى أي مدى تهتم الدول المحترمه بالبشر و تجتهد في تعريفهم بحقوقهم

Guide to Government of Canada Services for Children

canada benefits

[Lembic]

صحيح ايضا أن معظم الخضروات و الفاكهه مستورده خصوصاً فى فصل الشتاء و لكن لا يهم لأن الصادرات من الطاقه و قطع غيار السيارات و غيرها ضخمه و تغطى و تفيض عن أى واردات :blink: اقتصاد قوى

عزيزى نصر الغالبية العظمى من الشركات وبالذات شركات السيارات كلها أمريكية ومعظم واردها يذهب الى أمريكا. طبعا كندا أفضل من مصر مليون مرة أو بالأصح ليس هناك مجال للمقارنة وبصراحة أكثر أى مكان يمكن الهجرة اليه أفضل "للآسف" من مصر.

[وليد صفوت]

بسم الله الرحمن الرحيم

السلام عليكم : والله انا بس طالب مساعدة أي حد في المنتدي دة أو أحد المشرفين زي حضرتك,,

وقصتي ملخصها التالي / انا شاب عندي 29 سنة من مصر بكالوريوس تربية فنية 2002 ,,فقط أريد أن أعرف هل مجال عملي (وهو الأختصاص بالرسم والطباعة ) وخاصة الرسم علي التشرتات ..خبرة سنتين أيضا هل لي فرصة عمل حقيقية للسفر والعمل في كندا....فهذا مجال خبرتي علي الأخص أرجوووووووووووو منك الرد أو حتي سؤال بعض الأخوة هنا ,,,حيث انني عضو جديد ,وتفضلي بواااااااااااااااااااااااااافر شكري وتقديري ,,,

شيئ أخر أسف جدا ....هل من الممكن الرد علي الأميل ,,

ibrahim_artist2000@yahoo.com

وصلنى رسالة خاصة من العضو الجديد stephin رأيت ان اضعها بنصها هنا و رجاء من الأخوة المشاركين افادة العضو الفاضل .....جزاكم الله كل خير.

[Gihan]

الاخ Lembic

عندك حق ان رايى بينطبق علي اللى عايز يبنى حياتة هنا فى كندا مش بس سنتين يعمل فيهم فلوس و يرجع مصر يخلصهم في كام شهر

و بصراحة استيراد كندا للخضار في الشتاء مش عيب زي اسيراد مصر للفول

وانا من راى الاخ نصر صحيح احنا بندفع ضرايب كتير لكن فية خدمات كتير زي التامين الصحى المجاني و التعليم المجاني لغاية ثانوي وحتى الكليات مدعمة يعني 4000 دولار فى السنة للكلية اقل من اللى لازم تدفعة فى مصر عشان ابنك يتقبل فى الحضانة في المدارس الخاصة

و زي ما بتقول الحكومة بتتكفل باللى مش قادر يشتغل

فى كل مكن فى الدنيا حتلاقى ناس متعصبة لكن قليلة قوى البلاد زى كندا اللى حتقدر تاخد فيها حقك من الناس دى

اللى يهاجر كندا لازم يكون مستعد يشتغل مفيش حاجة ببلاش لكن بعكس اماكن كتيرة حيقدر يتقدم فى حياتة ويعيش حريتة فى الدين والعادات كاى مواطن كندى يعنى مش حيبقى درجة تانية عشان مهاجر بالعكس الحكومة بتقدمله خدماتوتسهيلات كتير

الجنة مش موجودة على وش الارض والا كان كل الناس هاجروا هناك وعشان كدة لازم الواحد يحدد هو عايز اية من البلد اللى يعيش فيها ولما يختارها يشوف مميزاتها قبل عيوبها لان لو دورنا علي العيوب فى الاول حنبقى تعساء فى اي مكان فى العام

وانا شخصيا اهم حاجة عدى اني اعيش في بلد بيحترم ادميتى ودينى وافكاري و حريتى

وبعدين بينى وبينك مهما اتكلمنا على عيوب كندا مس ممكن ننسى ان هنا الشوارع فااااااااضية و العيش ابيييييييض

تحياتى من بلاد التلج ;)

[Lembic]

الاخ Lembic

عندك حق ان رايى بينطبق علي اللى عايز يبنى حياتة هنا فى كندا مش بس سنتين يعمل فيهم فلوس و يرجع مصر يخلصهم في كام شهر

و بصراحة استيراد كندا للخضار في الشتاء مش عيب زي اسيراد مصر للفول

وانا من راى الاخ نصر صحيح احنا بندفع ضرايب كتير لكن فية خدمات كتير زي التامين الصحى المجاني و التعليم المجاني لغاية ثانوي وحتى الكليات مدعمة يعني 4000 دولار فى السنة للكلية اقل من اللى لازم تدفعة فى مصر عشان ابنك يتقبل فى الحضانة في المدارس الخاصة

و زي ما بتقول الحكومة بتتكفل باللى مش قادر يشتغل

فى كل مكن فى الدنيا حتلاقى ناس متعصبة لكن قليلة قوى البلاد زى كندا اللى حتقدر تاخد فيها حقك من الناس دى

اللى يهاجر كندا لازم يكون مستعد يشتغل مفيش حاجة ببلاش لكن بعكس اماكن كتيرة حيقدر يتقدم فى حياتة ويعيش حريتة فى الدين والعادات كاى مواطن كندى يعنى مش حيبقى درجة تانية عشان مهاجر بالعكس الحكومة بتقدمله خدماتوتسهيلات كتير

الجنة مش موجودة على وش الارض والا كان كل الناس هاجروا هناك وعشان كدة لازم الواحد يحدد هو عايز اية من البلد اللى يعيش فيها ولما يختارها يشوف مميزاتها قبل عيوبها لان لو دورنا علي العيوب فى الاول حنبقى تعساء فى اي مكان فى العام

وانا شخصيا اهم حاجة عدى اني اعيش في بلد بيحترم ادميتى ودينى وافكاري و حريتى

وبعدين بينى وبينك مهما اتكلمنا على عيوب كندا مس ممكن ننسى ان هنا الشوارع فااااااااضية و العيش ابيييييييض

تحياتى من بلاد التلج ;)

أرجو إن محدش يفهمنى غلط ... أنا مش بقول إن كندا بنت 70x60 ! ألموضوع أن مسألة الهجرة مسألة مش هينة يعنى معظمنا يا مصريين فاكرين الهجرة غلط وده سبب عدم نجاحنا كجالية مثل الجالية اللبنانية مثلا أو جاليات كثيرة. أنا أقصد هجرة يعنى حياة ثانية من أول وجديد مش مسالة غربة لكام سنة وبس. الهجرة عند المصريين موضوع جديد جدا عليهم وذلك لآنهم مرتبطين تماما بالآرض ومش بيسافروا إلا علشان يرجعوا تانى لمصر بعد فترة. سفر المصريين بوجه عام لم يبدأ إلا بعد الحالة الاقتصادية المزفتة التى خنقت المصريين تماما على بداية التسعينات . لآ الهجرة معناها إنقل حياتك للبلد التى ستعتبرها بلدك الجديد وليس الثانى. ولذلك يجب التفكير ألف مرة قبل الهجرة.

بخصوص إستيراد كندا للخضروات والأكل عموما فلا أعلم يعنى إيه كلمة "عيب"! طبعا عيب إن مصر تستورد أكل وأكبر عيب إنها تستلف أكل. أما كندا فقصدى إنها تستورد الأكل بسبب سوء طقسها غالب السنة وده لا هو عيب ولا مش عيب وملوش دعوى بكلمة عيب من أساسه!

بخصوص الخدمات فهى طبعا كويسة بس مننساش إن أمريكا مثلا تقدم نفس الخدمات التعليمية والتعليم المدرسى مجانى وهناك الmedicaid والمساعدات الحكومية وضرايبها أقل بكثير جدا من كندا وحاجات كثير لاداعى للكلام عنها حتى لا يتشعب الموضوع.

المهم إنى عاوز أركز على إن من يقرر الهجرة يجب أن يعلم إنه قرار تاريخى فى حياته وحياة عائلته مش حكاية سفر زى السفر للخليج مثلا! بس!