كل ما تريد معرفته عن (كندا)

[الحازم حسن]

الاخ Lembic

عندك حق ان رايى بينطبق علي اللى عايز يبنى حياتة هنا فى كندا مش بس سنتين يعمل فيهم فلوس و يرجع مصر يخلصهم في كام شهر

و بصراحة استيراد كندا للخضار في الشتاء مش عيب زي اسيراد مصر للفول

وانا من راى الاخ نصر صحيح احنا بندفع ضرايب كتير لكن فية خدمات كتير زي التامين الصحى المجاني و التعليم المجاني لغاية ثانوي وحتى الكليات مدعمة يعني 4000 دولار فى السنة للكلية اقل من اللى لازم تدفعة فى مصر عشان ابنك يتقبل فى الحضانة في المدارس الخاصة

و زي ما بتقول الحكومة بتتكفل باللى مش قادر يشتغل

فى كل مكن فى الدنيا حتلاقى ناس متعصبة لكن قليلة قوى البلاد زى كندا اللى حتقدر تاخد فيها حقك من الناس دى

اللى يهاجر كندا لازم يكون مستعد يشتغل مفيش حاجة ببلاش لكن بعكس اماكن كتيرة حيقدر يتقدم فى حياتة ويعيش حريتة فى الدين والعادات كاى مواطن كندى يعنى مش حيبقى درجة تانية عشان مهاجر بالعكس الحكومة بتقدمله خدماتوتسهيلات كتير

الجنة مش موجودة على وش الارض والا كان كل الناس هاجروا هناك وعشان كدة لازم الواحد يحدد هو عايز اية من البلد اللى يعيش فيها ولما يختارها يشوف مميزاتها قبل عيوبها لان لو دورنا علي العيوب فى الاول حنبقى تعساء فى اي مكان فى العام

وانا شخصيا اهم حاجة عدى اني اعيش في بلد بيحترم ادميتى ودينى وافكاري و حريتى

وبعدين بينى وبينك مهما اتكلمنا على عيوب كندا مس ممكن ننسى ان هنا الشوارع فااااااااضية و العيش ابيييييييض

تحياتى من بلاد التلج ;)

أرجو إن محدش يفهمنى غلط ... أنا مش بقول إن كندا بنت 70x60 ! ألموضوع أن مسألة الهجرة مسألة مش هينة يعنى معظمنا يا مصريين فاكرين الهجرة غلط وده سبب عدم نجاحنا كجالية مثل الجالية اللبنانية مثلا أو جاليات كثيرة. أنا أقصد هجرة يعنى حياة ثانية من أول وجديد مش مسالة غربة لكام سنة وبس. الهجرة عند المصريين موضوع جديد جدا عليهم وذلك لآنهم مرتبطين تماما بالآرض ومش بيسافروا إلا علشان يرجعوا تانى لمصر بعد فترة. سفر المصريين بوجه عام لم يبدأ إلا بعد الحالة الاقتصادية المزفتة التى خنقت المصريين تماما على بداية التسعينات . لآ الهجرة معناها إنقل حياتك للبلد التى ستعتبرها بلدك الجديد وليس الثانى. ولذلك يجب التفكير ألف مرة قبل الهجرة.

بخصوص إستيراد كندا للخضروات والأكل عموما فلا أعلم يعنى إيه كلمة "عيب"! طبعا عيب إن مصر تستورد أكل وأكبر عيب إنها تستلف أكل. أما كندا فقصدى إنها تستورد الأكل بسبب سوء طقسها غالب السنة وده لا هو عيب ولا مش عيب وملوش دعوى بكلمة عيب من أساسه!

بخصوص الخدمات فهى طبعا كويسة بس مننساش إن أمريكا مثلا تقدم نفس الخدمات التعليمية والتعليم المدرسى مجانى وهناك الmedicaid والمساعدات الحكومية وضرايبها أقل بكثير جدا من كندا وحاجات كثير لاداعى للكلام عنها حتى لا يتشعب الموضوع.

المهم إنى عاوز أركز على إن من يقرر الهجرة يجب أن يعلم إنه قرار تاريخى فى حياته وحياة عائلته مش حكاية سفر زى السفر للخليج مثلا! بس!

كلام منطقي جداً .. لكن الناس في مصر مش بتفكر زي حضرتك كده فئة الشباب تحديداً كل تفكيرها الخروج من مصر بأي شكل وبأي تمن بسبب الحالة الاقتصادية المزفتة زي ما ذكرت وبعدين يحلها الحلال . وأول مشاكل المصريين المهاجرين تبدأ من على سلم الطيارة في البلد الجديد زي ما قالت مهاجرة مصرية في أمريكا وهي انهم بتصرفوا وكأنهم لسه في مصر ومخرجوش منها بنفس العادات ونفس الطباع.

[نصر]

الطيور عندما تهاجر فأنها تعود عندما يتغير المناخ

تم تعديل 17 أكتوبر 2006 بواسطة نصر

[دكتور صلاح]

انا مع الاخ نصر تمام احنا مرتبطين بالارض جداااااا

قليل لما واحد يبعد بسهولة انت حتى لو بعدت اهلك مش هيسمحوا انهم يبعدوا عنك بكل الاحول فية طرفين شد وجذب

انت فى كفة وعيلتك واهلك وارض بالرغم من ان مصر بقت بالدراع

حتى السواقين بيخدوا فوق حقهم

دة الركوب فى الموصلات بقى حلم ياجماعة

احنا رغم دة كلة ورغم السلبيات عاوزين البلد دى وعاوزين نعيش فيها

بنسافر اما لجمع مال لحياة افضل او لدراسة مفيش غير كدة بس اظن

جمع المال اكتر مع اتجاة الجميع الوقتى للسفر بالتهريب لبلاد زى ايطاليا وغير

[Lembic]

الأخ الحازم حسن

اسمح لى أن اختلف معاك تماماً فى تفسيرك للهجره و لو كان المصريين بيهاجروا لفتره على أمل الرجوع تانى لمصر بعد الحصول على مال أو علم أو تغير فى الظروف الأقتصاديه فهذا تفكير سليم

الطيور عندما تهاجر فأنها تعود عندما يتغير المناخ

الهجرة ليست للأبد و لكن ضروره للخروج من وضع معين والحمدلله مصر مستقره عن بلاد عربيه أخرى (بدون ذكر اسماء) فالطبيعى أن نعود اليها بعد تحقيق الهدف من الهجره

الماديات فى كندا ممتازه إذا كنت تعمل و وضعك القانونى فى البلد سليم و لكن هذا لا يكفى .......... أين الحياه الدينيه والأجتماعيه أين الأهل و الأصدقاء ولا قيمه للماديات بدون مصر

معرفش ده رأيى ...

عايز تقارن بين كندا وامريكا فطبعا كندا تكسب بمراحل ده كفايه التأمين الصحى و CCTB ده غير أن الناس أطيب (متواضعين) كتير عن الأمريكان بس امريكا جوها - فى بعض الولايات- أحسن

عزيزى الفاضل معلش بلاش حكاية الحياة الدينية التى يفترض أن تكون فى مصر. إحنا معندناش حياة دينية تماما. أرجو الا تعتبر المساجد المملوءة فى رمضان فقط والتراويح التى تستمر بالساعتين والشحاتين الذين يجدوا من يحنوا عليهم ويمكن يأخدهم فى حضنه وعلى رأى عادل إمام يبوسهم فى بؤهم كمان ، أرجوا الا تعتبر هذا تدين أبدا. الذى عندنا إسمه إنفصام فى الشخصية أو بالعربى "نفاق". مفيش عندنا لا تدين ولا حاجة وإلا كان إنعكس على الأخلاق. صح؟ - الدين المعاملة.

[نصر]

عموماً ليس هذا موضوع المداخله

تم تعديل 17 أكتوبر 2006 بواسطة نصر

[Lembic]

أ/اللمبى

أصدرت بيان واتهمت المصريين بالنفاق

طبعاً هذا الكلام غير صحيح وعموماً ليس هذا موضوع المداخله

عفوا أنا أصحح وأقول مش كلهم بس أصر على ان الغالبية كده ونص كمان - هو مش برضه الدين المعاملة ولا إيه .. بدون أن أنسى إنى أيضا مصرى

[الحازم حسن]

الأخ الحازم حسن

اسمح لى أن اختلف معاك تماماً فى تفسيرك للهجره و لو كان المصريين بيهاجروا لفتره على أمل الرجوع تانى لمصر بعد الحصول على مال أو علم أو تغير فى الظروف الأقتصاديه فهذا تفكير سليم

الطيور عندما تهاجر فأنها تعود عندما يتغير المناخ

الهجرة ليست للأبد و لكن ضروره للخروج من وضع معين والحمدلله مصر مستقره عن بلاد عربيه أخرى (بدون ذكر اسماء) فالطبيعى أن نعود اليها بعد تحقيق الهدف من الهجره

الماديات فى كندا ممتازه إذا كنت تعمل و وضعك القانونى فى البلد سليم و لكن هذا لا يكفى .......... أين الحياه الدينيه والأجتماعيه أين الأهل و الأصدقاء ولا قيمه للماديات بدون مصر

معرفش ده رأيى ...

عايز تقارن بين كندا وامريكا فطبعا كندا تكسب بمراحل ده كفايه التأمين الصحى و CCTB ده غير أن الناس أطيب (متواضعين) كتير عن الأمريكان بس امريكا جوها - فى بعض الولايات- أحسن

من حقك طبعاً تختلف معايا والأمور دي نسبية تختلف من فرد لفرد ولكن أوضح لك شيء هو ان الحال في مصر قدامه 1738 سنة عشان يتحسن يعني مش أقل من كده وكندا بتدرس دلوقتي إلغاء إزدواج الجنسية في الحالة دي حضرتك والدكتور صلاح حتختاروا أي جنسية المصرية ولا الكندية ؟؟؟؟؟؟؟

وبالنسبة لحكاية استقرار مصر حيفيدنا ايه الاستقرار من غير فلوس للمزيد راجع هذا الموضوع

http://www.middle-east-online.com/egypt/?id=41606

مان البلد اللي حيحتضنك ويديلك مزايا رهيبة مكنتش تتخيلها لازم تديله حقه ... مش كده و ايه

بالنسبة للحياة الدينية والاجتماعية اساسا ضغط الحياة في مصر خلي الأمور شكلية بس ومش زي زمان والدين بالذات أعتقد أنني كمسلم أقدر أعيش حياة دينية أفضل في كندا (للأسف) .. صدقني لما حتشعر بالاهانة في بلدك حيهون عليك كل شيء المواطن المصري ما هوإلا سلسلة من الاهانات المتراكمة عبر مشوار حياته مهان في المدرسة ومهان في الجامعة ومهان في الأتوبيس ومهان في الخدمة العسكرية ومهان في أقسام البوليس ومهان في أي مصلحة حكومية ممكن يفكر انه يروح لها وكل شيء في بلده لازم يدفع له رشوة

إنه نعم المولى ونعم النصير

هذا والسلام عليكم ورحمة الله وبركاته

تم تعديل 5 أكتوبر 2006 بواسطة الحازم حسن

[ايهاب سالم]

أوضح لك شيء هو ان الحال في مصر قدامه 1738 سنة عشان يتحسن يعني مش أقل من كده وكندا بتدرس دلوقتي إلغاء إزدواج الجنسية

لأ يا راجل 1738 سنه كتير قوي .. انا كنت بأقول كلها 1234 سنه والحال يتعدل :)

المهم .. يا ريت لو سمحت يا أستاذ حازم تلقي الضوء أكثر على موضوع إن كندا بتدرس دلوقتي إلغاء إزدواج الجنسيه

يعني فين رابط الخبر ده أو قرأته فين .. لأن الموضوع ده لو حقيقي الواحد هيغير رأيه على طول

أنا ماقدرش أستغنى عن الجنسيه ..................................................................................... الكنديه :)

[Lembic]

والله ياعم حسن كلامك صح الصح

[ابن الصعيد]

فينك يا عم هادى

الناس بيتخانقوا مع بعض

لية كده

اللى عاجبوا العيشة فى مصر يعيش فيها

واللى عاوز يهاجر أرض اللة واسعة

شكرا للاخت جيهان على مداخلتها الجميلة وكنت عاوزها تكمل قصتها عن كندا

ودى قصيدة ل احمد فؤاد نجم

في ‏عيد ‏ميلادك ‏الكام وسبعين.....

سيدي ‏الرئيس

‏في عيد ميلادك الكام وسبعين

‏كل سنة وانت طيب

‏واحنا مش ‏طيبين

‏كل سنة وانت حاكم

‏واحنا محكومين

‏واحنا مظلومين

‏واحنا ‏متهانين

‏ويا تري يا حبيب الملايين

‏فاكرنا ولا احنا خلاص منسيين

‏فاكر ‏المعتقلين

‏فاكر الجعانين

‏فاكر المشردين

‏فاكر اللي ماتو ‏محروقين

‏فاكر الغرقانين

‏الله يكون في عونك - ها تفتكر مين وللا ‏مين

في عيد ميلادك ‏الكام وسبعين

‏بقول لك كلمتين

‏الأوله

‏شيلتنا طين

‏و هل تعلم أن ‏النيل بقي رشاح

‏و الجو أصبح بيئة والعيشة ولعة

‏و الشرفا قلوبهم عالبلد ‏والعة

‏و انت عاملهم مذبحة ولا بتاعة القلعة

‏و الإقتصاد سداح

و السرقة ‏بقت كفاح

‏و مصر متاحة بس للسياح

‏و عرض البلد بقي مستباح

‏و ‏الثانية

‏ورتنا الويل

‏دا الخطوة في عهدك بقت ميل

‏و الضحك بقي نواح و ‏عويل

‏و الكوسة

‏عارف الكوسة

‏و الجامعة بقت ‏يا إما كباريه أو دار مسنين

‏و الشباب معظمهم من غير خمرة سكرانين

‏و العلم ‏عز علي المتعلمين

‏و الأساتذة بقم دجالين

‏و القادة بقم طبالين

‏و اديني ‏في الهايف يا حبيب الملايين

‏و الثالثة

‏عارف اليابانيين

‏زمان في سنة ‏اتنين و خمسين

‏كان عندنا تروماي و كان عندنا علم و متعلمين

‏و ثقافة و ‏مثقفين

‏و أدبا و علما و فنانين

‏و كانو اليابانيين

‏بالنووي لسه ‏مضروبين

‏و للصدقة مستحقين

‏دلوقتي إحنا فين و هما فين

‏هما فوق و احنا في ‏أسفل سافلين

‏و الرابعة

‏أمن بلدنا بقي تنين

‏و المحاكم اتملت ‏مظالم

‏و العدالة بقت كمالة

‏و كلمة الحق في الزبالة

‏و أصحابها في الزنازين

‏و الخامسة

‏القطاع ‏العام....عام

‏و الفساد.....ساد

‏وفي جتة بلدنا بيرعي

‏أفتكر لجنابك إيه ‏و للا إيه

‏و كل ذكري ليك بدمعة

‏آآآآآآآآه آآآآآآآآه

‏أنا كنت حالف ميت ‏يمين

‏أكملهم لك تمنية و سبعين

‏بس ها كفيهم ورق منين

‏و كل سنة و انت .............

‏و احنا طيبين

[Lembic]

فينك يا عم هادى

الناس بيتخانقوا مع بعض

لية كده

اللى عاجبوا العيشة فى مصر يعيش فيها

واللى عاوز يهاجر أرض اللة واسعة

شكرا للاخت جيهان على مداخلتها الجميلة وكنت عاوزها تكمل قصتها عن كندا

ودى قصيدة ل احمد فؤاد نجم

في ‏عيد ‏ميلادك ‏الكام وسبعين.....

سيدي ‏الرئيس

‏في عيد ميلادك الكام وسبعين

‏كل سنة وانت طيب

‏واحنا مش ‏طيبين

‏كل سنة وانت حاكم

‏واحنا محكومين

‏واحنا مظلومين

‏واحنا ‏متهانين

‏ويا تري يا حبيب الملايين

‏فاكرنا ولا احنا خلاص منسيين

‏فاكر ‏المعتقلين

‏فاكر الجعانين

‏فاكر المشردين

‏فاكر اللي ماتو ‏محروقين

‏فاكر الغرقانين

‏الله يكون في عونك - ها تفتكر مين وللا ‏مين

يا أخى العظيم هنا مش باب قصائد أعتقد إن فى واحد تايه! :)

[الحازم حسن]

والله ياعم حسن كلامك صح الصح

يا جماعه اخجلتم تواضعى .... انا هنا شمعه تحترق من اجل خدمتكم.... و خدمه اهالى الحى الكرام

بس لحظة بئة ياريت لو سمحتم يا شباب

المفروض ان هذا الموضوع هو بنك معلومات أو Database Center لكندا

الحوارات بتاعتنا دي مفيش منها قيمة هنا ياريت نسيب الإضافات للأتساذ هادي أو الأستاذ وجدي والأستاذ إيهاب يعني أهل الخبرة اللي ممكن يضيفوا معلومات جديدة

بالنسبة للاختلاف في وجهات النظر فممكن جداً نفتح موضوع جديد .. إيه رأيكم

[ابن الصعيد]

الاخوة الاعزاء

اريد ان استفسر بالنسبة للمهاجر الجديد هل المدن الكبيرة والمقاطعات الشهيرة

ك اونتاريو وكيبيك افضل ولا المقاطعات صغيرة العدد

مع العلم ان التنقل باسرة بين المدن والولايات شئ صعب

مصاريف وبحث عن منزل ومدرسة وعمل تانى

فمن البداية يجب تحديد الهدفوالمكان

لانى كما قلت ماشى بالاجراءات ومن المتوقع الوصول اغسطس 2008ان شاء اللة

لانى اقتنعت تماما بالهجرة

ورزقنا مكفول فى كل مكان

فلنشعر بادميتنا واننا احرارونعلم عيالنا كويس

ارجو الرد من الاخوة الكنديين

مع جزيل الشكر

[اسامة]

كل عام وانت بخير

اولا اريد ان اقدم تحية طيبة وعطره الى كل من فى المنتدى

واخص بالشكر :

1- الاستاذة جيهان ( شكرا جزيلا لحضرتك ) و يكفى الروح الطيبة لديها وليس روح الاحباط الكموجود فى المنتدى و الذى اصبح يحث ان كندا شىء سىء ولكن انا متاكد فى جميع الاحوال انها افضل من مصر تماما كحياة كريمة تعيشيها

2- الاستاذ ايهاب سالم لمجهود الممتاز فى الصور الرائعة وروحه الجميلة جدا

3- الاستاذ نصر

4- الاستاذ وجدى ( واصبح هناك فترة كبيرة لم نسمع منه شىء عن كيبيك )

5- و اخيرا عمدتنا الاستاذ هادى مع كلامه الرائع و المتنقد فى بعض الاحيان عن كندا ومصر

اخيرا انا اتمنى شيئئان لتنفيذ المستهدف من ذلك المنتدى وهو كندا :

1- ان كل من يقيم بكندا يحكى لنا سيرته الذاتية حتى نعرف كيف اتخذ قرار الهجرة وكيف حقق النجاح هناك بعد فترة و ماهى الصعوبات و المقومات التى ساعدته على تحقيق هدفه

2- اعتقد ان اصعب شىء للمهاجر الجديد فى كندا هى ايجاد العمل من اول يوم و عليه ارجو من سيادتكم كلكم ان تفكروا فى حل لهذة المشكلة لن هذا بجد هى المساعدة الحقيقة للمهاجريين الجدد و يجب ان تفكروا فى اقامة شبكة علاقات عن طريق الانترنت لتوظيف المهاجرين الجدد لدى وصلهم حتى ولو بمقابل مادى او مالى يمول هذة الشبكة لن هذه هى اهم خطوة فى الهجرة اذا بدات بشكل سليم ستوفر وتحل مشاكل كثيرة لكل المهاجرين

ولكم منى جميعكم كل الشكر والترحيب وكل عام وانتم بخير

اسامة

[Gihan]

صباح الخير من عندنا او مساء الخير من عندكم

اولا اعيزة احيى كل الاخوة اللى اشتركوا فى المناقشة عن كندا كل واحد فينا عبر عن وجهة نظر مختلفة لكن صحيحة ودة لان كل واحد فينا لة ظروف وشخصية و ماضى مختلف

الا خ التاية موضوع اختيار البلد دة كمان مسالة نسبية حسب الواحد عايز اية

مميزات المدن الكبيرة

- فرص العمل اكتر - المواصلات اسهل يعنى لو عايش فى مونتريال وحتى ضواحيها ممكن تستغنى عن العربية وتستعمل المواصلات العامة اللى بالمناسبة لا تمت بصلة للى بنسمية مواصلات عامة فى مصر -الجالية العربية اكبر فى المدن وتلاقي المساجد والمدارس لتعليم العربى والدين فى ال week end للاولاد بسهولة

- فرص الخروج والفسح للعاءلة كتير ومتنوعة يعنى من الجناين العامه للقهاوى العربي الخ

مميزات المدن الصغيرة

- فرص العمل لبعض المهن زي الطب احسن -اسعار الشقق والبيوت ارخص - الحياة اهدا لانك اقرب للطبيعة - الناس اقرب لبعض يعنى مثلا جارك حييجى يتعرف عليك

- الحياة امان اكتر من المدن الكبيرة ولو ان كندا وبالذات مونتريال تعتبر من اءمن المدن في امريكا الشمالية

وعشان الاخ Lembic ما يقولش عليا اني باشوف الدنيا بمبي زى سعاد حسني :wub: حقولكم ان عيوب المدن الكبيرة هي عكس مميزات الصغيرة والعكس صحيح

اما اختيار مقاطعة كيبك فطبعا يتوقف علي معرفتك باللغة الفرنساوى او حتى قدرة تعلمك لان الحكومة بتقدم للمهاجرين اللى عايزين دروس مجانية للغة

رمضان كريم

[zamalkawy]

السلام عليكم

اخباركم ايه يا رجالتنا في كندا :wub:

بما اني من المعاصرين للهجرة لكندا من ايام فريفري و تقريبا مفيش مشاركة اتكتبت على كندا سواء من ايام مع تحياتي من كندا 1 :wub: و تقريبا دايس في كل المواقع اللي اتكلمت عن كندا سوء تجارب شخصية او موقع رسمية و علشان كدة باذن الله بفكر بعد رمضان اجمع كل المعلومات اللي جبتها عن كندا في موقع يكون في خلاصة تجارب الاصدقاء مع طبعا نشر حق الملكية الفكرية للناشر :wub:

بعد المقدمة البايخة دي علشان لو في حد اهلوي زي سي سي يعمل مش واخد باله من اسمي و يجاوب فينك يا حشيش كنت عمل احلى شغل للاهلوية :) و كمان ديسابوينمنت و ناس كتير زمالكوية هنا

المهم يا ردالة انا بفكر بعد رمضان ان شاء الله اقدم هجرة كنكا انا و اخوية و اختي اخوية متجوز و مخلف يعني نقدم كدة كلنا هل ده بيعمل ميزة ولا كل واحد يقدم لوحدة ولا ايه الظروف ؟؟

يعني كدة عايزين نروح لوكشة واحدة :) علشان نحتل البلد

لو هنتكلم على التخصاصات انا خريج محاسبة و بشتغل في شركة غاز طبيعي مرموقة في مصر و الحمد لله عندي شغلي الخاص و اكتر من موقع من المواقع المعروفة و الناجحة في مصر و الحمد لله

السؤال اللي هتسأله طيب الحياة وردي كدة في مصر هتسفر تعمل ايه ما تحمد ربنا و تخليك في مصر اقول الحمد لله نعمه مغرقاني بس مصر بلد بلا مستقبل ممكن في يوم كله يبوظ كله يتطربق

بس انا بقى مش عارف لما اقدم اقول اني محاسب و لا اتكلم بشغلي في النت الاتنين نفس سنين الخبرة اكتر من 5 سنين و الحمد لله

بالنسبة لاخوية فهو بسم الله ما شاء الله طبيب بشري معه الزمالة البريطانية في طب الاطفال و اول مصري عضو في الجمعية الكندية لطب الاطفال و كمان عضو في الجمعية الامريكية لطب الاطفال و اكتر من 26 سنة خبرة و سي في محترم جدا لانه الحمد لله متميز جدا في شغله

اختي بقى خريجة اعلام تربوي و عنده خبرة شغل كويسة بس بصراحة مش عارف كم سنة

النصيحة بقى من رجالتنا في كندا :)

[نصر]

http://www.cic.gc.ca/english/skilled/qual-1.html تم تعديل 17 أكتوبر 2006 بواسطة نصر

[zamalkawy]

يا سلام عليك يا استاذ نصر بتحرجنا بذوقك :blush: و اهو تلاقي حد زمالكوي يناكف فيك في كنكا :wub: عموما ان شاء الله بعد رمضان بنستعد لتوفير خدمات محترمة للاخوة المهاجرين على الانترنت من نقل اذاعي و تلفزيوني مجاني ان شاء الله على فكرة يا استاذ نصر انا بذيع ماتشات الزمالك صوت و صورة و ذعنا ماتش مصر بتاع النهاردة بس للاهلي بصراحة مبقدرش:o

عموما الواحد يهرب من مصر قبل ما مشروع التدريع اللي عملوه جوزيه ينتشرB)

[اسامة]

http://www.cga-ontario.org/contentfiles/be...on_process.aspx

حيخدوا 300 لحلوح كندى و يبعتولك تقييم للمؤهل و لما تقدم هذا التقييم فى Interview حيعملك credit جامد لأنك علشان تشتغل كمحاسب فى كندا مفروض يبقى معاك CGA هما هيقيموك فى Grade 3 يعنى يبقى باقى ليك حوالى 9 Subjects من أصل 21 و تخلص CGA

الاستاذ نصر تحية طيبة وبعد

انا انهيت دراسة MBA من الاكاديمية العربية فى مصر بعد انهاء بكالوريوس تجارة من جامعة عين شمس هل ده يعمل credit فى CGA و هل انت فعلا متاكد من معلومة ان بعد التقييم ببكالوريوس حيبقى باقلى 9 مواد فقط .

وهل MBA لوحدها كيفيه لعمل محاسب او رئيس حاسبات بعد ما اعدلها فى كندا ولا مالهاش لازمه

استاذ نصر واضح انك خلفيه عن المحاسبين والمعلومة بتاعت CGA مهمة جدا جدا جدا ز فارجو ان تساعدنى و تفيدتنى بمعلومات عن مهنة المحاسبين فى كندا و هل استطيع بعد ان اصل كندا ان ابدء بمحاسب مساعد او Book keeper

و انا فى انتظر الرد وشكرا لسيادتكم

اسامة

[ابن الصعيد]

شكرا الاخت جيهان على الرد الرائع والسريع

ولكن تكملة سؤالى

هناك مقاطعات عدد سكانها صغير بالمقارنة باونتاريو او الكيبيك

مثل مانيتوبا او البرتا او برنس ادوارد او نوفاسكوتا عل المحيط

هل هى افضل نسبيا من اوتاريو

او مميزات ان يكون عرب ومسلمين اكثر دى ميزة كويسة

انا عارف ان دة نسبى ولكن يهمنا رايكم كندا كبيرة جدا

كمان ما فى احد اتكلم على الطقس هناك واحسن فصول السنة والناس بتعمل اية فى برد الشتاء القارص

والف شكر للجميع

ورمضان كريم